Jn 19:6 - Ikan feg

⁶ Kwàʼ anyumə̀ ne bəd àfàʼì ne chə̀ʼə̀ mbàn Ŋwiye tì itog bəd mbàn Ŋwiye ya bàd aməd, mbi ya ghàm ane gì ka ka gha, “Kɔ̀mbɔ aməd igun azed abaʼri! Kɔ̀mbɔ aməd igun azed abaʼri!” Payilèd ya ywìtì abə itog bəd mbe gha, “Mbə̀ niŋ aməd ghò kɔ̀mbì mbə̰ mbə̰. Àsi mo, chəyi mə̀ beri anug mɔ̀ʼɔ ni chè igun zì isaʼi igun məd.”

Meta’

⁶ Ənɨ bə̂d kyeŋ mbe rɨ ə mbàn Ŋwìə̀ mbɨ ə bə̂d mbe nɨ nyaʼə nəŋgɨ ə mbàn Ŋwìə̀ nyaʼa zə əməd, mbɨ nyaʼa kyeŋ rɨ̀kǎ ghà ni, “Kombɨ əməd əzed ə baʼnɨ! Kombɨ əməd əzed ə baʼnɨ!” Pailèt nyaʼa ghà əmbɨ mɨ̀mə̌d ni, “Mbə nɨŋ əməd mbənə mbənə wo kombɨ, ɨmbə̀ʼ ɨghəm nɨ chəi mə̀ zə ənû ə mɔʼɔ ze nɨ wɨ̀ gǔ.”

Jn 19:6 ပူးပေါင်းရင်းမြစ်များ

Matìyò 26:58

Pità ya beni abɔ̀ʼ se yḛ̀ anjìm, kwàʼ agha agha. Wì ya beni anjìm ane, ghò pè inga ìtɔʼ Kayifàs. Wì ya nyi inga ìtɔʼ ze ghò chùghi abɔ̀ʼ bəd ne yaya nə̀ngə mbàn Ŋwiye, se ghɔ̀mɔ̀ ni bàd aghi ne mbi biri ghì tì Yeso.

Matìyò 27:22

Payilèd ya biri inɔb gha, “Mə̀ si ghə̀nə tì Yeso gho̰ ne mbe kàrà ane Wə̀d we ne Ŋwiye zɔ̀ʼi?” Mbɔb məjìm ya ywìtì gha, “Kɔ̀mbɔ aməd igun azed abaʼri!”

Matìyò 27:24

Anyumə̀ ne Payilèd ya zə̰ gha chəyi yaya ywìrè anug mɔ̀ʼɔ ne tì məd ywìrì ghì chèyi ni gha, zìye mə̀ ywìrì ghò imbìghè ni ghàm, bəd biri bùg ndum, wì ya niŋ mənib sò ìmbi ibo imbìghè abə inɔ̰ bəd mbe, si ghà inɔb gha, “Chəyi ìfum ìfeg inga iwu wə̀d gho̰! À ya mbə̰ kyeri anug imbə̀ʼ iwu məd!”

Lk 23:4

Payilèd ya si ghà abə itog bəd mbàn Ŋwiye, fɔrɔ abə inɔ̰ bəd gha, “Chəyi mə̀ bàri anug mɔ̀ʼɔ ne wə̀d gho̰ gùghi.”

Jn 18:3

Mə̀Farìsi tì itog bəd mbàn Ŋwiye ya chà inɔ̰ mə̀sogyì fɔrɔ itog bəd mə̀Ju mɔ̀ʼɔ. Ane, Judàs ya niŋ awɔb mbi ghò ane asiŋi ze. Mbi ya ghò tì ighi ibid, fɔrɔ inam tì ikaʼi.

Jn 18:31

Payilèd ya ywìtì inɔb gha, “Àmə yaʼ ane, mbə̀ niŋ aməd ghò saʼ mbə̰ mbə̰ icheg ne ìmbən mə̀nɔ̀ʼɔ̀ chwi.” Mə̀Ju ya ywìtì gha, “Chəyi gomèn məRom nàʼ ika ina ni niŋ isɔbi anug gha mbe zweti wə̀d.”

Jn 18:38

Payilèd ya biri gha, “Tesiʼ kə aghə?” Wì ya biri ane, ywìrì dù ghò ghà abə mə̀Ju gha, “Chəyi mə̀ bari anug tibɔ̀ŋ mɔ̀ʼɔ ne wə̀d gho̰ gùghi.

Jn 19:15

Mbi ya kyen kwàʼ ane gì ka ka gha, “Zweti aməd! Zweti aməd! Kɔ̀mbɔ aməd igun azed abaʼri.” Payilèd ya biri gha, “Mə̀ kɔ̀mbɔ ìwən ifɔn igun azed abaʼri?” Itog bəd Mbàn Ŋwiye ya ywìtì gha, “Chəyi tì beri ifɔn ndəŋ chèyi ane Kayisà!”

Jn 19:4

Payilèd ya ywìrì dù isəg, ghò ghà abə itog bəd mə̀Ju gha, “Mbə̀ zug, mə biri niŋ aməd yèʼe nàʼ inən, ni chwi gha, chəyi mə̀ beri anug mɔ̀ʼɔ ni chè igun zì isaʼi igun məd.”

Ɨ̀fàʼì 2:23

Ŋwiye ya fə kyeri àzi aghi, ane, wi ya fə nɔ̀ŋì gha mbi biri gwì Yeso gho̰ nàʼ inən. Mbə̰ biri ghì gha bəd mbe ne ghìyə̀ inug tibɔ̀ŋ mbe kɔmbɔ məd igun azed abaʼri, zwèti.

Ɨ̀fàʼì 7:52

Wə̀dkə̀n Ŋwiye mɔ̀ʼɔ we wa angu ne chəyi ìmbən mə̀mbaʼ aneg ya chɔʼi ibɔʼì ighog məd? Mbɔb ya bì zwèti bədkə̀n mbe ne ya gha gha, Wə̀d we ne təmi kòʼ biri yeʼe. Mbə̀ mbo̰ fə fèn Wə̀d we ne təmi kòʼ, ghì mbi zweti.