Kòlosè 3:11 - Ikan feg

¹¹ Ane, mbə̰ ya si bəd imɔʼ amad anìŋ. Chəyi ywìrè yi icha mɔ̀ʼɔ ane mə̀Ju tì bəd ne kayi mə̀Ju, kə̀ ane bəd ne mbi ŋweri tì bəd ne chəyi mbi ŋweri. Chəyi ywìrè yi wə̀d mɔ̀ʼɔ ne tì mbi kàrì ane wə̀dnàb kə̀ wə̀d ne yaʼi izimi. Chəyi ywìrè yi ifeg kə̀ wə̀d ne yaʼi yi ane ìwi ighəm. Tiku bəd ìto̰ tijìm ya se ane anug amɔʼ icheg ne mbi yaʼi ane ifɔti tì Kristo imbə̀ʼ icheg ne à ya məd beri aku bəd azo̰ ajìm.

Meta’

¹¹ Əne chəi wɨrɨ i ɨkwepɨ əkaʼ bə̂d nɨ kaʼi mɨ̀Jû mbɨ mɨ̀Jû, chəi wɨrɨ i ɨkwepɨ əkaʼ bə̂d mbe nɨ mbɨ ne mbɨ mbe nɨ chəi mbɨ ne mɨ̀mə̌d, chəi wɨrɨ i ɨkwepɨ əkaʼ bə̂d əgyeŋ nɨ kɨrɨ ɨŋga ɨzimɨ, chəi wɨrɨ i ɨkwepɨ əkaʼ ɨ̀bòʼò mbɨ ə bə̂d nɨ yeʼ ənɨ ə ɨghəm. Kristo yɨ ɨnû jìm. Məd wɨ ɨŋga bə̂d mɨjìm mbe nɨ yeʼ ənɨ ənû ə mɔʼ mbɨ məd.

Kòlosè 3:11 ပူးပေါင်းရင်းမြစ်များ

Jn 14:23

Yeso ya ywìtì gha, “Wə̀d mə kɔ̀ŋi amə, wi biri zugri ìtum tikə. Ìmə Mbaʼ biri kɔ̀ŋ aməd. Ìmə Mbaʼ tì inum, tì biri yeʼe chùghi tì məd.

Jn 15:5

Mo ya azed vayìn. Mbə̰ ya tìtab. Mbə̰ mə̀ chùghi ane anug amɔʼ tì inum icheg ne mə bə yaʼ ane anug amɔʼ tì inən, mbə biri ya ko titam kwàʼ ti ndan ndàn. Àmə chəyi mo, chəyi aghi mɔ̀ʼɔ ne tì mbə̰ ghì.

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Ɨ̀fàʼì 15:17

Mə biri ghì ane ni gha àbùʼì bəd ajìm ze se kə̀bə̀ ni ghumni Anɔŋisəg, bəd məjìm mbe ne kayi mə̀Ju biri si yaʼ ìmbum bəd. À ya inug mbe ne Anɔŋisəg ghi

Ɨ̀fàʼì 28:2

Bəd aben ze ya ghì iku ìchɔ̀mì mɔ̀ʼɔ ina ne chəyi tì kweʼì bàd. Mbi ya niŋ awa mba məjìm kwàʼ icheg chɔm. Mbi ya bə̀ zì iywid ina imbə̀ʼ icheg ne mbə̀ŋ yaya no, ifə ko.

Ɨ̀fàʼì 28:4

Anyumə̀ ne bəd inga aben ze ya bàri afighi ze ne yaya nə̀ŋə ane abo abə Pɔl, mbi ya ghà mbɔb mbɔb gha, “Wə̀d gho̰ mənyìʼ yaʼ wə̀d ne zwète bəd! Ka wì fə jiʼì nòrò iwu inga tìbà, chəyi ŋwiye àyi we ne beri ikuchèg tesiʼ ni sàʼ bəd biri bḛ gha wì chughi izɔm.”

Rm 1:14

Mə bèrì anug ne mə̀ mənyìʼ fàʼ abə bəd məjìm: Mə bèrì ni fàʼ abə mə̀Grig fɔrɔ abə bəd mbe ne kayi mə̀Grig, bə̀ fɔrɔ abə bəd mbe ne kyeri anug fɔrɔ abə bəd mbe ne yaʼi abəŋ.

Rm 10:12

Aton ya gha, chəyi icha mɔ̀ʼɔ inga mə̀Ju tì bəd ne kayi mə̀Ju. Anɔŋisəg ya məyi imɔʼ igun bəd məjìm. Məd we tùwə̀ àbɔrɔ̀bɔd igun wə̀d ijìm ne kàrà aməd.

Rm 3:22

Ŋwiye fə ghì gha bəd məjìm mbe ne nɔŋi ibḛfiŋ igun Yeso Kristo mbe təm kòʼ ibo imbìghè. Wì ghì ane imbə̀ʼ icheg ne chəyi məd we ghìyə̀ ighə igun bəd.

Rm 3:29

Ŋwiye wa kə məyi abə mə̀Ju? Imbə̀ʼ məd ya bə̀ Ŋwiye abə bəd mbe ne kayi mə̀Ju? E! Məd ya bə ìwɔb Ŋwiye.

1 Kɔrèn 12:13

Kə̀ mbə̰ kə mə̀Ju kə̀ bəd ne kayi mə̀Ju, kə̀ məfeg kə̀ bəd ne kayi məfeg, tì ya niŋ mənib anjìm Azwighi Ŋwiye ze amɔʼ. Ane, tì fə fɔti si nyàmnyɔd imɔʼ. Ŋwiye ya zì Azwighi ze amɔʼ inga ina.

1 Kɔrèn 14:11

Si ya gha, mə mə̀ chəyi mə̀ kyeri ìngam ne wə̀d mɔ̀ʼɔ we ghàmà, mo ya wə̀d tìsɔ̀ʼ abə wə̀d ne ghàmà, məd bə̀ yaʼ wə̀d tìsɔ̀ʼ inum.

1 Kɔrèn 7:19

Kə̀ mbe ŋwed wə̀d kə̀ chəyi, àze kayi anug mɔ̀ʼɔ. Anug ne koʼi ya gha wə̀d ijìm ya nɔ̀ŋɔ̀ tikə Ŋwiye.

Gàlesìyà 2:20

Mo ya wə̀d ne fə ku igun azed abaʼri tì Kristo. Ane, kayi mo yaʼi izɔm. Wə̀d we ne yaʼi izɔm ya Kristo we ne yaʼi inga inum. Ìtḛ̀ we ne mə beri amad anìŋ ya imbə̀ʼ ibḛfiŋ we ne mə̀ zi igun Ŋwan Ŋwiye we ne ya kɔ̀ŋi amə, nàʼ àzi atog ane aghi àfàtì imbə̀ʼ amə.

Gàlesìyà 5:6

Ane, icheg ne tì yaʼi ane ifɔti tì Yeso Kristo, kə̀ mbe ŋwed wə̀d kə̀ chəyi, chəyi àze ywirì bèrì anug mɔ̀ʼɔ ni ghì ka. Anug kyen ne angu ya ibḛfiŋ we ne tì nɔŋi igun Kristo. À ya ibḛfiŋ we ghìyə̀ tì se kɔ̀ŋɔ̀ ìmba məfi fɔrɔ ìta njabi.

Efesùs 1:23

Ifeti we ya nyàmnyɔd Kristo. Kristo we swère inug ijìm imbə̀ʼ ifeti we, icheg we ne wì ya swère inug ijìm isiŋi ijìm.

Efesùs 2:14

Məd zìye fə ghì àbɔrɔ̀bɔd yeʼe igun ina. Wì fə ghì gha mə̀Ju tì bəd mbe ne kayi mə̀Ju mbe si yaʼ bəd imɔʼ. Wì ya sèmbì achɔb ze ne yaya zìyè ìpàb inga mə̀Ju tì bəd mbe ne kayi mə̀Ju.

Efesùs 2:15

Wì ya nimni mə̀nɔ̀ʼɔ̀ mə̀Ju tì tikə te ne yaʼi inga mə̀nɔ̀ʼɔ̀ fɔrɔ ìwɔb ikuchèg ane ìzi nyàmnyɔd. Kristo ya ghì ane ni gha bəd mbe ne kayi mə̀Ju tì mə̀Ju mbe si yaʼ ane anug amɔʼ ane ifɔti tì məd. Wì ya ghì ane ni gha bəd si chughi ane àbɔrɔ̀bɔd.

Efesùs 3:17

Mə we bə̀ chàʼrà Ŋwiye gha ìwən ibḛfiŋ ghiyə Kristo yaʼ inga ìtən fìŋ, mbə̀ bə ya kɔ̀ŋɔ̀ Ŋwiye bə̀ ya kɔ̀ŋɔ̀ ìmbən məfi fɔrɔ ìtən njàbi. Mbə̰ mə̀ ghì ane, mbə biri təm kà inga àkɔ̀ŋì icheg azed ne ighaŋ taŋ nyi aseg bə̀ təm kà icheg nəb ne ati nəb taŋ kà.

Efesùs 3:6

Anug ze ne yaʼi inə̀mbi ya gha, anjìm ikən chɔm, bəd mbe ne kayi mə̀Ju fə si mbe àjəgnəb abɔ̀ʼ mə̀Ju. Mbɔb ya si isiŋi nyɔd ane nyàmnyɔd imɔʼ tì mə̀Ju. Mbɔb fə bə̀ bèrì àzɔb tì aba ane anug ze ne Ŋwiye ya che anjìm Yeso Kristo kàʼ.

Efesùs 6:8

Mbə̀ ya fàʼà ane imbə̀ʼ icheg ne mbə̰ kyèri gha, Anɔŋisəg biri nàʼ chùd abə wə̀d ijìm ane àfàʼì chɔm ne wì fàʼi, kə̀ tengàŋ kə àbòʼì kə̀ chəyi.

Kòlosè 2:10

Ane, Ŋwiye fə nàʼ ìtḛ̀ tesiʼ inən icheg ne mbə̀ yaʼi ane ifɔti tì Kristo. Kristo bèrì ika chè izwighi ijìm fɔrɔ tika tijìm igun isəg.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

2 Jɔn 1:9

Wə̀d ne chəyi wì chè imbìghè ni ghì inug mbe ne Kristo chwìti, chəyi tengàŋ yaʼi ane anug amɔʼ tì Ŋwiye. Wə̀d ne chè imbìghè ni ghì inug mbe ne Kristo chwìti, ya wə̀d ne yaʼi ane anug amɔʼ tì Ŋwiye fɔrɔ Ŋwan Ŋwiye.