Jn 4:48 - Ikan feg

⁴⁸ Yeso ya ghà ibo gha, “Mbə̰ ya anìŋ, kirənde mbə̀ bàd ineni inug tì iyeti inug, chəyi mbə̀ biri nɔ̀ŋì ibḛfiŋ igun inum.”

Meta’

⁴⁸ Yeso nyaʼa gha ɨ bɔ ni, “Chəi wə̀d mɔʼɔ rəbɔʼ nən bɨrɨ nɔ benɨ, kɨrɨ ənɨ mbə̀ zə ɨnweenɨ-ɨnû fɔrɨ ɨnû yiirɨ.”

Jn 4:48 ပူးပေါင်းရင်းမြစ်များ

Matìyò 16:1

Mə̀Farìsi tì mə̀Sadùsi ya ghò abə Yeso ni zweʼri aməd, pè ghà ibo gha, “Àghò ghiyə ayeti anug ni chwi gha à ya Ŋwiye nàʼi ika ine.”

Matìyò 24:24

À ya icheg ne ze biri yaʼ imbə̀ʼ icheg ne mə̀kristo ako biri yeʼe, wə̀d imɔʼ imɔʼ abɔ̀ʼ inɔb biri se ghà gha, ‹Mo ya wə̀d we ne Ŋwiye zɔ̀ʼi.› Bədkə̀n ne ghà inug ako biri bə yeʼe. Mbi biri ghì iyeti inug kyen kyen ni tambi bəd. Mbɔb biri kə̀b ni gha ze mə̀ chwi mbi tambi fɔrɔ bèyi bəd mbe ne Ŋwiye ya fə chɔʼi.

Matìyò 27:42

“Wì yaya pùmnə bəd ndəŋ. Wì pumni ìwi nyɔd tì bara. Imbə̀ʼ məd ya Ifɔn mə̀Izre! Wì swiʼi ikaŋ azed abaʼri ze, tì biri nɔ̀ŋì ibḛfiŋ igun məd.

Mk 13:22

Mə̀kristo ako ne biri gha mbɔb ya bəd ne Ŋwiye zɔ̀ʼi, tì bədkə̀n ne ghà inug ako biri dù, ane ghì ineni inug bə̀ ghì inug yeti, imbə̀ʼ fèbrì bəd. Ze mə̀ chwi, mbi fèbrì bəd mbe ne Ŋwiye chɔ̀ʼi.

Lk 10:18

Yeso ya ywìtì inɔb gha, “Mə kə bàd Sàtàn we fḛ tikaŋ icheg àŋwàŋwaŋ.

Lk 16:31

Abràham ya ywìtì gha, ‹Àmə chəyi mbi zug anug ne Muse tì bədkə̀n Ŋwiye mbe ghà, chəyi mbi biri bə zug ka wə̀d bə̀ zwème ane iwu ghò ghàm inɔb.›”

Jn 12:37

Yeso ya jiʼì ghì iyeti inug, bəd bàd, si ya gha, mə̀Ju ya kiri to̰ awɔb ni nɔŋi ibḛfiŋ igun məd.

Jn 15:24

Icheg ne mə ghi inug ne chəyi wə̀d mɔ̀ʼɔ kə kweʼì ghì inɔb, mbi biri nyimi awɔb ane ìmbɔb inug tibɔ̀ŋ. À ya ane imbə̀ʼ icheg ne, mbɔb bàd iyeti inug mbe bə̀ kiri pab amə, bə̀ pàb ìmə Mbaʼ.

Jn 2:18

Anyumə̀ ne Yeso ya fə kamni bəd chì inga ikam mbàn Ŋwiye, itog bəd mə̀Ju ya ghò bìri ibo gha, “Àkə iku ayeti anug weg ne tì àghò chwi ina ni gha tì kyeri gha àghò bèrì ika ni fàʼ àfàʼì azo̰ ne àghò fàʼi anìŋ?”

Jn 20:29

Yeso ya si ghà ibo gha, “Àghò ya anìŋ kə zìyè ibḛfiŋ igun inum imbə̀ʼ icheg ne àghò bàd amə. Ŋwiye zì àbɔrɔ̀bɔd igun bəd mbe ne zi ìwɔb ibḛfiŋ igun inum ne chəyi mbi bàd amə.”

Jn 4:49

Wə̀d kyen we ya ghà ibo gha, “Masà, àghò swiʼi yèʼe inum inga achan bɔŋ ìmə ŋwan se kùyə.”

Ɨ̀fàʼì 14:3

Pɔl tì Bànabàs ya chughi angu ane nyumə̀ mɔ̀ʼɔ se ghàmà ìngam Anɔŋisəg ane fìŋ ka ka. Ane, Anɔŋisəg ya chwi gha ìngam we ne mbɔb yaya ghàmà imbə̀ʼ ìchɔ̀mì məd ya anug tesiʼ icheg ne wì ya ghi gha mbe faʼa inug yeti yeti.

Ɨ̀fàʼì 15:12

Anyumə̀ ne Pɔl tì Bànabàs ya ko ni ghà iyeti inug mbe ne Ŋwiye chè inga inɔb fàʼ abə bəd ne kayi mə̀Ju, bəd məjìm ne ya yaʼi inga ifeti we ya chim tizi.

Ɨ̀fàʼì 2:19

Mə biri ghì inug yeti yeti ikaŋ àbɔ̀ŋɔ fɔrɔ igun isəg. Isiŋi biri bàŋ icheg anəm. Mbə̰ biri bàd iywid fɔrɔ ndiʼ nɔʼ nɔʼ.

Ɨ̀fàʼì 2:22

Mə̀Izre! mbə̀ taŋ zug ìngam gho̰: Yeso we a Nazarèd ya wə̀d ne Ŋwiye ya chɔʼi. Mbə̰ kyèri àzən aghi gha Ŋwiye ya chè anjìm məd ghì iyeti inug kyen kyen mbə̰ bàd.

Ɨ̀fàʼì 2:43

Bədtɔm Kristo yaya ghìyə̀ iyeti inug nɔʼ nɔʼ. Ane, ibɔ Ŋwiye ya sweg inga fìŋ abə bəd məjìm.

Ɨ̀fàʼì 4:30

Àghò seme àze abo ghù bəd ne ghɔ̰̀ bə̀ chwi ineni ka ka bə̀ fàʼ iyeti inug inga ikum ìwi Yeso, ìwe wə̀d àfàʼì ìzḛzḛ.”

Ɨ̀fàʼì 5:12

Bədtɔm Kristo yaya ghìyə̀ iyeti inug nɔʼ nɔʼ igun bəd, bəd bàrà. Bəd ne ya bḛ Kristo yaya ghò bɔ̀mbɔ̀ inga asiŋi ze ne mbe kàrà ane məkə̀tə̀ Solomùn.

Ɨ̀fàʼì 6:8

Ŋwiye ya taŋ ghì ìchɔ̀mì abə Stifə̀n bə nàʼ ika ibo. Ane, wì ya ghì iyeti inug kyen kyen bəd bàd.

Ɨ̀fàʼì 7:36

Wì ya chì awɔb a Ijìb anyumə̀ ne wì ya fə ghi iyeti inug a Ijìb. Wì ya ghì mbi bani inga Igyi Tìbà Bàghi, bə̀ ghì mbi yèn inga ibad zɔbi ane tituʼ ìghum ikwè.

Rm 15:19

Aghi ne ghi bəd mbe ne kayi mə̀Ju bə̀ŋì ìtɔb fìŋ bḛ Ŋwiye ya inug yeti yeti mbe ne mbɔb bari fɔrɔ icheg ne Azwighi Ŋwiye ghi gha mbɔb bḛ Ŋwiye. Àze ghì mə bèrì ika ni chètì ikən chɔm gho̰ imbə̀ʼ Kristo; ni ko a Jèrusalèm, ghò anene ghò pè aba aben ze a Ìlirikùm.

1 Kɔrèn 1:22

Mə̀Ju yaya kə̀bə̀ ni bàd inug yeti yeti. Àsi mə̀Grig yaya kə̀bə̀ ni zug yaʼ inug ne beri iwe.

2 Kɔrèn 12:12

Inug ne ghìyə̀ bəd kyere gha wə̀d ya wə̀dtɔm Kristo ya iyeti inug kyen kyen fɔrɔ ineni. Mə ya ghì inug mbo̰ inən bə̀ bèrì inyimbifiŋ ni chwi gha mo ya wə̀dtɔm Kristo.

2 Tès 2:9

Wə̀d inug izəg we biri ya fàʼà inug ne à ya Sàtàn nàʼi ika ibo. Wì biri tambi bəd ane iyeti inug fɔrɔ inug kyen kyen ne wì biri fàʼ ne kayi mbe tesiʼ.

Mə̀Hibrù 2:4

Ŋwiye zìye ini ya chwi ineni nɔʼ nɔʼ bə̀ fàʼ iyeti inug kyen kyen ni chwi gha inug ijìm mbe ne mbɔb yaya ghà ya tesiʼ. Ane, Azwighi Ŋwiye yaya bə̀ ghàpà tineʼi abə bəd icheg ne Ŋwiye kɔ̀ŋi.