Lk 10:22 - Ikan feg

²² Ìmə Mbaʼ fə nàʼ ighi ijìm inum. Chəyi wə̀d ne taŋ kyèri Ŋwan chèyi ane Mbaʼ. Chəyi wə̀d ne bə taŋ kyèri Mbaʼ chèyi ane Ŋwan fɔrɔ bəd mbe ne Ŋwan kɔ̀ŋi ni ghì gha mbe kyeri Mbaʼ.”

Meta’

²² “Mɨ Mbǎʼ fə naʼ ɨghɨjìm ɨ num. Chəi wə̀d mɔʼɔ əŋgu nɨ jeŋgɨ kyerɨ Wan chè rɨ ənɨ Mbǎʼ. Chəi bəi wə̀d mɔʼɔ əŋgu nɨ bə jeŋgɨ kyerɨ Mbǎʼ chè rɨ ənɨ ə Wan fɔrɨ wə̀d we nɨ Wan də̀b nɨ chwi əməd ɨ bɔ.”

Lk 10:22 ပူးပေါင်းရင်းမြစ်များ

Matìyò 11:25

Anyumə̀ we ne Yeso yaya ghàmà ane, wì ya gha, “Ìmə Mbaʼ, Anɔŋisəg ne beri ikaŋ fɔrɔ ìseg, mə nàʼ məyakà ine imbə̀ʼ icheg ne àghò nə̀m inug mbo̰ abə bəd mbe ne kɔ̀ndɔ gha mbɔb bèrì iwe bə̀ kyèri inug, si chwi yaʼ abə bɔn kwa.

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Jn 1:18

Chəyi wə̀d mɔ̀ʼɔ ne kweʼì bàd Ŋwiye. À ya məyi Ŋwan we imɔʼ ne yaʼi iban Mbaʼ ne ghi gha bəd kyeri wə̀d ne Ŋwiye yaʼi ìwiwən.

Jn 10:15

Mə kyèri ìmə Mbaʼ, kwàʼ icheg ne wì bə kyèri amə. Mə fə bḛ ni ku imbə̀ʼ ìtum njə̀g.

Jn 13:3

Yeso ya kyeri gha, Mbaʼ məd fə zì inug ijìm ibo ikye abo. Wì ya bə̀ kyèri gha, Ŋwiye ya tɔm aməd igun isəg, ane, wì biri ywiri bə̀ndì ghò abɔ̀ʼ Ŋwiye ne ya Mbaʼ məd.

Jn 17:10

Bəd məjìm mbe ne yaʼi ìmbe ya bə̀ ìmbum. Bəd məjìm mbe ne bə yaʼ ìmbum ya bə̀ ìmbe. Bəd ya ghùmnə amə imbə̀ʼ awɔb.

Jn 17:2

Àghò fə nàʼ ika ibo igun bəd məjìm ni ghì gha wì nàʼ ìtḛ̀ ighə̀m imɔʼ abə bəd məjìm mbe ne àghò nàʼi ibo.

Jn 17:26

Mə fə ghì mbi kyeri awe. Mə biri chè imbìghè ni ghì gha mbe taŋ kyèri awe. Ane, àghò biri kɔ̀ŋ awɔb kwàʼ icheg ne àghò bə kɔ̀ŋ amə, mə bə̀ yaʼ ane anug amɔʼ tì inɔb.”

Jn 17:5

Ìmə Mbaʼ, ghìyə mə beri ighumni we ne tì ya fɔrɔ bèrì bɔŋ àghò ya se tànga isəg.”

Jn 3:35

Mbaʼ kɔ̀ŋ ìwi Ŋwan. Ane, wì fə sàŋì inug ijìm ibo ikye ibo.

1 Kɔrèn 15:24

Anyumə̀ ne wì biri ghì ane, ìnwḭ biri si yèʼe. Ane nyumə̀ we, Kristo biri nimni izwighi ijìm mbe ne yaʼi ikaŋ, nìmni izwighi ijìm ne yaʼi inga ifə, bə̀ nìmni izwighi ijìm ne yaʼi inga isəg, si nàʼ anug ìfɔ̀n abə Ŋwiye ne yaʼi Mbaʼ.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Efesùs 1:21

Kristo ya amad anìŋ se tùmbə̀ izwighi ijìm mbe ne yaʼi ikaŋ, ka bèyi mbe ne beri ika. Ikum məd chè tikum tijìm igun isəg fɔrɔ inga isəg we ne kiri yèʼe.

Mə̀Hibrù 2:8

ni tùmbì ighi ijìm.” Ane, Ŋwiye ya nàʼ ika ibo ni tùmbì ighi ijìm ne chəyi wì chi àze mɔ̀ʼɔ ka. Si ya gha, amad anìŋ, chəyi te bàrà gha məd we tùmbə̀ ighi ijìm.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

2 Jɔn 1:9

Wə̀d ne chəyi wì chè imbìghè ni ghì inug mbe ne Kristo chwìti, chəyi tengàŋ yaʼi ane anug amɔʼ tì Ŋwiye. Wə̀d ne chè imbìghè ni ghì inug mbe ne Kristo chwìti, ya wə̀d ne yaʼi ane anug amɔʼ tì Ŋwiye fɔrɔ Ŋwan Ŋwiye.