Kòlosè 3:22 - Ikan feg

²² Mbə̰ məfeg, mbə̀ ya zùgrə bəd mbe ne mbə̰ mbe fàʼà inɔb igun isəg kwàʼ ane inug ijìm. Imbə̀ʼ mbə̰ ya zùgrə awən awɔb məyi anyumə̀ ne mbɔb mbe nḛ̀ awən imbə̀ʼ icheg ne mbə̰ mbe kə̀bə̀ gha mbɔb ya gyḛ̀ awən. Mbə̀ ya zùgrə awɔb kwàʼ ane fìŋ zḛ zḛ imbə̀ʼ icheg ne à ya ighumni ne mbə̰ mbe nàʼà abə Anɔŋisəg.

Meta’

²² Ɨ̀bòʼò, mbə̀ zuunɨ mbə mɨ̀mbǎʼ ə̀fàʼì mbe rɨ ɨgwɨ ə si ənɨ ɨnû jìm. Tɨ mbə̀ zuunɨ ə mɨ̀mə̌d àmei ənɨ mbɨə neŋ əwən, ɨmbə̀ʼ mbɨ ghaʼ əwən. Mbə̀ faʼ əmbɨ mɨ̀mə̌d ənɨ tə fîŋ rɨ̀jìm, fàʼə̀ bɔ Ə̀nùŋɨ̀sɨg.

Kòlosè 3:22 ပူးပေါင်းရင်းမြစ်များ

Matìyò 6:22

Yeso ya chè imbìghè gha, “Ighə ya anam abə nyàmnyɔd. Ìwe ighə mə̀ yaʼ ìwi chɔm, ìze nyàmnyɔd ijìm biri zen.

Matìyò 8:9

Aton ya gha, mo inum ya wə̀d ne yaʼi aton wə̀d kyen. Mo ya bə̀ atog wə̀d abə mə̀sogyì. Mə mə̀ ghà abə ìwi mɔ̀ʼɔ gha, ‹Ndò!› Wì ya ghò. Mə mə̀ ghà abə ìwi ndəŋ gha, ‹Yeʼe!› Wì ya yèʼe. Mə mə̀ ghà abə wə̀d àfàʼì gha, ‹Ghiyə anìŋ!› Wì ya ghìyə̀.”

Lk 6:46

Yeso ya bə̀ ywìrì gha, “Aton ne mbə̰ mbe kàrà amə gha, ‹Anɔŋisəg, Anɔŋisəg›, chəyi mbə̰ mbe bə̀ fàʼà anug ne mə ghà àkə gha?

Lk 7:8

Mo inum we aton mə̀sogyì kyen. Mə bə̀ bèrì mə̀sogyì kwa kwa aton inum. Mə mə̀ ghà abə sogyì mɔ̀ʼɔ gha, ‹Ndò,› wì ya ghò. Mə mə̀ bə̀ ghà abə ìwi ndəŋ gha, ‹Yeʼe,› wì ya yèʼe. Mə mə̀ ghà abə ìmə wə̀d àfàʼì gha ‹Ghiyə anìŋ,› wì bə ghì ane.”

Ɨ̀fàʼì 2:46

Ineg ijìm, mbi yaya chè imbìghè ni ya fète inga ikam mbàn Ŋwiye. Mbi yaya jə̀ghə itari anəb anəb ane igyendi fɔrɔ ane fìŋ ifibì.

2 Kɔrèn 7:1

Ìmbum mə̀sə̀ʼ ne mə̀ taŋ kɔ̀ŋ, icheg ne Ŋwiye kàʼi ni fàʼ inug mbo̰ ina, tè chiye ìwa nyɔd fɔrɔ àza azwighi ane inug ijìm mbe ne ghìyə̀ ghà wə̀d ghiyə inug tibɔ̀ŋ se fàʼà inug ijìm inga ìzḛzḛ bə̀ bɔ Ŋwiye.

Gàlesìyà 1:10

Mbə̰ kə kɔ̀ndɔ gha mo ya kə̀bə̀ gha bəd bḛ gha mo bɔ̀ŋ, kə̀ gha Ŋwiye bḛ gha mo bɔ̀ŋ? Kə̀ mbə̰ kə kɔ̀ndɔ gha mo ya kə̀bə̀ ni ghì inug ne biri bɔ̀ŋ yaʼ abə bəd? Indèʼ ka! Àmə yaʼ aghi ne mo ya kə̀bə̀ ni ghì inug ne biri bɔ̀ŋ yaʼ abə bəd, nji mo kayi ywìrè wə̀d àfàʼì Kristo.

Kòlosè 3:20

Mbə̰ bɔn, mbə̀ ya zùgrə ìmbən mə̀mbaʼ fɔrɔ ìmbən mbì ngɔb kwàʼ ane inug ijìm imbə̀ʼ icheg ne à ya ikuchèg ne Anɔŋisəg kə̀bi gha mbə̀ bere.

1 Tèsàlonikà 2:4

Anug ne angu ya gha, tì we ghà məyi icheg ne Ŋwiye kə̀bi gha tì gha. Wì fə niŋ awa ane bəd ne kòʼi gha wì ziye ikən chɔm gho̰ ina ikye ibo. Chəyi te ghà ikən chɔm ni ghì gha fìŋ abə bəd bɔŋɔ. Tì ya ghà yaʼ icheg ne ze biri bɔ̀ŋ abə Ŋwiye we ne kyeri ìta fiŋ inga.

Filemɔ̀n 1:16

Ane, chəyi àghò biri ywiri niŋ aməd icheg ifeg. Àghò biri si niŋ aməd icheg wə̀d ne beri ati chè ifeg. Məd ya ìwa ifi chɔm inga Kristo. Məd bèrì àfàʼì ne tì wì wete amə. Si ya gha, mə kyèri gha məd biri bèrì àfàʼì ne tì wì wete awe chè icheg ne məd we wètè amə. Məd biri yaʼ ine icheg wə̀d àfàʼì fɔrɔ icheg ifi ne tì yaʼi ane ifɔti tì Anɔŋisəg.