Kòlosè 1:29 - Ikan feg

²⁹ Mə we kìrə ika ghìyə̀ inug ijìm ni fàʼ anug azo̰ ane ika we ne Kristo nàʼi inum.

Meta’

²⁹ Mə wɨə ghɨ̀ ɨnû mbɔ̂ ənɨ ɨka jìm we nɨ Kristo naʼ ɨ num.

Kòlosè 1:29 ပူးပေါင်းရင်းမြစ်များ

Lk 13:24

“Mbə̀ kirə ika ni nyi ane inuʼ ikam kwa. Si ya gha, mə gha tesiʼ inən gha, bəd ndan ndàn biri ghum kə̀b ni nyi, si ya gha, chəyi tì mbi nyi.

Rm 15:20

Mə ya kà kɔ̀ŋɔ̀ ni niŋ ikən chɔm gho̰ imbə̀ʼ Kristo ghò chètì inga isiŋi mbe ne chəyi bəd kə kweʼì zug. Chəyi mə̀ kə̀bi ni yḛ̀ inga isiŋi mbe ne bəd ndəŋ fə bi kweʼì chè angu tì ikən chɔm gho̰ imbə̀ʼ Yeso Kristo.

Rm 15:30

Ìmbum məfi fɔrɔ ìtum njàbi, mə̀ ya bòʼo ibo inən ane ikum ìwa Anɔŋisəg Yeso Kristo fɔrɔ anjìm àkɔ̀ŋì ze ne Azwighi Ŋwiye ghi tì beri gha mbə̀ fɔti ichug abɔ̀ʼ inum taŋ chàʼra Ŋwiye inum.

1 Kɔrèn 12:11

À ya məyi Azwighi Ŋwiye ze amɔʼ ze ghàpà tineʼi ìto̰ tijìm abə wə̀d imɔʼ imɔʼ icheg ne Azwighi Ŋwiye kə̀bi.

1 Kɔrèn 12:6

Tinɔnjì ni fàʼ te aku aku, si ya gha, à məyi Ŋwiye we imɔʼ ya ghìyə̀ gha wə̀d imɔʼ imɔʼ fàʼà àze àfàʼì ne wì nàʼi ibo.

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

2 Kɔrèn 11:23

Mbɔb kə bəd àfàʼì Kristo? Mo inum ya bə̀ wə̀d àfàʼì Kristo ne beri ati chè awɔb. Mə ya ghàmà anìŋ icheg atəd: Mə kirə ika ane ìfàʼì chè awɔb. Mə nyi ndəŋ aghəm nɔʼ nɔʼ. Mbe bə̀ ywìri mə aghəm nɔʼ nɔʼ. Mə bə̀ ghò pè ichug iwu aghəm nɔʼ nɔʼ.

2 Kɔrèn 13:3

Icheg ne mbə̰ mbe kə̀bə̀ aneni ne chwìye gha ìngam we ne mə ghàmà ya ngàm ne nɔ̀ʼi abə Kristo, mə biri chwi inən. Anyumə̀ ne Yeso we ghìyə̀ inug inən, chəyi we bɔ̀ri. Wì ya fàʼà inən kwàʼ tì ika.

2 Kɔrèn 5:9

Ane, kə̀ tì kə inga nyàmnyɔd ìzo̰ igun isəg aŋa, kə̀ abɔ̀ʼ Anɔŋisəg, tì ya ghìyə̀ ìwa ika ijìm gha Anɔŋisəg ya gyènde tì ina.

2 Kɔrèn 6:5

kə̀ nyùmə̀ ne mbe ywìre awa, kə̀ nyùmə̀ ne mbi zi awa inga nəb ndəŋ, kə̀ nyùmə̀ ne mbi bughi ndum ni zweti awa, kə̀ nyùmə̀ ne àfàʼì ze kà bə̀ nɔ̀ʼ, kə̀ nyùmə̀ ni neg ikyèʼi, kə̀ nyùmə̀ njèg.

Efesùs 1:19

fɔrɔ ika məd we ne fàʼà inga bəd mbe ne bḛ aməd ne chəyi tì mbi mə̀grì ane aghi mɔ̀ʼɔ. Aŋa ya ika kyen məd

Efesùs 3:20

À ya Ŋwiye nàʼi ika we ne fàʼà inga ina. Məd we tì wì ghi inug ina ne nɔʼi chè inug ne te bìre ibo kə̀ inug ne te kɔ̀ndɔ.

Efesùs 3:7

Mə ya fàʼà ni ghà ikən chɔm gho̰ anjìm ìchɔ̀mì Ŋwiye we ne wì che anjìm ika məd nàʼ inum.

Fìlipì 1:27

Anug kyen ne angu ya gha, mbə̀ bere ikuchèg we ne ikən chɔm imbə̀ʼ Kristo we chwìte. Ane, kə̀ mə yèʼe bàd awən kə̀ chəyi, mə biri zug gha mbə̰ təm kà ane ibḛfiŋ imɔʼ. Mə biri bə zug gha mbə̰ mbe se ane anug amɔʼ bə̀ bèrì ikɔndi imɔʼ. Mə biri bə zug gha mbə̰ mbe se kìrə ika ni ghì gha bəd nɔŋɔ fìŋ igun Kristo icheg ne ikən chɔm we chwìte.

Fìlipì 1:30

Tesiʼ ya gha, mbə̰ mbe zə̰ ngəʼ amad anìŋ kwàʼ icheg ne mbə̀ ya bàri ne mə zən ngəʼ. Mbə̰ mbe bə̀ kiri zùghə gha mə we bə̀ kiri zə̰ ngəʼ.

Fìlipì 2:13

Mbə̀ kyeri gha, à ya Ŋwiye we fàʼà inga ìtən fìŋ ni ghì gha mbə̀ ya ghìyə̀ inug chɔm mbe ne məd kə̀bi. À ya məd we bə̀ nàʼà ika inən ni ghì inug mbe ne məd kɔ̀ŋi.

Fìlipì 2:16

Mbə̀ nyimi ikən chɔm we ne nàʼà ìtḛ̀ ni ghì gha mə biri bèrì aton ni kɔ̀m igo ane aneg ze ne Kristo biri ywiri yeʼe gha chəyi mə̀ ya nòto atog ako, kə̀ fàʼ àfàʼì ako.

Kòlosè 2:1

Mə kə̀b gha mbə̀ kyeri icheg ne mə kìrə ika fàʼà imbə̀ʼ awən bə̀ fɔrɔ imbə̀ʼ bəd Kristo mbe a Làwùdisìyà fɔrɔ imbə̀ʼ bəd məjìm ne chəyi mbi bi kiri bari amə.

Kòlosè 2:12

Mbi ya bə̀ twə̀ŋi awən tì Kristo anyumə̀ ne mbi ya zi awən inga mənib, mbə̀ niŋ mənib. Anyumə̀ ne mbi ya nɔ awən chì inga mənib ne mbə̀ yaya nìŋə mənib, à ya icheg ni gha, Ŋwiye ya bə̀ zwèmni awən ane iwu tì Kristo . Wì ya zwemni awən ane imbə̀ʼ icheg ne mbə̀ nɔŋi ìwən ibḛfiŋ igun ika Ŋwiye we ne ya zwemne Yeso ane iwu.

Kòlosè 4:12

Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

1 Tèsàlonikà 2:9

Ìmba məfi fɔrɔ ìta njàbi, mbə̰ kyèri icheg ne tì yaya taŋ zìyè atog fàʼà kwàʼ ane ika. Tì yaya fàʼà ane tisi fɔrɔ izimi ni ghì gha anyumə̀ ne te ghà ikən chɔm imbə̀ʼ Ŋwiye inən, imbə̀ʼ tì yaʼ awa mbèʼ igun inən.

2 Tès 3:8

Chəyi tì yaya jə̀ghə tijəg wə̀d mɔ̀ʼɔ witì nàʼ ikab. Tì yaya kìrə ika fàʼà tisi fɔrɔ tizimi ni ghì gha imbə̀ʼ tì nɔ̀ʼ zì yaʼ mbèʼ wən igun wə̀d mɔ̀ʼɔ abɔ̀ʼ inən.

2 Timotì 2:10

Ane, mə we nyìʼè aton inug mbo̰ ijìm ni ghì gha bəd mbe ne Ŋwiye ya chɔʼi awɔb, Yeso Kristo ghiyə mbɔb pum bə̀ ghì mbɔb bere ighumni we ne chəyi ìnwḭ.

Mə̀Hibrù 12:4

Mbə̀ kyeri gha chəyi mbə kiri zɔŋi ni ton inug tibɔ̀ŋ ghò pè ane ati ne bəd mbe se kə̀bə̀ ni zweti awən.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

Ɨnû 2:3

Mə bə̀ kyèri gha chəyi àghò kiri bɔri ni nyìʼ inug bə̀ zə̰ ngəʼ ka ka imbə̀ʼ amə.