Jn 7:39 - Ikan feg

³⁹ Mənib mbe ne nàʼà ìtḛ̀ ya Yeso yaya gha Azwighi Ŋwiye ne biri si yèʼe igun bəd mbe ne nɔŋi ìwɔb ibḛfiŋ igun məd. Anyumə̀ we ne məd yaya ghàmà ane, chəyi Azwighi Ŋwiye ya kiri yèʼe inga bəd imbə̀ʼ icheg ne chəyi Ŋwiye ya kiri nɔ̀ Yeso ikaŋ bə̀ ghì wì beri ighumni.

Meta’

³⁹ Yeso nyaʼa ghà ənû zɔ̂ bə̀ ghà ɨmbə̀ʼ Əzwî ə Ŋwiə̀ ze nɨ nyaʼa berɨ nyɨ ɨgun ə bə̂d mbe nɨ nyaʼa ben əməd. Ɨ pe ənɨ ə nyùmə̀ we, chəi Ŋwìə̀ nyaʼa kɨrɨ cha e Əzwî ɨgwɨ ə bə̂d, ɨmbə̀ʼ ɨghəm nɨ chəi wɨ̀ nyaʼa kɨrɨ naʼ ɨwumnɨ we nɨ yeʼ wɨ Yeso ɨ bɔ.

Jn 7:39 ပူးပေါင်းရင်းမြစ်များ

Matìyò 16:14

Mbi ya ywìtì gha, “Bəd mɔ̀ʼɔ mbe gha, à ya Jɔn we ne yaya nàʼà mənib ywìrì bə̀ndì yèʼe. Mbi mɔ̀ʼɔ mbe gha, à ya Èlayijà. Mə̀mbin mbe gha, à ya Jèrìmayà kə̀ wə̀d mɔ̀ʼɔ abɔ̀ʼ bədkə̀n Ŋwiye mbe aneg.”

Matìyò 21:11

Tinɔ̰ bəd mbe yaya se ywìtè gha, “Aŋa ya Yeso we ne yaʼi wə̀dkə̀n Ŋwiye. Wì nɔ̀ʼ a Nazarèd inga Galìli.”

Lk 24:49

Mə biri nàʼ Azwighi Ŋwiye ze ne ìmə Mbaʼ ya kàʼi gha zìye biri nàʼ inən. Si ya gha, mbə̀ chughi a Jèrusalèm aŋa ghɔ̀m, pè ane nyùmə̀ ne Azwighi Ŋwiye yeʼe ikaŋ àbɔ̀ŋɔ igun inən si nàʼ ika inən.”

Lk 3:16

Jɔn ya ywìtì inɔb mbɔb məjìm gha, “Mə ya nàʼà mənib inən, si ya gha, wə̀d we ne yèʼe inum anjìm, wè chè amə. Chəyi mə̀ koʼi ane wə̀d ne zà iniʼ atami məd. Wì biri chà Azwighi Ŋwiye fɔrɔ iywid igun inən.

Lk 7:16

Anug ya chè bəd məjìm mbe ne ya yaʼi angu, mbi bɔ se ghùmnə Ŋwiye gha, “Wə̀dkə̀n Ŋwiye dù abɔ̀ʼ ina. Ŋwiye fə yeʼe ni wètì ìmbi bəd.”

Jn 1:21

Mbi ya si ywìrì bìri ibo gha, “Ane, àghò kə se we? Àghò kə Èlayijà?” Wì ya ywìrì ywìtì gha, “Indèʼ! Mo kayi Èlayijà.” Mbi ya ywìrì bìri ibo gha, “Àghò kə wə̀dkə̀n we ne Ŋwiye ya kàʼi ni chà?” Wì ya bə̀ gha, “Indèʼ!”

Jn 1:25

Mbi ya bə̀ si bìri ibo gha, “Àghò mə kayi Wə̀d we ne Ŋwiye zɔ̀ʼi, kə Èlayijà, kə Wə̀dkə̀n we ne Ŋwiye ya kàʼi, aton ne àghò we se nàʼà mənib abə bəd àkə gha?”

Jn 1:33

Chəyi mo inum ya bi kyèri gha məd ya Wə̀d we ne Ŋwiye ya kàʼi ni chà. Si ya gha, anyumə̀ ne Ŋwiye ya tɔmi amə gha mə̀ yeʼe se nàʼà mənib abə bəd, wì ya ghà inum gha, ‹Wə̀d we ne àghò biri bàd Azwighi ze swiʼi ikaŋ àbɔ̀ŋɔ nàŋa igun məd, kyeri gha à ya wə̀d we ne biri nàʼ Azwighi Ŋwiye abə bəd›.

Jn 12:16

Chəyi atog abə mə̀mə̀nənùg məd ya zḛ imbə̀ʼ anug azo̰ ane nyumə̀ we. Si ya gha, anyumə̀ ne Ŋwiye ya zwemne Yeso iwu, ghì bəd se ghùmnə aməd, mbi ya kə wèndi gha, Àŋwàʼrì Ŋwiye ya ghà inug mbe imbə̀ʼ Yeso, ane inug mbe bə̀ dù kwàʼ icheg ne mbi ya ŋwàʼri.

Jn 12:23

Yeso gha ywìtì gha, nyùmə̀ fə kòʼ ne Ŋwiye biri ghì gha mbe ghumni Ŋwan Wə̀d.

Jn 14:13

Mə biri fàʼ inug mbe ne mbə̀ biri biri ane ìmə ikum, ni ghì gha, bəd ghumni ìmə Mbaʼ anjìm Ŋwan.

Jn 14:26

Si ya gha, ìmə Mbaʼ biri chà Àwètìbə̀d ane ìmə ikum. À ya wə̀d ne nàʼà tikə abə bəd. Məd ya Azwighi Ŋwiye. Wì biri chwi inug ijìm inən, bə̀ ghì mbə̰ ya wènde inug ijìm mbe ne mə gha inən.

Jn 16:14

Wì biri ghumni amə imbə̀ʼ icheg ne wì biri ya nìŋə inug mbe ne mə ghà ibo, se ghà inən.

Jn 16:7

Mə gha tesiʼ inən gha, mə̀ ya ghò anìŋ imbə̀ʼ mbə̀ jəghə ìchɔ̀mì. Àmə chəyi mə̀ gho, chəyi Àwètìbə̀d biri yeʼe. Ane, mo mə̀ ghò, mə biri chà aməd wì yèʼe.

Jn 17:1

Anyumə̀ ne Yeso ya màni ni ghà inug mbo̰, wì ya nɔ̀rì atog ikaŋ chàʼra Ŋwiye gha: “Ìmə Mbaʼ, nyùmə̀ fə kòʼ, ghumni ìwe Ŋwan imbə̀ʼ ìwe Ŋwan bə si ghùmni awe.

Jn 17:5

Ìmə Mbaʼ, ghìyə mə beri ighumni we ne tì ya fɔrɔ bèrì bɔŋ àghò ya se tànga isəg.”

Jn 20:22

Wì ya ghàm ane si zwèg igun inɔb, ghà inɔb gha, “Azwighi Ŋwiye yeʼe igun inən.

Jn 6:14

Anyumə̀ ne bəd ya bàri ayeti anug azo̰ ne Yeso ya ghi, mbi ya se gha, “Kwàʼ tesiʼ, wə̀d gho̰ ya wə̀dkə̀n Ŋwiye we ne Ŋwiye ya gha wì biri yeʼe igun isəg.”

Jn 7:12

Bəd yaya jìte inug imbə̀ʼ Yeso inga inɔ̰ bəd we ne ya yaʼi ane iteri. Bəd mɔ̀ʼɔ yaya gha, “À ya wə̀d chɔ̀m.” Mə̀mbin yaya to̰ awɔb gha, “Indèʼ! À ya wə̀d ne kə̀bə̀ ni tàmbi bəd.”

Jn 8:54

Yeso ya ywìtì gha, “Mo mə̀ ya ghùmnə yaʼ ìmə nyɔd, ighumni ya ati ako. Ìmə Mbaʼ ne mbə̰ mbe ghà gha à ya ìwən Ŋwiye, à ya məd we ghìyə̀ gha bəd ghumni amə.

Ɨ̀fàʼì 19:2

Wì ya biri inɔb gha, “Azwighi Ŋwiye ya fə yeʼe igun inən anyumə̀ we ne mbə̰ ya bḛ Yeso?” Mbi ya ywìtì gha, “Indèʼ ka, chəyi tì bi kweʼì zug gha Azwighi Ŋwiye ze angu.”

Ɨ̀fàʼì 2:17

Wì ya gha, ‹Ŋwiye gha, inga ineg mbe ne se nwḭ̀yḛ̀, mə biri chà àmə Azwighi igun bəd məjìm. Ìmbən bɔn mbaŋà fɔrɔ bɔn àyi biri se ghà ikən Ŋwiye. Ìmbən bɔn ijɔŋ biri se bàrà inati njə̀m. Ìmbən inṵ bəd biri bə se bèrè njə̀m.

Ɨ̀fàʼì 2:33

Ŋwiye fə nɔ̀ aməd ikaŋ nɔ̀ŋì wì chùghi ibo aba abo jəghi. Wì fə niŋ Azwighi Ŋwiye abə Mbaʼ nàʼ ina icheg ne Mbaʼ məd ya kàʼi. À ya àzewən ne mbə̰ mbe zùghə bə̀ bàrà anìŋ.

Ɨ̀fàʼì 2:38

Pità ya ywìtì gha, “Wə̀d imɔʼ imɔʼ abɔ̀ʼ inən bəŋə ìzi fìŋ chì ane inug tibɔ̀ŋ bə̀ niŋ mənib ane ikum Yeso Kristo ni chwi gha Ŋwiye fə waʼ inug tibɔ̀ŋ məd. Mbə̰ mə̀ ghì ane, Ŋwiye biri nèʼ awən nàʼ àzi Azwighi inən.

Ɨ̀fàʼì 2:4

Azwighi Ŋwiye ya sweg inga inɔb mbɔb məjìm. Ane, mbi ya si ko se ghàmà tìngam iben ndəŋ icheg ne Azwighi Ŋwiye yaya nàʼà ika inɔb.

Ɨ̀fàʼì 3:13

Wə̀d ne ghi wə̀d gho̰ nɔ̀ʼ se yḛ̀ ya Ŋwiye we ne Abràham tì Jàkɔb tì Azìg fɔrɔ ìmba mə̀mbaʼ aneg yaya ghùmnə. À ya məd nàʼi ighumni abə wə̀d àfàʼì məd Yeso Kristo. Mbə̰ ya ton awən məd kwàʼ imbìghè abə Payilèd. Mbə̰ ya kə̀b àzən gha mbe zweti aməd ne Payilèd ya kə̀bi ni sàŋì aməd.

Ɨ̀fàʼì 4:31

Anyumə̀ ne mbi ya chàʼra Ŋwiye mànì, asiŋi ze ne mbɔb ya fete angu ya ghùd. Azwighi Ŋwiye ya sweg inga inɔb mbɔb məjìm, mbɔb se chètè Ìngam Ŋwiye ne chəyi mbe ywìrè bɔ.

Rm 8:9

Àsi mbə̰, Azwighi Ŋwiye mə yaʼ inga inən, chəyi mbə̀ koʼi ni ya ghìyə̀ inug tibɔ̀ŋ mbe ne ìtən nyàmnyɔd te ghə̀ʼrə̀. Mbə̰ kòʼ ni ya ghìyə̀ yaʼ inug mbe ne Azwighi Ŋwiye ze kə̀bə̀. Wə̀d ne chəyi Azwighi Kristo yaʼi inga məd, tengàŋ kayi wə̀d Kristo.

2 Kɔrèn 3:8

Ane, àkə chəyi àfàʼì ze ne Azwighi Ŋwiye ze fàʼà biri bèrì ìzḛzḛ njandi njandi chè ìwi mə̀nɔ̀ʼɔ̀?

Efesùs 4:30

Imbə̀ʼ mbə̰ ghiyə awən gha Azwighi Ŋwiye ya sɔ̀mnɔ̀ imbə̀ʼ icheg ne Azwighi ze ya aneni ne chwìye gha à ya Ŋwiye beri awən. À ya Azwighi Ŋwiye ze bə̀ chwìye gha aneg ze yèʼe ne Ŋwiye biri zeri ìmbi bəd.