Jn 5:30 - Ikan feg

³⁰ Chəyi tì mə ghì aghi mɔ̀ʼɔ ane ìmə ika. Mə ya sàʼa bəd məyi icheg ne Ŋwiye gha inum. Mə ya sɔ̀bɔ isaʼi ane icheg ne koʼi imbə̀ʼ icheg ne chəyi mə ghìyə̀ anug ne mə̀ kɔndi. Mə ya ghìyə̀ yaʼ anug ne wə̀d ne cha amə kə̀bi.

Meta’

³⁰ Chəi ənû ə mɔʼɔ nɨ tɨ̀ mə ghɨ̀ ənɨ mɨ ɨka. Mə wɨə saʼə bə̂d àmei ɨchî nɨ Ŋwìə̀ ghà ɨ num, əne mə wɨə saʼə mɨ̀mə̌d ɨchî nɨ kuʼnɨ, ɨmbə̀ʼ ɨghəm nɨ chəi mɨə ghɨ̀ ənû ze nɨ mə kəbɨ. Mə wɨə ghɨ̀ yeʼ əze nɨ wə̀d we nɨ tom əmɨ kəbɨ.”

Jn 5:30 ပူးပေါင်းရင်းမြစ်များ

Matìyò 26:39

Icheg ne wì ya gha ane, wì ya sùngì ghò imbìghè iki piʼì pè kùbri ìfe aseg, chàʼra Ŋwiye gha, “Ìmə Mbaʼ, icheg mə̀ yaʼ àghò chiye ngəʼ ìzo̰ igun inum. Si ya gha, àghò ghiyə yaʼ anug ne àghò kə̀bi, kayi àze ne mə̀ kəbi.”

Jn 14:10

Àkə chəyi àghò bḛ gha, mə yaʼ ane anug amɔʼ tì ìmə Mbaʼ, ìmə Mbaʼ bə̀ yaʼ ane anug amɔʼ tì inum? Ìngam we ne mə gha inən, à ya ìmə Mbaʼ we ne mə̀ yaʼi ane anug amɔʼ tì məd, nàʼi inum gha mə gha. Chəyi mə̀ ghàmà ane ìmə ighəm. À ya ìmə Mbaʼ we ne mə̀ yaʼi ane anug amɔʼ tì məd we fàʼà inug mbe ne wì kə̀bi.

Jn 17:4

Mə fə ghì bəd ghumni awe igun isəg anjìm icheg ne mə mani àfàʼì ze ne àghò ya nàʼi inum gha mə faʼa.

Jn 18:11

Yeso ya kyen Pità gha, “Àghò zìye ìwe ibeg inga mbaʼ. Àghò kə kɔ̀ndɔ gha chəyi mə̀ biri zə̰ ngəʼ ze ne ìmə Mbaʼ fə gha gha mə biri zə̰?”

Jn 4:34

Yeso ya ghà inɔb gha, “Ìtum tijəg ya ni fàʼ anug ze ne wə̀d we ne cha amə kə̀bi bə̀ màni àfàʼì ze ne wì zi inga ìtum tikye abo.

Jn 5:19

Yeso ya ywìtì inɔb gha, “Mə gha tesiʼ inən gha, chəyi tì Ŋwan Ŋwiye fàʼ aghi mɔ̀ʼɔ ane ìwi ighəm, wì ya fàʼà məyi aghi ne Mbaʼ məd we fàʼà. Aghi ne Mbaʼ we fàʼà, à ya àzewən ne Ŋwan məd we bə̀ fàʼà.

Jn 6:38

Aton ya gha, mə nɔ̀ʼ ikaŋ àbɔ̀ŋɔ yeʼe ni fàʼ inug mbe ne wə̀d we ne cha amə wì kə̀bi. Chəyi mə̀ yèʼe ni fàʼ yaʼ inug ne mə̀ kəbi.

Jn 8:28

Yeso ya si ghà inɔb gha, “Anyumə̀ ne mbə biri nɔ̀ Ŋwan Wə̀d ikaŋ azed abaʼri, mbə biri si kyèri gha mo ya wə̀d we ne mə̀ ya gha inən gha mo ya ìwiwən. Mbə biri bə si kyèri gha, chəyi mə fàʼà anug mɔ̀ʼɔ ane ìmə ighəm. Mə ya ghà məyi inug mbe ne ìmə Mbaʼ we ghà inum gha mə̀ gha.

Jn 8:42

Yeso ya ghà inɔb gha, “Àkə aghi ne Ŋwiye yaʼi ìwən Mbaʼ, nji mbə̰ mbe kɔ̀ŋɔ̀ amə imbə̀ʼ icheg ne mə nɔ̀ʼ yaʼ abɔ̀ʼ Ŋwiye yèʼe aŋa. Chəyi mə̀ yeʼe ane ìmə ighəm. À ya məd cha amə.

Jn 8:50

Chəyi mə kə̀bə̀ gha mbə̀ ghumni amə. Wə̀d we angu ne kə̀bə̀ ighumni we. À ya məd we sàʼa bəd ane icheg ne koʼi.

Rm 15:3

Chəyi Kristo yaya ghìyə̀ məyi inug ne biri bɔ̀ŋ ibo. A ze inga Àŋwàʼrì Ŋwiye gha: “Àzɔ̀mbì ze ne bəd ya zɔ̀mbi awe ze yèʼe igun inum.”

Rm 2:2

Tè kyèri gha Ŋwiye we sɔ̀bɔ isaʼi igun bəd mbe ne ghìyə̀ tiku inug ìto̰ kwàʼ ane icheg ne koʼi.

Rm 2:5

Icheg ne àghò beri fìŋ ne ka ne chəyi àghò kə̀bi ni bə̀ŋì, àghò ya anìŋ chè imbìghè ghìyə̀ Ŋwiye gàŋa tì ine. Ane, igun aneg ze ne Ŋwiye biri sɔb isaʼi igun bəd ane icheg ne koʼi, wì biri taŋ gaŋ tì ine, sɔb ìwe isaʼi zì ngəʼ ne ka igun ine.