Kòlosè 2:8 - Ikan feg

⁸ Mbə̀ taŋ niŋ nyumə̀ imbə̀ʼ wə̀d mɔ̀ʼɔ nɔ̀ʼ tàmbi awən ane tiwe ako, ghì mbə bḛ ìbòʼì. Tiwe ako ìto̰ ne bəd mbe chwìte ti nɔ̀ʼ yaʼ abə bəd fɔrɔ abə izwighi mbe ne sàʼa isəg gho̰, kayi abə Kristo.

Meta’

⁸ Tɨ mbə̀ ben ə ni wə̀d mɔʼɔ nɨŋ ɨwe əko bə̂d mɨ̀sɔŋɨchù tambɨ əwən əŋgu əne ghɨ̀ mbə̀ ben ɨ̀bòʼò ɨ bɔ. Ɨwe əko we yɨ rɨ ənɨ mɨchî mɨ̀mbǎʼ mbɨ rəŋwe bə̀ fɔrɨ rɨ əmbɨ ɨzwî mbe nɨə tùmbɨ̀ ɨsɨg. Ka ɨwe əko wɔ̂ yɨ i rɨ əmbɨ Kristo.

Kòlosè 2:8 ပူးပေါင်းရင်းမြစ်များ

Matìyò 10:17

Mbə̀ ya we awən tì bəd imbə̀ʼ icheg ne mbi biri gwì awən ghò nàʼ abə bəd ne sàʼa aben. Mbi biri ywiri awən inga ìmbɔb məchamì Ŋwiye.

Matìyò 16:6

Yeso ya ghà inɔb gha, “Mbə̀ we awən imbə̀ʼ àfòrì mə̀Farìsi tì mə̀Sadùsi.”

Matìyò 7:15

Yeso ya chè imbìghè gha, “Mbə̀ we awən tì bədkə̀n mbe ne ghà inug ako. Anyumə̀ ne mbɔb mbe yèʼe inən, mbi ya bɔ̀tɔ kwàʼ icheg njə̀g. Si ya gha, mbɔb ya kwàʼ ìfɔn tɔ tɔ.

Ɨ̀fàʼì 17:18

Bəd iwe mɔ̀ʼɔ ne mbi yaya kàrà ane Èpìkurìyà fɔrɔ mbe ne mbi yaya kàrà ane Stoyìg ya ghò kɔ̀ti aməd, ko se tàŋà Ìngam Ŋwiye tì məd. Mbi mɔ̀ʼɔ abɔ̀ʼ inɔb ya ko se chàpà aməd gha, “Anen azo̰ kə ghà àzi aghə?” Mbi mɔ̀ʼɔ ya ghà àzɔb gha, “Wì ya ghàmà imbə̀ʼ iku mə̀ŋwiye mɔ̀ʼɔ.” Mbi yaya chàpà ane imbə̀ʼ icheg ne Pɔl yaya ghàmà inug imbə̀ʼ Yeso, bə̀ ghàmà inug imbə̀ʼ icheg ne bəd biri zweme ane iwu.

Ɨ̀fàʼì 17:32

Anyumə̀ ne mbi ya zughi icheg ne Pɔl ya ghàmi imbə̀ʼ anug ni zweme ane iwu, bəd mɔ̀ʼɔ ya chàtì aməd. Si ya gha, mbi mɔ̀ʼɔ ya gha, “Tì kə̀b ni ywìri zug anug azo̰ ighəm ndəŋ.”

Rm 16:17

Ìmbum məfi tì tum njàbi, mə we nə̀ri awən gha, mbə̀ we awən tì bəd mbe ne ghìyə̀ gha bəd Kristo ghapa bə̀ ghìyə̀ gha mbe febe inɔnjì. Mbi ya ghìyə̀ ane icheg ne mbi to̰ awɔb inug mbe ne mbə̀ ya fə nani. Imbə̀ʼ mbə̰ si jəgri awən tì inɔb

1 Kɔrèn 10:12

Ane, wə̀d we ne kɔ̀ndɔ gha zìye təm kà, wì we yi imbə̀ʼ wì nɔ̀ʼ gùg.

1 Kɔrèn 8:9

Ane, mbə̀ we awən, imbə̀ʼ mbə̰ nɔ̀ʼ niŋ icheg ne chəyi mbə̰ mbe jə̀ghə aghi mɔ̀ʼɔ, kə̀ niŋ icheg ne mbə̰ mbe jə̀ghə aghi mɔ̀ʼɔ si ghì bəd mbe ne ìwɔb ibḛfiŋ bɔri, mbi gùg anug.

2 Kɔrèn 10:5

Tì ya nìŋə ighi ibid mbe ni nimni inug mbe ne bəd mbe tàŋà inug imbə̀ʼ mbiwən bə̀ nimni inug ijìm mbe ne kə̰ gha imbə̀ʼ bəd si nɔ̀ʼ kyèri Ŋwiye. Tì ya bə̀ nìŋə ighi ibid mbe ni kɔd tikɔndi tijìm te ne bəd beri, si ghì gha te zugri Kristo.

Gàlesìyà 1:14

Mə ya taŋ zì atog ane àza anug Ŋwiye mə̀Ju chè mə̀Ju nɔʼ nɔʼ ne yaʼi ìmbum bəd kàŋ. Mə ya bə̀ taŋ zì atog ni nɔ̀ŋì ikuchèg aben we ne ìmba mə̀mbaʼ ya chwiti ina.

Gàlesìyà 4:3

À ya bə̀ kwàʼ ane tì ina. Anyumə̀ ne tì ya yaʼi bɔn kwa tì ya yaʼ icheg ìbòʼì abə izwighi mbe ne sàʼa isəg gho̰.

Gàlesìyà 4:9

Amad anìŋ ne mbə̀ kyeri Ŋwiye, ne Ŋwiye fə bə kyeri awən, mbə̀ kə ywìrè zùghrə izwighi mbe ne sàʼa isəg gho̰ ne chəyi mbi beri ika ane aghə? Mbə kə ywìrè kə̀bə̀ ni bḛ ìbòʼì abə izwighi mbe?

Gàlesìyà 5:15

Mbə̰ mə̀ ya ghìyə̀ inug yaʼ icheg nyam tɔ tɔ ne nɔ̀mbɔ ìtin zwète, nji mbə biri nimni awən mbə̰ mbə̰.

Efesùs 2:2

Mbə̰ yaya ghìyə̀ inug tibɔ̀ŋ icheg bəd inga isəg. Mbə̰ yaya bə̀ bène abɔ̀ʼ wə̀d we ne tùmbə̀ izwighi mbe ne yaʼi inga ifə. À ya izwighi mbe ne fàʼà amad anìŋ inga bəd mbe ne ghìyə̀ tìzughə̀ abə Ŋwiye.

Efesùs 4:20

Kayi anug ne mbə̀ ya nani imbə̀ʼ Kristo aze!

Efesùs 5:6

Imbə̀ʼ mbə̰ bḛ awən gha wə̀d mɔ̀ʼɔ tambi awən tì inug ako ka imbə̀ʼ icheg ne Ŋwiye biri gaŋ abə bəd mbe ne ghìyə̀ tìzughə̀ ibo.

Fìlipì 3:2

Mbə̀ we awən imbə̀ʼ bəd mbe ne ghìyə̀ inug tibɔ̀ŋ kwàʼ icheg bog. À ya mbɔb mbe ghà gha, mbi ya mənyìʼ ŋwed wə̀d bɔŋ Ŋwiye se pùmnə aməd.

Kòlosè 2:18

Imbə̀ʼ mbə̰ saŋa awən gha bəd mɔ̀ʼɔ ya kɔ̀mɔ̀ igo inən imbə̀ʼ icheg ne mbɔb mbe gha Ŋwiye we ghàmà inɔb inga inati njə̀m. Tiku bəd te ya kə̀bə̀ gha bəd mənyìʼ swi nyɔd aseg bə̀ ghùmni mbè angirə̀. Mbɔb ya ghìyə̀ ane ni chwi inən gha chəyi mbə̀ koʼi ni bèrì ineʼi we ne Ŋwiye nɔŋi inən icheg ne mbə̀ yaʼi ane anug amɔʼ tì Kristo. Imbə̀ʼ mbə̰ bḛ awən. Mbɔb ya nɔ̀ nyɔd ati ako, ghàmà yaʼ inug ne tikɔndi wə̀d te chwìte.

Kòlosè 2:20

Mbə̰ ya fə ku tì Kristo. Wì ya fə chì awən ane ika izwighi mbe ne sàʼa isəg gho̰. Aton ne mbə̰ mbe ywìrè chùghə icheg bəd inga isəg àkə gha? Aton ne mbə̰ mbe ywìrè zùgrə mə̀nɔ̀ʼɔ̀ àkə gha: Mə̀nɔ̀ʼɔ̀ ya ghà gha,

Kòlosè 2:22

Mə̀nɔ̀ʼɔ̀ mbo̰ məjìm ya ghàmà məyi imbə̀ʼ ighi mbe ne biri bə icheg ne bəd mbe bètè. Mə̀nɔ̀ʼɔ̀ mbe ya tikə bəd tì inug ne bəd tangi nɔ̀ŋì se chwìte.

Kòlosè 2:23

Tiku mə̀nɔ̀ʼɔ̀ te fug inug ne beri iwe icheg ne mbe chwìte inug ne wə̀d mənyìʼ ghì ni chwi gha məd we ghùmnə Ŋwiye. Mə̀nɔ̀ʼɔ̀ mbe ya imbə̀ʼ inug icheg: anug ni swi nyɔd aseg tì anug ne bəd mbe chə ìtɔb nyàmnyɔd ni ghumni Ŋwiye. Si ya gha, chəyi mə̀nɔ̀ʼɔ̀ mbe beri ika ni ghì gha imbə̀ʼ wə̀d si ywiri ghiyə yi inug tibɔ̀ŋ mbe ne nyàmnyɔd məd ze ghə̀ʼrə̀.

1 Timotì 6:20

Àghò Timotì, taŋ nyìmi inug mbe ne Ŋwiye zi inga ìte tikye abo. Imbə̀ʼ àghò ziye awe atog ane tìngam te ne chəyi ti beri anug ni ghì tì Ŋwiye. Imbə̀ʼ àghò ziye awe atog igun tìngam mɔ̀ʼɔ te ne bəd mbe ne kɔ̀ŋɔ̀ ni ya tàŋà inug mbe ghà gha à ya inug iwe ne kayi inug iwe.

2 Timotì 3:13

Àsi bəd inug tibɔ̀ŋ fɔrɔ bəd mbe ne nìŋə tikum bəd tàmba mə̀mbin, mbɔb biri chè imbìghè ni ya tàmba bəd. Bəd ndəŋ biri bə tambi awɔb.

Mə̀Hibrù 13:9

Imbə̀ʼ mbə̰ saŋa awən gha inug feg ndəŋ mbe ne bəd mbe chwìte mbe febre awən. Ze bɔ̀ŋ gha tì saŋa ìchɔ̀mì Ŋwiye ghiyə ìta fìŋ təm kà. Chəyi mə̀nɔ̀ʼɔ̀ imbə̀ʼ tijəg mbe ghìyə̀ gha ìta fìŋ təm kà. Chəyi mə̀nɔ̀ʼɔ̀ mbo̰ mbe wètè bəd mbe ne nɔ̀ŋɔ̀ mə̀nɔ̀ʼɔ̀ angu.

Mə̀Hibrù 3:12

Ìmbum məfi fɔrɔ ìtum njàbi, mbə̀ pati awən gha imbə̀ʼ wə̀d mɔ̀ʼɔ abɔ̀ʼ inən nɔ̀ʼ bèrì fìŋ tibɔ̀ŋ ne chəyi ze bḛ Ŋwiye, ane ghì mbə sàŋì Ŋwiye we ne yaʼi izɔm.

1 Pità 1:18

Mbə̰ kyèri àzən aghi gha chəyi Ŋwiye ya zeri awən chì inga ikuchèg tibɔ̀ŋ we ne ìmbən mə̀mbaʼ aneg ya sàŋì inən ane ighi ako icheg ikab gol, kə̀ ikab sibà.

2 Pità 3:17

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, mbə̰ fə bì kyèri awən anug azo̰. Mbə̀ we awən imbə̀ʼ icheg ne bəd mbe ne chəyi mbi kyeri mə̀nɔ̀ʼɔ̀ mbe kə̀bə̀ ni fèbrì awən. Àmə chəyi mbə̀ we awən nji mbə̰ biri fèbè, nim bə̀ sam àzən asiŋi ze ne mbə̀ kə fə təmi kà igun.

2 Jɔn 1:8

Mbə̀ niŋ nyumə̀ imbə̀ʼ mbə̰ nɔ̀ʼ sam aghi ze ne mbə̀ fə fàʼi. Mbə̀ kirə ika ni bèrì yaʼ chùd ane àfàʼì ze kwàʼ ijìm.