Kòlosè 2:13 - Ikan feg

¹³ Chəyi mbi ya kiri ŋwed ìtən nyàmnyɔd anyumə̀ we ne mbə yaya kiri iwu bəd anjìm ìmbən inug tibɔ̀ŋ. Si ya gha, Ŋwiye ya ghì mbə si bèrì ìtḛ̀ feg icheg ne mbə̀ yaʼi ane ifɔti tì Kristo. Wì ya waʼ ìmba inug tibɔ̀ŋ mba məjìm.

Meta’

¹³ Ənɨ mbə̀ nyaʼa fə kwɨ ɨmbə̀ʼ mbə ɨnû rɨbɔ̀ŋ fɔrɨ ɨmbə̀ʼ ɨchî nɨ chəi mbɨ nyaʼa kɨrɨ ne əwən ənɨ mbə̀ nyaʼa kɨrɨ ghɨ ɨnû rɨbɔ̀ŋ, Ŋwìə̀ nyaʼa waʼ ta rɨ̀gùrɨ-ɨnû jìm, əne ghɨ̀ mbə chub ɨka mbɨ Kristo.

Kòlosè 2:13 ပူးပေါင်းရင်းမြစ်များ

Lk 15:24

Mbaʼ ŋwan we ya gha, ‹Tì gyendi imbə̀ʼ icheg ne ìmə ŋwan gho̰ ya ku, wè ywìrì zwème iwu. Wì ya nim, wè ywìrì yèʼe.› Ane, mbi ya ko se jə̀ghə gyènde.

Lk 15:32

Aton ne tì beri ni jəg gyèndi ya gha, ìwe ifi gho̰ ya ku, we ywìrì zwème. Wì ya nim, tè ywìrì bàd aməd.›”

Lk 9:60

Yeso ya ywìtì ibo gha, “Àghò saŋa iwu bəd mbe twəŋi mbɔb iwu bəd.” Àsi àghò, ndò ghò chètì ikən imbə̀ʼ anug ìfɔ̀n Ŋwiye.

Jn 5:21

Icheg ne Mbaʼ we zwèmne bəd nàʼà ìtḛ̀ inɔb, à ya icheg ne Ŋwan we bə̀ nàʼà ìtḛ̀ abə bəd mbe ne məd kɔ̀ŋi.

Jn 6:63

À ya Azwighi Ŋwiye ze nàʼà ìtḛ̀. Chəyi tì wə̀d naʼ ìtḛ̀. Ìngam gho̰ anìŋ ne mə ghàmi inən ya ìngam ne nàʼà ìtḛ̀. À ya ìngam ne nɔʼi abə Azwighi Ŋwiye.

Rm 4:17

A ze inga Àŋwàʼrì Ŋwiye gha; “Mə fə ghì gha àghò si yaʼ mbaʼ abə iben nɔʼ nɔʼ.” À ya Ŋwiye we ne Abràham ya nɔŋi ibḛfiŋ igun ne beri ika ni zwèmni iwu bəd nàʼ ìtḛ̀ inɔb. À ya məd bə bèrì ika ni ghì gha ighi ne chəyi angu mbe yaʼ.

Rm 6:13

Imbə̀ʼ mbə̰ naʼa awən apan ni gha inug tibɔ̀ŋ niŋ àzən asiŋi nyɔd mɔ̀ʼɔ ka. Ze bɔ̀ŋ yaʼ gha mbə̀ naʼa ìtən nyàmnyɔd tijìm abə Ŋwiye ni ya fàʼà inug chɔm icheg bəd mbe ne Ŋwiye fə zwemni awɔb iwu. Mbə̀ naʼa ìtən nyàmnyɔd abə Ŋwiye icheg ighi àfàʼì mbe ne fàʼà yaʼ inug ne təmi kòʼ.

Rm 8:11

Àmə yaʼ aghi ne Azwighi Ŋwiye ze ne ya zweme Yeso iwu ze yaʼi inga inən, nji məd we ne ya zwemne Kristo iwu, wì biri bə nàʼ ìtḛ̀ abə ìtən nyàmnyɔd te ne tì ti ku. Ŋwiye biri ghì ane anjìm Azwighi məd ze ne yaʼi inga inən.

1 Kɔrèn 15:36

À ya kwàʼ ibiri anen! Fitam ngwèd ne mbi nyɔʼi inga ìseg ya mənyìʼ bɔb bɔŋ se gwère.

1 Kɔrèn 15:45

À ya bə̀ ane ne ze yaʼi inga Àŋwàʼrì Ŋwiye gha, “Ìtḛ̀ ya yaʼ inga Adàm we ne ya yaʼi wə̀d mbègtog.” Adàm we ne si nwḭ̀yḛ̀ ya Azwighi ze ne nàʼà ìtḛ̀.

2 Kɔrèn 3:6

Wì fə ghì tì koʼ ni yaʼ bəd àfàʼì məd inga ikan feg. Ikan feg kayi mbi ŋwaʼri ŋwaʼri. À ya ikan ne Ŋwiye wàri ane àzi Azwighi. Mə̀nɔ̀ʼɔ̀ ne mbi ŋwaʼri ŋwàʼri ya yèʼe tì iwu, àsi Azwighi ze yèʼe tì ìtḛ̀.

2 Kɔrèn 5:19

Ane ya gha, Ŋwiye ya chè anjìm Kristo mànì achɔb tì bəd ni gha tì yaʼ bəd məd. Chəyi wì ya taŋi inug tibɔ̀ŋ bəd zì igun inɔb. Wì ya zì ikən imbə̀ʼ anug ni mànì achɔb inga ìta tikye ibo gha tì se ghà abə bəd.

Efesùs 2:1

Anjìm ìmbən inug tibɔ̀ŋ fɔrɔ ìwən tìzughə̀, mbə̰ ya fə yaʼ icheg bəd ku.

Efesùs 2:11

Mbə̀ kɔndi gha, à ya yaʼ ane nyumə̀ mɔ̀ʼɔ, “Bəd mbe ne mbi ŋweri awɔb” yaya kàrà bəd mbe ne kayi bɔn tɔbseg mə̀Ju gha, “Bəd ne chəyi mbi ŋweri”. Mbi ya ghàmà imbə̀ʼ anug ni ŋwed wə̀d ane ibo.

Efesùs 5:14

À ya ane imbə̀ʼ icheg ne ighi ijìm ne bəd mbe bàrà ya ighi ne ìzḛzḛ we zùʼə igun. À ya aton ne mbi Ŋwàʼri gha, “Àghò ne gwḛ, nɔ̀ʼɔ angwḛ, zwème, ane, ìzḛzḛ Kristo biri zuʼ igun ine.”

Kòlosè 2:12

Mbi ya bə̀ twə̀ŋi awən tì Kristo anyumə̀ ne mbi ya zi awən inga mənib, mbə̀ niŋ mənib. Anyumə̀ ne mbi ya nɔ awən chì inga mənib ne mbə̀ yaya nìŋə mənib, à ya icheg ni gha, Ŋwiye ya bə̀ zwèmni awən ane iwu tì Kristo . Wì ya zwemni awən ane imbə̀ʼ icheg ne mbə̀ nɔŋi ìwən ibḛfiŋ igun ika Ŋwiye we ne ya zwemne Yeso ane iwu.

1 Timotì 5:6

Àsi iku-àyi ne jə̀ghə isəg, wì fə ku, ka məd we kiri yi izɔm.

1 Timotì 6:13

Mə ya anìŋ ghàmà ine imbìghè abə Ŋwiye we ne nàʼà ìtḛ̀ abə ighi ijìm fɔrɔ imbìghè abə Yeso Kristo we ne ya gha tesiʼ imbìghè abə Pɔntiyos Payilèd. Anug ne mə ghà ine ya gha,

Mə̀Hibrù 6:1

Tì saŋa inug mbègtog mbe ne tì ya ghum nàni imbə̀ʼ kristo si chè imbìghè ni nani yaʼ inug mbe ne mbe chwìte abə bəd mbe ne fə təmi kà inga anug Ŋwiye: Tì saŋa anug ni ya ywìrè chwiti gha bəd bəŋə ìtɔb fìŋ sìkì inug tibɔ̀ŋ ne tì mbi ghì mbɔb ku fɔrɔ anug ni nɔ̀ŋì ibḛfiŋ igun Ŋwiye.

Mə̀Hibrù 9:14

Ane ya gha, anəm Kristo ze ne Azwighi Ŋwiye ze ne yaʼi ane ighə̀m imɔʼ, ze ya ghi wì tutì ni sò ìmba inug tibɔ̀ŋ ne chəyi məd ya gùghi anug, ze bèrì ika ni chì awa inga inug mbe ne ghìyə̀ iwu yèʼe igun ina. Ze bə̀ bèrì ika ni ghì gha tì ya fàʼà abə Ŋwiye we ne yaʼi izɔm.

Jems 2:17

Ane, ibḛfiŋ ne chəyi tìghinùg ya kwàʼ ati ako.

Jems 2:20

Anen! Àghò wa kə̀b gha mbe chwi ine gha ibḛfiŋ witì zən tìghinùg ya ati ako?

Jems 2:26

Icheg ne nyàmnyɔd ne chəyi azwighi inga yaʼi ati ako, à ya bə̀ ane ne ibḛfiŋ ne chəyi wə̀d we ghìyə̀ inug chɔm bə yaʼ ati ako.

1 Jɔn 2:12

Ìmbum bɔn ne mə̀ taŋ kɔ̀ŋ, mə̀ ya ŋwàʼrà anìŋ inən imbə̀ʼ icheg ne Ŋwiye fə waʼ ìmbən inug tibɔ̀ŋ anjìm Kristo.