Jn 2:11 - Ikan feg

¹¹ Àzo̰ ya ayeti anug mbègtog ne Yeso ya fàʼi. Wì ya fàʼ ayeti anug azo̰ ni chwi ìwi ika a Kanà, asiŋi ne yaʼi inga Galìli. Ane, mə̀mə̀nənùg məd ya si taŋ zì ìwɔb ibḛfiŋ igun məd.

Meta’

¹¹ Yeso nyaʼa ghɨ̀ ənû ə yiirɨ rɨtu zɔ̂ ə Kanà əbà əbeŋ ze rɨ ə Galiliî. Wɨ̀ nyaʼa chwi ɨwumnɨ we nɨ wɨ̀ berɨ, əne mə̀mə̀ə̀nɨ̀-ɨnû ɨməd nyaʼa ben əməd.

Jn 2:11 ပူးပေါင်းရင်းမြစ်များ

Jn 1:14

Ìngam we ya bə̀ŋə̀ kwàʼ ane wə̀d-aku chughi abɔ̀ʼ ina. Tè bàd icheg ne wì kɔ̀ŋi awa fɔrɔ icheg ne wì chwi tesiʼ imbə̀ʼ Ŋwiye ina. Tè bə̀ bàd ighumni ne wì bèri. À ya ighumni ne Mbaʼ nàʼi abə ìwi ŋwan ne ya məyi iwe imɔʼ.

Jn 1:17

Ŋwiye ya chè anjìm Muse nàʼ mə̀nɔ̀ʼɔ̀. Ìchɔ̀mì fɔrɔ tesiʼ si yèʼe anjìm Yeso Kristo.

Jn 1:43

Igun aneg abɔ̀ʼ, Yeso ya fə nɔ̀ŋì inga fìŋ ni ghò a Galìli. Wì ya kɔtɔ Filib, ghà ibo gha, “Yeʼe abɔ̀ʼ inum.”

Jn 1:50

Yeso ya biri ibo gha, “Àghò kə bḛ anug azo̰ məyi imbə̀ʼ icheg ne mə̀ gha ine gha, mə kə bàd awe ìtḭ azed fig? Àghò biri bàd iyeti inug ne che azo̰.”

Jn 10:41

Bəd nɔʼ nɔʼ ya ghò bàd aməd. Mbi yaya ghàmà mbɔb mbɔb gha, “Ka chəyi Jɔn we ne yaya nàʼà mənib ya fàʼi ayeti anug, inug mbe ne wì yaya ghàmà imbə̀ʼ wə̀d gho̰ ya kwàʼ tesiʼ.”

Jn 11:15

Mə we gyènde imbə̀ʼ awən, icheg ne chəyi kə̀ yi mo angu. Aton ne mə gyènde ya gha, anug azo̰ biri ghì mbə bèrì ibḛfiŋ. Tè gho bàd aməd.”

Jn 11:47

Mə̀farìsi mbe tì itog bəd mbàn Ŋwiye fɔrɔ bəd mbe ne sàʼa aben ya chughi aseg, nyìmi ifeti, se bìre gha, “Ze kə anìŋ, tì ghə̀nə tì wə̀d gho̰? Mbə̀ nḛ iyeti inug ne wì ya fàʼà.

Jn 12:18

À ya imbə̀ʼ ayeti anug azo̰ ne mbi ya zughi gha Yeso ghì, ne inɔ̰ bəd we ya gho ni bɔ̀mbì tì məd.

Jn 12:37

Yeso ya jiʼì ghì iyeti inug, bəd bàd, si ya gha, mə̀Ju ya kiri to̰ awɔb ni nɔŋi ibḛfiŋ igun məd.

Jn 12:41

Àzayà ya ghà anug azo̰ anìŋ imbə̀ʼ icheg ne, wì ya fə bàd icheg ne bəd biri ghumni Yeso. Ane, wì ya fə bə̀ ghàm imbə̀ʼ aməd.

Jn 14:13

Mə biri fàʼ inug mbe ne mbə̀ biri biri ane ìmə ikum, ni ghì gha, bəd ghumni ìmə Mbaʼ anjìm Ŋwan.

Jn 16:27

Ìmə Mbaʼ, məd ini kɔ̀ŋ awən imbə̀ʼ icheg ne mbə̀ kɔ̀ŋ aməd, bə̀ bḛ gha à ya məd cha amə.

Jn 16:30

Tè kə bàd amad anìŋ gha, àghò kyeri inug ijìm. Ane, chəyi bə̀ aton mɔ̀ʼɔ ne tì wə̀d mɔ̀ʼɔ biri anug ine. Anug azo̰ ghì tì bḛ gha kwàʼ tesiʼ, à ya Ŋwiye cha awe igun isəg.”

Jn 2:1

Ineg ya chè ibe, àsi igun aneg abɔ̀ʼ, mbi ya ghi inami a Kanà ne ya asiŋi mɔ̀ʼɔ inga aben Galìli. Ngɔb Yeso ya yaʼ ane inam we.

Jn 2:23

Anyumə̀ we ne Yeso ya kiri biri a Jèrusalèm ane Iteri Chègun, bəd nɔʼ nɔʼ ya bàd iyeti inug ne wì yaya ghìyə̀ si bḛ anug məd.

Jn 3:2

Wə̀d gho̰ ya ghò abə Yeso izimi pè ghà ibo gha, “Àchwitìnùg, tè kyèri gha àghò ya wə̀d ne Ŋwiye cha gha wì chwiti inug ina imbə̀ʼ icheg ne chəyi wə̀d mɔ̀ʼɔ ne tì wì ghi iyeti inug mbo̰ kirəndə à ya wə̀d ne Ŋwiye yaʼi tì məd.”

Jn 4:3

Anyumə̀ ne Yeso ya kyeri gha bəd məjìm fə zug anug ze, wì ya nɔ̀ʼ a Jùdeyà ywìrì bə̀ndì ghò a Galìli.

Jn 4:46

Wì ya ywìrì bə̀ndì ghò a Kanà inga Galìli, asiŋi ze ne wì ya bə̀ŋi mənib ane mənoʼ. Wə̀d kyen gɔbmèn mɔ̀ʼɔ ya yaʼ a Kàpenàwum. Ŋwan mbaŋà məd yaya fə taŋ ghɔ̰̀ igun abaʼ.

Jn 4:54

Ayeti anug azo̰ ya ayeti anug ne pè ane ibe ne Yeso ya fàʼi a Galìli anyumə̀ ne wì ya nɔ̀ʼi a Jùdeyà.

Jn 5:23

Àzo̰ ya ni ghì gha, wə̀d ijìm nàʼ ighumni abə Ŋwan icheg ne mbe bə̀ nàʼà ighumni abə Mbaʼ. Wə̀d ne chəyi we ghùmnə Ŋwan, ane ya gha chəyi tengàŋ bə ghùmni Mbaʼ we ne cha aməd.

Jn 6:14

Anyumə̀ ne bəd ya bàri ayeti anug azo̰ ne Yeso ya ghi, mbi ya se gha, “Kwàʼ tesiʼ, wə̀d gho̰ ya wə̀dkə̀n Ŋwiye we ne Ŋwiye ya gha wì biri yeʼe igun isəg.”

Jn 6:2

Inɔ̰ bəd kwàʼ ìwi kyen ya bene abɔ̀ʼ Yeso imbə̀ʼ icheg ne mbi ya bàd iyeti inug ne wì yaya fàʼà. Wì yaya ghùyə̀ ighɔn igun bəd.

Jn 6:26

Yeso ya ghà inɔb gha, “Mə gha tesiʼ inən gha, mbə̰ ya kə̀bə̀ amə imbə̀ʼ icheg ne mbə̀ kə jəghi ngə̀ŋ kɔd, kayi imbə̀ʼ iyeti inug ne mbə̀ kə bàri.

Jn 6:30

Mbi ya biri ibo gha, “Àkə ayeti anug azeg ne àghò biri ghì ni gha tì bara si nɔŋi ibḛfiŋ igun ine? Àkə anug azeg ne àghò biri ghìyə?

Jn 7:31

Anug ne angu ya gha, bəd ndan ndàn inga inɔ̰ we ya nɔ̀ŋì ìwɔb ibḛfiŋ igun məd. Mbi yaya bìre gha, “Anyumə̀ ne Wə̀d we ne Ŋwiye zɔ̀ʼi biri yeʼe, wì wa biri fàʼ iyeti inug ne che mbo̰ ne wə̀d gho̰ we fàʼà?”

Jn 9:16

Mə̀Farìsi mɔ̀ʼɔ ya gha, “Wə̀d we ne ghu wə̀d gho̰, kayi Ŋwiye cha imbə̀ʼ icheg ne, chəyi wì ya nɔ̀ŋɔ̀ aneg Àzwètì.” Si ya gha, mə̀mbin ya biri gha, “Wə̀d inug tibɔ̀ŋ kə ghìyə̀ iyeti inug icheg mbo̰ iye? Àghàpì ya nyi inga inɔb icheg ne mbi yaya tàŋà inug ane.”

2 Kɔrèn 3:18

Mba məjìm mbe ne chəyi ndwi ze ywirì kən ìta tìfe, ne te bàrà icheg ne ìzḛzḛ Anɔŋisəg we njànda icheg ni gha à ya inga manə̀m, Anɔŋisəg ya kɔ̀pɔ awa tì fùghə məd. Tì ya kɔ̀pɔ yètì yeti ghò imbìghè ni bèrì ìzḛzḛ icheg məd. Ìzḛzḛ we ya nɔ̀ʼɔ ibo, məd we ne yaʼi Azwighi Ŋwiye.

2 Kɔrèn 4:17

Ngəʼ kwa kwa ìzo̰ ne te chè inga, chəyi zì biri tàndì. Zì ya chùʼrə awa ni nyi inga nyùmə̀ ighumni ne chəyi wì biri nɔʼ mèg. Nyumə̀ ighumni we taŋ bɔ̀ŋ chè ngəʼ izo̰.

2 Kɔrèn 4:6

Ŋwiye ne ya gha, “Ìzḛzḛ zuʼ, afub kye!” Wè ghì ìzḛzḛ we yaʼ ina inga fìŋ. Wì ghì ane ni gha tì kyeri ìzḛzḛ njandi njandi Ŋwiye we ne zùʼə igun ìfe abə Kristo.

1 Jɔn 5:13

Mə ya ŋwàʼrà inug mbo̰ anìŋ inən, mbə̰ mbe ne bḛ Ŋwan Ŋwiye, ni gha mbə̀ kyeri gha mbə̰ biri jəg ìtḛ̀ ighə̀m imɔʼ.