Lk 1:17 - Ikan feg

¹⁷ Wì biri chè imbìghè abə Anɔŋisəg tì azwighi fɔrɔ ika we ne Wə̀dkə̀n Ŋwiye Èlayijà ya bèri. Wì biri ywiri fɔti mə̀mbaʼ tì bɔn. Wì biri ghì bəd tìzughə̀ bə̀ŋì fìŋ, si bèrì ikɔndi icheg bəd ne təmi kòʼ. Wì biri ghì bəd chuʼri nyɔd se ghɔ̀mɔ̀ Anɔŋisəg.”

Meta’

¹⁷ Wɨ̀ bɨrɨ wo ɨmbì Ə̀nùŋɨ̀sɨg mbɨ ɨkwɨ əzwî fɔrɨ mbɨ ɨkwɨ ɨka we nɨ Èlaijà nyaʼa berɨ. Wɨ̀ bɨrɨ beŋ fîŋ tɨ mɨ̀mbǎʼ ni mbɨ wɨrɨ ghaʼ mbə bɔn. Wɨ̀ bɨrɨ beŋ fîŋ rɨ bə̂d mbe nɨə ghɨ̀ rɨ̀zuə̀ ni mbɨ berɨ ɨwe ɨchî nɨ mbe nɨə ghɨ̀ ɨnû nɨ kuʼnɨ berɨ. Wɨ̀ bɨrɨ bɨ ghɨ ni bə̂d tekɨ ɨnyod wòm Ə̀nùŋɨ̀sɨg.”

Lk 1:17 ပူးပေါင်းရင်းမြစ်များ

Matìyò 11:14

Mbə̰ mə̀ kɔ̀ŋ ni bḛ, mbə̀ bḛ anug azo̰: Jɔn ya Èlayijà we ne bədkə̀n Ŋwiye yaya gha wì biri yeʼe.

Matìyò 14:4

Aton ne wì ya ghi mbi zì Jɔn a ndəŋ ya imbə̀ʼ icheg ne Jɔn yaya ghà ibo gha, “Chəyi mə̀nɔ̀ʼɔ̀ chwi gha àghò nam iweg ìwe ifi.”

Matìyò 3:3

Jɔn gho̰ ya wə̀d we ne wə̀dkə̀n Ŋwiye Àzayà ya ghum ghà anug imbə̀ʼ aməd gha, “Wə̀d mɔ̀ʼɔ we kyḛ inga ibad zɔbi gha, ‹Mbə̀ tangi inɔnjì abə Anɔŋisəg. Mbə̀ ghiyə mənɔnjì məd mbe təm!›”

Matìyò 3:4

Mbi ya tangi ndwi ìti Jɔn ane nyɔ̀ŋì Kàme. Wì yaya tìŋə̀ ìkɔ̀bì gɔb ane ìkyèri. Ighijəg məd ya yaʼ ngwèmi tì jɔg ne mbi yaya chìyè inga iboʼ.

Lk 1:16

Wì biri ghì bəd Izre nɔʼ nɔʼ bə̀ndì yèʼe abə Ŋwiye, ìwɔb Anɔŋisəg.

Lk 1:76

Ane, àghò, ìmə ŋwan, bəd biri ya kàrà awe gha Wə̀dkə̀n Ŋwiyekɔʼ, imbə̀ʼ icheg ne àghò biri chè imbìghè abə Anɔŋisəg ni tangi inɔnjì məd.

Jn 1:13

Chəyi mbi yaʼi bɔn Ŋwiye icheg we ne wə̀d-aku we gwìye ŋwan, kə̀ icheg we ne wə̀d-aku we chùʼrə, kə̀ icheg ne we kə̀bə̀. À ya kwàʼ məd Ŋwiye nàʼi ati inɔb gha mbe yaʼ ìmbi bɔn.

Jn 1:34

Mə fə bàd. Mə ya anìŋ fə bə̀ ghà inən gha, Aŋa ya kwàʼ Ŋwan Ŋwiye.”

Jn 3:28

Mbə̰ ya yaʼ awən angu anyumə̀ ne mə̀ ya gha, ‹Mo kayi Wə̀d we ne Ŋwiye zɔ̀ʼi. Mo ya wə̀dtɔm ne Ŋwiye ya cha ibo imbìghè.›

Ɨ̀fàʼì 10:33

Mə ya zug ane, tɔm bəd kwàʼ ati ati gha mbe yeʼe kàrì awe. Àghò fə ghì anug ne bɔŋi icheg ne àghò yèʼe. Tì ya anìŋ imbìghè abə Ŋwiye mba məjìm ni zug anug ze ne Anɔŋisəg gha ine gha àghò gha ina.”

Rm 9:23

Wì ya kə̀b ni chwi ìchɔ̀mì məd we ne chəyi ìnwḭ. Wì ya kə̀b ni chwi àsɔ̀mnəfiŋ azo̰ igun bəd məd mbe ne wì ya də̀bi ni chwi àsɔ̀mnəfiŋ inɔb. À ya bəd mbe ne wì ya fə ghum chùʼri nɔ̀ŋì gha mbi biri ghumni aməd.

Kòlosè 1:12

bə̀ nàʼà məyakà abə ìwa Mbaʼ. À ya məd fə ghi tì kòʼ ni jəg anug ìfɔ̀n ìzḛzḛ ze ne məd ya fə nɔŋi abə bəd Ŋwiye.

2 Timotì 2:21

Wə̀d mə sò ìwi nyɔd waʼ ìmbi inug tibɔ̀ŋ, wì biri yaʼ icheg akaŋ ne Ŋwiye biri niŋ aməd ni fàʼ ijiʼi inug inga. Wì biri fə zen mànì. Mbaʼ àfàʼì məd biri fàʼ tì məd icheg ne wì fə chuʼri ìwi nyɔd ni ghì inug chɔm ijìm.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.

1 Jɔn 2:28

Ìmbum bɔn ne mə̀ taŋ kɔ̀ŋ, anug ne mə ghà inən amad anìŋ ya gha, mbə̀ che imbìghè ni chughi ane ifɔti tì Kristo. Anyumə̀ ne məd ywirì yèʼe, chəyi tì biri bɔ. Chəyi tì biri bə bèrì tìnìrètog ni təm ibo imbìghè.

Ɨnû 20:4

Mə ya bàd itən ifɔn ne bəd mbe ne mbi ya nàʼi ika inɔb ni saʼ bəd ya chughi igun. Mə ya bə̀ bàd bəd mbe ne mbi ya sɔpi ìmbɔb itog imbə̀ʼ icheg ne mbɔb mbe bḛ Yeso fɔrɔ imbə̀ʼ icheg ne mbɔb mbe ghàmà Ìngam Ŋwiye. Chəyi bəd mbo̰ ya ghumni nyam kyen ze kə̀ ghumni aghi-ŋwiye məd. Chəyi mbi ya bə̀ niŋ aneni aməd igun ìmbɔb ikəŋi isi kə̀ igun ìmbɔb ibo. Mbi ya zweme ane iwu bə̀ tùmbì iben tì Kristo ane tituʼ chuʼ ifibì.