Jn 3:27 - Ikan feg

²⁷ Jɔn ya ywìtì inɔb gha, “Chəyi wə̀d ya bèrè aghi mɔ̀ʼɔ kirənde à ya Ŋwiye nàʼi ibo.

Meta’

²⁷ Jɔ̌n nyaʼa wììrɨ̀ ni, “Chəi ənɨ tɨ̀ wə̀d berɨ əghɨ ə mɔʼɔ kɨrɨ ni à yɨə Ŋwìə̀ naʼ ɨ bɔ.

Jn 3:27 ပူးပေါင်းရင်းမြစ်များ

Matìyò 21:25

Àkə Ŋwiye ya nàʼi ika abə Jɔn gha wì se nàʼà mənib abə bəd kə̀ àkə bəd ya nàʼi ika we ibo?” Mbɔb ya zug ane ko se tàŋà mbɔb mbɔb gha, “Tì mə gha, ‹À ya Ŋwiye,› wì bìri biri ina gha, ‹Àmə yaʼ ane, aton ne chəyi mbə̀ ya bḛ ìngam məd àkə imbə̀ʼ aghə?›

Matìyò 25:15

Wì ya nàʼ ìbàn ikab gol ita̰ abə wə̀d àfàʼì fìbì, nàʼ ìbàn ibe abə ìwi ndəŋ, bə̀ nàʼ àbàn amɔʼ abə ìywin. Wì ya nàʼ inun ìbàn ikab gol mbe inɔb icheg ne tì wə̀d imɔʼ imɔʼ abɔ̀ʼ ya fàʼ tì ìmbi awən. Anyumə̀ ne mbaʼ àfàʼì we ya nàʼi ane, wì ya nɔ̀ʼ ghò yi ane igha̰.

Mk 13:34

A ze icheg ne wə̀d ghò ŋa yḛ̀ yi. Bɔŋ wì se dù inga nəb, wì biri fə nàʼ àfàʼì abə ìmbi bəd àfàʼì, wə̀d tì àze àfàʼì, ìwi ndəŋ tì àzin. Wì biri bi ghà abə wə̀d ne kyèʼè achan gha wì chughi ikyèʼi.

Jn 10:41

Bəd nɔʼ nɔʼ ya ghò bàd aməd. Mbi yaya ghàmà mbɔb mbɔb gha, “Ka chəyi Jɔn we ne yaya nàʼà mənib ya fàʼi ayeti anug, inug mbe ne wì yaya ghàmà imbə̀ʼ wə̀d gho̰ ya kwàʼ tesiʼ.”

Jn 6:65

Wi ya chè imbìghè, gha, “Aŋa ya aton ne mə gha inən gha, chəyi tì wə̀d mɔ̀ʼɔ yeʼe inum ne chəyi ìmə Mbaʼ ghì gha wì yeʼe.”

Rm 1:5

Ŋwiye we chè anjìm Ŋwan məd we ni ghì ìchɔ̀mì ina. Ane, mba ya bə̀ bədtɔm Kristo imbə̀ʼ chètì inug imbə̀ʼ aməd abə bəd məjìm inga iben ijìm igun isəg. Àzo̰ biri ghì bəd nɔ̀ŋì ìwɔb ibḛfiŋ igun məd bə̀ zùgri aməd.

Rm 12:6

Ìta tineʼi ya icha icha icheg ne Ŋwiye ghi ìchɔ̀mì ina. Ineʼi wə̀d mə̀ yaʼ ni ghà ikən Ŋwiye, tengàŋ ya fàʼà icheg ne ibḛfiŋ məd chwi.

1 Kɔrèn 1:1

À ya mo Pɔl tì Sostenès ne yaʼi ìwa ifi icheg ne tì yaʼi ane anug amɔʼ tì Yeso Kristo ŋwàʼri àŋwàʼrì azo̰. Ŋwiye ya chɔʼ amə icheg ne məd kə̀bi gha mə yaʼ wə̀dtɔm Kristo.

1 Kɔrèn 12:11

À ya məyi Azwighi Ŋwiye ze amɔʼ ze ghàpà tineʼi ìto̰ tijìm abə wə̀d imɔʼ imɔʼ icheg ne Azwighi Ŋwiye kə̀bi.

1 Kɔrèn 15:10

Si ya gha, Ŋwiye ghì ìchɔ̀mì inum mə si wə̀d ne mə yaʼ ìwiwən amad anìŋ. Ìchɔ̀mì we ne Ŋwiye ghi inum, chəyi wi ya che ako. Tesiʼ ya gha, mə we taŋ zìyè atog ni fàʼ chè bədtɔm mbin. Kayi mo we fàʼà. À ya ìchɔ̀mì we ne Ŋwiye ghi inum we fàʼà inga inum.

1 Kɔrèn 3:5

Mbə̀ si mə̀ taŋ bìri inən. Àpolòs kə bè we? Kə̀ Pɔl kə bè we? Mba məjìm ya bəd àfàʼì Ŋwiye. Mbə̰ ya chè ina anjìm ni nɔ̀ŋì ìwən ibḛfiŋ igun Kristo. Wə̀d imɔʼ imɔʼ abɔ̀ʼ ina ya fàʼà àfàʼì ne Anɔŋisəg zi ibo ikye abo.

1 Kɔrèn 4:7

Wə̀d ne gha inən gha wə̀d mɔ̀ʼɔ chè ìywin àkə we? Àkə aghə ne mbə̀ beri ne kayi Ŋwiye nàʼi inən? Aton ne Ŋwiye nàʼi ighi inən mbə se kɔ̀mɔ̀ igo icheg ni gha kayi Ŋwiye nàʼi inən àkə gha?

Gàlesìyà 1:1

À ya mo Pɔl, wə̀dtɔm Kristo, ŋwàʼri àŋwàʼrì azo̰. Kayi bəd kə̀ wə̀d mɔ̀ʼɔ ya chɔʼi amə, tɔm inən. À ya Yeso Kristo fɔrɔ Ŋwiye we ne yaʼi Mbaʼ we ne ya zwemne Yeso Kristo ane iwu, mbi tɔmi amə.

Efesùs 1:1

À ya mo Pɔl ne Ŋwiye ya chɔʼi amə gha mə yaʼ wə̀dtɔm Kristo icheg ne məd Ŋwiye kə̀bi ŋwàʼri àŋwàʼrì azo̰. Mə ya ŋwàʼrà anìŋ abə bəd Ŋwiye mbe a Efesùs ne yaʼi ane ifɔti tì Yeso Kristo.

1 Timotì 2:7

Aŋa ya aton ne Ŋwiye chɔ̀ʼi amə ane wə̀dtɔm Kristo chà abə bəd mbe ne kayi mə̀Ju gha mə chwiti tesiʼ ne tì wì ghi bəd zì ibḛfiŋ igun Kristo. Mə ya ghà kwàʼ tesiʼ, kayi inug ako.

Jems 1:17

Tineʼi chɔm ne bɔŋi mànì ya nɔ̀ʼɔ̀ abə Ŋwiye. Ti ya nɔ̀ʼɔ̀ abə Ŋwiye we ne tangi ighi mbe ne zùʼə ikaŋ àbɔ̀ŋɔ. Chəyi məd we kɔ̀pɔ kə̀ ghàbra nyɔd icheg achwi ni ghì gha isiŋi fin.