Jn 20:26 - Ikan feg

²⁶ Ìkàb ya chè ifibì, mə̀mə̀nənùg ywìrì fète chùghi inga nəb. Tòmas ya yaʼ tì inɔb. Mbi ya fə feni tinuʼ nəb. Si ya gha, Mbi ŋa zə̰, Yeso kiri nyi təm abɔ̀ʼ inɔb, ghà inɔb gha, “Mbə̀ chughi ane àbɔrɔ̀bɔd.”

Meta’

²⁶ Kàb nyaʼa chè ɨfibɨ̀. Mə̀mə̀ə̀nɨ̀-ɨnû Yeso nyaʼa yì wò fetɨ ɨŋga nəb. Tomas wɨə nyaʼa əbɔʼ mɨ̀mə̌d. Mbɨ nyaʼa fə̀n mɨchû nəb, àyɨə Yeso nyaʼa jwɨ̀ təm ɨfě mɨ̀mə̌d ghà ni, “Mbə̀ chub ənɨ əbɔrəbɔd.”

Jn 20:26 ပူးပေါင်းရင်းမြစ်များ

Matìyò 17:1

Anyumə̀ ne Yeso ya ghàmi inug imbə̀ʼ ìwi iwu, ineg ya chè tìfughə wì niŋ Pità tì Jem fɔrɔ Jɔn ne ya ifi ìwi Jem, mbi kɔʼ ghò ikaŋ iwum mɔ̀ʼɔ məyi mbɔb mbɔb.

Mk 16:14

Yeso ya si nwḭ̀yḛ̀ chwi ìwi nyɔd abə mə̀mə̀nənùg mbe ìghum chɔ̀b imɔʼ ne mbi yaya jə̀ghə. Wì ya ghàm kyen inɔb imbə̀ʼ icheg ne chəyi mbi ya beri ibḛfiŋ bə̀ fɔrɔ imbə̀ʼ icheg ne ìtɔb fìŋ ya tu. Wì ya ghì ane imbə̀ʼ icheg ne chəyi mbi ya bḛ inug mbe ne bəd mbe ne ya bàri aməd ane wì ya fə zweme ane iwu, ya gha.

Lk 24:36

Anyumə̀ ne mə̀mə̀nənùg mbe məbe yaya kiri ghàmà inug mbe inɔb, mbi ŋa zə̰, Yeso təm abɔ̀ʼ inɔb, si ghà inɔb gha, “Ŋwiye ziye àbɔrɔ̀bɔd igun inən.”

Lk 9:28

Yeso ya ghàm inug mbo̰ inɔb ineg chè icheg ineg ìfàmi, wì niŋə Pità tì Jɔn fɔrɔ Jem, mbɔb kɔʼ ghò ikaŋ iwum mɔ̀ʼɔ ni chàʼra Ŋwiye.

Jn 11:16

Tòmas we ne mbi yaya kàrà ane Ànjiŋə, ya ghò ghà abə mbin tì mə̀mə̀nənùg gha, “Tè gho abɔ̀ʼ məd, ni gha, ze mə chwi tì fɔrɔ kùyə tì məd.”

Jn 14:27

Mə nàʼ àbɔrɔ̀bɔd inən. À ya àmə àbɔrɔ̀bɔd ne mə naʼi inən. Chəyi mə̀ naʼi àbɔrɔ̀bɔd inən icheg ne bəd inga isəg mbe nàʼà. Imbə̀ʼ ìtən fìŋ naʼa yi ngəʼ inən. Imbə̀ʼ mbə̰ bə bɔ awən.

Jn 20:19

Àsi ikwikwiri Sɔndè we, mə̀mə̀nənùg ya yaʼ asiŋi afibì, inga nəb iwùbi imbə̀ʼ icheg ne mbi yaya bɔ itog bəd mə̀Ju. Mbi ŋa zə̰, mbi si bàra Yeso itəmi abɔ̀ʼ inɔb. Yeso ya si ghà inɔb gha, “Mbə̀ chughi ane àbɔrɔ̀bɔd”.

Jn 20:21

Yeso ya ywìrì gha, “Mbə̀ chughi ane àbɔrɔ̀bɔd! Icheg ne ìmə Mbaʼ ya cha, mə̀ ya anìŋ bə̀ chà awən.”

Jn 21:1

Nyùmə̀ mɔ̀ʼɔ ya chè, Yeso ywìrì dù ìwi ìfe abə mə̀mə̀nənùg iban igyi Tìberìyàs. Aŋa ya icheg ne anug ze ya du:

Jn 21:14

Aŋa ya se aghəm ne pè ane itad ne Yeso ya du ìwi ìfe abə mə̀mə̀nənùg məd nɔ̀ʼ ane nyumə̀ ne Ŋwiye ya zwemni aməd ane iwu.

Ɨ̀fàʼì 1:3

Anyumə̀ ne wì ya zweme ane iwu, wì ya chwiti ìwi nyɔd inɔb kwàʼ tì ineni nɔʼ nɔʼ, ni chwi gha zìye we yi izɔm. Wì ya chughi tì inɔb ane ineg ìghum ikwè bə̀ ghàm inɔb imbə̀ʼ anug ìfɔ̀n Ŋwiye.