Jn 9:16 - Ikan feg

¹⁶ Mə̀Farìsi mɔ̀ʼɔ ya gha, “Wə̀d we ne ghu wə̀d gho̰, kayi Ŋwiye cha imbə̀ʼ icheg ne, chəyi wì ya nɔ̀ŋɔ̀ aneg Àzwètì.” Si ya gha, mə̀mbin ya biri gha, “Wə̀d inug tibɔ̀ŋ kə ghìyə̀ iyeti inug icheg mbo̰ iye? Àghàpì ya nyi inga inɔb icheg ne mbi yaya tàŋà inug ane.”

Meta’

¹⁶ Mɨ̀Farisiî mɔʼɔ nyaʼa ghà ni, “Kaʼi Ŋwìə̀ tom mbaŋə̀ ze nɨ ghɨ ənû zɔ̂, ɨmbə̀ʼ ɨghəm nɨ chəi məd ə nùŋ əni əkwɨ.” Àyɨə mbɨ mɔʼɔ nyaʼa ghà ni, “Tɨ̀ mbaŋə̀ ze nɨə ghɨ̀ ɨnû rɨbɔ̀ŋ ghɨ̀ ɨnû yiirɨ ɨghabɨ mbɔ̂ ə?” Ənɨ mbɨ nyaʼa ghà əne, ə̀ghàbrɨ̀ ə nyaʼa jwɨ̀ əkaʼ mɨ̀mə̌d.

Jn 9:16 ပူးပေါင်းရင်းမြစ်များ

Matìyò 12:10

Wə̀d mɔ̀ʼɔ ne abo məd ya gwiʼe ya yaʼ angu. Mə̀Farìsi mbe yaya kə̀bə̀ anug ni zì igun atog abə Yeso. Ane, mbi ya si bìri ibo gha, “Ìmba mə̀nɔ̀ʼɔ̀ wa chwi gha mbe ghu bəd fɔrɔ igun aneg àzwètì?”

Matìyò 12:2

Anyumə̀ ne mə̀Farìsi ya bàri, mbi ya ghà abə Yeso gha, “Àghò nḛ ìmbe mə̀mə̀nənùg! Mbɔb mbe ghìyə̀ anug ne chəyi ìmba mə̀nɔ̀ʼɔ̀ bḛ gha mbe ghiyə igun aneg àzwètì.”

Lk 13:14

Atog wə̀d inga ichamì Ŋwiye ya gaŋ imbə̀ʼ icheg ne Yeso ya ghù àyi we igun aneg àzwètì, wì si ghà abə bəd gha, “Ineg àfàʼì mbe tìfughə, mbə̀ yeʼe igun ineg àfàʼì, mbe ghuyə awən. Kayi igun ineg àzwètì.”

Jn 10:19

Àghàpì ya nyi inga mə̀Ju mbe ne ya zughi inug mbe ne Yeso yaya ghà.

Jn 14:11

Mbə̀ bḛ anug ne mə̀ gha inən gha, mə yaʼ ane anug amɔʼ tì ìmə Mbaʼ, məd bə̀ yaʼ ane anug amɔʼ tì inum. Mbə̰ mə̀ to̰ awən ni bḛ anug ne mə̀ gha, mbə̀ bḛ məyi imbə̀ʼ iyeti inug ne mbə̀ bàri ne mə fàʼà.”

Jn 15:24

Icheg ne mə ghi inug ne chəyi wə̀d mɔ̀ʼɔ kə kweʼì ghì inɔb, mbi biri nyimi awɔb ane ìmbɔb inug tibɔ̀ŋ. À ya ane imbə̀ʼ icheg ne, mbɔb bàd iyeti inug mbe bə̀ kiri pab amə, bə̀ pàb ìmə Mbaʼ.

Jn 2:11

Àzo̰ ya ayeti anug mbègtog ne Yeso ya fàʼi. Wì ya fàʼ ayeti anug azo̰ ni chwi ìwi ika a Kanà, asiŋi ne yaʼi inga Galìli. Ane, mə̀mə̀nənùg məd ya si taŋ zì ìwɔb ibḛfiŋ igun məd.

Jn 3:2

Wə̀d gho̰ ya ghò abə Yeso izimi pè ghà ibo gha, “Àchwitìnùg, tè kyèri gha àghò ya wə̀d ne Ŋwiye cha gha wì chwiti inug ina imbə̀ʼ icheg ne chəyi wə̀d mɔ̀ʼɔ ne tì wì ghi iyeti inug mbo̰ kirəndə à ya wə̀d ne Ŋwiye yaʼi tì məd.”

Jn 5:10

Ane, itog bəd inga aben mə̀Ju ya ghà abə wə̀d we gha, “Tèchɔ̀ŋ ya aneg àzwètì, chəyi ìmba mə̀nɔ̀ʼɔ̀ bḛ gha àghò beʼe àze tìsa.”

Jn 5:36

Si ya gha, mə bèrì anug ne chwìye gha wə̀d ne mə̀ yaʼi ìwiwən ze chè anug ze ne Jɔn ya gha. Àfàʼì ze ne ìmə Mbaʼ zì inga ìmə ikye abo gha mə fàʼà, a ze ghàmà imbə̀ʼ amə. Àfàʼì azo̰ ajìm ze chwìye gha à ya ìmə Mbaʼ cha amə.

Jn 6:52

Mə̀Ju ya zug anìŋ gaŋ se ghàmà tàŋì inug mbɔb mbɔb gha, “Wə̀d gho̰ kə ghi chè iye ni nàʼ ìzi nyàmnyɔd ina gha tì kud?”

Jn 7:12

Bəd yaya jìte inug imbə̀ʼ Yeso inga inɔ̰ bəd we ne ya yaʼi ane iteri. Bəd mɔ̀ʼɔ yaya gha, “À ya wə̀d chɔ̀m.” Mə̀mbin yaya to̰ awɔb gha, “Indèʼ! À ya wə̀d ne kə̀bə̀ ni tàmbi bəd.”

Jn 7:23

Mbə̰ mbe ŋwère ane məyi ni gha imbə̀ʼ mbə̰ nɔ̀ʼ gùg mə̀nɔ̀ʼɔ̀ Muse. Aton ne mbə̰ mbe se gàŋa tì inum gha mə ghù wə̀d igun aneg àzwètì, ghì nyɔd məd ijìm zen, àkə gha?

Jn 7:43

Ane, inɔ̰ bəd we ya ghàpà. Bəd mɔ̀ʼɔ yaya ghàmà inug chɔm imbə̀ʼ aməd, mə̀mbin se ghàmà inug tibɔ̀ŋ.

Jn 9:24

Mbi ya ywìrì kàrì wə̀d we ghà ibo gha, “Gha ìwe tesiʼ imbìghè abə Ŋwiye. Tè kyèri gha, wə̀d gho̰ ne ghu awe ya wə̀d inug tibɔ̀ŋ.”

Ɨ̀fàʼì 14:4

Bəd mbe inga asiŋi ze ya ghàpà ane iba ibe. Mbi mɔ̀ʼɔ ya bḛ inug mbe ne mə̀Ju yaya ghà. Mə̀mbin ya bḛ yaʼ inug mbe ne bədtɔm Kristo yaya ghà.