Jn 8:44 - Ikan feg

⁴⁴ Mbə̰ ya bɔn Debrə̀ we ne yaʼi ìwən mbaʼ. Mbə̰ ya kə̀bə̀ ya ni ghì məyi inug mbe ne ìwən mbaʼ kə̀bi. Məd yaya zwète bəd kwàʼ ane isəg ya ko. Chəyi wì kweʼì bḛ tesiʼ imbə̀ʼ icheg ne chəyi tesiʼ yaʼi inga məd. Anyumə̀ ne we ghà inug ako, wì ya fàʼà yaʼ àzi atog àfàʼì imbə̀ʼ icheg ne məd ya wə̀d inug ako. Məd ya bə̀ wə̀d ne inug ako ijìm nɔʼi ibo.

Meta’

⁴⁴ Mbə yɨə bɔn Debɨ̀rə̀ we nɨ yeʼ ə mbǎʼ. Mbə mbɨə kə̀b ghɨ àmei ɨnû mbe nɨ ə mbǎʼ kəbɨ. Məd yɨə nyaʼə ə̀zwììrɨ̀-bə̂d tɨ ənɨ ɨsɨg nyaʼa kɔ. Chəi wɨ̀ berɨ ənû ə mɔʼɔ nɨ ghɨ̀ mbɨ rəsìʼ, ɨmbə̀ʼ ɨghəm nɨ chəi məd ə ghà rəsìʼ. Ənɨ wɨ̀ gha mɨghab, ɨ wɨə ghɨ̀ àmei ənû ze nɨ yeʼ ɨŋga fîŋ məd, ɨmbə̀ʼ ɨghəm nɨ məd yɨə wə̀d mɨghab fɔrɨ mbǎʼ mɨghab.

Jn 8:44 ပူးပေါင်းရင်းမြစ်များ

Matìyò 12:34

Mbə̰ ya kwàʼ ifighi! Tì mbə̰ bəd fìŋ tibɔ̀ŋ ghàm ìngam chɔm? Imbə̀ʼ wə̀d ya ghàmà anug ne yaʼi ibo inga fìŋ?

Matìyò 13:15

À ya ane imbə̀ʼ icheg ne fìŋ abə bəd mbo̰ fə tu. Mbɔb fə bə̀ ghùpì ìmbɔb ìtɔ̀ŋi. Mbɔb fə bə̀ kùbri àzɔb aghə. Àkə aghi ne chəyi ze yaʼi ane, nji mbɔb biri nèn, bàd, zwèri zug bə̀ kyèri inga ìtɔb fìŋ, si bə̀ŋì fìŋ yèʼe inum, mə ghù awɔb.›

Matìyò 13:38

Mben ze ya isəg. Ngwèd kyì chɔm ze ya bəd mbe ne yaʼi inga anug ìfɔ̀n ikaŋ. Ifog we ya bəd ìmbi Wə̀d Tibɔ̀ŋ.

Jn 6:70

Yeso ya ywìtì gha, “Imbə̀ʼ à ya mo chɔʼi awən, mbə̰ mbo̰ ìghum chɔ̀b ibe? Si ya gha, wə̀d ifibì abɔ̀ʼ inən ya Debrə̀!”

Jn 7:17

Wə̀d mɔ̀ʼɔ mə̀ nɔ̀ŋì ìzi fìŋ ni fàʼ anug ne Ŋwiye kə̀bi, tengàŋ biri kyeri gha, inug mbe ne mə chwìte kə̀ nɔʼ abə Ŋwiye kə̀ àkə ìmbum?

Jn 8:38

Inug mbe ne mə gha inən ya tesiʼ. À ya inug ne ìmə Mbaʼ ya chwi inum anyumə̀ ne mə̀ ya yaʼi tì məd. Si ya gha mbə̰ ya ghìyə̀ yaʼ inug mbe ne mbə̀ ya zughi abə ìmbən mə̀mbaʼ.”

Jn 8:41

Mbə̰ ya ghìyə̀ yaʼ inug mbe ne ìwən mbaʼ we ghìyə̀.” Mbi ya si gha, “À ya məyi Ŋwiye ne yaʼi ìwa Mbaʼ. Ane, Mba ya kwàʼ bɔn məd.”

Jn 8:55

Ka chəyi mbə̀ kyeri aməd, mo kyèri aməd. Mo mə̀ gha chəyi mə̀ kyeri aməd, ze biri chwi gha mə ya ghàmà inug ako icheg inən. Mə kyèri aməd. Mə we bə̀ zùgrə ìngam məd.

Ɨ̀fàʼì 13:10

“Àghò ya kwàʼ ŋwan Debrə̀! Àghò bàn inug mbe ne koʼi ijìm. Àghò ya ghìyə̀ aku anug ajìm ni tambi bəd. Inug tibɔ̀ŋ bə̀ sweg ine inga fìŋ. Àghò wa kə anìŋ, chəyi aneg ne àghò biri sàŋì anug ni niŋ inug chɔm mbe ne Anɔŋisəg ghìyə̀ bə̀ŋì ane inug ako?

Ɨ̀fàʼì 24:9

Mə̀Ju ya fɔti ichug bḛ gha inug mbe ne Tetulùs we ghà ya tesiʼ.

Ɨ̀fàʼì 5:3

Icheg ne wì ya nàʼi ane, Pità ya biri ibo gha, “Ànàniyàs, aton àghò sàŋi gha Sàtàn nyi ine inga fìŋ tàmbi awe anìŋ àkə gha? Àghò mə̀tì anug ako abə Azwighi Ŋwiye icheg ne àghò fḛ asiŋi ìseg sɔ̀bri ikab nɔ̀ŋì anjìm.

2 Kɔrèn 11:3

Si ya gha, mə we bɔ gha icheg ne jo ya ghum tàmbi If ane iwe mənaŋ, mbi biri bə tambi awən ghì mbə chì ìwən ikɔndi chɔm we ne mbə̀ bèrì ni kɔ̀ŋ Kristo bə̀ zì ìzən fìŋ ijìm igun məd.

1 Pità 5:8

Mbə̀ ya nyìmbe ìwən nyɔd bə̀ chùghə ikyèʼi. Mbə̀ kyeri gha Debrə̀ ne yaʼi ìwən wə̀d ìpàb we ŋa yḛ̀ icheg àfɔn ne nè kùmə̀, kə̀bə̀ wə̀d ne wì biri sètì anyam anyam.

2 Pità 2:4

Chəyi Ŋwiye ya waʼi inug tibɔ̀ŋ ìmbi mbè angirə̀ anyumə̀ ne mbi ya ghi tìzughə ibo. Wì ya kɔd awɔb màʼ inga asiŋi ichə ne fḭ̀yḛ kyìm gha mbe chughi se ghɔ̀mɔ̀ aneg ze ne Ŋwiye biri saʼ isəg.

1 Jɔn 1:8

Tì mə̀ gha chəyi tì beri anug tibɔ̀ŋ inga ina, nji tì ya tàmba ìwa nyɔd. Chəyi tesiʼ yaʼi inga inug mbe ne te ghà.

1 Jɔn 2:21

Kayi mə ŋwàʼrà inən imbə̀ʼ icheg ne chəyi mbə̀ kyeri tesiʼ. Mə ya ŋwàʼrà imbə̀ʼ icheg ne mbə̀ kyere tesiʼ fɔrɔ imbə̀ʼ icheg ne mbə̀ kyeri gha chəyi anug ako yaʼi inga tesiʼ.

1 Jɔn 2:4

Wə̀d ne gha zìye kyeri Ŋwiye ne chəyi məd we zùgrə tikə Ŋwiye, tengàŋ ya wə̀d inug ako. Chəyi məd we ghìyə̀ inug icheg wə̀d ne kyeri tesiʼ.

1 Jɔn 3:12

Imbə̀ʼ mbə̰ yaʼ awən icheg Ken ne ya yaʼi wə̀d ìwi Wə̀d Tibɔ̀ŋ bə̀ zwèti ìwi ifi, Abè. Aton ne wì ya zweti ìwi ifi àkə gha? À ya imbə̀ʼ icheg ne tìghinùg ifi məd ya təm kòʼ imbìghè abə Ŋwiye, ìti məd bə.

1 Jɔn 3:15

Wə̀d ne pàbà wə̀d ya icheg wə̀d ne zwète bəd. Mbə̰ bə̀ kyèri àzən aghi gha chəyi ìtḛ̀ ighə̀m imɔʼ yaʼi inga wə̀d ne zwète bəd.

Jûd 1:6

Mbə̀ bə wèndi mbè angirə̀ mbe ne chəyi mbi ya nyimi ìmbɔb iti ìfàʼì mbe ne Ŋwiye ya nàʼi inɔb. Mbɔb ya sàŋì ìmbɔb iti ìfàʼì. Ane, Ŋwiye ya fə kɔd awɔb nɔ̀ŋì inga isəg afub ane ighə̀m imɔʼ gha mbe chughi ghɔ̀m Aneg kyen ze ne Ŋwiye biri saʼ awɔb.

Ɨnû 12:9

Mbi ya màʼ tìsɔ̀ʼ jo ze igun isəg, ne ya jo ze ne ya yaʼi te aneg, ne mbe kàrà ane Debrə̀ kə̀ Sàtàn. Mbi ya màʼ aməd tì mbè angirə̀ məd məjìm igun isəg. Jo ze ya tàmba isəg ijìm.

Ɨnû 13:14

Zì ya tambi bəd məjìm igun isəg ane iyeti inug ne zì yaya ghìyə̀ icheg ne nyam kyen mbègtog ze ya nàʼi ika ibo. Nyam kyen ze ya ghà inɔb mbi tangi aghi-ŋwiye nɔ̀ŋì ni ghumni nyam kyen ze ne mbi ya zì ana̰ igun məd ane ibeg ibid, si ya gha chəyi zì ya ku.

Ɨnû 2:10

Imbə̀ʼ mbə̰ bɔ awən anug ni gha mbə̰ biri zə̰ ngəʼ. Nḛ, Debrə̀ biri zì bəd mɔ̀ʼɔ abɔ̀ʼ inən inga nəb ndəŋ ni zweʼri awən. Mbi biri chɔʼ ìmbən ibɔʼì ighog ane ineg ìghum. Mbə̀ nɔŋɔ ibḛfiŋ igun Kristo ghò pè ane nyumə̀ ne mbi zweti awən. Mə biri nàʼ ìtḛ̀ inən ane ìwən ineʼi.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”

Ɨnû 22:15

Bəd mbe ne yaʼi anjìm isəg ane asiŋi ze ya bəd inug tibɔ̀ŋ tì bəd ne ghìyə̀ tikaŋì tì bəd ne nɔ̀kɔ̀ mə̀yi kə̀ nɔ̀kɔ̀ mbaŋà abu abu tì bəd ne zwète mə̀mbin, tì bəd ne ghùmnə mə̀ŋwiye fɔrɔ bəd ne kɔ̀ŋɔ̀ ni ghà inug ako bə̀ kɔ̀ŋɔ̀ ni ghì inug iji.

Ɨnû 9:11

Angirə̀ we ne ya yaʼi ìwɔb ifɔn ne sàʼa awɔb ya we ne yaya nḛ̀ ibighi kyen we ne chəyi ìnwḭ. Ikum we angirə̀ we inga ìngam Hibrù ya Abadòn; àsi ane ìngam bəd ne kayi mə̀Ju ya Àpolìyòn. Àpolìyòn ya ni gha, “Wə̀d ne chìkə̀”