Jn 3:2 - Ikan feg

² Wə̀d gho̰ ya ghò abə Yeso izimi pè ghà ibo gha, “Àchwitìnùg, tè kyèri gha àghò ya wə̀d ne Ŋwiye cha gha wì chwiti inug ina imbə̀ʼ icheg ne chəyi wə̀d mɔ̀ʼɔ ne tì wì ghi iyeti inug mbo̰ kirəndə à ya wə̀d ne Ŋwiye yaʼi tì məd.”

Meta’

² Mbaŋə̀ zɔ̂ nyaʼa wò əsɨ Yeso ɨzimɨ pè ghà ɨ bɔ ni, “Əchwiə̀-ɨnû, tɨ̀ ə kyerɨ ni àwɔ̀ yɨ əchwiə̀-ɨnû we nɨ Ŋwìə̀ tom. Chəi wə̀d mɔʼɔ əŋgu nɨ tɨ̀ wɨ̀ ghɨ̀ ɨnû yiirɨ mbɔ̂ nɨ àwɔ̀ ə ghɨ̀ə̀, kɨrɨ ənɨ Ŋwìə̀ wɨ mbɨ məd.”

Jn 3:2 ပူးပေါင်းရင်းမြစ်များ

Matìyò 22:16

Ane, mbi ya chà ìmbɔb mə̀mə̀nənùg tì bəd mɔ̀ʼɔ abɔ̀ʼ mə̀sə̀ʼ ìmbi ifɔn Erɔ̀d abə Yeso. Bəd mbe ya ghò pè ghà abə Yeso gha, “Àchwitìnùg, tè kyèri gha àghò we ghàmà tesiʼ. Àghò ya chwìte yaʼ tesiʼ imbə̀ʼ icheg ne Ŋwiye kə̀bi gha bəd chughi. Tè bə̀ kyèri gha chəyi àghò we bɔ bəd imbə̀ʼ icheg ne chəyi àghò we ghìyə̀ ighə.

Matìyò 23:7

Mbɔb ya kɔ̀ŋɔ̀ gha bəd ya chàʼrà awɔb a sàmi iywin ane ighumni. Mbɔb ya bə̀ kɔ̀ŋɔ̀ gha bəd ndəŋ ya kàrà awɔb ane ‹Àchwitìnùg›.

Matìyò 23:8

Imbə̀ʼ mbə̰ saŋa awən gha wə̀d mɔ̀ʼɔ ya kàrà awən ane ‹Àchwitìnùg› imbə̀ʼ icheg ne mbə̰ ya məfi bə̀ bèrì Àchwitìnùg məyi imɔ̀ʼ.

Mk 12:14

Mbi ya ghò pè ghà abə Yeso gha, “Àchwitìnùg, tè kyèri gha àghò we ghàmà tesiʼ. Tè bə̀ kyèri gha chəyi àghò we bɔ bəd imbə̀ʼ icheg ne chəyi àghò we ghìyə̀ ighə. Àghò ya chwìte yaʼ tesiʼ imbə̀ʼ icheg ne Ŋwiye kə̀bi gha bəd chughi. Mə̀nɔ̀ʼɔ̀ wa chwi gha tì nàʼ mə̀tag abə Kayisà kə̀ chəyi?

Jn 1:38

Yeso ya ghabri bàd icheg ne mbe bène ibo anjìm. Wì si bìri inɔb gha, “Mbə kə kə̀bə̀ aghə inum anjìm?” Mbi ya ywìtì gha, “Àchwitìnùg, tì ya kə̀bə̀ ni kyeri asiŋi ne àghò ya chùghə.”

Jn 10:38

Mo mə̀ ya fàʼà inug mbe. Ka chəyi mbə̀ jiʼì kə̀b ni bḛ amə, mbə̀ bḛ yaʼ inug mbe ne mə ghìyə̀. Àze biri ghì mbə kyeri gha ìmə Mbaʼ we ane anug amɔʼ tì inum. Mo inum we bə̀ ane anug amɔʼ tì məd.”

Jn 12:37

Yeso ya jiʼì ghì iyeti inug, bəd bàd, si ya gha, mə̀Ju ya kiri to̰ awɔb ni nɔŋi ibḛfiŋ igun məd.

Jn 14:10

Àkə chəyi àghò bḛ gha, mə yaʼ ane anug amɔʼ tì ìmə Mbaʼ, ìmə Mbaʼ bə̀ yaʼ ane anug amɔʼ tì inum? Ìngam we ne mə gha inən, à ya ìmə Mbaʼ we ne mə̀ yaʼi ane anug amɔʼ tì məd, nàʼi inum gha mə gha. Chəyi mə̀ ghàmà ane ìmə ighəm. À ya ìmə Mbaʼ we ne mə̀ yaʼi ane anug amɔʼ tì məd we fàʼà inug mbe ne wì kə̀bi.

Jn 15:24

Icheg ne mə ghi inug ne chəyi wə̀d mɔ̀ʼɔ kə kweʼì ghì inɔb, mbi biri nyimi awɔb ane ìmbɔb inug tibɔ̀ŋ. À ya ane imbə̀ʼ icheg ne, mbɔb bàd iyeti inug mbe bə̀ kiri pab amə, bə̀ pàb ìmə Mbaʼ.

Jn 2:11

Àzo̰ ya ayeti anug mbègtog ne Yeso ya fàʼi. Wì ya fàʼ ayeti anug azo̰ ni chwi ìwi ika a Kanà, asiŋi ne yaʼi inga Galìli. Ane, mə̀mə̀nənùg məd ya si taŋ zì ìwɔb ibḛfiŋ igun məd.

Jn 20:16

Yeso ya si kàrì aməd gha, “Mèri.” Mèri ya ghabri nèn aməd, si ghàm ane ìngam Hibrù gha, “Ràbonì.” Ane ya ni gha, “Àchwitìnùg.”

Jn 3:26

Mə̀mə̀nənùg ìmbi Jɔn mbe ya ghò pè ghà abə Jɔn gha, “Àchwitìnùg, Àghò kɔ̀ndi wə̀d we ne ya yaʼi tì ine igyi Jodàn, injḭ ìywin. Wə̀d we ne àghò yaya ghà inug chɔm abə bəd imbə̀ʼ aməd. Məd we se nàʼà mənib abə bəd. Bəd məjìm mbe se ghò ibo.”

Jn 4:31

Icheg ne àyi we ya nɔ̀ʼi ko ghò ikye aben, mə̀mə̀nənùg ìmbi Yeso ya ghà ibo gha, “Àchwitìnùg, jəg aghi mɔ̀ʼɔ.”

Jn 5:36

Si ya gha, mə bèrì anug ne chwìye gha wə̀d ne mə̀ yaʼi ìwiwən ze chè anug ze ne Jɔn ya gha. Àfàʼì ze ne ìmə Mbaʼ zì inga ìmə ikye abo gha mə fàʼà, a ze ghàmà imbə̀ʼ amə. Àfàʼì azo̰ ajìm ze chwìye gha à ya ìmə Mbaʼ cha amə.

Jn 6:2

Inɔ̰ bəd kwàʼ ìwi kyen ya bene abɔ̀ʼ Yeso imbə̀ʼ icheg ne mbi ya bàd iyeti inug ne wì yaya fàʼà. Wì yaya ghùyə̀ ighɔn igun bəd.

Jn 7:31

Anug ne angu ya gha, bəd ndan ndàn inga inɔ̰ we ya nɔ̀ŋì ìwɔb ibḛfiŋ igun məd. Mbi yaya bìre gha, “Anyumə̀ ne Wə̀d we ne Ŋwiye zɔ̀ʼi biri yeʼe, wì wa biri fàʼ iyeti inug ne che mbo̰ ne wə̀d gho̰ we fàʼà?”

Jn 9:16

Mə̀Farìsi mɔ̀ʼɔ ya gha, “Wə̀d we ne ghu wə̀d gho̰, kayi Ŋwiye cha imbə̀ʼ icheg ne, chəyi wì ya nɔ̀ŋɔ̀ aneg Àzwètì.” Si ya gha, mə̀mbin ya biri gha, “Wə̀d inug tibɔ̀ŋ kə ghìyə̀ iyeti inug icheg mbo̰ iye? Àghàpì ya nyi inga inɔb icheg ne mbi yaya tàŋà inug ane.”

Ɨ̀fàʼì 10:38

Mbə̰ kyèri icheg ne Ŋwiye ya nàʼi àzi Azwighi bə̀ nàʼ ika abə Yeso we a Nazarèd. Mbə̰ bə̀ kyèri icheg ne Yeso yaya yḛ̀ isiŋi ijìm, nè ghìyə̀ inug chɔm abə bəd məjìm bə̀ nè ghùyə̀ bəd məjìm mbe ne Debrə̀ yaya chə awɔb. Wì yaya ghìyə̀ ane imbə̀ʼ icheg ne Ŋwiye ya yaʼ tì məd.

Ɨ̀fàʼì 2:22

Mə̀Izre! mbə̀ taŋ zug ìngam gho̰: Yeso we a Nazarèd ya wə̀d ne Ŋwiye ya chɔʼi. Mbə̰ kyèri àzən aghi gha Ŋwiye ya chè anjìm məd ghì iyeti inug kyen kyen mbə̰ bàd.

Fìlipì 1:14

Anug azo̰ ne mbi zi amə inga nəb ndəŋ fə ghì gha atog ndàn bəd mbe ne bḛ Anɔŋisəg, mbe taŋ bèrì fìŋ ni ghàm Ìngam Ŋwiye gho gho imbìghè ne chəyi mbe bɔ wə̀d mɔ̀ʼɔ ka.