Lk 10:2 - Ikan feg

² Wì ya ghà inɔb gha, “Ighi ni niŋ a mben mbe nɔ̀ʼ, si ya gha, bəd àfàʼì kə. Mbə̀ chaʼra Ŋwiye, ghà abə Anɔŋisəg ni beri mben gha, wè cha bəd àfàʼì ni biri niŋ ighi a mben məd.

Meta’

² Wɨ̀ nyaʼa ghà əmbɨ mɨ̀mə̌d ni, “Ɨghɨ nɨ kwə̀ŋ ə nɔʼ, àyɨə bə̂d ə̀fàʼì ə kə. Əne mbə̀ kɔŋgɨ Ə̀nùŋɨ̀sɨg nɨ berɨ mbeŋ ni wɨ̀ cha bə̂d ə̀fàʼì mbɨ wo kwə̀ŋ ɨghɨ məd.

Lk 10:2 ပူးပေါင်းရင်းမြစ်များ

Matìyò 20:1

Yeso ya ghà abə ìmbi mə̀mə̀nənùg gha, “Anug ìfɔ̀n ikaŋ ya icheg ne wə̀d ne ya du isusu ghò kə̀b bəd àfàʼì gha mbe gho fàʼ inga mben vayìn məd.

Mk 13:34

A ze icheg ne wə̀d ghò ŋa yḛ̀ yi. Bɔŋ wì se dù inga nəb, wì biri fə nàʼ àfàʼì abə ìmbi bəd àfàʼì, wə̀d tì àze àfàʼì, ìwi ndəŋ tì àzin. Wì biri bi ghà abə wə̀d ne kyèʼè achan gha wì chughi ikyèʼi.

Mk 16:15

Wì ya ghà inɔb gha, “Mbə̀ gho inga isəg ijìm, ghò ghà ikən chɔm abə bəd məjìm.

Mk 16:20

Mə̀mə̀nənùg mbe ya dù ghò ghà ikən chɔm we isiŋi ijìm. Anɔŋisəg yaya fàʼà tì inɔb icheg ne wì ya nàʼi ika inɔb mbi nè ghìyə̀ inug yeti. Wì ya nàʼ ika we inɔb ane ni chwi gha inug mbe ne mbɔb yaya ghà ya tesiʼ. À ya ane.

Lk 9:1

Yeso ya kàrì ìmbi mə̀mə̀nənùg mbe ìghum chɔ̀b ibe, nàʼ ika inɔb bə̀ chà awɔb gha mbe kamni izwighi tibɔ̀ŋ bə̀ ghù aku aghɔn ajìm.

Ɨ̀fàʼì 11:19

Anyumə̀ ne mbi ya zweti Stifə̀n, bəd Kristo mbe ne ya sàka imbə̀ʼ icheg ne mbi yaya chɔ̀ʼɔ ìmbɔb ibɔʼì ighog ya nòrò anene mbi mɔ̀ʼɔ ghò pè a Fònisìyà. Mə̀mbin ya ghò pè a Sayiprùs. Mə̀mbin ghò pè a Antìyɔ̀g. Mbi yaya yḛ̀ nè chètè ikən chɔm we məyi abə mə̀Ju.

Ɨ̀fàʼì 13:2

Anyumə̀ ne mbi yaya ghùmnə Anɔŋisəg bə̀ chùghə njèg bə̀ chàʼrà Ŋwiye, Azwighi Ŋwiye ya ghà inɔb gha, “Mbə̀ chiye Bànabàs tì Sɔl icha, nɔ̀ŋì awɔb ane àfàʼì ze ne mə̀ kari awɔb gha mbe faʼa.”

Ɨ̀fàʼì 13:4

Azwighi Ŋwiye ya tɔmɔ Bànabàs tì Sɔl. Ane, mbi ya swiʼi ghò a Sèlusìyà. Mbi ya nɔ̀ʼ angu nyi abaŋ igyi ghò a Sayiprùs.

Ɨ̀fàʼì 20:28

Mbə̀ se kyèʼrè ìtən nyàmnyɔd mbə̰ mbə̰. Mbə̀ bə se kyèʼrè bəd Kristo məjìm mbe ne Azwighi Ŋwiye chɔʼi awən ane itog bəd ne fàʼà inɔb. Mbə̀ kyeʼre ifeti bəd Ŋwiye mbe ne məd ya zo̰ ane anəm Ŋwan məd.

Ɨ̀fàʼì 22:21

Anɔŋisəg ya ghà inum gha, ‹Ndò imbə̀ʼ icheg ne mə̀ biri chà awe a sà agha abə bəd mbe ne kayi mə̀Ju.› ”

Ɨ̀fàʼì 8:4

Bəd Kristo mbe ne ya sàka yaya yḛ̀ nè ghàmà Ìngam Ŋwiye isiŋi ijìm.

1 Kɔrèn 12:28

Ŋwiye fə chɔʼ bəd inga ifeti bəd Kristo. Bəd mbègtog ya bədtɔm Kristo. Bəd ne bène abɔ̀ʼ ya bədkə̀n Ŋwiye. Bəd ne pè ane itad ya mə̀chwitinùg. Bɔŋ se nàʼà abə bəd ne ghìyə̀ iyeti inug, tì bəd ne beri tineʼi ni ghù ighɔn, tì bəd ne nàʼà àwètì abə mə̀mbin, tì bəd ne kyeri icheg ni saʼ bəd, tì bəd ne ghàmà ane tìngam iben ndəŋ.

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

2 Kɔrèn 6:1

Mbə̰ ya bəd ne fɔrɔ fàʼà tì Ŋwiye. Ane, tì ya bòʼo ibo inən gha imbə̀ʼ mbə̰ sàŋa awən gha ìchɔ̀mì we ne wì ghi inən we chè ako.

Fìlipì 2:21

Bəd ndəŋ məjìm ya zìyè atog yaʼ igun ìmbɔb inug kayi igun anug ne Yeso Kristo kə̀bi.

Fìlipì 2:25

Anug ne mə kɔ̀ndɔ ya gha, ze bɔ̀ŋ gha mə̀ ywirì chà Èpàfròditùs abɔ̀ʼ inən. Məd ya ìmə ifi ne te fɔrɔ fàʼà bə̀ yaʼ icheg sogyì icheg inum ne te fɔrɔ zɔ̀ŋɔ̀ ane anug Kristo. Məd ya bə̀ ìwən wə̀d ne mbə̀ ya cha gha wì yeʼe wètì amə.

Fìlipì 2:30

imbə̀ʼ icheg ne wì ya fə ŋa kùyə ane àfàʼì Kristo. Wì ya sɔ̀ŋ àze atog ni wètì amə ane nyùmə̀ ne chəyi tì mbə̰ ya wètì amə.

Kòlosè 1:29

Mə we kìrə ika ghìyə̀ inug ijìm ni fàʼ anug azo̰ ane ika we ne Kristo nàʼi inum.

Kòlosè 4:12

Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

1 Tèsàlonikà 2:9

Ìmba məfi fɔrɔ ìta njàbi, mbə̰ kyèri icheg ne tì yaya taŋ zìyè atog fàʼà kwàʼ ane ika. Tì yaya fàʼà ane tisi fɔrɔ izimi ni ghì gha anyumə̀ ne te ghà ikən chɔm imbə̀ʼ Ŋwiye inən, imbə̀ʼ tì yaʼ awa mbèʼ igun inən.

1 Tèsàlonikà 5:12

Ìmba məfi fɔrɔ ìta njàbi, tì we bòʼo ibo inən gha, mbə̀ ya ghùmnə itog bəd mbe ne taŋ fàʼà ni kyèʼì awən bə̀ chwìte icheg ne mbə̀ kòʼi ni chughi icheg bəd Kristo.

2 Tès 3:1

Ìmbum məfi fɔrɔ ìtum njàbi, atog anug ne mə̀ biri nwìyḛ̀ ni ghà inən ya gha, mbə̀ chaʼra Ŋwiye ina gha wì ghiyə tì chete ikən imbə̀ʼ Anɔŋisəg ghò isiŋi isiŋi, bəd zug, bḛ bə̀ ghùmni, kwàʼ icheg ne mbə̰ ya bə zug, bḛ bə̀ ghùmni.

1 Timotì 4:10

Tì ya ghìyə̀ ika ijìm ni taŋ fàʼ imbə̀ʼ icheg ne tè nɔ̀ŋì ìwa ikɔndi igun Ŋwiye ne yaʼi izɔm. Məd ya Ŋwiye we ne pùmnə bəd məjìm. Wì ya taŋ zìyè atog ni pumni bəd mbe ne bḛ aməd.

2 Timotì 4:5

Àsi awe, àghò Timotì, niŋ nyumə̀ inga inug ijìm. Nyimbi fìŋ anyumə̀ ne àghò we chè inga ngəʼ. Faʼa ni chètì ikən chɔm imbə̀ʼ ghì gha bəd yeʼe abə Kristo. Faʼa ìfàʼì ijìm mbe ne Ŋwiye zi ine ikye ibo.

Filemɔ̀n 1:1

À ya mo Pɔl, ne mə̀ yaʼi wə̀d ndəŋ anjìm Yeso Kristo fɔrɔ ìwa ifi Timotì tì ŋwàʼri àŋwàʼrì azo̰. Tì ŋwàʼrì anìŋ ine àghò Filemɔ̀n, ne yaʼi ìwa ìsə̀ʼ ne tì kɔŋi bə̀ ywìrì yaʼ wə̀d àfàʼì Kristo abɔ̀ʼ ina.

Mə̀Hibrù 3:6

Àsi Kristo ya Ŋwan Ŋwiye ne fàʼi inug ijìm abə bəd Ŋwiye kwàʼ ane ìzi fìŋ ijìm icheg ne Ŋwiye kə̀bi. Tì mə chè imbìghè ni nyimbi fìŋ bə̀ chè imbìghè ni kɔ̀m igo imbə̀ʼ ikɔndi chɔm we ne tì nɔŋi igun Ŋwiye, ane ya gha mba ya bəd Ŋwiye.

Ɨnû 2:1

Anɔŋisəg ya ghà inum gha, “Ŋwàʼra abə angirə̀ we ne kyèʼè ifeti bəd Kristo we a Efesùs gha: ‹Wə̀d we ne nyìmi titəm iməg te ìsàmbe inga àzi abo jəghi, ne wì ya yḛ̀ inga itən inam mbe ìsàmbe ne mbi tangi ane gol, wè gha,