Jn 3:18 - Ikan feg

¹⁸ Wə̀d ijìm ne bḛ aməd, wè fə pum. Àsi wə̀d we ne chəyi wì bḛ aməd, Ŋwiye biri sɔb isaʼi igun məd chə aməd imbə̀ʼ icheg ne chəyi wì bḛ Ŋwan Ŋwiye we imɔʼ.

Meta’

¹⁸ Chəi Ŋwìə̀ ə zɨ̀ ɨsaʼi ɨgwɨ ə bə̂d mbe nɨ ben əməd. Wɨ̀ fə zɨ̀ yeʼ ɨgwɨ mbe nɨ chəi mbɨ ben əməd, ɨmbə̀ʼ ɨghəm nɨ chəi mbɨ ben Wan Ŋwìə̀ we mɔʼ.

Jn 3:18 ပူးပေါင်းရင်းမြစ်များ

Mk 16:16

Wə̀d ne bḛ, niŋ mənib, wì biri pum. Àsi wə̀d ne chəyi wì bḛ, Ŋwiye biri zì isaʼi igun məd.

Jn 1:12

Àsi bəd məjìm mbe ne ya niŋi aməd bə̀ nɔ̀ŋì ìwɔb ibḛfiŋ igun məd, wì ya nàʼ ati inɔb gha mbe si yaʼ bɔn Ŋwiye.

Jn 1:18

Chəyi wə̀d mɔ̀ʼɔ ne kweʼì bàd Ŋwiye. À ya məyi Ŋwan we imɔʼ ne yaʼi iban Mbaʼ ne ghi gha bəd kyeri wə̀d ne Ŋwiye yaʼi ìwiwən.

Jn 20:31

Inùg mbo̰ ne yaʼi inga ŋwaʼri azo̰ ya ni ghì gha mbə̀ bḛ gha Yeso ya Wə̀d we ne Ŋwiye zɔ̀ʼi, bə̀ yaʼ Ŋwan Ŋwiye. Mbə̰ mə̀ bḛ, mbə biri jəg ìtḛ̀ ighə̀m imɔʼ.

Jn 3:16

Ŋwiye ya taŋ kɔ̀ŋ bəd məjìm igun isəg, ane chà ìwi Ŋwan we ne ya məyi imɔʼ gha wə̀d ijìm ne nɔŋi ìwi ibḛfiŋ igun məd, chəyi wì biri ku nim. Wì biri jəg ìtḛ̀ ighə̀m imɔʼ.

Jn 3:36

Wə̀d ijìm ne nɔŋi ìwi ibḛfiŋ igun Ŋwan Ŋwiye, wì fə jəg ìtḛ̀ ighə̀m imɔʼ. Àsi wə̀d ne chəyi wì bḛ Ŋwan Ŋwiye, chəyi wì biri jəg ìtḛ̀ ighə̀m imɔʼ. Ane, agaŋ Ŋwiye ze igun tengàŋ.”

Jn 5:24

Mə gha tesiʼ inən gha, bəd ne zughi ìmə ìngam bə̀ zì ìwɔb ibḛfiŋ igun wə̀d we ne cha amə, mbi biri jəg ìtḛ̀ ighə̀m imɔʼ. Chəyi mbi biri ywiri saʼ awɔb imbə̀ʼ icheg ne mbɔb fə pum abə iwu, si jəg ìtḛ̀.

Jn 6:40

Anug ze ne ìmə Mbaʼ we kə̀bə̀ ya gha, bəd məjìm ne zì ìwɔb ibḛfiŋ igun Ŋwan məd, mbɔb biri jəg ìtḛ̀ ighə̀m imɔʼ. Mə biri zwemni awɔb ane iwu ane aneg ìnwḭ.

Jn 6:47

Mə gha tesiʼ inən gha, wə̀d ne bḛ anug azo̰ biri jəg ìtḛ̀ ighə̀m imɔʼ.

Rm 5:1

Icheg ne Ŋwiye fə ghi tì təm kòʼ anjìm ibḛfiŋ, tì fə se ane àbɔrɔ̀bɔd tì Ŋwiye anjìm ìwa Anɔŋisəg Yeso Kristo.

Rm 8:1

Amad anìŋ, chəyi wə̀d mɔ̀ʼɔ ne tì wì sɔb isaʼi zì ngəʼ igun bəd mbe ne yaʼi ane ifɔti tì Yeso Kristo.

Rm 8:34

Wə̀d ne biri sɔb isaʼi igun inɔb gha mbe gùg anug àkə we? À wa kə Yeso Kristo? Indèʼ ka! Yeso ya ku atog inɔb, Ŋwiye zwèmni aməd ane iwu, si ghì wì chùghi iban məd ibo aba abo jəghi se bòʼo ibo abə Ŋwiye imbə̀ʼ awa.

Mə̀Hibrù 12:25

Mbə̀ pati awən imbə̀ʼ mbə̰ nɔ̀ʼ to̰ məd we ne ghàmà inən. Chəyi tì mbɔb ya chwed anyumə̀ ne mbi ya to̰ ni zug Muse ne yaya pàta awɔb igun isəg. Tì kə mə̀ to̰ awa ni zug məd we ne pàtà awa ikaŋ àbɔ̀ŋɔ, tì kə si chwed iye?

Mə̀Hibrù 2:3

Tì kə mə̀ waʼ anug kyen azo̰ ne Ŋwiye ghà gha zìye biri pumni awa, tì kə ghum si nòrò abə ngəʼ iye? Anug kyen azo̰ imbə̀ʼ icheg ne Ŋwiye biri pumni awa ya Anɔŋisəg ya fə bì ghà kwàʼ zìye zìye. Bəd mbe ne ya zughi kwàʼ ibo ichug, à ya mbɔb ya gha ina ghì tì kyèri gha à ya kwàʼ anug tesiʼ.

Mə̀Hibrù 3:19

Ane, tè bàd gha chəyi tì mbɔb ya nyi inga asiŋi àzwètì ze imbə̀ʼ icheg ne chəyi mbi ya bḛ Ŋwiye.

1 Jɔn 3:23

Ikə ne məd nàʼi ina ya gha: Tì ziye ibḛfiŋ inga Ŋwan məd, Yeso Kristo, bə̀ ya kɔ̀ŋɔ̀ mə̀mbin icheg ne məd gha.

1 Jɔn 4:9

Ŋwiye ya chwi icheg ne wì kɔ̀ŋi bəd icheg ne wì ya tɔmi ìwi Ŋwan igun isəg ni ghì gha tì bere ìtḛ̀ anjìm Ŋwan we.

1 Jɔn 5:10

Wə̀d ne bḛ Ŋwan Ŋwiye fə bə̀ bḛ anug ze ne Ŋwiye gha. Wə̀d ne chəyi wì bḛ anug ne Ŋwiye gha imbə̀ʼ ìwi Ŋwan, tengàŋ we ghà gha Ŋwiye ya wə̀d inug ako. À ya ane imbə̀ʼ icheg ne chəyi məd bḛ anug ze ne Ŋwiye gha imbə̀ʼ ìwi Ŋwan.

1 Jɔn 5:12

Wə̀d ne yaʼi ane anug amɔʼ tì Ŋwan Ŋwiye biri jəg ìtḛ̀ we. Wə̀d ne chəyi wì yaʼi ane anug amɔʼ tì Ŋwan Ŋwiye, chəyi wì biri jəg ìtḛ̀ we.