Kòlosè 2:16 - Ikan feg

¹⁶ Ane, imbə̀ʼ mbə̰ bḛ awən gha wə̀d mɔ̀ʼɔ ziye isaʼi igun inən imbə̀ʼ aghi ne mbə̰ mbe jə̀ghə kə̀ imbə̀ʼ aghi ne mbə̰ mbe no, kə̀ imbə̀ʼ anug ni ghumni ineg mɔ̀ʼɔ, kə̀ anug ni ghumni aneg mbègtog inga iməg feg, fɔrɔ anug ni ghumni aneg àzwètì mə̀Ju.

Meta’

¹⁶ Əne tɨ wə̀d mɔʼɔ zɨ i ɨsaʼi ɨgwɨ nən ɨmbə̀ʼ rɨjɨg, kɨ̀ ɨmbə̀ʼ əghɨ nɨ nɔ, kɨ̀ ɨmbə̀ʼ ənû nɨ jɨg əchwɨ̂, kɨ̀ ɨmbə̀ʼ əchwɨ̂ ɨmɨg fi, kɨ̀ ɨmbə̀ʼ əni əkwɨ.

Kòlosè 2:16 ပူးပေါင်းရင်းမြစ်များ

Matìyò 15:11

Kayi aghi ne nyḭ̀yḛ inga ichug abə wə̀d ze ghìyə̀ gha imbə̀ʼ tengàŋ zḛ yi. Aghi ne ghìyə̀ gha imbə̀ʼ wə̀d zḛ yi ya aghi ne dùwə̀ inga ichug abə wə̀d.”

Mk 7:19

Aton ya gha, chəyi ze nyḭ̀yḛ inga fìŋ. Ze ya nyḭ̀yḛ yaʼ inga fibum, si chè dù asaŋ.” (Icheg ne wì ya gha anug azo̰, ane ya gha, wì fə sɔb gha ighijəg ijìm kòʼ gha bəd jəg.)

Ɨ̀fàʼì 15:20

Tè ŋwaʼra yaʼ àŋwàʼrì chà inɔb gha: Imbə̀ʼ mbi jəg awɔb ighijəg ne mbi naʼi ni jə mə̀ŋwiye. Imbə̀ʼ mbi ghiyə awɔb anug ni nɔ̀kì mə̀yi kə̀ nɔ̀kì mbaŋà abu abu. Imbə̀ʼ mbi kud awɔb nyam ne swḛni swḛni.

Rm 14:10

Aton ne àghò we sɔ̀bɔ isaʼi igun ìwe ifi gha wè gùg anug àkə gha? Kə̀ aton ne àghò we kə̰̀ ìwe ifi àkə gha? Mbə̀ wendi gha, mba məjìm biri ghum təm imbìghè abə Ŋwiye ane aneg ze ne wì biri sɔb isaʼi igun ina.

Gàlesìyà 4:10

Mbə̰ mbe ghùmnə ineg mɔ̀ʼɔ tì aməg mɔ̀ʼɔ tì nyùmə̀ mɔ̀ʼɔ fɔrɔ tituʼ mɔ̀ʼɔ.

Kòlosè 2:20

Mbə̰ ya fə ku tì Kristo. Wì ya fə chì awən ane ika izwighi mbe ne sàʼa isəg gho̰. Aton ne mbə̰ mbe ywìrè chùghə icheg bəd inga isəg àkə gha? Aton ne mbə̰ mbe ywìrè zùgrə mə̀nɔ̀ʼɔ̀ àkə gha: Mə̀nɔ̀ʼɔ̀ ya ghà gha,

Mə̀Hibrù 13:9

Imbə̀ʼ mbə̰ saŋa awən gha inug feg ndəŋ mbe ne bəd mbe chwìte mbe febre awən. Ze bɔ̀ŋ gha tì saŋa ìchɔ̀mì Ŋwiye ghiyə ìta fìŋ təm kà. Chəyi mə̀nɔ̀ʼɔ̀ imbə̀ʼ tijəg mbe ghìyə̀ gha ìta fìŋ təm kà. Chəyi mə̀nɔ̀ʼɔ̀ mbo̰ mbe wètè bəd mbe ne nɔ̀ŋɔ̀ mə̀nɔ̀ʼɔ̀ angu.

Mə̀Hibrù 9:10

Ighi mbo̰ ya bèrì məyi anug ni jəg tì anug ni no, fɔrɔ inug imbə̀ʼ icheg ni sò nyɔd icheg ne mə̀nɔ̀ʼɔ̀ Muse chwi. Tikə ìto̰ ya yaʼ anene pè ane nyùmə̀ we ne Ŋwiye ya kɔpi inug, si nɔ̀ŋì nɔ̀ʼɔ̀ feg.

Jems 4:11

Ìmbum məfi fɔrɔ ìtum njàbi, imbə̀ʼ wə̀d ghama yi anug tibɔ̀ŋ igun wə̀d ndəŋ. Wə̀d we ne ghàmà inug tibɔ̀ŋ igun wə̀d ndəŋ, kə̀ sàʼa wə̀d ndəŋ, tengàŋ ya gha chəyi mə̀nɔ̀ʼɔ̀ Ŋwiye koʼi. Məd ya ane bə̀ sàʼa mə̀nɔ̀ʼɔ̀ Ŋwiye. Àghò mə sàʼ mə̀nɔ̀ʼɔ̀ Ŋwiye, ane ya gha, chəyi àghò biri ya nɔ̀ŋɔ̀ mə̀nɔ̀ʼɔ̀ mbe. Àghò biri yaʼ wə̀d ne sàʼà mə̀nɔ̀ʼɔ̀.