Kòlosè 3:9 - Ikan feg

⁹ Icheg ne mbə̀ fə waʼi ìwən ikuchèg anun we ne yaya tḭ̀yḛ̀ awən mbə ghìyə̀ inug mbe ne ìtən nyàmnyɔd te ghə̀ʼrə̀, imbə̀ʼ mbə̰ ya ghàmà awən inug ako igun mə̀mbin.

Meta’

⁹ Tɨ mbə̀ gha ə mɨghab əmbɨ mbə bɔŋgɔb, ɨmbə̀ʼ ɨghəm nɨ mbə fə waʼ nyamnyod ənun bə̀ waʼ ɨnû ənun mbe nɨ mbə̀ nyaʼə ghɨ̀ə̀.

Kòlosè 3:9 ပူးပေါင်းရင်းမြစ်များ

Jn 8:44

Mbə̰ ya bɔn Debrə̀ we ne yaʼi ìwən mbaʼ. Mbə̰ ya kə̀bə̀ ya ni ghì məyi inug mbe ne ìwən mbaʼ kə̀bi. Məd yaya zwète bəd kwàʼ ane isəg ya ko. Chəyi wì kweʼì bḛ tesiʼ imbə̀ʼ icheg ne chəyi tesiʼ yaʼi inga məd. Anyumə̀ ne we ghà inug ako, wì ya fàʼà yaʼ àzi atog àfàʼì imbə̀ʼ icheg ne məd ya wə̀d inug ako. Məd ya bə̀ wə̀d ne inug ako ijìm nɔʼi ibo.

Rm 6:6

Tè kyèri gha Yeso ya fə bèʼì ìwa ikuchèg anun ne ya ikuchèg tibɔ̀ŋ ku igun azed abaʼri tì ìwiwən ni chìkì ika inug tibɔ̀ŋ igun ina. Wì ya ghì ane ni gha imbə̀ʼ tì ywiri yaʼ awa məfeg abə inug tibɔ̀ŋ.

Efesùs 4:22

Mbə̀ waʼ ìwən ikuchèg anun we ne yaya ghìyə̀ mbə se gùghə̀ inug. Ikuchèg we yaya chìkə̀ awən ghìyə̀ mbə se kɔ̀ŋɔ̀ yaʼ inug mbe ne ghìyə̀ mbə fèbrè.

Efesùs 4:25

Wə̀d imɔʼ imɔʼ abɔ̀ʼ inən waʼ inug ako se ghàmà məyi tesiʼ imbə̀ʼ mə̀mbin imbə̀ʼ icheg ne tì fə si bəd imɔʼ anjìm Kristo.

Kòlosè 3:8

Àsi amad anìŋ, mbəʼ mənyìʼ waʼ tiku inug te. Inug mbe ya inug icheg: agaŋ tì iswḛ fɔrɔ adɔʼ. Imbə̀ʼ mbə̰ ya chìkə̀ awən tikum bəd. Imbə̀ʼ mbə̰ bə bḛ awən gha ìngam zu zu duwə inən ichug.

1 Timotì 1:10

Mə̀nɔ̀ʼɔ̀ ya bə̀ yaʼ abə bəd ne ghìyə̀ ifanì inug tì izṵ inug tì bəd ne fèndè bəd tì bəd ne ghàmà inug ako, tì bəd ne zɔ̀mɔ̀ nyɔd kiri gha anug ako, fɔrɔ bəd ne ghìyə̀ tiku inug ndəŋ ne chəyi mbi koʼi tì tikə Ŋwiye.

Ɨnû 21:27

Chəyi aghi mɔ̀ʼɔ ne chəyi ze zḛ biri nɔʼ nyi inga aben ze, kə̀ àkə wə̀d ne ghìyə̀ inug ne nàʼà tìnìrètog, kə̀ wə̀d ne ghà inug ako. À ya məyi bəd mbe ne mbi ŋwaʼri ìtɔb tikum inga àŋwàʼrì Ŋwan njə̀g ze ne mbi ŋwaʼri tikum bəd mbe ne biri jəg ìtḛ̀ biri nyi inga aben ze.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 22:15

Bəd mbe ne yaʼi anjìm isəg ane asiŋi ze ya bəd inug tibɔ̀ŋ tì bəd ne ghìyə̀ tikaŋì tì bəd ne nɔ̀kɔ̀ mə̀yi kə̀ nɔ̀kɔ̀ mbaŋà abu abu tì bəd ne zwète mə̀mbin, tì bəd ne ghùmnə mə̀ŋwiye fɔrɔ bəd ne kɔ̀ŋɔ̀ ni ghà inug ako bə̀ kɔ̀ŋɔ̀ ni ghì inug iji.