Jn 8:24 - Ikan feg

²⁴ À ya aton ne mə gha inən gha, ìmbən inug tibɔ̀ŋ biri zweti awən. Àmə chəyi mbə bḛ gha mo ya wə̀d we ne mə̀ yaʼi ìwiwən, ìmbən inug tibɔ̀ŋ biri zweti awən.”

Meta’

²⁴ À yɨ əton nɨ mə̀ ghà ɨ nən ni mbə ɨnû rɨbɔ̀ŋ bɨrɨ zwiirɨ əwən. Mbə ɨnû rɨbɔ̀ŋ bɨrɨ zwiirɨ əwən, kɨrɨ ənɨ mbə̀ ben ni mɔ̌ yɨə wə̀d we nɨ mə̀ gha ni mə yɨ wɨwən.”

Jn 8:24 ပူးပေါင်းရင်းမြစ်များ

Matìyò 24:5

Mbə̀ ghi swe awən imbə̀ʼ icheg ne bəd nɔʼ nɔʼ biri yeʼe pè niŋ ìmə ikum se ghà gha, ‹Mo ya wə̀d we ne Ŋwiye zɔ̀ʼi.› Mbɔb biri ghà ane tàmbi bəd nɔʼ nɔʼ.

Mk 13:6

Bəd nɔʼ nɔʼ biri yeʼe niŋ ìmə ikum yḛ̀ nè gha, ‹Mo ya Wə̀d we ne Ŋwiye zɔ̀ʼi!› Mbi biri ghà ane fèbrì bəd nɔʼ nɔʼ.

Mk 16:16

Wə̀d ne bḛ, niŋ mənib, wì biri pum. Àsi wə̀d ne chəyi wì bḛ, Ŋwiye biri zì isaʼi igun məd.

Lk 21:8

Wì ya ywìtì gha, “Mbə̀ niŋə nyùmə̀ gha imbə̀ʼ mbi nɔ̀ʼ chè tàmbi awən. Mə ya ghà ane imbə̀ʼ icheg ne bəd nɔʼ nɔʼ biri yeʼe ane ìmə ikum. Wə̀d imɔʼ imɔʼ abɔ̀ʼ inɔb biri se yḛ̀ nè gha, à ya zìye ne Ŋwiye zɔ̀ʼi, bə̀ nè gha, nyùmə̀ we fə tinde. Imbə̀ʼ mbə̰ beni awən abɔ̀ʼ inɔb.

Jn 13:19

Mə ya ghà inən amad anìŋ ne chəyi ze kiri du ni ghì gha anyumə̀ ne ze du, mbə biri bḛ gha mo ya wə̀d we ne mə̀ yaʼi ìwiwən.

Jn 3:18

Wə̀d ijìm ne bḛ aməd, wè fə pum. Àsi wə̀d we ne chəyi wì bḛ aməd, Ŋwiye biri sɔb isaʼi igun məd chə aməd imbə̀ʼ icheg ne chəyi wì bḛ Ŋwan Ŋwiye we imɔʼ.

Jn 3:36

Wə̀d ijìm ne nɔŋi ìwi ibḛfiŋ igun Ŋwan Ŋwiye, wì fə jəg ìtḛ̀ ighə̀m imɔʼ. Àsi wə̀d ne chəyi wì bḛ Ŋwan Ŋwiye, chəyi wì biri jəg ìtḛ̀ ighə̀m imɔʼ. Ane, agaŋ Ŋwiye ze igun tengàŋ.”

Jn 4:26

Yeso ya si tòʼrì ìwi nyɔd abə àyi we gha, “Kristo we ya mo gho̰ ne ghàmà ine anìŋ.”

Jn 8:21

Yeso ya ywìrì ghà inɔb gha, “Mə ya anìŋ ghò amə. Ane, mbə biri kə̀b amə tèkan. Si ya gha, ìmbən inug tibɔ̀ŋ biri zweti awən. Chəyi tì mbə̰ yeʼe ane asiŋi ne mə ghò angu.”

Jn 8:25

Mbi ya biri abə Yeso gha, “Àghò àkə we?” Wi ya ywìtì gha, “Mo ya wə̀d we ne mə̀ ya fə ko gha inən kwàʼ a mbègtog.

Jn 8:28

Yeso ya si ghà inɔb gha, “Anyumə̀ ne mbə biri nɔ̀ Ŋwan Wə̀d ikaŋ azed abaʼri, mbə biri si kyèri gha mo ya wə̀d we ne mə̀ ya gha inən gha mo ya ìwiwən. Mbə biri bə si kyèri gha, chəyi mə fàʼà anug mɔ̀ʼɔ ane ìmə ighəm. Mə ya ghà məyi inug mbe ne ìmə Mbaʼ we ghà inum gha mə̀ gha.

Jn 8:58

Yeso ya ywìtì gha, “Mə gha tesiʼ inən gha, bɔŋ mbi ya se gwìye Abràham, mo ya fə se amə angu!”

Ɨ̀fàʼì 4:12

Chəyi wə̀d mɔ̀ʼɔ ndəŋ ne tì wì pùmni bəd imbə̀ʼ icheg ne chəyi ikum ndəŋ ywìrè igun isəg ne Ŋwiye nàʼi abə bəd ne tì tì karì wì pùmni awa.”

Mə̀Hibrù 12:25

Mbə̀ pati awən imbə̀ʼ mbə̰ nɔ̀ʼ to̰ məd we ne ghàmà inən. Chəyi tì mbɔb ya chwed anyumə̀ ne mbi ya to̰ ni zug Muse ne yaya pàta awɔb igun isəg. Tì kə mə̀ to̰ awa ni zug məd we ne pàtà awa ikaŋ àbɔ̀ŋɔ, tì kə si chwed iye?

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.