Jn 3:36 - Ikan feg

³⁶ Wə̀d ijìm ne nɔŋi ìwi ibḛfiŋ igun Ŋwan Ŋwiye, wì fə jəg ìtḛ̀ ighə̀m imɔʼ. Àsi wə̀d ne chəyi wì bḛ Ŋwan Ŋwiye, chəyi wì biri jəg ìtḛ̀ ighə̀m imɔʼ. Ane, agaŋ Ŋwiye ze igun tengàŋ.”

Meta’

³⁶ Wə̀d we nɨ ben Wan Ŋwìə̀ fə jɨg ɨ̀tènɨ̀ rɨ mì. Ka wə̀d we nɨ chəi wɨə zuunɨ ə Wan Ŋwìə̀ bɨrɨ jɨg i ɨ̀tènɨ̀, àyɨə Ŋwiə̀ bɨrɨ sə ɨtəm əbɔʼ məd.”

Jn 3:36 ပူးပေါင်းရင်းမြစ်များ

Matìyò 25:46

Ane, mbi biri si ghò nyi inga asiŋi ichə ne chəyi ìnwḭ. Àsi bəd mbe ne yaya ghìyə̀ inug ne koʼi, mbɔb biri jəg ìtḛ̀ ighə̀m imɔʼ.”

Mk 16:16

Wə̀d ne bḛ, niŋ mənib, wì biri pum. Àsi wə̀d ne chəyi wì bḛ, Ŋwiye biri zì isaʼi igun məd.

Lk 2:30

Mə bàd kwàʼ ane àmə aghə, icheg ne àghò cha wə̀d ne biri pumni bəd,

Lk 3:6

Wə̀d ijìm biri bàd icheg ne Ŋwiye biri pumni bəd.›”

Jn 1:12

Àsi bəd məjìm mbe ne ya niŋi aməd bə̀ nɔ̀ŋì ìwɔb ibḛfiŋ igun məd, wì ya nàʼ ati inɔb gha mbe si yaʼ bɔn Ŋwiye.

Jn 10:28

Mə ya nàʼà ìtḛ̀ ighə̀m imɔʼ inɔb. Chəyi mbɔb biri nɔ̀ʼ ku nim. Chəyi tì wə̀d mɔ̀ʼɔ chì awɔb inga ìtum tikye abo.

Jn 3:3

Yeso ya ywìtì ibo gha, “Mə ghà kwàʼ tesiʼ ine gha, mbi mənyìʼ ywìrì gwi wə̀d ighəm ndəŋ bɔŋ wì se nyḭ̀yḛ inga anug ìfɔ̀n Ŋwiye.”

Jn 4:36

Wə̀d we ne biri fòʼ ighi a mben biri niŋ ìwi ikab àfàʼì. Kwàʼ amad anìŋ, wì fə se fòʼò bə̀ fète ighi. Ighi mbe ya bəd mbe ne biri jəg ìtḛ̀ ighə̀m imɔʼ. Ane, wə̀d ne nyɔ̀ʼɔ̀ tì wə̀d ne fòʼò biri si fɔ̀ti gyèndi.

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Jn 6:58

Ngə̀ŋ ìzo̰ ya ze ne nɔ̀ʼi ikaŋ àbɔ̀ŋɔ. Ìmbən mə̀mbaʼ aneg ya kurə manà bə̀ kiri ku, si ya gha, wə̀d ne jəghi ngə̀ŋ ìzo̰ biri yaʼ izɔm ane ighə̀m imɔʼ.”

Jn 8:51

Mə gha tesiʼ inən gha, wə̀d mə ya zùgrə ìmə ìngam, chəyi tengàŋ biri nɔʼ ku.”

Ɨ̀fàʼì 14:2

Si ya gha, mə̀Ju mbe ne chəyi mbi ya bḛ Kristo ya to atog abə bəd mbe ne kayi mə̀Ju, chìkì ìtɔb fìŋ, mbi ko se pàbà bəd mbe ne ya bḛ Kristo.

Rm 4:15

À ya ane imbə̀ʼ icheg ne mə̀nɔ̀ʼɔ̀ yaya nɔ̀rɔ̀ agaŋ Ŋwiye. Chəyi wə̀d we gùghə̀ mə̀nɔ̀ʼɔ̀ asiŋi ne chəyi mə̀nɔ̀ʼɔ̀ yaʼi angu.

Rm 5:9

Icheg ne anəm Yeso fə ghi tì təm kòʼ imbìghè abə Ŋwiye, à ya kwàʼ ane ne Ŋwiye biri chì àzi agaŋ igun ina anjìm Kristo.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

Gàlesìyà 3:10

Tesiʼ ya gha, bəd mbe ne nɔŋi ìtɔb fìŋ ni təm kòʼ imbìghè abə Ŋwiye məyi anjìm mə̀nɔ̀ʼɔ̀, ndɔ̀n ze igun inɔb. À ya ane imbə̀ʼ icheg ne, mbi ya fə bì ŋwàʼrì inga Àŋwàʼrì Ŋwiye gha, “Wə̀d ne chəyi wì nɔŋi inug ijìm mbe ne yaʼi inga mə̀nɔ̀ʼɔ̀ Muse, Ŋwiye biri zì ndɔ̀n igun məd.”

Efesùs 5:6

Imbə̀ʼ mbə̰ bḛ awən gha wə̀d mɔ̀ʼɔ tambi awən tì inug ako ka imbə̀ʼ icheg ne Ŋwiye biri gaŋ abə bəd mbe ne ghìyə̀ tìzughə̀ ibo.

1 Tèsàlonikà 1:10

Mbɔb mbe mə̀tə̀ icheg ne mbə̰ mbe se ghɔ̀mɔ̀ Ŋwan Ŋwiye we ne biri nɔ̀ʼ ikaŋ àbɔ̀ŋɔ yèʼe. Ŋwan Ŋwiye we ya Yeso we ne Ŋwiye ya ghi wì zwème ane iwu. À ya məd ya chi awa inga ngəʼ ze ne Ŋwiye biri gaŋ, si sɔb isaʼi zì igun bəd inug tibɔ̀ŋ.

1 Tèsàlonikà 5:9

Chəyi Ŋwiye ya chɔʼi awa ni zì ngəʼ igun ina. Wì ya chɔʼ awa yaʼ ni chì awa inga ngəʼ anjìm Anɔŋisəg Yeso Kristo.

Mə̀Hibrù 10:29

Àsi wə̀d ne wèghè Ŋwan Ŋwiye, ne bə̀ wèghè anəm ze ne Ŋwan Ŋwiye nìŋi wàd ikan we ne ghi tì zen, bə̀ wèghè Azwighi Ŋwiye ze ne ghi ìchɔ̀mì ina, mbə kɔ̀ndi gha Ŋwiye biri si chə awɔb iye?

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Mə̀Hibrù 3:18

Bəd ne Ŋwiye ya ghum zɔ̀m, ghà inɔb gha, chəyi mbi biri nɔ̀ʼ nyi inga asiŋi ze ne Ŋwiye biri nàʼ àzwètì inɔb àkə mə̀we? Imbə̀ʼ à ya bəd mbe ne ya ghi tìzughə̀ ibo?

Mə̀Hibrù 3:19

Ane, tè bàd gha chəyi tì mbɔb ya nyi inga asiŋi àzwètì ze imbə̀ʼ icheg ne chəyi mbi ya bḛ Ŋwiye.

Ɨnû 21:8

Si ya gha, bəd ne bɔ, bəd ne chəyi mbi ywirì bḛ Kristo, kə̀ ne ghìyə̀ inug tibɔ̀ŋ yeti yeti, kə̀ ne zwète bəd, kə̀ ne nɔ̀kɔ̀ mbaŋà kə̀ nɔ̀kɔ̀ mə̀yi abu abu, kə̀ ne ghìyə̀ tikaŋì, kə̀ ne ghùmnə mə̀ŋwiye fɔrɔ bəd məjìm ne mə̀tə inug ako, mbi biri nwìyḛ̀ inga atəŋ iywid kyen ze ne bère tì sɔfɔ̀. Aŋa ya iwu we ne pè ane ibe.”