Kòlosè 1:22 - Ikan feg

²² Amad anìŋ, Ŋwiye fə chè anjìm iwu we ne Yeso Kristo ya ku igun azed abaʼri ni mànì achɔb. Kristo ya ku ane ni chì ìmbən inug tibɔ̀ŋ bə̀ chì isaʼi igun inən, si ghì mbə̰ si yaʼ bəd ne təmi zen imbìghè abə Ŋwiye.

Meta’

²² Àyɨə rɨ̀nîn wɨ̀ fə màànɨ̀ tàŋ mbɨ nən ɨchî nɨ Kristo nyaʼa kwɨ əzed ə baʼnɨ. Kristo nyaʼa kwɨ ɨmbə̀ʼ nɨŋ əwən nɨ mbə̀ fə zeŋ, nɨ chəi ənû rɨbɔ̀ŋ ə mɔʼɔ kɨ̀ ɨsaʼi mɔʼɔ ɨgwɨ nən wò ɨfě Ŋwiə̀.

Kòlosè 1:22 ပူးပေါင်းရင်းမြစ်များ

Lk 1:75

ni ghì gha tì yaʼ inga ìzḛzḛ bə̀ təm kòʼ imbìghè abə Ŋwiye ane ìmba ineg ijìm.

Rm 7:4

Ìmbum məfi fɔrɔ ìtum njàbi, à ya bə̀ ane ne chəyi mə̀nɔ̀ʼɔ̀ ywirì bèrì ika igun inən imbə̀ʼ icheg ne mbə̰ ya fə se ane anug amɔʼ tì Kristo. Amad anìŋ, mbə̰ ya bəd Anɔŋisəg we ne Ŋwiye ya zwemni aməd ane iwu ni ghì gha tì bere apan ni yaʼ bəd ne fàʼà abə Ŋwiye icheg chɔm.

2 Kɔrèn 11:2

Mə we ghə̀ʼrə̀ awən, icheg ne Ŋwiye we bə̀ ghə̀ʼrə̀. Aton ya gha mbə̰ ya icheg fɔ̀d ŋwan àyi zḛ zḛ ni mə nàʼi ane inam abə inɔm fìbì. Inɔm we ya Kristo.

2 Kɔrèn 4:14

Tè kyèri gha icheg ne tì yaʼi ane anug amɔʼ tì Anɔŋisəg Yeso, Ŋwiye biri bə zwemni awa iwu icheg ne wì ya zwemni aməd. Wì biri ghì ane, si niŋ awa tì ìnen tì fɔrɔ təm ibo imbìghè.

2 Kɔrèn 5:18

Inug mbo̰ ijìm nɔ̀ʼ abə Ŋwiye. Wì ya chè anjìm Kristo mànì achɔb tì ina. Wì fə zì àfàʼì ze ni mànì achɔb ina gha tì se fàʼà.

Efesùs 1:4

Bɔŋ Ŋwiye ya se tànga isəg, wì ya fə chɔʼ awa gha tì zen bə̀ təm kòʼ ibo imbìghè icheg ne tì yaʼi ane ifɔti tì Kristo. Anjìm àkɔ̀ŋì,

Efesùs 5:27

Wì ya ghì ane ni gha ifeti we bere ngwèn si təm ibo imbìghè ne wi fə zḛ mànì, ne chəyi wi beri tifiŋi igun, kə̀ gha ìfe nyɔ̀pɔ̀, kə̀ bèrì apabi kə̀ aghi mɔ̀ʼɔ igun. Wì ya ghì gha ifeti we chughi ane ìzḛzḛ ne chəyi anə igun.

Kòlosè 1:28

Tì ya chètè inug imbə̀ʼ Kristo abə wə̀d ijìm. Tì ya pàta awɔb gha imbə̀ʼ mbi nɔ̀ʼ sam kə̀tə̀d Ŋwiye. Tì ya bə̀ chwìte inug inɔb ane iwe ni ghì gha, tì we tì tì niŋ bəd məjìm ne yaʼi ane ifɔti tì Kristo ghò imbìghè abə Ŋwiye ne ìwɔb ibḛfiŋ fə taŋ kà.

1 Tèsàlonikà 4:7

Chəyi Ŋwiye ya kàri awa gha tì ya ghìyə̀ inug tibɔ̀ŋ. Wì ya kàrì awa gha tì chughi ane ikuchèg ne zḛ.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 10:10

Icheg ne Yeso Kristo ya fàʼi anug ne Ŋwiye ya kɔŋi, Ŋwiye fə ghì tì zen ane ighə̀m imɔʼ anjìm icheg ne Yeso ya nàʼi ìwi nyɔd ane aghi àfàtì.

Mə̀Hibrù 10:20

Iwu məd ya ghì Ŋwiye setì ndwi ze ne mbi ya tìŋi inga mbàn Ŋwiye, fìʼì inɔnjì feg ina ni nyi inga asiŋi ne zḛ mànì, jəg ìtḛ̀.

Mə̀Hibrù 13:21

Ŋwiye naʼa ighi chɔm ijìm inən. Ighi chɔm mbe ne mbə̀ koʼi ni bèrì ni ghì inug mbe ne məd kɔ̀ŋi. Ŋwiye bə chè anjìm Yeso Kristo fàʼ inug mbe ne məd kɔ̀ŋi ni fàʼ ina. Tè ghumni Yeso Kristo kwàʼ ane ighə̀m imɔʼ. À ya ane.

1 Pità 3:18

Yeso ya fə zə̰ ngəʼ ane ighə̀m imɔʼ imbə̀ʼ inug tìbɔŋ bəd. Məd ya wə̀d ne təmi kòʼ, si ya gha, wì ya zə̰ ngəʼ atog abə bəd inug tibɔ̀ŋ məjìm. Wì ya ghì ane ni niŋ awən ghò imbìghè abə Ŋwiye. Mbi ya zweti aməd, Azwighi Ŋwiye ghì wì ywirì zwème ane iwu.

2 Pità 3:14

Ane, ìmbum məfi fɔrɔ ìtum njàbi ne mə̀ taŋ kɔ̀ŋ, icheg ne mbə̰ mbe ghɔ̀mɔ̀ inug mbo̰, mbə̀ kirə ika ni chughi inga ìzḛzḛ. Mbə̀ ghiyə gha imbə̀ʼ Ŋwiye bad yi anug tibɔ̀ŋ mɔ̀ʼɔ igun inən. Mbə̀ bə chughi ane àbɔrɔ̀bɔd tì Ŋwiye.

Jûd 1:24

Tè ghùmnə Ŋwiye we ne tì wì nɔ̀ŋì awən gha imbə̀ʼ mbə̰ nɔ̀ʼ gùg anug. Məd we tì wì ghi mbə zen mànì ibo imbìghè bə̀ ghì gha mbə̀ se gyènde.