Jn 3:17 - Ikan feg

¹⁷ Chəyi Ŋwiye ya chà ìwi Ŋwan igun isəg gho̰ gha wì yeʼe saʼ bəd imbə̀ʼ inug tibɔ̀ŋ. Ŋwan məd ya yèʼe ni ghì gha bəd pum.

Meta’

¹⁷ Ŋwìə̀ nyaʼa tom i Wan ɨŋga ɨsɨg, kaʼi ni wɨ̀ zɨ ɨsaʼi ɨgwɨ ə bə̂d rɨŋga ɨsɨg, àyɨə ni bə̂d rɨŋga ɨsɨg mbe tɨ̀ mbɨ chè ənjìm məd jwɨ̀ rəŋgəʼ.

Jn 3:17 ပူးပေါင်းရင်းမြစ်များ

Matìyò 1:23

Wì ya gha, “Mbə̀ nḛ, ŋwan àyi ne chəyi wì kiri kyeri mbaŋà biri bɔŋ ibum gwi ŋwan mbaŋà ne mbi biri kàrì aməd ane Ìmanuwè.” Aton ane ikum gho̰ ya gha “Ŋwiye we abɔ̀ʼ ina”.

Matìyò 18:10

Yeso ya ywìrì ghà abə mə̀mə̀nənùg məd gha, “Mbə̀ niŋ nyumə̀ imbə̀ʼ mbə̰ nɔ̀ʼ wèg wə̀d mɔ̀ʼɔ abɔ̀ʼ bɔn mbo̰ ne bḛ amə. Mə ghà inən gha ìmbɔb mbè angirə̀ mbe tə̀mə imbìghè abə ìmə Mbaʼ ne yaʼi ikaŋ àbɔ̀ŋɔ.

Matìyò 18:11

[Ŋwan Wə̀d ya yeʼe ni pumni bəd ne nimi.]

Lk 19:10

Ŋwan Wə̀d yeʼe ni kə̀b bəd mbe ne nimi bə̀ pumnə awɔb.”

Lk 9:56

Ane, mbi ya si chè ghò inga asiŋi ndəŋ.

Jn 1:29

Igun aneg abɔ̀ʼ, Jɔn ya bàra Yeso ne we yèʼe ibo imbìghè. Wì ghà abə bəd gha, “Mbə̀ nḛ! Aŋa ya Ŋwan njə̀g Ŋwiye. Məd ya wə̀d we ne wàʼa inug tibɔ̀ŋ bəd.

Jn 10:36

Àsi mo, ìmə Mbaʼ ya zɔʼ amə chà igun isəg. Mbə̀ kə si chè iye se gha, mə zɔ̀mbɔ̀ Ŋwiye icheg ne mə gha, ‹Mo ya Ŋwan Ŋwiye›?

Jn 11:42

Mə kyèri gha, àghò we kà zùghə mə mà nyumə̀ ijìm. Mə ya ghàmà anìŋ ni ghì gha bəd mbo̰ ne aŋa asiŋi, mbe bḛ gha, à ya àghò cha amə.”

Jn 17:18

Mə fə chà awɔb inga isəg icheg ne àghò ya bə chà amə inga isəg.

Jn 17:21

Mə ya dèghè gha mbɔb məjìm yaʼ ane anug amɔʼ, kwàʼ icheg ne àghò ìmə Mbaʼ, àghò yaʼi inga inum, mo inum bə̀ yaʼ inga ine. Mbɔb inɔb bə̀ yaʼ inga ina imbə̀ʼ bəd igun isəg bḛ gha, à ya àghò cha amə.

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Jn 17:25

Ìmə Mbaʼ ne təmi kòʼ, ka chəyi bəd igun isəg kyeri awe, mo kyèri awe. Ane, mbɔb kyèri gha, à ya àghò cha amə.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Jn 17:8

Mbɔb fə bḛ ìngam we ne àghò ya nàʼi inum gha mə gha inɔb. Mbɔb fə bə̀ bḛ gha, à ya àghò cha amə.

Jn 20:21

Yeso ya ywìrì gha, “Mbə̀ chughi ane àbɔrɔ̀bɔd! Icheg ne ìmə Mbaʼ ya cha, mə̀ ya anìŋ bə̀ chà awən.”

Jn 3:34

Wə̀d gho̰ ne Ŋwiye cha ya ghàmà Ìngam Ŋwiye imbə̀ʼ icheg ne Ŋwiye we nàʼà àzi Azwighi ibo ne chəyi tì mbi mə̀grì.

Jn 5:36

Si ya gha, mə bèrì anug ne chwìye gha wə̀d ne mə̀ yaʼi ìwiwən ze chè anug ze ne Jɔn ya gha. Àfàʼì ze ne ìmə Mbaʼ zì inga ìmə ikye abo gha mə fàʼà, a ze ghàmà imbə̀ʼ amə. Àfàʼì azo̰ ajìm ze chwìye gha à ya ìmə Mbaʼ cha amə.

Jn 5:38

Chəyi mbə̰ mbe bə̀ nɔ̀ŋɔ̀ anug məd inən inga fìŋ imbə̀ʼ icheg ne chəyi mbə̀ nɔŋi ibḛfiŋ igun wə̀d we ne məd cha.

Jn 5:45

Imbə̀ʼ mbə̰ si kɔndi awən gha mə biri puti awən abə ìmə Mbaʼ. Wə̀d ne biri puti awən ya Muse we ne mbə̀ fə nɔŋi ìtən fìŋ igun məd.

Jn 6:29

Yeso ya ywìtì gha, “Anug ne Ŋwiye gha mbə̀ fàʼà ya gha: mbə̀ zìye ibḛfiŋ igun wə̀d we ne məd cha.”

Jn 6:38

Aton ya gha, mə nɔ̀ʼ ikaŋ àbɔ̀ŋɔ yeʼe ni fàʼ inug mbe ne wə̀d we ne cha amə wì kə̀bi. Chəyi mə̀ yèʼe ni fàʼ yaʼ inug ne mə̀ kəbi.

Jn 6:40

Anug ze ne ìmə Mbaʼ we kə̀bə̀ ya gha, bəd məjìm ne zì ìwɔb ibḛfiŋ igun Ŋwan məd, mbɔb biri jəg ìtḛ̀ ighə̀m imɔʼ. Mə biri zwemni awɔb ane iwu ane aneg ìnwḭ.

Jn 6:57

Icheg ne ìmə Mbaʼ we ne yaʼi izɔm ya cha amə, mə we izɔm imbə̀ʼ aməd. À ya bə̀ icheg ne wə̀d ne kuri ìmə nyàmnyɔd biri bə yaʼ ika imbə̀ʼ amə.

Jn 7:29

À ya mo kyeri aməd imbə̀ʼ icheg ne mə nɔ̀ʼ abɔ̀ʼ məd. À ya məd bə chà amə.”

Jn 8:11

Àyi we ya ywìtì gha, “Masà, chəyi wə̀d mɔ̀ʼɔ, ka imɔʼ.” Yeso ya si ghà ibo gha, “Chəyi mo inum biri bə̀ sɔb isaʼi igun ine. Àghò gho awe. Anug ne angu ya gha, imbə̀ʼ àghò ywiri ghiyə awe inug tibɔ̀ŋ.”

Jn 8:42

Yeso ya ghà inɔb gha, “Àkə aghi ne Ŋwiye yaʼi ìwən Mbaʼ, nji mbə̰ mbe kɔ̀ŋɔ̀ amə imbə̀ʼ icheg ne mə nɔ̀ʼ yaʼ abɔ̀ʼ Ŋwiye yèʼe aŋa. Chəyi mə̀ yeʼe ane ìmə ighəm. À ya məd cha amə.

1 Jɔn 2:2

Məd ya aghi àfàtì ze ne Ŋwiye che anjìm məd waʼ ìmba inug tibɔ̀ŋ. Chəyi Ŋwiye waʼi məyi ìmba inug tibɔ̀ŋ. Wì bə̀ waʼ inug tibɔ̀ŋ abə wə̀d ijìm igun isəg.

1 Jɔn 4:14

Tè fə bàd, tì ya anìŋ bə̀ nè chètè gha, Ŋwiye ne yaʼi ìwa Mbaʼ ya chà ìwi Ŋwan gha wì yeʼe pùmni bəd igun isəg.