Jn 5:22 - Ikan feg

²² Chəyi Mbaʼ we sàʼa bəd mɔ̀ʼɔ ka imbə̀ʼ icheg ne wì fə nàʼ ika abə Ŋwan gha wì se sàʼa bəd məjìm.

Meta’

²² Chəi Mbǎʼ ə saʼə wə̀d mɔʼɔ. Wɨ̀ fə naʼ ɨka jìm əmbɨ ə Wan ni wɨ̀ saʼ bə̂d.

Jn 5:22 ပူးပေါင်းရင်းမြစ်များ

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Matìyò 16:27

Ŋwan Wə̀d tì ìmbi mbè angirə̀ biri yeʼe tì ighumni we ne Mbaʼ məd nàʼi ibo, pè nàʼ chùd abə wə̀d imɔʼ imɔʼ icheg ne ìfàʼì wə̀d chwi.

Matìyò 28:18

Yeso ya si pè ghà inɔb gha, “Ŋwiye fə nàʼ ika inum ni tùmbì ighi ijìm ikaŋ àbɔ̀ŋɔ fɔrɔ igun isəg.

Jn 17:2

Àghò fə nàʼ ika ibo igun bəd məjìm ni ghì gha wì nàʼ ìtḛ̀ ighə̀m imɔʼ abə bəd məjìm mbe ne àghò nàʼi ibo.

Jn 3:35

Mbaʼ kɔ̀ŋ ìwi Ŋwan. Ane, wì fə sàŋì inug ijìm ibo ikye ibo.

Jn 5:27

Ane, məd fə bə̀ nàʼ ika abə Ŋwan məd gha wì saʼ bəd imbə̀ʼ icheg ne məd ya Ŋwan Wə̀d.

Jn 9:39

Yeso ya gha, “Mə yeʼe ni saʼ bəd igun isəg gho̰ ni ghì gha məfəg se bàrà isiŋi, bəd mbe ne bàrà isiŋi mbe bəŋə ane məfəg.”

Ɨ̀fàʼì 10:42

Wì ya ghà ina gha tì gha Ìngam Ŋwiye abə bəd bə̀ ghì bəd kyeri gha məd ya Wə̀d we ne Ŋwiye chɔ̀ʼi nɔ̀ŋì gha wì saʼ bəd ne yaʼi izɔm tì bəd ne fə ku.

Ɨ̀fàʼì 17:31

Wì ya nɔ̀ŋì aneg ne wì biri chè anjìm Wə̀d we ne wì ya chɔʼi, saʼ wə̀d ijìm inga isəg gho̰ ane icheg ne koʼi. Wì fə chwi aneni abə bəd məjìm gha zìye biri ghì ane icheg ne wì zwemni wə̀d we ne wì ya chɔʼi ane iwu.”

Rm 2:16

Aŋa ya icheg ne ze biri yaʼ igun aneg ze ne Ŋwiye biri chè anjìm Yeso Kristo ni saʼ bəd ane inug ijìm fɔrɔ inug mbe ne mbi ya ghi inə̀mbi icheg ne mə̀ ya gha inən inga ikən chɔm.

2 Kɔrèn 5:10

Tì ya ghìyə̀ ane imbə̀ʼ icheg ne mba məjìm biri ghum təm imbìghè abə Kristo ane isaʼi. Wì biri saʼ awa, wə̀d imɔʼ imɔʼ si niŋ ìwi ineʼi ane icheg ne wì ya fàʼi inug igun isəg aŋa, kə̀ àkə inug chɔm kə̀ inug tibɔ̀ŋ.

2 Timotì 4:1

Timotì, mə̀ ya anìŋ ghàmà ine imbìghè abə Ŋwiye fɔrɔ imbìghè abə Yeso Kristo ne biri ghum saʼ bəd mbe ne yaʼi izɔm fɔrɔ bəd mbe ne fə ku. Icheg ne wì biri yeʼe ni tùmbì isəg mə ya anìŋ ghà ine gha:

1 Pità 4:5

Ane, mbi biri ghum mə̀tì aton ane ìtɔb tìghinùg tijìm abə Ŋwiye. À ya Ŋwiye biri saʼ bəd məjìm mbe ne yaʼi izɔm fɔrɔ bəd mbe ne ya fə ku.