Jn 5:24 - Ikan feg

²⁴ Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Meta’

²⁴ “Mə ghà rəsìʼ ɨ nən ni wə̀d we nɨ zu mɨ ɨŋgam, əne ben wə̀d we nɨ nyaʼa tom əmɨ, fə jɨg ɨ̀tènɨ̀ rɨ mì. Chəi mbɨ bɨrɨ saʼ əməd, àyɨə wɨ̀ fə jwɨ̀ rɨ ɨchû ɨvɨ, jɨg ɨ̀tènɨ̀.

Jn 5:24 ပူးပေါင်းရင်းမြစ်များ

Matìyò 25:46

Ane, mbi biri si ghò nyi inga asiŋi ichə ne chəyi ìnwḭ. Àsi bəd mbe ne yaya ghìyə̀ inug ne koʼi, mbɔb biri jəg ìtḛ̀ ighə̀m imɔʼ.”

Mk 16:16

Wə̀d ne bḛ, niŋ mənib, wì biri pum. Àsi wə̀d ne chəyi wì bḛ, Ŋwiye biri zì isaʼi igun məd.

Jn 11:26

Wə̀d ne yaʼi izɔm ne nɔŋi ibḛfiŋ igun inum, chəyi wì biri nɔ̀ʼ ku. Àghò bḛ anug azo̰?

Jn 12:44

Yeso ya ghàm kyen gha, “Wə̀d mə nɔŋi ibḛfiŋ igun inum, kayi məyi igun inum ne wì nɔ̀ŋì ìwi ibḛfiŋ. We fə bə̀ nɔ̀ŋì ibḛfiŋ igun wə̀d we ne cha amə.

Jn 20:31

Inùg mbo̰ ne yaʼi inga ŋwaʼri azo̰ ya ni ghì gha mbə̀ bḛ gha Yeso ya Wə̀d we ne Ŋwiye zɔ̀ʼi, bə̀ yaʼ Ŋwan Ŋwiye. Mbə̰ mə̀ bḛ, mbə biri jəg ìtḛ̀ ighə̀m imɔʼ.

Jn 3:16

Ŋwiye ya taŋ kɔ̀ŋ bəd məjìm igun isəg, ane chà ìwi Ŋwan we ne ya məyi imɔʼ gha wə̀d ijìm ne nɔŋi ìwi ibḛfiŋ igun məd, chəyi wì biri ku nim. Wì biri jəg ìtḛ̀ ighə̀m imɔʼ.

Jn 3:18

Wə̀d ijìm ne bḛ aməd, wè fə pum. Àsi wə̀d we ne chəyi wì bḛ aməd, Ŋwiye biri sɔb isaʼi igun məd chə aməd imbə̀ʼ icheg ne chəyi wì bḛ Ŋwan Ŋwiye we imɔʼ.

Jn 3:36

Wə̀d ijìm ne nɔŋi ìwi ibḛfiŋ igun Ŋwan Ŋwiye, wì fə jəg ìtḛ̀ ighə̀m imɔʼ. Àsi wə̀d ne chəyi wì bḛ Ŋwan Ŋwiye, chəyi wì biri jəg ìtḛ̀ ighə̀m imɔʼ. Ane, agaŋ Ŋwiye ze igun tengàŋ.”

Jn 4:36

Wə̀d we ne biri fòʼ ighi a mben biri niŋ ìwi ikab àfàʼì. Kwàʼ amad anìŋ, wì fə se fòʼò bə̀ fète ighi. Ighi mbe ya bəd mbe ne biri jəg ìtḛ̀ ighə̀m imɔʼ. Ane, wə̀d ne nyɔ̀ʼɔ̀ tì wə̀d ne fòʼò biri si fɔ̀ti gyèndi.

Jn 6:40

Anug ze ne ìmə Mbaʼ we kə̀bə̀ ya gha, bəd məjìm ne zì ìwɔb ibḛfiŋ igun Ŋwan məd, mbɔb biri jəg ìtḛ̀ ighə̀m imɔʼ. Mə biri zwemni awɔb ane iwu ane aneg ìnwḭ.

Jn 6:47

Mə gha tesiʼ inən gha, wə̀d ne bḛ anug azo̰ biri jəg ìtḛ̀ ighə̀m imɔʼ.

Jn 6:50

Àsi ngə̀ŋ ìzo̰ ne nɔ̀ʼi ikaŋ àbɔ̀ŋɔ yèʼe, wə̀d mə jəg ìziwən chəyi tengàŋ biri nɔʼ ku.

Jn 6:51

Mo ya ngə̀ŋ ze ne swiʼi ikaŋ àbɔ̀ŋɔ ne nàʼà ìtḛ̀. Mbə̰ mə̀ jəg ngə̀ŋ izo̰, mbə biri chughi izɔm ane ighə̀m imɔʼ. Ngə̀ŋ ze ne mə̀ biri nàʼ abə wə̀d ijìm igun isəg gha wì jəg bèrì ìtḛ̀, à ya ìmə nyàmnyɔd.”

Jn 6:58

Ngə̀ŋ ìzo̰ ya ze ne nɔ̀ʼi ikaŋ àbɔ̀ŋɔ. Ìmbən mə̀mbaʼ aneg ya kurə manà bə̀ kiri ku, si ya gha, wə̀d ne jəghi ngə̀ŋ ìzo̰ biri yaʼ izɔm ane ighə̀m imɔʼ.”

Jn 8:51

Mə gha tesiʼ inən gha, wə̀d mə ya zùgrə ìmə ìngam, chəyi tengàŋ biri nɔʼ ku.”

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

1 Tèsàlonikà 5:9

Chəyi Ŋwiye ya chɔʼi awa ni zì ngəʼ igun ina. Wì ya chɔʼ awa yaʼ ni chì awa inga ngəʼ anjìm Anɔŋisəg Yeso Kristo.

1 Pità 1:21

Mbə̰ fə chè anjìm məd bḛ Ŋwiye we ne ya zwemni aməd bə̀ nàʼ ighumni ibo. Ane, mbə̰ nɔ̀ŋì ibḛfiŋ bə̀ nɔ̀ŋì ikɔndi nì ghɔ̀m məyi igun Ŋwiye.

1 Pità 1:5

Icheg ne mbə̀ nɔŋi ìwən ibḛfiŋ igun Kristo, Ŋwiye fə chì awən inga ngəʼ ane ìwi ika. Ane aneg ìnwḭ, Ŋwiye biri ghì mbə pum, wə̀d ijìm bad.

1 Jɔn 3:14

Tè kyèri gha tì fə kɔpɔ dù inga inug mbe ne ghìyə̀ bəd kùyə nìme si yaʼ inga inug mbe ne ghìyə̀ bəd jəghə ìtḛ̀. Tè kyèri ane imbə̀ʼ icheg ne tì we kɔ̀ŋɔ̀ mə̀mbin. Wə̀d ne chəyi wì ya kɔ̀ŋɔ̀ mə̀mbin ya wə̀d ne kiri yaʼi inga inug mbe ne ghìyə̀ bəd kùyə nìme.

1 Jɔn 5:1

Wə̀d ne bḛ gha Yeso ya Wə̀d we ne Ŋwiye zɔ̀ʼi ya wə̀d Ŋwiye. Wə̀d ne kɔ̀ŋi Mbaʼ ya bə̀ kɔ̀ŋɔ̀ ŋwan məd.