Kòlosè 3:16 - Ikan feg

¹⁶ Mbə̀ taŋ nyìmi ìngam Kristo inga ìtən fìŋ kwàʼ icheg chɔm. Mbə̀ ya chwìte ìngam we abə bəd bə̀ kə awən mbə̰ mbə̰ ane iwe we ne Ŋwiye nàʼi inən. Mbə̀ ya ghìyə̀ ane ane tikyèg te ne du inga Àŋwàʼrì Ŋwiye tì tikyèg te ne bəd mbe zə̀ʼə̀ ne ghùmnə Ŋwiye fɔrɔ tikyèg te ne Azwighi Ŋwiye ze nàʼà. Mbə̀ ya zə̀ʼə̀ ane, nàʼà məyakà abə Ŋwiye.

Meta’

¹⁶ Ɨŋgam ɨmbə̀ʼ ə Kristo kaŋ tèn ɨŋga tə fîŋ kwàʼ ɨchî chɔ̀m. Mbə chwi ɨnû, bə̀ kəərɨ mbə bɔŋgɔb ənɨ ɨwe jìm. Mbə̀ kwerɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî naʼ əmbɨ ə Ŋwiə̀. Mbə̀ ghɨ əne mbɨ ɨghaʼi kyeŋ ɨŋga tə fîŋ.

Kòlosè 3:16 ပူးပေါင်းရင်းမြစ်များ

Matìyò 26:30

Anyumə̀ ne mbi ya fə jəghi itari we, mbɔb ya zə̀ʼ ikyeg, si nɔ̀ʼ dù ghò ikaŋ iwum mə̀Olìf.

Lk 2:51

Ane, Yeso ya bə̀ndì ghò a Nazarèd tì inɔb. Wì yaya zùgrə awɔb. Ngɔb məd ya zug inug mbo̰ ijìm nyìmi inga fìŋ.

Jn 15:7

Mbə̰ mə̀ chughi ane anug amɔʼ tì inum, ìmə ìngam bə̀ yaʼ inga inən, aghi ne mbə nɔ̰ Ìmə Mbaʼ, wì biri nàʼ inən.

Rm 10:17

Ane, bəd ya nɔ̀ŋɔ̀ ibḛfiŋ igun Yeso Kristo anyumə̀ ne mbi ya zughi ikən chɔm imbə̀ʼ aməd. Bəd biri zug ikən chɔm gho̰ abə bəd mbe ne biri ya chètè ikən chɔm imbə̀ʼ Kristo.

Rm 15:14

Ìmbum məfi fɔrɔ ìtum njàbi, mə we tə̀rə̀ mə imbə̀ʼ awən imbə̀ʼ fìŋ chɔm ze ne mbə̀ beri fɔrɔ imbə̀ʼ icheg ne mbə̀ fə kyeri inug nɔʼ nɔʼ. Mbə̰ inən mbe tì mbə̀ se chwìte inug abə mə̀mbin.

1 Kɔrèn 14:15

Aghi ne mə̀ beri ni ghì amad anìŋ àkə aghə? Mə biri ya chàʼrà Ŋwiye ane àmə azwighi, bə̀ chàʼrà Ŋwiye ane ìngam ne mə zùghə. Mə biri ya zə̀ʼə̀ ikyeg ane àmə azwighi bə̀ zə̀ʼə̀ ikyeg ane ìngam ne mə zùghə.

1 Kɔrèn 14:26

Ìmbum məfi fɔrɔ ìtum njàbi, tì kə ywìrè gha? Anyumə̀ ne mbə̀ fɔti asiŋi afibì ni ghumni Ŋwiye; Wə̀d ne beri ikyeg wì zəʼə. Wə̀d ne beri ikə wì naʼa. Wə̀d ne beri anug ne Ŋwiye chwi ibo, wì toʼro. Wə̀d ne chàʼrà Ŋwiye ane tìngam iben ndəŋ, wì chaʼra. Wə̀d ne tòʼrò tìngam te, wì toʼro. Inug mbo̰ ijìm mənyìʼ yaʼ ni ghì gha bəd inga ifeti bəd Ŋwiye mbe təm kà.

Efesùs 1:17

Mə ya chè imbìghè ni ya chàʼrà Ŋwiye gha, Ŋwiye ìwi ìwa Anɔŋisəg Yeso Kristo ne yaʼi Mbaʼ ne bèrì ighumni ijìm, wì naʼa Àzi Azwighi inən imbə̀ʼ Ze ghiyə awən mbə̀ bere iwe. Mə we bə̀ chàʼrà Ŋwiye gha wì chwi tesiʼ imbə̀ʼ Ŋwiye inən imbə̀ʼ mbə̀ kyere aməd icheg chɔm.

Efesùs 5:17

Ane, imbə̀ʼ mbə̰ yaʼ awən icheg inen. Mbə̀ ziye atog ni kyeri anug ne Anɔŋisəg kə̀bi.

Efesùs 5:19

Mbə̀ ya zə̀ʼə̀ tikyeg abə wə̀d imɔʼ imɔʼ. Mbə̀ zəʼə mə̀sam tì tikyeg ne ghùmnə Ŋwiye tì tikyeg ne Azwighi Ŋwiye ze nàʼà. Mbə̀ ya zə̀ʼə̀ tikyeg te ghùmnə Anɔŋisəg ane fìŋ ijìm.

Efesùs 5:26

Wì ya ghì ane ni sò awɔb gha mbe zen, bə̀ sò awɔb ane Ìngam Ŋwiye icheg ne mbe sò wə̀d ane mənib.

Kòlosè 1:28

Tì ya chètè inug imbə̀ʼ Kristo abə wə̀d ijìm. Tì ya pàta awɔb gha imbə̀ʼ mbi nɔ̀ʼ sam kə̀tə̀d Ŋwiye. Tì ya bə̀ chwìte inug inɔb ane iwe ni ghì gha, tì we tì tì niŋ bəd məjìm ne yaʼi ane ifɔti tì Kristo ghò imbìghè abə Ŋwiye ne ìwɔb ibḛfiŋ fə taŋ kà.

Kòlosè 1:9

À ya aton ne, nɔ̀ʼ ane aneg ne Epafràs ya mə̀ti inug ina imbə̀ʼ ìwən ibḛfiŋ igun Kristo, chəyi tì kweʼì chughi witì ya chàʼrà Ŋwiye inən. Tì ya chàʼrà Ŋwiye gha, Ŋwiye ghiyə mbə̀ taŋ kyèri ikuchèg məd, Azwighi Ŋwiye naʼa iwe inən bə̀ ghì ìmbən itog taŋ zen.

Kòlosè 4:6

Mbə̀ ghiyə gha ìngam we ne dùwə̀ inən ichug we yaʼ ìwi chɔm ne tì wi wètì bəd. Ane, mbə̰ biri kyeri ikuchèg chɔm ni ywìtì inug abə bəd.

1 Tèsàlonikà 1:8

Bəd fə zug ikən chɔm imbə̀ʼ Anɔŋisəg ne mbə̰ mbe chètè inga isiŋi ijìm a Màsèdonìyà fɔrɔ inga Akìyà. Bəd inga isiŋi ijìm fə zug inug imbə̀ʼ icheg ne ìwən ibḛfiŋ təmi kà inga Ŋwiye. Ane, chəyi tì beri ni ywìri gha anug mɔ̀ʼɔ imbə̀ʼ ìwən ibḛfiŋ abə bəd.

1 Tèsàlonikà 4:18

Ane, mbə̀ se nə̀rə fìŋ abə wə̀d imɔʼ imɔʼ ane ìngam gho̰.

2 Tès 3:15

Si ya gha, imbə̀ʼ mbə̰ si nḛ awən iku wə̀d we icheg wə̀d ìpàb. Mbə̀ pati aməd icheg ìwa ifi mba bəd Kristo.

1 Timotì 6:17

Àsi abə bəd ikab mbe ne yaʼi igun isəg gho̰, ghà inɔb gha, imbə̀ʼ mbi nɔ awɔb nyɔd, kə̀ bì nɔ̀ŋì ìwɔb ikɔndi igun ikab we ne chè yi che. Mbe nɔŋɔ ikɔndi yaʼ igun Ŋwiye we ne nàʼà ighi ina abu abu. Məd ya nàʼà ighi ina ni gha tì chughi icheg chɔm.

2 Timotì 3:15

Àghò bə̀ wèndi gha, ni ko ane nyumə̀ ne àghò ya yaʼi ŋwan kwa, àghò ya fə kyeri Ìngam Ŋwiye. À ya Ìngam Ŋwiye we biri nàʼ iwe ine ni ghì gha àghò pum anjìm icheg ne àghò nɔ̀ŋì ibḛfiŋ igun Yeso Kristo.

Tayitùs 3:6

Ŋwiye ya chè anjìm Yeso Kristo ne pùmnə awa nàʼ àzi Azwighi ina abu abu.

Jems 1:5

Wə̀d mɔ̀ʼɔ mə̀ yaʼ abɔ̀ʼ inən ne chəyi wì beri iwe, tengàŋ nɔn iwe abə Ŋwiye. Ŋwiye we ne nàʼà ighi abə bəd abu abu bə̀ nàʼà ane fìŋ chɔm, wì biri nàʼ iwe ibo.

Jems 3:17

Àsi iwe we ne Ŋwiye nàʼi ya iwe ne ghìyə̀ bəd ghìyə̀ inug zḛ zḛ. Wi ya ghìyə̀ bəd chùghə ane àbɔrɔ̀bɔd bə̀ bèrè fìŋ bɔ̀ti bɔti. Bəd ne beri iku iwe gho̰ ya dìgrè igun mə̀mbin bə̀ zùghə anug ne bəd ndəŋ mbe ghà. Chəyi bəd ne beri iku iwe gho̰ mbe ghìyə̀ ighə kə̀ bə̀ŋə̀ inug.

Jems 5:13

Wə̀d mɔ̀ʼɔ abɔ̀ʼ inən we wa inga ngəʼ? Tengàŋ chàʼra Ŋwiye. Wə̀d mɔ̀ʼɔ abɔ̀ʼ inən we wa gyènde? Tengàŋ zəʼə tikyeg ghùmni Ŋwiye.

1 Jɔn 2:14

Mə ya ŋwàʼrà anìŋ inən, ìmbum bɔn ne mə̀ taŋ kɔ̀ŋ imbə̀ʼ icheg ne mbə fə kyeri Mbaʼ. Mə ya ŋwàʼrà anìŋ inən, mbə̰ mə̀mbaʼ imbə̀ʼ icheg ne mbə fə kyeri aməd we ne ya bi yaʼ bɔŋ Ŋwiye ya se tànga isəg. Mə ya ŋwàʼrà anìŋ inən, mbə̰ ngwàʼ bɔd imbə̀ʼ icheg ne mbə bèrì ika. Ìngam Ŋwiye we bə̀ fàʼà inga inən. Mbə fə bə̀ màʼ chè Wə̀d tibɔ̀ŋ.

1 Jɔn 2:24

Àsi awən, inug mbe ne mbə̀ ya zughi anyumə̀ ne mbə̀ ya bḛ Kristo, mbə̀ kirə ika ni nɔ̀ŋì inən inga fìŋ. Mbə̰ mə̀ nɔ̀ŋì inug mbe inən inga fìŋ, mbə biri yaʼ ane ifɔti tì Ŋwan fɔrɔ tì Mbaʼ.

1 Jɔn 2:27

Àsi awən, Azwighi Ŋwiye ze ne Ŋwiye ya nàʼi inən kiri biri inga inən. Chəyi mbə̀ ywirì kòʼ ni gha wə̀d mɔ̀ʼɔ chwiti inug inən. Ane, Azwighi məd ze chwìte inug ijìm inən. Inug mbe ne Azwighi Ŋwiye ze chwìte ya tesiʼ. Ane, mbə̀ chughi ane ifɔti tì Kristo.

2 Jɔn 1:2

Mə kɔ̀ŋ awən ane imbə̀ʼ icheg ne tesiʼ imbə̀ʼ Ŋwiye we inga ina. Tesiʼ we biri bə yaʼ tì ina ane ighə̀m imɔʼ.

Ɨnû 14:3

Bəd mbe chuʼ iki ifibì tì ìghum ikwè chɔ̀b ikwè ya təm imbìghè abə atən ifɔn, imbìghè abə ighi izɔm ikwè mbe fɔrɔ imbìghè abə itog bəd mbe, se zə̀ʼə̀ ikyeg feg. Chəyi wə̀d mɔ̀ʼɔ ne tì wì ya kwembi ikyeg we chèyi ane bəd mbe chuʼ iki ifibì tì ìghum ikwè chɔ̀b ikwè ne Ŋwiye ya zeri awɔb igun isəg.

Ɨnû 15:3

Mbɔb yaya zə̀ʼə̀ ikyeg we ne Muse, wə̀d àfàʼì Ŋwiye ya zə̀ʼi. À ya ikyeg ne Ŋwan njə̀g ya bə zə̀ʼ. Ikyeg we ya gha, “Àghò we fàʼà iyeti inug kyen kyen. Àghò ya Anɔŋisəg, Ŋwiyekɔʼ. Ìmbe mənɔnjì təm kòʼ bə̀ yaʼ mənɔnjì tesiʼ. Àghò ya ifɔn igun bəd məjìm inga iben ijìm.

Ɨnû 19:10

Mə ya zug ane, si gùndi aseg ibo imbìghè ni ghumni aməd. Si ya gha, wì ya ghà inum gha, “Imbə̀ʼ àghò ghiyə awe ane! Mo ya wə̀d àfàʼì abɔ̀ʼ ine tì ìmbe məfi fɔrɔ ìte njàbi te ne ghà tesiʼ imbə̀ʼ Yeso. Ghumni yaʼ Ŋwiye!” Mə ghà ane imbə̀ʼ icheg ne à ya tesiʼ imbə̀ʼ Yeso we ghìyə̀ gha bədkə̀n gha ikən Ŋwiye.

Ɨnû 5:9

Mbi ya zə̀ʼ ikyeg feg gha, “Àghò taŋ kòʼ ni niŋ àŋwàʼrì ze ne mbe kàri kari chì ìnen, fìʼì. À ya ane imbə̀ʼ icheg ne mbi ya kyemi awe. Ane, anjìm anəm ze ne àghò ya tùti igun azed abaʼri, àghò fə zèri bəd chì inga ngəʼ ghì mbi si yaʼ bəd Ŋwiye. Bəd mbo̰ ne àghò zo̰ ya bəd inga tinəbi ijìm, fɔrɔ inga tìngam ijìm, fɔrɔ inga isiŋi ijìm, bə̀ fɔrɔ inga iben ijìm.