Kòlosè 1:12 - Ikan feg

¹² bə̀ nàʼà məyakà abə ìwa Mbaʼ. À ya məd fə ghi tì kòʼ ni jəg anug ìfɔ̀n ìzḛzḛ ze ne məd ya fə nɔŋi abə bəd Ŋwiye.

Meta’

¹² bə̀ sɨə nàʼ məben-əwe əmbɨ Mbǎʼ we nɨ ghɨ ni mbə kuʼ nɨ berɨ əbà rɨ ənɨ ɨghɨ mbe nɨ wɨ̀ nuŋ əmbɨ mbi bə̂d ɨŋga əsɨ ze nɨ ɨzeŋɨ zeŋɨ ə teə.

Kòlosè 1:12 ပူးပေါင်းရင်းမြစ်များ

Matìyò 25:34

Ifɔn we biri ghàpì bəd ane, si ghà abə bəd mbe ne yaʼi ane aba abo jəghi gha, ‹Mbə̀ yeʼe, à ya mbə̰ mbe ne ìmə Mbaʼ fə zì àbɔrɔ̀bɔd igun inən. Mbə̀ yeʼe jəg anug ìfɔ̀n ze ne ìmə Mbaʼ ya fə chuʼri nɔ̀ŋì inən nɔ̀ʼ ane nyumə̀ ne wì ya tangi isəg.

Jn 14:6

Yeso ya ywìtì gha, “Mo ya inɔnjì. Mo ya tesiʼ. Wə̀d ne nàʼà ìtḛ̀ abə bəd ya mo. Chəyi tì wə̀d mɔ̀ʼɔ ghò abə ìmə Mbaʼ, ne chəyi wì che inum anjìm.

Jn 20:17

Yeso ya ghà ibo gha, “Imbə̀ʼ àghò bete awe awum imbə̀ʼ icheg ne chəyi mə̀ kiri bəndi ghò abə ìmə Mbaʼ. Ane, ndò ghò ghà abə ìmbum məfi gha, ‹Mə we bə̀ndə̀ ghò abə ìmə Mbaʼ ne ya bə̀ ìwən Mbaʼ. Məd ya ìmə Ŋwiye, bə̀ yaʼ ìwən Ŋwiye.›”

Jn 4:23

Tesiʼ ya gha, nyùmə̀ we yèʼe ne bəd Ŋwiye biri ya ghùmnə aməd ane icheg ne koʼi. Nyùmə̀ we fə pè. À ya nyùmə̀ ne bəd Ŋwiye biri ya zùghə inug abə Azwighi Ŋwiye se ghùmnə aməd ane icheg ne koʼi. À ya ane imbə̀ʼ icheg ne, à ya tiku bəd te ne Ŋwiye ya kə̀bə̀ gha mbe ya ghùmnə aməd.

Ɨ̀fàʼì 20:32

Amad anìŋ, mə zì awən ikye abo abə Ŋwiye bə̀ nàʼ awən abə ikən we ne ghàmà imbə̀ʼ ìchɔ̀mì Ŋwiye. À ya ikən we ne tì wì ghì mbə kweg bə̀ bèrì ighi mbe ne Ŋwiye nɔŋi abə bəd məjìm mbe ne Ŋwiye ghi mbi zen.

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

Rm 11:17

Àmə yaʼ aghi ne mbi ya sɔbi fìtab mɔ̀ʼɔ ane azed olìf tibɔ̀ŋ ghò nàndì ane ibəm azed olìf chɔm, nji mbə̰ mbe ne kayi mə̀Ju ya icheg azed olìf tibɔ̀ŋ ze ne mbi ya nàndì ane àze chɔm. Mbə̰ mbe se bə̀ bèrè àbɔrɔ̀bɔd ze ne mə̀Ju mbe bèrè amad anìŋ.

Rm 15:27

Mbɔb ya kɔ̀ŋ ni chɔ̀pì ighi mbe. Tesiʼ ya gha, mbi ya bèrì ni ghì ane imbə̀ʼ icheg ne bəd ne kayi mə̀Ju fə fɔti tì mə̀Ju ni bèrì àbɔrɔ̀bɔd ze ne Azwighi Ŋwiye ze nàʼà. Ane, mbɔb bèrì ni nàʼ ighi mbe ne mbɔb bə bèrì abə mə̀Ju mbe ne bḛ Kristo.

Rm 8:17

Icheg ne tì yaʼi bɔn məd, tì biri jəg ighi mbe ne məd nɔŋi abə ìmbi bəd. Tì biri bə fɔti abɔ̀ʼ Kristo ni jəg ighi mbe ne Ŋwiye nɔŋi ibo. Tì mə zən ngəʼ abɔ̀ʼ Kristo, tì biri bə bèrì ighumni we ne Ŋwiye biri nàʼ ibo.

Rm 9:23

Wì ya kə̀b ni chwi ìchɔ̀mì məd we ne chəyi ìnwḭ. Wì ya kə̀b ni chwi àsɔ̀mnəfiŋ azo̰ igun bəd məd mbe ne wì ya də̀bi ni chwi àsɔ̀mnəfiŋ inɔb. À ya bəd mbe ne wì ya fə ghum chùʼri nɔ̀ŋì gha mbi biri ghumni aməd.

1 Kɔrèn 8:6

Ane, tè kyèri gha Ŋwiye məyi imɔʼ ne yaʼi Mbaʼ we ne ya tangi ighi ijìm. À ya məd we nàʼà ìtḛ̀ ina. Anɔŋisəg ya bə̀ məyi imɔʼ. Məd ya Yeso Kristo we ne Ŋwiye che anjìm məd tàngi ighi ijìm. Məd we bə̀ nàʼà ìtḛ̀ ina.

1 Kɔrèn 9:23

Mə ya ghìyə̀ inug mbo̰ anìŋ məyi ni chètì ikən chɔm we ni ghì gha mo inum biri bə̀ bèrì àbɔrɔ̀bɔd.

2 Kɔrèn 11:14

Kayi anug ni jə̀m imbə̀ʼ icheg ne Sàtàn ya bə̀ chwìye ìwi ìfe icheg angirə̀ ìzḛzḛ.

2 Kɔrèn 5:5

À ya Ŋwiye fə chuʼri awa nɔ̀ŋì abə ikɔpi gho̰ ne biri ghum yaʼ. Wì fə nàʼ àzi Azwighi ina ane aneni ni chwi gha wì biri nàʼ ighi ijìm mbe ne wì nɔŋi ina.

Efesùs 1:11

Ŋwiye chɔʼ awa nɔ̀ŋì gha tì yaʼ bəd məd icheg ne tì yaʼi ane ifɔti tì Kristo. Wì ya fàʼà inug ijìm icheg ne wì ya fə chuʼri nɔ̀ŋì gha mbi biri yaʼ.

Efesùs 1:18

Mə we bə̀ chàʼrà Ŋwiye gha wì ghiyə ìmbən itog zen imbə̀ʼ mbə̀ kyere aghi ze ne wì kàri awa gha tì nɔŋɔ ikɔndi ghɔ̀m. À ya ìchɔ̀mì kyen we ne wì ya kàʼi abə bəd məd

Efesùs 2:18

À ya anjìm Kristo ne Azwighi Ŋwiye ghi awa mba məjìm, mə̀Ju fɔrɔ bəd ne kayi mə̀Ju, tì bèrì apan imbìghè abə Ŋwiye ne yaʼi ìwa Mbaʼ.

Efesùs 3:6

Anug ze ne yaʼi inə̀mbi ya gha, anjìm ikən chɔm, bəd mbe ne kayi mə̀Ju fə si mbe àjəgnəb abɔ̀ʼ mə̀Ju. Mbɔb ya si isiŋi nyɔd ane nyàmnyɔd imɔʼ tì mə̀Ju. Mbɔb fə bə̀ bèrì àzɔb tì aba ane anug ze ne Ŋwiye ya che anjìm Yeso Kristo kàʼ.

Efesùs 4:6

Ŋwiye ya məyi imɔʼ bə̀ yaʼ Mbaʼ abə bəd məjìm. À ya məyi məd we imɔʼ ne tùmbə̀ bəd məjìm bə̀ chè inga bəd ni fàʼ inug ijìm bə̀ ywìrì yaʼ inga bəd ijìm.

Efesùs 5:11

Imbə̀ʼ mbə̰ ziye awən abo ane inug ako mɔ̀ʼɔ mbe ne bəd inga isəg mbe ghìyə̀ inə̀mbi. Mbə̀ toʼo inug mbe asaŋ, bəd bara.

Efesùs 5:20

Mbə̀ ya nàʼà məyakà abə Ŋwiye ne yaʼi ìwa Mbaʼ imbə̀ʼ inug ijìm. Mbə̀ ya ghìyə̀ ane mà nyumə̀ ijìm inga ikum Anɔŋisəg Yeso Kristo.

Efesùs 5:4

Chəyi ze bɔŋi gha mbə̀ ya ghàmà izṵ inug kə̀ ghìyə̀ tìcheg ane izṵ inug kə̀ ghàmà tìngam anen. Anug ne bɔŋi ya gha mbə̀ ya nàʼà yaʼ məyakà abə Ŋwiye.

Efesùs 5:8

À ya yaʼ inga nyùmə̀ mɔ̀ʼɔ, mbə̰ yaya ghìyə̀ inug icheg bəd ne yaʼi inga afub. Àsi amad anìŋ ne mbə̰ ya fə si bəd Anɔŋisəg, mbə̀ se ghìyə̀ inug ne chwìye gha mbə̰ fə se inga ìzḛzḛ.

Kòlosè 2:2

Aton ya gha, mə ya kə̀bə̀ ni nəri ìtɔb fìŋ bə̀ ghì gha mbɔb yaʼ ane fìŋ ifibì bə̀ chùghi ane àkɔ̀ŋì. Àze biri ghì mbɔb taŋ bèrì iwe ni kyeri anug, imbə̀ʼ kyeri anug ze ne Ŋwiye nə̀mbi. Anug ze ya Kristo.

Kòlosè 3:15

Mbə̀ saŋa àbɔrɔ̀bɔd ze ne Kristo nàʼi inən ze tumbə ìtən fìŋ. À ya imbə̀ʼ àbɔrɔ̀bɔd ze ne Ŋwiye ya kàri awən gha mbə̀ yaʼ ane ifɔti inga nyàmnyɔd imɔʼ. Mbə̀ ya nàʼà məyakà ibo mà nyumə̀ ijìm.

Kòlosè 3:17

Inga ìmbən inug ijìm, kə̀ mbə̰ kə ghàmà kə̀ fàʼà, mbə̀ ya ghìyə̀ inug ijìm məyi ane ikum Anɔŋisəg Yeso. Mbə̀ ya ghìyə̀ ane chè anjìm Anɔŋisəg Yeso nàʼà məyakà abə Ŋwiye ne yaʼi Mbaʼ ne ghi mbə yaʼ ane ifɔti tì məd.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 12:23

À ya bə̀ asiŋi ne tifeti bəd Kristo ne ya ŋwan mbèg Ŋwiye ti fete fə bə̀ ŋwàʼrì ìtɔb tikum ikaŋ àbɔ̀ŋɔ. Mbə yèʼe abə Ŋwiye we ne sàʼa bəd məjìm fɔrɔ ane asiŋi ze ne izwighi bəd yaʼi angu. Bəd mbe ne Ŋwiye fə ghi mbi təm kòʼ bə̀ bɔ̀ŋ mànì ya angu.

Mə̀Hibrù 3:1

Ane, ìmbum məfi fɔrɔ ìtum njàbi ne tì yaʼi ane anug amɔʼ tì Anɔŋisəg, mbə̀ nɔŋɔ ìtən tikɔndi igun Yeso we ne te gha tè zì ibḛfiŋ igun məd. Yeso gho̰ ya wə̀dtɔm Ŋwiye bə̀ yaʼ atog wə̀d igun bəd mbàn Ŋwiye.

Mə̀Hibrù 3:14

Mba mə̀ taŋ nyìmi anug ze ne tì ya fə bḛ ghò pè ane aneg ìnwḭ, nji tì biri yaʼ ane anug amɔʼ tì Kristo.

Jems 3:9

Tì we nìŋə inemi ghùmnə Anɔŋisəg, ìwa Mbaʼ inga. Tì we bə̀ nìŋə inemi zìyè ndɔ̀n igun bəd ne Ŋwiye tàngi mbi fug aməd.

1 Pità 5:1

Mo ne yaʼi atog wə̀d inga ifeti bəd Kristo, mə̀ ya bàd icheg ne Kristo ya zə̰ ngəʼ. Mə biri bə bàd icheg ne Kristo biri ywiri yeʼe inga ighumni məd. Mə ya anìŋ bòʼo ibo abə itog bəd inga ifeti bəd Kristo gha:

1 Jɔn 1:3

Inug mbe ne tì ya zughi bə̀ bàd, à ya mbo̰ ne te ghà inən anìŋ, ni ghì gha mbə yaʼ ane ifɔti tì ina. Ìwa ifɔti ya tì Mbaʼ bə̀ fɔrɔ tì Ŋwan məd Yeso Kristo.

Ɨnû 21:23

Chəyi aben ze ya ywirì kə̀b gha nyùmə̀ kə̀ iməg ywirì zuʼ igun məd imbə̀ʼ icheg ne ìzḛzḛ njandi njandi yaya dùwə̀ ane Ŋwiye zùʼə zḛ isiŋi ijìm. Ŋwan njə̀g yaya bə̀ zùʼə icheg anam.

Ɨnû 22:14

Ŋwiye zì àbɔrɔ̀bɔd igun bəd mbe ne fə so ìtɔb ndwi ti zen. Ane, mbɔb fə kòʼ ni chè inuʼ ikam nyi inga ikye aben we, jəg titam ane azed ze ne nàʼà ìtḛ̀.

Ɨnû 22:5

Chəyi izimi biri ywìri yaʼ angu. Chəyi bəd biri ywìri kə̀b anam kə̀ achwi imbə̀ʼ icheg ne Anɔŋisəg Ŋwiye biri yaʼ ìwɔb ìzḛzḛ. Mbɔb biri tùmbì isəg icheg məfɔn kwàʼ ane ighə̀m imɔʼ.