Jn 7:28 - Ikan feg

²⁸ Yeso yaya kiri chwite inug inga mbàn Ŋwiye. Ane, wì ya si ghàm ane gì ka ka gha, “E! Mbə̰ mbe tì mbə̰ kyeri amə bə̀ kyèri asiŋi ne mə̀ nɔʼi angu. Si ya gha, chəyi mə̀ yeʼe igun isəg ane ìmə ighəm. Wə̀d we ne cha amə, ya wə̀d ne ghà tesiʼ. Chəyi mbə̀ kyeri aməd.

Meta’

²⁸ Ənɨ Yeso nyaʼə chwi ɨnû ɨŋga mbàn Ŋwìə̀, wɨ̀ nyaʼa gham rɨ̀kǎ ghà ni, “Mbə kàŋ kyerɨ əmɨ bə̀ kyerɨ əsɨ ze nɨ mə̀ nɔʼ rəŋgu. Chəi mə nyaʼa yeʼe ɨŋga ɨsɨg wɔ̂ ənɨ mɨ ɨghəm. Àyɨə wə̀d we nɨ nyaʼa tom əmɨ wɨə ghàə̀ rəsìʼ. Chəi mbə̀ kyerɨ əməd,

Jn 7:28 ပူးပေါင်းရင်းမြစ်များ

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Matìyò 2:23

Wì ya pè chùghi asiŋi ze ne mbe kàrà ane Nazarèd. Àzo̰ ghì anug ne bədkə̀n Ŋwiye ya gha ze dù ane tesiʼ. Anug ze ya gha, “Mbi biri se kàrà aməd ane wə̀d a Nazarèd.”

Matìyò 26:55

Yeso ya si bìri abə tinɔ̰ bəd mbe gha, “Mbə kə̀ si yèʼe ni gwì amə tì tibeg ibid fɔrɔ mboʼ icheg ni gha mo ya tìka iji? Mə yaya chùghə inga mbàn Ŋwiye mà ineg ijìm, chwìte inug inən, chəyi mbə̀ ya gwi amə.

Lk 10:22

Ìmə Mbaʼ fə nàʼ ighi ijìm inum. Chəyi wə̀d ne taŋ kyèri Ŋwan chèyi ane Mbaʼ. Chəyi wə̀d ne bə taŋ kyèri Mbaʼ chèyi ane Ŋwan fɔrɔ bəd mbe ne Ŋwan kɔ̀ŋi ni ghì gha mbe kyeri Mbaʼ.”

Lk 2:11

Tèchɔ̀ŋ gho̰, wə̀d ne biri pumni bəd we mbi gwi inga aben ze ne mbi ya gwi ifɔn Dèvid inga. Məd ya Wə̀d we ne Ŋwiye zɔ̀ʼi. Məd ya Kristo Anɔŋisəg.

Lk 2:39

Anyumə̀ ne Jòseb tì Mèri ya màni ni fàʼ inug icheg ne mə̀nɔ̀ʼɔ̀ Anɔŋisəg ya chwi, mbi ya bə̀ndì ghò inɔb achan a Nazarèd inga Galìli.

Lk 2:4

Jòseb ya nɔ̀ʼ a Nazarèd inga aben Galìli kɔʼ ghò a Betèlèhem inga aben Jùdeyà. Betèlèhem ya aben ne mbi ya gwi ifɔn Dèvid. Jòseb ya ghò angu imbə̀ʼ icheg ne məd ya aghaŋ inga inəbi ifɔn Dèvid.

Lk 2:51

Ane, Yeso ya bə̀ndì ghò a Nazarèd tì inɔb. Wì yaya zùgrə awɔb. Ngɔb məd ya zug inug mbo̰ ijìm nyìmi inga fìŋ.

Jn 1:46

Nàtanìyè ya biri gha, “A Nazarèd! Tì aghi chɔm mɔ̀ʼɔ dù inga Nazarèd?” Filib ya ywìtì gha, “Àghò yeʼe bàd.”

Jn 10:36

Àsi mo, ìmə Mbaʼ ya zɔʼ amə chà igun isəg. Mbə̀ kə si chè iye se gha, mə zɔ̀mbɔ̀ Ŋwiye icheg ne mə gha, ‹Mo ya Ŋwan Ŋwiye›?

Jn 12:49

Chəyi mə̀ ghàmà ane ìmə ighəm. Inug ijìm mbe ne mə ghà, à ya ìmə Mbaʼ we ne cha amə, gha inum gha mə gha. À ya məd bə chwìti icheg ni ghà angu inum.

Jn 14:10

Àkə chəyi àghò bḛ gha, mə yaʼ ane anug amɔʼ tì ìmə Mbaʼ, ìmə Mbaʼ bə̀ yaʼ ane anug amɔʼ tì inum? Ìngam we ne mə gha inən, à ya ìmə Mbaʼ we ne mə̀ yaʼi ane anug amɔʼ tì məd, nàʼi inum gha mə gha. Chəyi mə̀ ghàmà ane ìmə ighəm. À ya ìmə Mbaʼ we ne mə̀ yaʼi ane anug amɔʼ tì məd we fàʼà inug mbe ne wì kə̀bi.

Jn 14:31

Si ya gha, bəd igun isəg beri ni kyeri gha mə kɔ̀ŋ ìmə Mbaʼ, bə̀ kyèri gha mə̀ ya fàʼà məyi anug ze ne wì gha mə fàʼa. Mbə̀ yeʼe tì ko ghò awa.”

Jn 16:3

Bəd biri ghì inən ane imbə̀ʼ icheg ne chəyi mbi kyeri ìmə Mbaʼ, kə̀ bə̀ kyèri amə.

Jn 17:25

Ìmə Mbaʼ ne təmi kòʼ, ka chəyi bəd igun isəg kyeri awe, mo kyèri awe. Ane, mbɔb kyèri gha, à ya àghò cha amə.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Jn 3:2

Wə̀d gho̰ ya ghò abə Yeso izimi pè ghà ibo gha, “Àchwitìnùg, tè kyèri gha àghò ya wə̀d ne Ŋwiye cha gha wì chwiti inug ina imbə̀ʼ icheg ne chəyi wə̀d mɔ̀ʼɔ ne tì wì ghi iyeti inug mbo̰ kirəndə à ya wə̀d ne Ŋwiye yaʼi tì məd.”

Jn 3:33

Àsi wə̀d we ne bḛ anug məd, ze chwi gha, tengàŋ bḛ gha anug ne Ŋwiye we ghà ya tesiʼ.

Jn 5:32

Si ya gha, wə̀d mɔ̀ʼɔ we angu ne tì wì ghàm ane ìmə ighəm. Mə kyèri gha anug ne we ghà imbə̀ʼ amə ya tesiʼ.

Jn 5:43

Mə yèʼe anìŋ ni ghà inən gha à ya ìmə Mbaʼ cha amə, si ya gha chəyi mbə̰ mbe bḛ amə. Wə̀d mɔ̀ʼɔ ndəŋ mə̀ yèʼe pè ghà yaʼ ìmbi tì inug, mbə biri bḛ aməd.

Jn 6:42

Mbi yaya se gha, “Imbə̀ʼ wə̀d gho̰ ya Yeso, ŋwan Jòseb? Imbə̀ʼ tè kyèri mbaʼ məd fɔrɔ ngɔb məd? Wì kə se gha zìye nɔ̀ʼ ikaŋ àbɔ̀ŋɔ iye?”

Jn 7:14

Yeso ya chughi yi nyeʼ anene iteri nə̀ andəŋ andəŋ. Wì ya si nɔ̀ʼ kɔʼ ghò inga ikam mbàn Ŋwiye, pè ko ni chwiti inug.

Jn 8:14

Yeso ya ywìtì gha, “Ka mə ya ghà inug imbə̀ʼ ìmə nyɔd, mə kyèri gha, inug ne mə gha ya mbe tesiʼ imbə̀ʼ icheg ne mə̀ kyèri asiŋi ne mə nɔʼi angu bə̀ kyèri asiŋi ne mə ghò angu. Àsi mbə̰, chəyi mbə̀ bi kyèri asiŋi ne mə̀ nɔʼi angu kə̀ bì kyèri asiŋi ne mə ghò angu.

Jn 8:16

Ka mə ya bè sàʼa bəd, mə ya sàʼa ane icheg ne koʼi imbə̀ʼ icheg ne chəyi mə sàʼa tèzìʼì. Mə ya sàʼa tì ìmə Mbaʼ we ne chà amə.

Jn 8:19

Anyumə̀ ne wi ya gha ane, mbi ya biri ibo gha, “Ìwe Mbaʼ kə aya?” Yeso ya ywìtì gha, “Chəyi mbə̀ kyeri amə. Chəyi mbə̀ bə kyeri ìmə Mbaʼ. Àkə aghi ne mbə̀ kə kyèri amə, nji mbə biri bə kyeri ìmə Mbaʼ.”

Jn 8:26

Mə bèrì inug nɔʼ nɔʼ ni ghà imbə̀ʼ awən. Mə bə̀ bèrì inug nɔʼ nɔʼ ni zì isaʼi igun inən. Wə̀d we ne ya cha amə we gha tesiʼ. Ane, inug mbe ne mə zughi ibo, à ya mbiwən ne mə ghà abə bəd igun isəg.”

Jn 8:42

Yeso ya ghà inɔb gha, “Àkə aghi ne Ŋwiye yaʼi ìwən Mbaʼ, nji mbə̰ mbe kɔ̀ŋɔ̀ amə imbə̀ʼ icheg ne mə nɔ̀ʼ yaʼ abɔ̀ʼ Ŋwiye yèʼe aŋa. Chəyi mə̀ yeʼe ane ìmə ighəm. À ya məd cha amə.

Jn 9:29

Tè kyèri gha Ŋwiye ya ghàm abə Muse. Àsi mbe we, chəyi tì kyeri asiŋi ne wì nɔ̀ʼi angu.”

Ɨ̀fàʼì 17:23

Icheg ne mə̀ kə̀ ŋa yḛ̀ inga àzən aben, mə bàd isiŋi mbe ne mbə̰ mbe ghùmnə mə̀ŋwiye. Mə bə̀ bàd ati ŋwiye mɔ̀ʼɔ ne mbi ŋwaʼri angu gha, ‹Abə Ŋwiye we ne chəyi tì kyeri.› Ane, Ŋwiye we ne mbə̰ mbe ghùmnə ne chəyi mbə̀ kyeri, à ya ìwiwən ne mə yeʼe ni ghà inug imbə̀ʼ aməd inən.

Rm 1:28

Icheg ne chəyi mbɔb ya kɔndi gha ze bɔ̀ŋ ni kyeri Ŋwiye, Ŋwiye ya sàŋì awɔb gha mbe bere tikɔndi tibɔ̀ŋ imbə̀ʼ se ghìyə̀ inug ne chəyi mbɔb beri ni ghì.

Rm 3:4

Indèʼ ka! Icheg ne bəd məjìm ya bəd inug ako, Ŋwiye ya kà fàʼà yaʼ anug ze ne wì ya gha. À ya icheg ne mbi ŋwaʼri inga Àŋwàʼrì Ŋwiye gha, “Àghò mə ghàm, ìwe ìngam mənyìʼ du ane tesiʼ. Chəyi anug ako mɔ̀ʼɔ inga ìwe ìngam.”

2 Kɔrèn 1:18

Ŋwiye we ne ghà anug bə̀ fàʼà kyèri gha mo kayi iku wə̀d we. Mə mə̀ gha “Indèʼ!”, à ya ane, mə mə̀ gha “E!” à ya bə̀ ane.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

Tayitùs 1:2

Tesiʼ gho̰ biri ghì tì nɔ̀ŋì ìta tikɔndi se ghɔ̀mɔ̀ ìtḛ̀ ighə̀m imɔʼ we ne Ŋwiye kaʼi. Chəyi Ŋwiye we kàʼà anug ze chè ako. Wì ya fə kàʼ anug azo̰ bɔŋ se tànga isəg.

Mə̀Hibrù 6:18

Ŋwiye fə kàʼ anug bə̀ zɔ̀m. Inug mbo̰ ibe chəyi mbe kɔ̀pɔ imbə̀ʼ icheg ne chəyi tì Ŋwiye ghàm anug ako. Ane, mba mbe ne noro ghò nə̀mbì awa aton aməd, inug mbo̰ ibe taŋ nàʼ ika ina gha tì təm, ghɔ̀m, bə̀ nɔŋi ikɔndi igun aghi ze ne yaʼi ina imbìghè.

1 Jɔn 5:10

Wə̀d ne bḛ Ŋwan Ŋwiye fə bə̀ bḛ anug ze ne Ŋwiye gha. Wə̀d ne chəyi wì bḛ anug ne Ŋwiye gha imbə̀ʼ ìwi Ŋwan, tengàŋ we ghà gha Ŋwiye ya wə̀d inug ako. À ya ane imbə̀ʼ icheg ne chəyi məd bḛ anug ze ne Ŋwiye gha imbə̀ʼ ìwi Ŋwan.