Jn 9:39 - Ikan feg

³⁹ Yeso ya gha, “Mə yeʼe ni saʼ bəd igun isəg gho̰ ni ghì gha məfəg se bàrà isiŋi, bəd mbe ne bàrà isiŋi mbe bəŋə ane məfəg.”

Meta’

³⁹ Yeso nyaʼa ghà ni, “Mə nyaʼa yeʼe ɨ saʼ ɨsɨg wɔ̂ ɨmbə̀ʼ mɨfɨgɨ̀ zə ɨsɨ, mbe nɨə zə ɨsɨ beŋ ənɨ mɨfɨgɨ̀.”

Jn 9:39 ပူးပေါင်းရင်းမြစ်များ

Matìyò 11:5

Məfəg mbe se bàrà isiŋi. Bəd ne ighog sweʼe mbe se nɔ̀ʼɔ̀ yḛ̀ icheg chɔm. Aghɔn fə mèg igun bəd ne yaya ghɔ̰̀ àwàrikə̀m, mbi se zḛ. Bəd ne koro mbe se zùghə inug icheg chɔm fɔrɔ iwu bəd mbe zwème. Bəd mbe bə̀ ghà ikən chɔm abə bəd ne chəyi àzɔb.

Matìyò 15:14

Mbə̀ saŋa awɔb! Mbɔb ya məfəg ni nyimi ibo abə məfəg ndəŋ ni chwi inɔnjì inɔb. Ifəg mə̀ nyìmi abo abə ifəg ndəŋ, mbɔb mbe mə̀be biri fen inga ibighi.”

Matìyò 6:23

Ìwe ighə mə̀ yaʼ ìwi tibɔ̀ŋ, ìze nyàmnyɔd ijìm biri fin. Ane, ìzḛzḛ we ne yaʼi inga ine mə bə̀ŋə̀ ane afub, nji isiŋi biri fin kɔ̀ghɔ!”

Lk 1:79

ni chwi ìzḛzḛ abə bəd mbe ne kiri biri izimi bə̀ bɔ gha mbi biri ku ne chəyi mbi kyeri Ŋwiye, bə̀ chwi inɔnjì gha tè chughi ane àbɔrɔ̀bɔd.”

Lk 13:30

Kwàʼ tesiʼ tesiʼ, bəd mbe ne yaʼi imbìghè biri se anjìm. Mbe ne anjìm biri si yaʼ imbìghè.”

Lk 2:34

Simìyòn ya zì àbɔrɔ̀bɔd igun inɔb, si ghà abə Mèri, ngɔb ŋwan gha, “Ŋwan gho̰ ya Ŋwiye chɔ̀ʼi ni ghì gha bəd ndan ndàn biri gùg. Wì biri bə nɔ̀rì bəd ndan ndàn inga Izre. Məd ya aneni ne nɔʼi abə Ŋwiye ne bəd ndan ndàn biri chàpì aməd.

Lk 4:18

“Azwighi Ŋwiye ze igun inum. Anɔŋisəg fə zɔʼ amə gha mə gha ikən chɔm abə bəd ne chəyi àzɔb, bə̀ chà amə ni ghò chètì abə bəd ne yaʼi inga ndəŋ gha Ŋwiye biri chì awɔb a ndəŋ sàŋì, fɔrɔ ni gha məfeg bàd isiŋi, fɔrɔ ni gha bəd mbe ne mə̀mbin mbe nyə̀mə̀ awɔb mbe pum,

Lk 7:21

Kwàʼ anyumə̀ we, Yeso ya ghù bəd ndan ndàn ne ghɔ̰̀ tiku ighɔn nɔʼ nɔʼ bə̀ chì izwighi tibɔ̀ŋ inga bəd mbe ne izwighi tibɔ̀ŋ ya yaʼi inga inɔb. Wì ya bə̀ fìʼì aghə abə məfəg.

Jn 12:31

Nyùmə̀ fə kòʼ ne Ŋwiye biri saʼ bəd igun isəg gho̰. Wì biri kamni wə̀d we ne sàʼa isəg gho̰, chì igun isəg.

Jn 12:46

Mə ya yèʼe igun isəg icheg ìzḛzḛ, ni ghì gha, imbə̀ʼ wə̀d ne nɔŋi ibḛfiŋ igun inum ywiri chughi yi izimi.

Jn 3:17

Chəyi Ŋwiye ya chà ìwi Ŋwan igun isəg gho̰ gha wì yeʼe saʼ bəd imbə̀ʼ inug tibɔ̀ŋ. Ŋwan məd ya yèʼe ni ghì gha bəd pum.

Jn 3:19

Isaʼi we ne yaʼi igun bəd igun isəg ya gha, Ìzḛzḛ fə yèʼe igun isəg, si ya gha, bəd kɔ̀ŋ yaʼ afub chè ìzḛzḛ imbə̀ʼ icheg ne mbɔb mbe kiri ghiyə inug tibɔ̀ŋ.

Jn 8:12

Yeso ya ywìrì ghà abə bəd gha, “Mo ya ìzḛzḛ abə bəd mbe ne yaʼi igun isəg. Wə̀d we ne bḛ amə, chəyi wì biri ya yḛ̀ inga afub. Tengàŋ biri bèrì ìzḛzḛ we ne nàʼà ìtḛ̀.”

Jn 8:15

Ane, mbə̰ mbe sɔ̀bɔ isaʼi icheg ne bəd-aku mbe sɔ̀bɔ. Si ya gha, chəyi mə̀ sɔbi isaʼi igun wə̀d mɔ̀ʼɔ.

Jn 9:25

We ya ywìtì, “Chəyi mə̀ kyeri gha, àkə wə̀d ne ghìyə̀ inug tibɔ̀ŋ kə̀ chəyi. Anug ne mə̀ kyeri ya gha, mə̀ ya yaʼ ifəg. Si ya gha, amad anìŋ, mə we se bàrà isiŋi.”

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

2 Kɔrèn 2:16

Abə bəd mbe ne nìme, ifɔ gho̰ ya nyòʼo, zwète awɔb. Àsi abə bəd mbe ne pùmə, ifɔ gho̰ ya nyòʼro nàʼà ìtḛ̀. Àkə we ne taŋ kòʼ ni fàʼ iku àfàʼì gho̰?

Efesùs 5:14

À ya ane imbə̀ʼ icheg ne ighi ijìm ne bəd mbe bàrà ya ighi ne ìzḛzḛ we zùʼə igun. À ya aton ne mbi Ŋwàʼri gha, “Àghò ne gwḛ, nɔ̀ʼɔ angwḛ, zwème, ane, ìzḛzḛ Kristo biri zuʼ igun ine.”

2 Tès 2:10

Wì biri ghì tiku inug tibɔ̀ŋ nɔʼ nɔʼ ni tambi bəd mbe ne biri ku nim. Mbɔb biri ku nim imbə̀ʼ icheg ne chəyi mbi ya kɔ̀ŋi ni bḛ tesiʼ ni pum.

1 Pità 2:9

Àsi awən, mbə̰ ya inəbi ne Ŋwiye chɔ̀ʼi. Mbə̰ ya bəd Mbàn Ŋwiye ne fàʼà abə Ŋwiye, ìwən ifɔn. Mbə̰ ya aben bəd ne zḛ. Mbə̰ ya kwàʼ bəd Ŋwiye. Wì chɔʼ awən gha mbə̀ chete inug yeti yeti ne wì fə ghi. À ya Məd ya chɔʼi awən chì inga isəg afub si zì inga ìzḛzḛ chɔm chɔm məd.

1 Jɔn 2:11

Àsi wə̀d ne bà̰ ìwi ifi ya wə̀d ne kiri yaʼi inga afub. Məd we kiri ghiyə inug afub. Chəyi wì kyèri asiŋi ne we ghò angu imbə̀ʼ icheg ne afub ze fə fə̀ghì aghə ibo.