Jn 7:1 - Ikan feg

¹ Yeso ya nɔ̀ʼ a Kàpenàwum si ghò ŋa yḛ̀ yi yaʼ inga Galìli. Chəyi wì ya ywirì kə̀b ni yèn inga Jùdeyà imbə̀ʼ icheg ne itog bəd mə̀Ju mbe angu yaya kə̀bə̀ ni zweti aməd.

Meta’

¹ Ənɨ ənû ze ə nyaʼa fə che i, Yeso nyaʼa ghanə yèn ɨŋga ɨsɨ mbe rɨ ə Galiliî. Chəi wɨ̀ nyaʼa ghaʼ nɨ yèn ɨŋga ɨsɨ mbe rɨ ə Jùdeyà ɨmbə̀ʼ ɨghəm nɨ bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼə kə̀b zwiirɨ əməd.

Jn 7:1 ပူးပေါင်းရင်းမြစ်များ

Matìyò 10:23

Anyumə̀ ne mbe chɔ̀ʼɔ ìmbən ibɔʼì ighog inga asiŋi mɔ̀ʼɔ, mbə̀ noro awən ghò inga asiŋi ndəŋ. Mə gha tesiʼ inən gha, Ŋwan Wə̀d biri ywiri yeʼe ne chəyi mbə̀ kiri gho inga isiŋi ijìm inga Izre.

Matìyò 21:38

Si ya gha, anyumə̀ ne bəd mbe ne ya nə̀ŋə mben ze ya zə̰ ŋwan məd we, mbi ya ghàm mbɔb mbɔb gha, ‹Aŋa ya àjəgnəb məd gho̰. Mbə̀ yeʼe tì zweti aməd si jəg ighi məd.›

Mk 11:18

Itog bəd mbàn Ŋwiye tì mə̀chwitì mə̀nɔ̀ʼɔ̀ ya zug anug ne wì ya gha. Ane, mbi yaya se kə̀bə̀ inɔnjì ne zweti aməd. Si ya gha, mbi yaya bɔ aməd imbə̀ʼ icheg ne inɔ̰ bəd we ijìm yaya yeti inug mbe ne wì yaya chwìte.

Jn 1:19

Aneg mɔ̀ʼɔ, itog bəd mə̀Ju ne ya nɔ̀ʼi a Jèrusalèm ya chà bəd mbàn Ŋwiye tì bəd mɔ̀ʼɔ inga inəbi Levì gha mbe gho bìri abə Jɔn gha, “Àghò kə we?”

Jn 4:3

Anyumə̀ ne Yeso ya kyeri gha bəd məjìm fə zug anug ze, wì ya nɔ̀ʼ a Jùdeyà ywìrì bə̀ndì ghò a Galìli.

Jn 4:54

Ayeti anug azo̰ ya ayeti anug ne pè ane ibe ne Yeso ya fàʼi a Galìli anyumə̀ ne wì ya nɔ̀ʼi a Jùdeyà.

Jn 6:1

Nyùmə̀ mɔ̀ʼɔ ya chè Yeso tì ìmbi mə̀mə̀nənùg bani atəŋ ze a Galìli ghò injḭ iywin. Mbi yaya bə̀ kàrà atəŋ ze ane atəŋ ze a Tìberìyàs.

Jn 7:11

Itog bəd mə̀Ju mbe ne ya yaʼi ane iteri we yaya nḛ̀ gha mbe bara aməd. Mbi yaya bə̀ yḛ̀ nè bìre gha, “Mbə wa bàra Yeso?”

Jn 7:13

Chəyi wə̀d mɔ̀ʼɔ ne tì wì ya ghàm anug mɔ̀ʼɔ imbə̀ʼ aməd asaŋ asaŋ imbə̀ʼ icheg ne mbi yaya bɔ itog bəd mə̀Ju.

Jn 7:19

Imbə̀ʼ Muse ya nàʼ mə̀nɔ̀ʼɔ̀ inən? Wə̀d abɔ̀ʼ inən ne nɔ̀ŋɔ̀ mə̀nɔ̀ʼɔ̀ mbe àkə we? Aton ne mbə̰ mbe kə̀bə̀ ni zweti amə àkə gha?

Jn 7:25

Anyumə̀ we, bəd mɔ̀ʼɔ ne ya nɔ̀ʼi a Jèrusalèm ya ko se bìre gha, “Àkə kayi wə̀d we ne itog bəd mə̀Ju mbe kə̀bə̀ ni zweti gho̰?

Jn 7:35

Itog bəd mə̀Ju ya se ghàmà mbɔb mbɔb gha, “Asiŋi ze ne mbe gho̰ biri ghò angu ne tì biri kə̀b aməd tèkan àkə aya? Ighəm mɔ̀ʼɔ wì biri ghò yi abɔ̀ʼ ìmba bəd mbe ne saka ghò inga aben mə̀Grig ni chwiti inug inɔb.”

Jn 8:37

Mə kyèri gha mbə̰ ya bɔn ane aghaŋ inəbi Abràham. Si ya gha, mbə̰ mbe chùʼrə nyɔd ni zweti amə imbə̀ʼ icheg ne, chəyi mbə̰ mbe bḛ inug mbe ne mə chwìte.

Jn 8:40

Àfàʼì ne mə fàʼà ya ni ghà tesiʼ we ne ìmə Mbaʼ ne ya Ŋwiye ya chwi inum inən. Si ya gha, mbə̰ mbe kə̀bə̀ ni zweti amə. Chəyi Abràham ya ghi iku anug we.

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.