Kòlosè 4:12 - Ikan feg

¹² Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

Meta’

¹² Epafràs, nɨ yeʼ wə̀d ə̀fàʼì Kristo, nɨ bə̀ yeʼ wə̀d rəbɔʼ nən wɨə chàʼrɨ̀ əwən. Ɨ wɨə kɔ̀ŋgɨ̀ ə Ŋwiə̀ kwàʼ rɨka ɨghəm jìm kɔndɨ əwən ni mbə̀ təm kàànɨ̀ bə̀ jeŋgɨ kyerɨ ɨnû jìm mbe nɨ Ŋwìə̀ kə̀bɨ.

Kòlosè 4:12 ပူးပေါင်းရင်းမြစ်များ

Matìyò 5:48

Ane, mbə̰ bèrì ni bɔ̀ŋ mànì kwàʼ icheg ne ìwən Mbaʼ ikaŋ àbɔ̀ŋɔ bə bɔ̀ŋ mànì.”

Lk 1:1

Wə̀d kyen Tìyofilòs, bəd ndan ndàn fə ghì ìwɔb ika ni ŋwàʼrì imbə̀ʼ inug mbe ne ya du inga ìfa fìghàra.

Lk 22:44

Icheg ne wì ya yaʼi inga ngəʼ kyen, wì ya taŋ chàʼra Ŋwiye ane ìzi fìŋ ijìm. Nìme yaya se dùwə̀ igun məd chə̀mbə aseg kwàʼ icheg anəm.

Jn 12:26

Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Rm 15:14

Ìmbum məfi fɔrɔ ìtum njàbi, mə we tə̀rə̀ mə imbə̀ʼ awən imbə̀ʼ fìŋ chɔm ze ne mbə̀ beri fɔrɔ imbə̀ʼ icheg ne mbə̀ fə kyeri inug nɔʼ nɔʼ. Mbə̰ inən mbe tì mbə̀ se chwìte inug abə mə̀mbin.

Rm 15:30

Ìmbum məfi fɔrɔ ìtum njàbi, mə̀ ya bòʼo ibo inən ane ikum ìwa Anɔŋisəg Yeso Kristo fɔrɔ anjìm àkɔ̀ŋì ze ne Azwighi Ŋwiye ghi tì beri gha mbə̀ fɔti ichug abɔ̀ʼ inum taŋ chàʼra Ŋwiye inum.

1 Kɔrèn 14:20

Ìmbum məfi fɔrɔ ìtum njàbi, imbə̀ʼ mbə̰ ya kɔ̀ndɔ awən inug icheg bɔn kwa. Àmə se ane inug tibɔ̀ŋ, mbə̀ yaʼ awən abəŋ icheg bɔn kwa. Mbə̀ yaʼ icheg bɔn kwa, si ya gha, mbə̀ se kɔ̀ndɔ inug icheg bəd kyen.

1 Kɔrèn 2:6

Anyumə̀ ne tì yaʼi tì bəd ne fə təmi kà inga anug Kristo, tì ya ghàmà ane iwe. Si ya gha, ìwa iwe kayi iwe ne bəd inga isəg beri, kə̀ ne itog bəd ne sàʼa isəg gho̰ beri, ne ìwɔb ìfɔ̀n biri mèg.

2 Kɔrèn 13:11

Ìmba məfi fɔrɔ ìta njàbi, mbə̀ si chùghi icheg chɔm. Mbə̀ se kìrə ika ni təm zen mànì. Mbə̀ ya zùgrə tikə te ne mə̀ nàʼi inən. Mbə yaʼ ane ichug imɔʼ bə̀ chùghi ane àbɔrɔ̀bɔd. Ane, Ŋwiye we ne kɔ̀ŋɔ̀ awa bə̀ zìyè àbɔrɔ̀bɔd igun ina biri yaʼ tì inən.

Gàlesìyà 1:10

Mbə̰ kə kɔ̀ndɔ gha mo ya kə̀bə̀ gha bəd bḛ gha mo bɔ̀ŋ, kə̀ gha Ŋwiye bḛ gha mo bɔ̀ŋ? Kə̀ mbə̰ kə kɔ̀ndɔ gha mo ya kə̀bə̀ ni ghì inug ne biri bɔ̀ŋ yaʼ abə bəd? Indèʼ ka! Àmə yaʼ aghi ne mo ya kə̀bə̀ ni ghì inug ne biri bɔ̀ŋ yaʼ abə bəd, nji mo kayi ywìrè wə̀d àfàʼì Kristo.

Gàlesìyà 4:19

Ìmbum bɔn ne mə̀ taŋ kɔ̀ŋ, anug azo̰ imbə̀ʼ awən ze tɔ mə kwàʼ icheg tibuʼ ne àyi we nɔ̀mbɔ ni gwi. Ze biri yaʼ ane anene pè ane nyumə̀ ne mbə̀ biri bèrì ikuchèg Kristo.

Kòlosè 1:22

Amad anìŋ, Ŋwiye fə chè anjìm iwu we ne Yeso Kristo ya ku igun azed abaʼri ni mànì achɔb. Kristo ya ku ane ni chì ìmbən inug tibɔ̀ŋ bə̀ chì isaʼi igun inən, si ghì mbə̰ si yaʼ bəd ne təmi zen imbìghè abə Ŋwiye.

Kòlosè 1:28

Tì ya chètè inug imbə̀ʼ Kristo abə wə̀d ijìm. Tì ya pàta awɔb gha imbə̀ʼ mbi nɔ̀ʼ sam kə̀tə̀d Ŋwiye. Tì ya bə̀ chwìte inug inɔb ane iwe ni ghì gha, tì we tì tì niŋ bəd məjìm ne yaʼi ane ifɔti tì Kristo ghò imbìghè abə Ŋwiye ne ìwɔb ibḛfiŋ fə taŋ kà.

Kòlosè 1:29

Mə we kìrə ika ghìyə̀ inug ijìm ni fàʼ anug azo̰ ane ika we ne Kristo nàʼi inum.

Kòlosè 1:7

Mbə̰ ya zug anug imbə̀ʼ ìchɔ̀mì Ŋwiye abə Epafràs. Məd ya wə̀d àfàʼì icheg ina. Tè kɔ̀ŋ aməd. Məd ya fàʼà abə Kristo atog ina tì ìzi fìŋ ijìm.

Kòlosè 1:9

À ya aton ne, nɔ̀ʼ ane aneg ne Epafràs ya mə̀ti inug ina imbə̀ʼ ìwən ibḛfiŋ igun Kristo, chəyi tì kweʼì chughi witì ya chàʼrà Ŋwiye inən. Tì ya chàʼrà Ŋwiye gha, Ŋwiye ghiyə mbə̀ taŋ kyèri ikuchèg məd, Azwighi Ŋwiye naʼa iwe inən bə̀ ghì ìmbən itog taŋ zen.

Kòlosè 4:9

Məd we yèʼe tì Ònìsimùs ne yaʼi ìwa ifi ne tì taŋ kɔ̀ŋ. Ònèsimùs we bə̀ fàʼà ane ìzi fìŋ ijìm. Məd ya bə̀ wə̀d a Kòlosè icheg inən. Mbɔb mbo̰ məbe biri mə̀tì inug ijìm ne chè ina aŋa inən.

1 Tèsàlonikà 5:23

Məd Ŋwiye we ne ghìyə̀ bəd chùghə ane àbɔrɔ̀bɔd, wì ghiyə mbə̀ zen mànì. Ŋwiye ghiyə gha àzən azwighi tì ìtən fìŋ fɔrɔ ìtən nyàmnyɔd ya ghìyə̀ inug ne koʼi. Ane, chəyi anug tibɔ̀ŋ mɔ̀ʼɔ ne tì wə̀d mɔ̀ʼɔ ghà imbə̀ʼ awən anyumə̀ ne Anɔŋisəg Yeso Kristo biri ywiri yeʼe.

Filemɔ̀n 1:23

Epafràs ne ya bə̀ wə̀d ndəŋ icheg inum anjìm Yeso Kristo we chàʼrà awe.

Mə̀Hibrù 5:14

Tijəg ka ka ya abə bəd kyen ne fə nani inug bə̀ kyèri icha ne yaʼi inga anug tibɔ̀ŋ tì anug chɔm.

Mə̀Hibrù 5:7

Anyumə̀ ne Yeso ya yaʼi igun isəg, wì yaya chàʼrà Ŋwiye bə̀ dèghè inug abə Ŋwiye kwàʼ ane gì ka ka tì məsi ibo inga aghə. Wì yaya chàʼrà Ŋwiye ne beri ika ni chì aməd ane iwu. Ŋwiye ya zug inug ne wì yaya chàʼrà Ŋwiye ghà imbə̀ʼ icheg ne wì ya swi ìwi nyɔd aseg ni zugri Ŋwiye.

Jems 1:1

À ya mo Jem, wə̀d àfàʼì Ŋwiye fɔrɔ wə̀d àfàʼì Anɔŋisəg Yeso Kristo ŋwàʼri àŋwàʼrì azo̰. Mə ŋwàʼrì anìŋ abə tinəbi te ìghum chɔ̀b ibe ne saka isiŋi ijìm, inga iben mbe ne kayi iben mə̀Ju. Mə chàʼrì awən.

Jems 1:4

Mbə̀ che imbìghè ni nyìʼ fìŋ. Mbə̰ mə̀ taŋ nyìʼ fìŋ ane, nji ìwən ibḛfiŋ biri təm kà, ìwən ikuchèg bə̀ bɔ̀ŋ mànì, ne chəyi anug tibɔ̀ŋ mɔ̀ʼɔ ne tì wə̀d ghà imbə̀ʼ awən.

Jems 5:16

Ane, mbə̀ bḛ ìmbən inug tibɔ̀ŋ abə mə̀mbin bə̀ chàʼra Ŋwiye gha wì ghuyə bəd ne ghɔ̰̀. Ichaʼri Ŋwiye ìwi wə̀d ne təmi kòʼ ya bèrè ika bə̀ fàʼà inug kwàʼ icheg chɔm.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

Jûd 1:24

Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.