Jn 4:14 - Ikan feg

¹⁴ Àsi bəd ijìm ne no mənib mbe ne mə nàʼà, chəyi adɔʼ mənib biri ywìri nɔʼ ko awɔb ka. Tesiʼ ya gha, mənib mbe ne mə nàʼà ya icheg àdùrì ne swèghe gwètè nàʼà ìtḛ̀ ighə̀m imɔʼ.”

Meta’

¹⁴ àyɨə chəi ədɔʼ ə mɨnib ə bɨrɨ nɔ wɨrɨ ne wə̀d we nɨ nɔ mɨnib mbe nɨ mə̀ bɨrɨ naʼ ɨ bɔ. Mɨnib mbe nɨ mə̀ bɨrɨ naʼ ɨ bɔ bɨrɨ yeʼ jwɨ̀-əmboŋ nɨə koŋ ɨŋga məd bə̀ nàʼ ɨ̀tènɨ̀ rɨ mì ɨ bɔ.”

Jn 4:14 ပူးပေါင်းရင်းမြစ်များ

Matìyò 25:46

Ane, mbi biri si ghò nyi inga asiŋi ichə ne chəyi ìnwḭ. Àsi bəd mbe ne yaya ghìyə̀ inug ne koʼi, mbɔb biri jəg ìtḛ̀ ighə̀m imɔʼ.”

Matìyò 5:6

Ŋwiye zì àbɔrɔ̀bɔd igun bəd mbe ne zi atog ni ghì inug ne təmi kòʼ, imbə̀ʼ icheg ne məd biri nàʼ aghi ne mbɔb mbe kə̀bə̀ inɔb.

Jn 10:10

Iji ya yèʼe ni ji, kə̀ ni zweti, kə̀ ni nimni njə̀g. Mə yèʼe gha, mbə̀ jəg ìtḛ̀, ne ya kwàʼ ìtḛ̀ ne chəyi wi cheʼi aghi mɔ̀ʼɔ ka.”

Jn 11:26

Wə̀d ne yaʼi izɔm ne nɔŋi ibḛfiŋ igun inum, chəyi wì biri nɔ̀ʼ ku. Àghò bḛ anug azo̰?

Jn 4:10

Yeso ya ywìtì ibo gha, “Àkə aghi ne àghò kyèri ineʼi we ne Ŋwiye we nàʼà bə̀ kyèri wə̀d we ne bìre mənib ine, nji à ya àghò bìri ibo, wì si nàʼ mənib ne nàʼà ìtḛ̀ ine.”

Jn 4:11

Àyi we ya zug ane, si gha, “Masà, chəyi àghò beri aghi mənib ni toʼ mənib. Ibighi mənib bə̀ sà inga. Mənib ne nàʼà ìtḛ̀ kə àghò biri niŋ aya?

Jn 4:13

Yeso ya ywìtì ibo gha, “Bəd məjìm ne no mənib mbo̰, adɔʼ mənib biri ya ywìrè ko awɔb.

Jn 4:36

Wə̀d we ne biri fòʼ ighi a mben biri niŋ ìwi ikab àfàʼì. Kwàʼ amad anìŋ, wì fə se fòʼò bə̀ fète ighi. Ighi mbe ya bəd mbe ne biri jəg ìtḛ̀ ighə̀m imɔʼ. Ane, wə̀d ne nyɔ̀ʼɔ̀ tì wə̀d ne fòʼò biri si fɔ̀ti gyèndi.

Jn 6:27

Imbə̀ʼ mbə̰ fàʼa awən məyi ni beri ighijəg ne biri bə. Mbə̀ fàʼa yaʼ ni beri ighijəg ne biri ghì gha bəd beri ìtḛ̀ ighə̀m imɔʼ. Ighijəg mbe ya mbe ne Ŋwan Wə̀d biri nàʼ inən. Ŋwiye we ne yaʼi Mbaʼ fə nàʼ ika ibo gha wì ghiyə ane.”

Jn 6:35

Yeso ya ywìtì inɔb gha, “Mo ya ngə̀ŋ ze ne nàʼà ìtḛ̀. Wə̀d we ne yeʼe inum chəyi njèg biri nɔʼ zaŋ məd. Wə̀d ne zì ìwi ibḛfiŋ igun anug azo̰ ne mə ghà, chəyi adɔʼ mənib biri nɔʼ ko tengàŋ.

Jn 6:58

Ngə̀ŋ ìzo̰ ya ze ne nɔ̀ʼi ikaŋ àbɔ̀ŋɔ. Ìmbən mə̀mbaʼ aneg ya kurə manà bə̀ kiri ku, si ya gha, wə̀d ne jəghi ngə̀ŋ ìzo̰ biri yaʼ izɔm ane ighə̀m imɔʼ.”

Jn 7:37

Igun aneg kyen ze ne iteri ya se mèghè, Yeso ya nɔ̀ʼ təm ghàm ane gì ka ka gha, “Wə̀d ne adɔʼ mənib ze ko aməd, tengàŋ yèʼe inum mə biri nàʼ mənib ibo.

Rm 5:21

Icheg ne inug tibɔ̀ŋ ya beri ika igun isəg anjìm iwu, à ya bə̀ ane ne ìchɔ̀mì Ŋwiye biri bèrì ika igun isəg anjìm icheg ne bəd mbe ghìyə̀ inug ne təmi kòʼ, ane, se nàʼà ìtḛ̀ ighə̀m imɔʼ anjìm ìwa Anɔŋisəg Yeso Kristo.

Rm 6:23

Tesiʼ ya gha, chùd inug tibɔ̀ŋ ya iwu. Àsi ineʼi we ne Ŋwiye nàʼi ya ìtḛ̀ ighə̀m imɔʼ anjìm Yeso Kristo, ìwa Anɔŋisəg.

2 Kɔrèn 1:22

bə̀ zì àzi Azwighi inga ina ni chwi gha mba ya bəd məd. Azwighi azo̰ ya aneni ni chwi gha ighi mbe ne Ŋwiye kàʼi ina, wì biri nàʼ ijìm.

Efesùs 4:30

Imbə̀ʼ mbə̰ ghiyə awən gha Azwighi Ŋwiye ya sɔ̀mnɔ̀ imbə̀ʼ icheg ne Azwighi ze ya aneni ne chwìye gha à ya Ŋwiye beri awən. À ya Azwighi Ŋwiye ze bə̀ chwìye gha aneg ze yèʼe ne Ŋwiye biri zeri ìmbi bəd.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Jɔn 5:20

Tè bə̀ kyèri gha Ŋwan Ŋwiye fə yeʼe. Wì fə ghì gha ìmba itog zen tì kyeri Ŋwiye we ne ya Ŋwiye tesiʼ. Tì yaʼ ane ifɔti tì Ŋwiye we ne ya Ŋwiye tesiʼ. Tì we bə̀ ane ifɔti tì Ŋwan məd, Yeso Kristo. Məd ya Ŋwiye tesiʼ we ne ghi gha bəd jəg ìtḛ̀ ighə̀m imɔʼ.

Ɨnû 7:16

Chəyi njèg biri nɔ̀ʼ ywiri zaŋ awɔb. Chəyi adɔʼ mənib biri nɔ̀ʼ ywiri ko awɔb. Chəyi achwi kə̀ isiŋi ne taŋ nɔ̀mɔ̀ biri nɔ̀ʼ ywiri tɔ̀n awɔb,

Ɨnû 7:17

imbə̀ʼ icheg ne Ŋwan njə̀g we ne yaʼi inga fìghàra atən ifɔn ze biri kyèʼì awɔb icheg wə̀d ne kyèʼè njə̀g; wì biri niŋ awɔb ghò ane àdùrì ne dùwə̀ mənib ne nàʼà ìtḛ̀. Ŋwiye biri fug məsi ijìm ane àzɔb aghə.”