Kòlosè 3:1 - Ikan feg

¹ Icheg ne Ŋwiye fə zwemni awən ane iwu tì Kristo, mbə̀ si nɔ̀ŋì ìtən fìŋ igun ighi mbe ne yaʼi ikaŋ àbɔ̀ŋɔ, igun asiŋi ne Kristo chughi angu aba abo jəghi Ŋwiye.

Meta’

¹ Ŋwìə̀ mɨ fə zwemnɨ əwən mbɨ Kristo, əne mbə̀ sɨ kɔ kəb yeʼ ɨghɨ mbe nɨ yeʼ ɨkaŋ, əsɨ ze nɨ Kristo chub əbà əbɔ ə jɨg ə Ŋwiə̀.

Kòlosè 3:1 ပူးပေါင်းရင်းမြစ်များ

Matìyò 22:44

‹Anɔŋisəg ya ghà abə ìmə Anɔŋisəg gha: Chughi inum aba abo jəghi, ghò pè ane nyùmə̀ ne mə̀ biri zì ìmbe bəd ìpàb ine aton ighog.›

Matìyò 26:64

Yeso ya ywìtì ibo gha, “À ya icheg ne àghò gha. Mə ghà inən gha, nɔ̀ʼ tèchɔ̀ŋ, mbə biri bàd Ŋwan Wə̀d ne wì chùghi aba abo jəghi Ŋwiye we ne beri ika ijìm. Mbə̰ biri bə bàd icheg ne məd we yèʼe inga pàʼ ikaŋ àbɔ̀ŋɔ.”

Matìyò 6:20

Mbə̀ nɔŋɔ ìmbən ighi yaʼ ikaŋ àbɔ̀ŋɔ, asiŋi ne chəyi ìfùmə fɔrɔ ìsəʼə biri chìkì, ne chəyi məji biri bə tòʼ nəb nyi ji.

Matìyò 6:33

Mbə̀ fə bi kə̀b yaʼ anug ìfɔ̀n məd bə̀ ya ghìyə̀ inug ne koʼi, ane wì biri si nàʼ ighi mbo̰ ijìm inən.

Mk 12:36

Azwighi Ŋwiye ya ghì Dèvid ghà zìye gha, Anɔŋisəg ya ghà abə ìmə Anɔŋisəg gha, Chughi inum aba abo jəghi, pè ane nyùmə̀ ne mə̀ biri nɔ̀ŋì ìmbe bəd ìpàb ine aton ighog.”

Mk 14:62

Yeso ya ywìtì gha, “Mo ya ìwiwən. Ane, mbə̰ biri bàd Ŋwan Wə̀d ne chughi aba abo jəghi Ŋwiye ne beri ika ijìm, bə̀ bàd icheg ne we swìʼe ikaŋ àbɔ̀ŋɔ inga pàʼ.”

Mk 16:19

Anyumə̀ ne Anɔŋisəg Yeso ya fə ghàmi abə mə̀mə̀nənùg mbe, Ŋwiye ya niŋ aməd ikaŋ àbɔ̀ŋɔ. Wì ya pè chùghi aba abo jəghi Ŋwiye.

Lk 12:33

Mbə̀ fende ìmbən ighi ijìm, nàʼ ikab abə bəd ne chəyi àzɔb. Mbə̀ beri mə̀taka ne chəyi mbi biri nùn. Mbə̀ bə nɔ̀ŋì ìmbən ighi ikaŋ àbɔ̀ŋɔ, asiŋi ne chəyi mbi biri swèʼè ati. Chəyi tì iji bə̀ niŋ. Chəyi tì ìsəʼə bə̀ kud.

Lk 20:42

Ifɔn Dèvid ya ghà məd məd inga àŋwàʼrì Tikyeg gha, ‹Anɔŋisəg ya ghà abə àmə Anɔŋisəg gha, Chughi inum aba abo jəghi

Lk 22:69

Si ya gha, ni ko amad anìŋ, Ŋwan Wə̀d biri chughi aba abo jəghi Ŋwiye we ne beri ika ijìm.”

Ɨ̀fàʼì 2:34

Ane, chəyi ifɔn Dèvid ya gho ikaŋ. Si ya gha, wì ya gha: ‹Anɔŋisəg ghà abə ìmə Anɔŋisəg gha: Chughi inum aba abo jəghi.

Ɨ̀fàʼì 7:55

Si ya gha, Stifə̀n ne Azwighi Ŋwiye ya sweghi inga məd ya nɔ̀rì atog nèn ikaŋ, bàd ìzḛzḛ njandi njandi Ŋwiye bə̀ bàra Yeso ne wì yaʼi itəmi aba abo jəghi Ŋwiye.

Rm 8:34

Wə̀d ne biri sɔb isaʼi igun inɔb gha mbe gùg anug àkə we? À wa kə Yeso Kristo? Indèʼ ka! Yeso ya ku atog inɔb, Ŋwiye zwèmni aməd ane iwu, si ghì wì chùghi iban məd ibo aba abo jəghi se bòʼo ibo abə Ŋwiye imbə̀ʼ awa.

Rm 8:6

Wə̀d ne nɔ̀ŋɔ̀ fìŋ igun inug tibɔ̀ŋ mbe ne nyàmnyɔd ze ghə̀ʼrə̀, tengàŋ biri ku nim. Àsi wə̀d ne nɔ̀ŋɔ̀ fìŋ yaʼ igun inug mbe ne Azwighi Ŋwiye ze kə̀bə̀, tengàŋ biri jəg ìtḛ̀ bə̀ chùghi ane àbɔrɔ̀bɔd.

2 Kɔrèn 4:18

Ane, chəyi tì zi ìta fìŋ igun ighi ne te bàrà. Tè zì ìta fìŋ yaʼ igun ighi ne chəyi te bàrà. Aton ya gha, ighi mbe ne te bàrà, chəyi mbe tàndà. Àsi ighi mbe ne chəyi te bàrà, à ya ighi ne yaʼi ane ighə̀m imɔʼ.

Efesùs 4:10

Ane, wə̀d we ne ya swiʼi aseg, à ya məd ya bə kɔʼ ghò ikaŋ àbɔ̀ŋɔ ni si yaʼ inga ighi ijìm isiŋi ijìm.

Efesùs 5:22

Mə̀yi, mbə̀ ya zùgrə ìmbən mənɔm icheg ne mbə̰ mbe zùgrə Anɔŋisəg

Kòlosè 2:20

Mbə̰ ya fə ku tì Kristo. Wì ya fə chì awən ane ika izwighi mbe ne sàʼa isəg gho̰. Aton ne mbə̰ mbe ywìrè chùghə icheg bəd inga isəg àkə gha? Aton ne mbə̰ mbe ywìrè zùgrə mə̀nɔ̀ʼɔ̀ àkə gha: Mə̀nɔ̀ʼɔ̀ ya ghà gha,

Kòlosè 3:2

Mbə̀ nɔŋɔ ìtən tikɔndi məyi igun ighi mbe ne yaʼi ikaŋ àbɔ̀ŋɔ, kayi igun ighi mbe ne yaʼi igun isəg.

Mə̀Hibrù 1:13

Àkə angirə̀ weg ne Ŋwiye ya kweʼì ghà ibo gha, “Àghò chughi ane àmə aba abo jəghi ghò pè ane nyùmə̀ ne mə̀ biri ghì ìmbe bəd ìpàb si yaʼ aghi ne àghò we nɔ̀ŋɔ̀ ighog igun?”

Mə̀Hibrù 1:3

Məd ya chwìye ighumni Ŋwiye ne zḛ njàndi njandi bə̀ yaʼ kwàʼ icheg Ŋwiye. Yeso bə̀ nyìmi isəg ijìm ane ìngam məd we ne beri ika. Anyumə̀ ne wì ya fə ghi Ŋwiye waʼ inug tibɔ̀ŋ bəd, wì ya si chùghi yi ikaŋ àbɔ̀ŋɔ aba abo jəghi abə Ŋwiye we ne beri ika ijìm.

Mə̀Hibrù 10:12

Àsi Kristo ne yaʼi àza atog wə̀d igun bəd mbàn Ŋwiye, wì ya nàʼ ìwi nyɔd ane aghi àfàtì ni sò inug tibɔ̀ŋ bəd ane ighə̀m imɔʼ. Wì ya si chùghi aba abo jəghi abə Ŋwiye.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 8:1

Anug kyen ne te ghà ya gha: tè bèrì atog wə̀d igun bəd mbàn Ŋwiye ne chughi igun atən ifɔn aba abo jəghi abə Ŋwiye we ne beri ika ijìm.

1 Pità 3:22

Məd fə kɔʼ ghò ikaŋ àbɔ̀ŋɔ, chùghi aba abo jəghi Ŋwiye. Məd we se tùmbə̀ mbè angirə̀ fɔrɔ tika tijìm ikaŋ àbɔ̀ŋɔ fɔrɔ igun isəg.