Jn 6:2 - Ikan feg

² Inɔ̰ bəd kwàʼ ìwi kyen ya bene abɔ̀ʼ Yeso imbə̀ʼ icheg ne mbi ya bàd iyeti inug ne wì yaya fàʼà. Wì yaya ghùyə̀ ighɔn igun bəd.

Meta’

² Ɨnɔ̂n bə̂d nɨ nyaʼa kwàʼ wɨ kyeŋ wɨə nyaʼə beenɨ əbɔʼ məd, ɨmbə̀ʼ ɨghəm nɨ mbɨ nyaʼa zə ɨnû yiirɨ mbe nɨ wɨ̀ nyaʼa ghɨ̌ ɨgun ə bə̂d mbe nɨ nyaʼə wɔ̀nə̀.

Jn 6:2 ပူးပေါင်းရင်းမြစ်များ

Matìyò 12:15

Yeso ya kyeri tikɔndi mə̀Farìsi. Ane, wì ya kye yi ane asiŋi ze. Inɔ̰ bəd ya beni abɔ̀ʼ məd, wì ghu wə̀d ijìm ne yaya ghɔ̰̀ inga inɔ̰ bəd we.

Matìyò 13:2

Tinɔ̰ bəd ne ya fete iban məd ya taŋ nɔʼ ni gha wì ya si nyi inga abaŋ igyi chùghi inga, bəd mbe məjìm si təm iban atəŋ ze.

Matìyò 14:14

Anyumə̀ ne Yeso ya du inga abaŋ igyi bàd inɔ̰ bəd we, wì ya bèrì àsɔ̀mnəfiŋ igun inɔb, bə̀ ghù ìmbɔb ighɔn.

Matìyò 8:1

Anyumə̀ ne Yeso ya swiʼi ikaŋ iwum, tinɔ̰ bəd mɔ̀ʼɔ ya beni abɔ̀ʼ məd.

Mk 1:45

Wì ya pati aməd ane, si ya gha, mbaŋà ze ya nɔ̀ʼ ko yḛ̀ nè sàʼa anug ze isiŋi ijìm. Àze ya ghì gha imbə̀ʼ Yeso ywirì nyi yi inga asiŋi ndəŋ asaŋ asaŋ. Wì ya si ghò chùghi yaʼ ane asiŋi ne chəyi bəd angu. Si ya gha, bəd yaya kiri nɔʼɔ̀ ane isiŋi ijìm se ghò kɔ̀tɔ aməd angu.

Mk 6:33

Si ya gha, icheg ne mbi yaya ghò ane, bəd ndan ndàn ni ya bàri icheg ne mbe ghò, ya neni awɔb. Ane, bəd mbe ya nɔ̀ʼ inga isiŋi ijìm nòrò ane ighog ghò pè angu bɔŋ Yeso tì ìmbi mə̀mə̀nənùg məd ya se pè.

Jn 11:47

Mə̀farìsi mbe tì itog bəd mbàn Ŋwiye fɔrɔ bəd mbe ne sàʼa aben ya chughi aseg, nyìmi ifeti, se bìre gha, “Ze kə anìŋ, tì ghə̀nə tì wə̀d gho̰? Mbə̀ nḛ iyeti inug ne wì ya fàʼà.

Jn 12:18

À ya imbə̀ʼ ayeti anug azo̰ ne mbi ya zughi gha Yeso ghì, ne inɔ̰ bəd we ya gho ni bɔ̀mbì tì məd.

Jn 12:37

Yeso ya jiʼì ghì iyeti inug, bəd bàd, si ya gha, mə̀Ju ya kiri to̰ awɔb ni nɔŋi ibḛfiŋ igun məd.

Jn 2:11

Àzo̰ ya ayeti anug mbègtog ne Yeso ya fàʼi. Wì ya fàʼ ayeti anug azo̰ ni chwi ìwi ika a Kanà, asiŋi ne yaʼi inga Galìli. Ane, mə̀mə̀nənùg məd ya si taŋ zì ìwɔb ibḛfiŋ igun məd.

Jn 2:23

Anyumə̀ we ne Yeso ya kiri biri a Jèrusalèm ane Iteri Chègun, bəd nɔʼ nɔʼ ya bàd iyeti inug ne wì yaya ghìyə̀ si bḛ anug məd.

Jn 20:30

Yeso ya ghì iyeti inug nɔʼ nɔʼ, mə̀mə̀nənùg məd bàd, ne chəyi inga àŋwàʼrì azo̰.

Jn 3:2

Wə̀d gho̰ ya ghò abə Yeso izimi pè ghà ibo gha, “Àchwitìnùg, tè kyèri gha àghò ya wə̀d ne Ŋwiye cha gha wì chwiti inug ina imbə̀ʼ icheg ne chəyi wə̀d mɔ̀ʼɔ ne tì wì ghi iyeti inug mbo̰ kirəndə à ya wə̀d ne Ŋwiye yaʼi tì məd.”

Jn 6:14

Anyumə̀ ne bəd ya bàri ayeti anug azo̰ ne Yeso ya ghi, mbi ya se gha, “Kwàʼ tesiʼ, wə̀d gho̰ ya wə̀dkə̀n Ŋwiye we ne Ŋwiye ya gha wì biri yeʼe igun isəg.”

Jn 6:22

Isusu abɔ̀ʼ, bəd mbe ne ya tḛ ijin atəŋ ze ya bàd gha à ya məyi abaŋ amɔʼ ya yaʼi angu. Mbi ya bə̀ bàd gha chəyi Yeso ya nyi inga abaŋ igyi ze tì mə̀mə̀nənùg məd. Mə̀mə̀nənùg yaya ghò awɔb mbɔb mbɔb.

Jn 6:26

Yeso ya ghà inɔb gha, “Mə gha tesiʼ inən gha, mbə̰ ya kə̀bə̀ amə imbə̀ʼ icheg ne mbə̀ kə jəghi ngə̀ŋ kɔd, kayi imbə̀ʼ iyeti inug ne mbə̀ kə bàri.

Jn 6:30

Mbi ya biri ibo gha, “Àkə ayeti anug azeg ne àghò biri ghì ni gha tì bara si nɔŋi ibḛfiŋ igun ine? Àkə anug azeg ne àghò biri ghìyə?