Kòlosè 1:28 - Ikan feg

²⁸ Tì ya chètè inug imbə̀ʼ Kristo abə wə̀d ijìm. Tì ya pàta awɔb gha imbə̀ʼ mbi nɔ̀ʼ sam kə̀tə̀d Ŋwiye. Tì ya bə̀ chwìte inug inɔb ane iwe ni ghì gha, tì we tì tì niŋ bəd məjìm ne yaʼi ane ifɔti tì Kristo ghò imbìghè abə Ŋwiye ne ìwɔb ibḛfiŋ fə taŋ kà.

Meta’

²⁸ Tɨ̀ wɨə ghà ənû ɨmbə̀ʼ ə Kristo əmbɨ ə wə̀d jìm. Tɨ̀ wɨə nɨŋ ɨwe we nɨ Ŋwìə̀ naʼ ɨ na patɨə mɨ̀mə̌d bə̀ chwi ɨnû əmbɨ wə̀d jìm, ɨmbə̀ʼ tɨ nɨŋ wə̀d jìm we nɨ fə kwi kàànɨ ɨchî nɨ wɨ̀ yeʼ ənɨ ɨfɔtɨ mbɨ Kristo wò ɨfě Ŋwiə̀.

Kòlosè 1:28 ပူးပေါင်းရင်းမြစ်များ

Matìyò 28:20

Mbə̀ chwiti inug inɔb mbe se zùgrə tikə tijìm te ne mə̀ ya nàʼi inən. Mbə̀ kyeri gha, mə biri yaʼ amə tì inən mà nyumə̀ ijìm anene isəg nwḭ̀yḛ̀.”

Matìyò 3:7

Àsi anyumə̀ ne wì ya bàri mə̀Farìsi nɔʼ nɔʼ tì mə̀Sadùsi nɔʼ nɔʼ ne yaya yèʼe gha wì naʼa mənib inɔb, wì ya ghà inɔb gha, “Mbə̰ ya kwàʼ ifighi! Àkə we pati awən gha mbə̀ nòrò abə ngəʼ kyen ze ne yèʼe?

Matìyò 5:48

Ane, mbə̰ bèrì ni bɔ̀ŋ mànì kwàʼ icheg ne ìwən Mbaʼ ikaŋ àbɔ̀ŋɔ bə bɔ̀ŋ mànì.”

Mk 6:34

Anyumə̀ ne mbi ya pe dù inga abaŋ igyi ze, Yeso ya bàd inɔ̰ bəd ne ya fə se angu kwàʼ ìwi kyen. Wì ya bèrì àsɔ̀mnəfiŋ igun inɔb imbə̀ʼ icheg ne, mbɔb ya yaʼ icheg njə̀g ne chəyi ti bere àjənjə̀g. Ane, wì ya ko ni chwiti inug nɔʼ nɔʼ inɔb.

Lk 21:15

Imbə̀ʼ mbə̰ nwìʼè awən nyɔd ane imbə̀ʼ icheg ne mə̀ biri nàʼ iwe fɔrɔ ìngam inən ne chəyi tì ìwən wə̀d ìpàb mɔ̀ʼɔ chè awən.

Ɨ̀fàʼì 10:36

Mbə̰ kyèri ìngam we ne Ŋwiye ya gha abə mə̀Izre. Ìngam we ya mə̀tì ikən chɔm imbə̀ʼ icheg ne tì che anjìm Yeso Kristo si chùghi ane àbɔrɔ̀bɔd tì Ŋwiye. Yeso Kristo ya Anɔŋisəg igun bəd məjìm.

Ɨ̀fàʼì 11:20

Bəd mɔ̀ʼɔ abɔ̀ʼ inɔb ne ya yaʼi bəd a Sayiprùs tì bəd a Sayirèn ya ghò a Antìyɔ̀g pè se ghàmà abə bəd ne kayi mə̀Ju bə. Mbi yaya chètè ikən chɔm imbə̀ʼ Anɔŋisəg Yeso.

Ɨ̀fàʼì 13:38

Ìmbum məfi fɔrɔ ìtum njàbi, icheg ne ze yaʼi anìŋ, anug ne mə̀ kəbi gha mbə̀ kyeri ya gha, Ŋwiye we chè anjìm Yeso wàʼa inug tibɔ̀ŋ bəd.

Ɨ̀fàʼì 17:18

Bəd iwe mɔ̀ʼɔ ne mbi yaya kàrà ane Èpìkurìyà fɔrɔ mbe ne mbi yaya kàrà ane Stoyìg ya ghò kɔ̀ti aməd, ko se tàŋà Ìngam Ŋwiye tì məd. Mbi mɔ̀ʼɔ abɔ̀ʼ inɔb ya ko se chàpà aməd gha, “Anen azo̰ kə ghà àzi aghə?” Mbi mɔ̀ʼɔ ya ghà àzɔb gha, “Wì ya ghàmà imbə̀ʼ iku mə̀ŋwiye mɔ̀ʼɔ.” Mbi yaya chàpà ane imbə̀ʼ icheg ne Pɔl yaya ghàmà inug imbə̀ʼ Yeso, bə̀ ghàmà inug imbə̀ʼ icheg ne bəd biri zweme ane iwu.

Ɨ̀fàʼì 17:3

Wì ya tòʼrì Ìngam Ŋwiye inɔb chwi icheg ne Wə̀d we ne Ŋwiye zɔ̀ʼi biri zə̰ ngəʼ, ku, Ŋwiye zwèmni aməd ane iwu. Pɔl ya chè imbìghè ni ghà inɔb gha, “Yeso gho̰ ne mə ghàmà inən imbə̀ʼ aməd anìŋ ya Wə̀d we ne Ŋwiye zɔ̀ʼi.”

Ɨ̀fàʼì 20:31

Mbə̀ we awən imbə̀ʼ tiku bəd te, bə̀ kɔ̀ndi gha, ane tituʼ titad, mə yaya pàta awən imɔʼ imɔʼ tì məsi aghə.

Ɨ̀fàʼì 3:20

Mbə̰ mə̀ ghì ane, Anɔŋisəg biri ghì ìtən fìŋ zùtì. Wì biri chà wə̀d we ne məd zɔʼi ne ya Yeso, inən.

Ɨ̀fàʼì 5:42

Mbi ya chè imbìghè ni chwiti inug abə bəd ineg ijìm bə̀ ghà ikən chɔm inga mbàn Ŋwiye fɔrɔ anəb anəb gha Yeso ya Wə̀d we ne Ŋwiye zɔ̀ʼi.

Ɨ̀fàʼì 8:35

Filip ya ko ni tòʼrì Ìngam Ŋwiye ibo ane asiŋi àŋwàʼrì azo̰, si ghà ikən chɔm imbə̀ʼ Yeso ibo.

Ɨ̀fàʼì 8:5

Filip ya swiʼi ghò inga asiŋi mɔ̀ʼɔ inga aba aben ze a Sàmarìyà. Wì ya pè ko ghà anug imbə̀ʼ Wə̀d we ne Ŋwiye zɔ̀ʼi abə bəd mbe ne ya yaʼi inga asiŋi ze.

Ɨ̀fàʼì 9:20

Wì ya nɔ̀ʼ witì chìkì nyumə̀, ghò inga məchamì Ŋwiye mbe ne yaʼi inga asiŋi ze, pè ko se ghàmà Ìngam Ŋwiye imbə̀ʼ Kristo. Wì yaya ghà gha, “Yeso ya Ŋwan Ŋwiye.”

Rm 16:25

Tè ghumni Ŋwiye! Məd we tì wì ghi mbə bèrì ibḛfiŋ ni təmi kà anjìm ikən chɔm we ne mə chètè imbə̀ʼ Yeso Kristo. Məd we tì wì ghì ane anjìm inug tesiʼ mbe ne ya yaʼi inə̀mbi nɔ̀ʼ a jeje ne fə du asaŋ.

1 Kɔrèn 1:23

Si ya gha, tì ya ghàmà imbə̀ʼ Kristo we ne mbi ya kɔ̀mbi igun azed abaʼri, ne chəyi mə̀Ju mɔ̀ʼɔ ya kɔ̀ŋi ni zug. Bəd ne kayi mə̀Ju ya nìŋə ane anug ne chəyi iwe inga.

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

1 Kɔrèn 12:8

Azwighi Ŋwiye ya nàʼà ika ni ghàm ìngam iwe abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni kyeri inug abə wə̀d ndəŋ.

1 Kɔrèn 15:12

Icheg ne mbe ghà inən gha Ŋwiye ya zwemne Kristo, ze kə si chè iye gha bəd mɔ̀ʼɔ abɔ̀ʼ inən mbe ghà gha chəyi bəd ku biri zweme?

1 Kɔrèn 2:15

Chəyi tì atog zen abə wə̀d ne chəyi Azwighi Ŋwiye yaʼi inga məd ni ghì gha wì kyeri iku wə̀d ne wə̀d ne beri Azwighi Ŋwiye wì yaʼi ìwiwən.

1 Kɔrèn 2:6

Anyumə̀ ne tì yaʼi tì bəd ne fə təmi kà inga anug Kristo, tì ya ghàmà ane iwe. Si ya gha, ìwa iwe kayi iwe ne bəd inga isəg beri, kə̀ ne itog bəd ne sàʼa isəg gho̰ beri, ne ìwɔb ìfɔ̀n biri mèg.

1 Kɔrèn 4:14

Chəyi mə ŋwàʼrà anug azo̰ anìŋ ni zì tìnìrètog igun inən. Mə ya ghàmà ìngam gho̰ ni kə awən, mbə̰ ìmbum bɔn ne mə̀ taŋ kɔ̀ŋ.

2 Kɔrèn 10:14

Icheg ne te kɔ̀mɔ̀ igo gha tì ya yeʼe fàʼ inən, chəyi tì kɔmi igo chè ati. Tì ya kɔ̀mɔ̀ igo gha mba ya bəd mbègtog ne yeʼe ghà ikən chɔm imbə̀ʼ Kristo inən.

2 Kɔrèn 11:2

Mə we ghə̀ʼrə̀ awən, icheg ne Ŋwiye we bə̀ ghə̀ʼrə̀. Aton ya gha mbə̰ ya icheg fɔ̀d ŋwan àyi zḛ zḛ ni mə nàʼi ane inam abə inɔm fìbì. Inɔm we ya Kristo.

2 Kɔrèn 4:5

Chəyi tì ya chètè inug imbə̀ʼ ìwa nyɔd. Tì ya chètè yaʼ gha Yeso Kristo ya Anɔŋisəg, mba ya bəd àfàʼì inən imbə̀ʼ Yeso.

Efesùs 3:8

Ka mə bì kə chè wə̀d kwa ne yaʼi abɔ̀ʼ bəd Ŋwiye məjìm, à ya Ŋwiye ya ghi ìchɔ̀mì inum gha mə̀ ghama abə bəd mbe ne kayi mə̀Ju imbə̀ʼ ifɔmi we ne chəyi wi biri nɔʼ mèg. À ya ifɔmi ne tì beri məyi icheg ne tì kyeri Kristo.

Efesùs 5:27

Wì ya ghì ane ni gha ifeti we bere ngwèn si təm ibo imbìghè ne wi fə zḛ mànì, ne chəyi wi beri tifiŋi igun, kə̀ gha ìfe nyɔ̀pɔ̀, kə̀ bèrì apabi kə̀ aghi mɔ̀ʼɔ igun. Wì ya ghì gha ifeti we chughi ane ìzḛzḛ ne chəyi anə igun.

Kòlosè 1:22

Amad anìŋ, Ŋwiye fə chè anjìm iwu we ne Yeso Kristo ya ku igun azed abaʼri ni mànì achɔb. Kristo ya ku ane ni chì ìmbən inug tibɔ̀ŋ bə̀ chì isaʼi igun inən, si ghì mbə̰ si yaʼ bəd ne təmi zen imbìghè abə Ŋwiye.

Kòlosè 2:10

Ane, Ŋwiye fə nàʼ ìtḛ̀ tesiʼ inən icheg ne mbə̀ yaʼi ane ifɔti tì Kristo. Kristo bèrì ika chè izwighi ijìm fɔrɔ tika tijìm igun isəg.

Kòlosè 2:3

Ŋwiye nə̀mbì iwe ijìm fɔrɔ ika ni kyeri inug inga Kristo.

Kòlosè 3:16

Mbə̀ taŋ nyìmi ìngam Kristo inga ìtən fìŋ kwàʼ icheg chɔm. Mbə̀ ya chwìte ìngam we abə bəd bə̀ kə awən mbə̰ mbə̰ ane iwe we ne Ŋwiye nàʼi inən. Mbə̀ ya ghìyə̀ ane ane tikyèg te ne du inga Àŋwàʼrì Ŋwiye tì tikyèg te ne bəd mbe zə̀ʼə̀ ne ghùmnə Ŋwiye fɔrɔ tikyèg te ne Azwighi Ŋwiye ze nàʼà. Mbə̀ ya zə̀ʼə̀ ane, nàʼà məyakà abə Ŋwiye.

Kòlosè 4:12

Epafràs ne yaʼi wə̀d abɔ̀ʼ inən bə̀ yaʼ wə̀d àfàʼì Yeso Kristo we bə̀ chàʼrà awən. Məd we zìyè atog ni chàʼra Ŋwiye inən mà nyumə̀ ijìm gha mbə̀ təm kà bə̀ taŋ kyèri inug ijìm mbe ne Ŋwiye kə̀bi, bə̀ taŋ zì atog ni nyìmi inug mbe, ne chəyi mbə̰ mbe jə̀mə̀.

1 Tèsàlonikà 4:6

Ane anug azo̰, imbə̀ʼ wə̀d mɔ̀ʼɔ abɔ̀ʼ inən ghiyə yi anug tibɔ̀ŋ abə ìwi ifi kə̀ nyə̀ʼ aməd. Anɔŋisəg biri chə bəd mbe ne ghìyə̀ tiku inug tibɔ̀ŋ ìto̰ tijìm kwàʼ icheg ne tì ya fə gha inən bə̀ pàti awən.

1 Timotì 3:16

Ze fə dù zen gha anug ne ya yaʼi inə̀mbi, azo̰ Ŋwiye fə ghi tì kyèri. À ya kwàʼ anug ne faŋi. Anug ze ya gha: Yeso ya yeʼe igun isəg icheg wə̀d-aku. Azwighi Ŋwiye ya gha məd we ghìyə̀ inug ne təmi kòʼ. Mbè angirə̀ ya bàd aməd. Bəd ya chètì inug imbə̀ʼ aməd inga iben ijìm. Bəd inga iben ijìm igun isəg ya nɔ̀ŋì ibḛfiŋ igun məd. Ŋwiye ya niŋ aməd ikaŋ nàʼ ighumni ibo.

1 Timotì 3:2

Ane, atog wə̀d igun bəd Kristo bèrì ni yaʼ wə̀d ne chəyi bəd mbe ghàmbà aməd. Tengàŋ bèrì ni nam məyi àyi imɔ̀ʼ. Wì bèrì ni yaʼ wə̀d ne kɔ̀ŋɔ̀ gha bəd ya chùghə ane àbɔrɔ̀bɔd. Wì bèrì ni kyeri icheg ni nyimbi nyɔd. Wì bèrì ni ya ghùmnə ìwi nyɔd. Wì bèrì ni yaʼ wə̀d ne kɔ̀ŋɔ̀ anug ni niŋ bəd tìsɔ̀ʼ ibo inga nəb. Wì bə̀ bèrì ni kyeri icheg ni chwiti inug abə bəd.

Mə̀Hibrù 10:14

Anjìm aghi àfàtì azo̰ amɔʼ, wì fə ghì bəd mbe ne we sò ìmbɔb inug tibɔ̀ŋ mbi zen mànì ane ighə̀m imɔʼ.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

2 Pità 3:15

Mbə̀ niŋ icheg ne Anɔŋisəg we nyìme fìŋ tì inən, ane apan ne wì nàʼi inən gha mbə̀ pum. Ìwa ifi Pɔl, ne tì taŋ kɔ̀ŋ, ya bə̀ ŋwàʼrì anug azo̰ inən icheg ne Ŋwiye ya nàʼ iwe ibo gha wì ŋwaʼra.