Jn 5:44 - Ikan feg

⁴⁴ Mbə̰ ya kɔ̀ŋɔ̀ ni ghì inug ni ghumni awən mbə̰ mbə̰. Chəyi mbə̰ mbe ghìyə̀ inug ne məyi Ŋwiye məd we imɔʼ biri ghumni awən. Ane, mbə̀ kə si chè iye ni nɔ̀ŋì ibḛfiŋ igun inum?

Meta’

⁴⁴ Mbə̀ kɨə wo ben rɨ ye, ənɨ mbə̀ə wumnɨ àmei mbə bɔŋgɔb, nɨ chəi mbə kəb ni Ŋwìə̀, nɨ mei we mɔʼ wumnɨ əwən ə?

Jn 5:44 ပူးပေါင်းရင်းမြစ်များ

Matìyò 23:5

Mbɔb ya ghìyə̀ inug ijìm ni gha bəd bara awɔb. Ìmbɔb ìbàn gɔb ne mbe ŋwàʼrà Ìngam Ŋwiye zìyè inga ya kwàʼ ìmbi kyen kyen. Mbɔb ya ta ìtɔb ndwi zìyè itɔŋ ne taŋ sà angu.

Lk 19:17

Mbaʼ àfàʼì məd ya ywìtì ibo gha, ‹Ìmə wə̀d àfàʼì chɔ̀m! Àghò fàʼ icheg chɔm. Icheg ne àghò fàʼi tì iki ikab kwa kwa ane ìze fìŋ ijìm, àghò biri se saʼa iben ìghum.›

Jn 12:43

Itog bəd aben mə̀Ju ya kɔ̀ŋ gha bəd ghumni awɔb chè icheg ne Ŋwiye biri ghumni awɔb.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Jn 3:20

À ya ane imbə̀ʼ icheg ne bəd məjìm mbe ne ghìyə̀ inug tibɔ̀ŋ ya pàbà ìzḛzḛ. Chəyi mbɔb ya kə̀bə̀ ni nyi inga ìzḛzḛ imbə̀ʼ icheg ne chəyi mbi ya kə̀bə̀ gha ìmbɔb inug tibɔ̀ŋ duwə asaŋ.

Jn 5:41

Chəyi mə̀ kə̀bə̀ gha bəd ghumni amə

Jn 8:43

Àkə aghə ghi chəyi ìmbən itog kiri zḛ imbə̀ʼ inug mbe ne mə ghà? À ya imbə̀ʼ icheg ne chəyi mbə̀ kəbi ni zug anug ne mə̀ ghà.

Rm 2:10

Si ya gha, bəd mbe ne ghìyə̀ inug chɔm, Ŋwiye biri ghì mbɔb bèrì ighumni bə̀ ghà gha mbɔb fàʼ icheg chɔm bə̀ ghì mbi chughi ane àbɔrɔ̀bɔd igun isəg. Wì biri ghì ane ni ko igun mə̀Ju si ghò abə bəd mbe ne kayi mə̀Ju.

Rm 2:29

Ju tesiʼ ya wə̀d we ne bḛ Ŋwiye kwàʼ ibo inga fìŋ. Anug ni ŋwed wə̀d tesiʼ ya ikɔpi we ne yaʼi inga fìŋ wə̀d ne à ya Azwighi Ŋwiye ghi, kayi mə̀nɔ̀ʼɔ̀ Muse. Wə̀d ne beri iku ikɔpi gho̰ inga fìŋ məd ya bèrè ighumni ne nɔʼi imbìghè abə Ŋwiye kayi abə bəd igun isəg.

Rm 2:7

Wì biri nàʼ ìtḛ̀ ighə̀m imɔʼ abə bəd mbe ne che imbìghè ni nyìʼ fìŋ fàʼ inug chɔm, bə̀ kə̀bə̀ gha Ŋwiye ghiyə mbe beri ighumni, bə̀ kə̀bə̀ gha Ŋwiye gha gha mbɔb fàʼ icheg chɔm bə̀ ghì mbɔb yaʼ izɔm ane ighə̀m imɔʼ.

1 Kɔrèn 4:5

Ane ya gha, imbə̀ʼ mbə̰ sɔbɔ awən isaʼi igun wə̀d ne chəyi nyùmə̀ kiri koʼi. Mbə̀ ghɔmɔ. Anyumə̀ ne Anɔŋisəg biri yeʼe, wì biri chì inug ne yaʼi inə̀mbi inga fìŋ abə bəd fɔrɔ tikɔndi bəd gwè asaŋ. Anyumə̀ we, Ŋwiye biri ghumni wə̀d imɔʼ imɔʼ icheg ne àfàʼì məd chwi.

2 Kɔrèn 10:18

Chəyi Anɔŋisəg we bḛ wə̀d ne gha zìye fàʼ icheg chɔm. Anɔŋisəg ya bḛ yaʼ wə̀d ne məd zìye gha gha wə̀d we fàʼ icheg chɔm.

Fìlipì 2:3

Imbə̀ʼ mbə̰ ya ghìyə̀ awən inug ni gha ighi ijìm yaʼ məyi inən. Imbə̀ʼ mbə̰ ghiyə awən inug ne chwìye gha mbə̰ mbe nɔ̀ nyɔd. Wə̀d swi ìwi nyɔd aseg, niŋ gha bəd ndəŋ chè aməd.

1 Tèsàlonikà 2:6

Chəyi tì yaya kə̀bə̀ gha mbə̰ kə̀ bəd ndəŋ ya ghùmnə awa.

1 Timotì 1:17

Bəd ghumni Ŋwiye imɔʼ ne yaʼi Ifɔn ane ighə̀m imɔʼ, ne chəyi mbe bàrà aməd, ne chəyi wì biri nɔʼ ku. Tè ghumni Ŋwiye we imɔʼ kwàʼ ane ighə̀m imɔʼ. À ya ane.

Mə̀Hibrù 3:12

Ìmbum məfi fɔrɔ ìtum njàbi, mbə̀ pati awən gha imbə̀ʼ wə̀d mɔ̀ʼɔ abɔ̀ʼ inən nɔ̀ʼ bèrì fìŋ tibɔ̀ŋ ne chəyi ze bḛ Ŋwiye, ane ghì mbə sàŋì Ŋwiye we ne yaʼi izɔm.

Jems 2:1

Ìmbum məfi fɔrɔ ìtum njàbi, icheg ne mbə̀ bḛ Anɔŋisəg Yeso Kristo we ne bəd mbe ghùmnə, imbə̀ʼ mbə̰ si ya ghìyə̀ awən ighə.

1 Pità 1:7

Inug mbo̰ ijìm biri dù ni kwàʼrì awən ni chwi gha ìwən ibḛfiŋ təm kà. Ka bèyi gol ne tì mbi chìkì, mbi ya bə̀ tɔ̰̀ inga iywid ka ka ni ghì gha wì taŋ bɔ̀ŋ. Ane, mbi biri zweʼri ìwən ibḛfiŋ ne ya aghi àka inun chè gol. Ibḛfiŋ we mə̀ təm kà, nji Ŋwiye biri ghì mbə bèrì ìzḛzḛ fɔrɔ ighumni anyumə̀ ne Yeso Kristo biri ywiri yeʼe.

Jûd 1:25

Tè ghumni aməd we imɔʼ ne yaʼi Ŋwiye, ne bə̀ yaʼi wə̀d ne pùmnə awa anjìm ìwa Anɔŋisəg Yeso Kristo. Ighumni tì anug ìfɔ̀n kyen tì ika fɔrɔ anug ni tùmbi ighi ijìm ya ibo ikye abo. Ighi mbo̰ ijìm ya yi ìmbi məd nɔ̀ʼ ane nyùmə̀ isəg we ne fə che, fɔrɔ amad anìŋ, fɔrɔ ane ighə̀m imɔʼ. À ya ane.