Jn 19:34 - Ikan feg

³⁴ Si ya gha, sogyì mɔ̀ʼɔ inga mə̀sogyì mbe, ya zùm iban ìbèn məd ane ighɔŋ. Wì ya zùm ane, anəm fɔrɔ mənib dù ane məd.

Meta’

³⁴ Àyɨə sɔgyɨ̀ fibɨ̀ nyaʼa zum ɨban ɨbeŋ məd ənɨ i ɨwɔŋ. Àmei əwu əwən, ənəm mbɨ mɨnib nyaʼa jwɨ̀ rəŋgu.

Jn 19:34 ပူးပေါင်းရင်းမြစ်များ

Matìyò 27:62

Aneg ze ne ya beni abɔ̀ʼ, ne ya aneg ne mə̀Ju mbe chùʼrə nyɔd ni nyi inga aneg àzwètì, itog bəd mbàn Ŋwiye tì mə̀Farìsi ya ghò abə Payilèd ne ya yaʼi gɔbnà.

Jn 19:33

Si ya gha, anyumə̀ ne mbi ya pè igun Yeso si bàd gha wì fə kə ku, chəyi mbi ya buʼri aghog məd.

Jn 20:20

Anyumə̀ ne wì ya ghàmi ane, wì ya chwi ìmbi ibo fɔrɔ ìwi iban ìbèn inɔb. Igyendi ya sweg inga ìtɔb fìŋ icheg ne mbi ya bàri Anɔŋisəg.

Ɨ̀fàʼì 22:16

Ane, àghò kə amad anìŋ ghɔ̀mɔ̀ aghə? Nɔ̀ʼɔ titighe, niŋ mənib, dèg abə Anɔŋisəg wì so ìmbe inug tibɔ̀ŋ.›

1 Kɔrèn 1:30

Wì ya bə̀ ghì gha mbə̀ yaʼ ane ifɔti tì Yeso Kristo. Kristo ya ìwa iwe ne nɔ̀ʼi abə Ŋwiye. Anjìm Kristo, mba ya si bəd ne təmi kòʼ imbìghè abə Ŋwiye. Mba ya si bəd ne bə təm zen imbìghè abə Ŋwiye. Mba ya bəd ne Ŋwiye fə bə zèri awa chì ane inug tibɔ̀ŋ.

1 Kɔrèn 6:11

Bəd mɔ̀ʼɔ abɔ̀ʼ inən yaya ghìyə̀ inug mbo̰. Si ya gha, ika Anɔŋisəg Yeso Kristo fə chè anjìm Azwighi Ŋwiye sò awən bə̀ zèni awən, ghì mbə təm kòʼ imbìghè abə Ŋwiye.

Efesùs 5:26

Wì ya ghì ane ni sò awɔb gha mbe zen, bə̀ sò awɔb ane Ìngam Ŋwiye icheg ne mbe sò wə̀d ane mənib.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 9:13

Mbi yaya nìŋə anəm pɔ̀ŋ tì anəm gwi fɔrɔ aburi ne mbi tɔ̰ ŋwan nyam sàpa igun bəd inug tibɔ̀ŋ. Ane, mbi yaya sò məyi nyɔd abə bəd.

Mə̀Hibrù 9:22

Kwàʼ tesiʼ, mə̀nɔ̀ʼɔ̀ chwi gha mbi ya mənyìʼ tùtì anəm nyam ni sò inug tibɔ̀ŋ ijìm. À ya ane imbə̀ʼ icheg ne chəyi tì Ŋwiye waʼ inug tibɔ̀ŋ bəd ne chəyi mbi tuti anəm aseg.

1 Pità 3:21

Mənib mbe ya si yaʼ icheg mənib mbo̰ ne mbə̰ mbe nìŋə amad anìŋ ni chwi gha mbə̰ fə pum. Anyumə̀ ne mbə̰ mbe nìŋə mənib, à ya kayi ni sò tifiŋi inən igun nyɔd. À ya anug ni chwi gha mbə̰ bḛ Ŋwiye ane fìŋ zḛ zḛ. Ane, mbə̰ fə pum anjìm icheg ne Yeso Kristo ya zweme ane iwu.

1 Jɔn 5:6

Anyumə̀ ne Yeso Kristo ya yeʼe, wì ya chwi gha zìye ya Ŋwan Ŋwiye icheg ne wì ya niŋi mənib fɔrɔ icheg ne wì ya chəmni anəm igun azed abaʼri. Chəyi wì ya niŋi məyi mənib. Wì ya niŋ mənib bə̀ chə̀mni anəm. Azwighi Ŋwiye zìye ze bḛ gha anug azo̰ ya tesiʼ imbə̀ʼ icheg ne Azwighi Ŋwiye ya ghà tesiʼ.

1 Jɔn 5:8

Inug mbo̰ ya Azwighi Ŋwiye tì mənib fɔrɔ anəm. Inug mbo̰ itad ya mə̀tə̀ məyi anug afibì.

Ɨnû 1:5

Yeso Kristo we ne ghà tesiʼ, ne yaʼi wə̀d mbègtog ne ya zweme ane iwu, ne à ya məd we tùmbə̀ məfɔn məjìm igun isəg, wì ghiyə ìchɔ̀mì inən bə̀ ghì mbə̀ chughi ane àbɔrɔ̀bɔd. Yeso kɔ̀ŋ awa. Ane, wì ya chè anjìm anəm ze ne wì ya tùti igun azed abaʼri, chì awa aton ika we ne inug tibɔ̀ŋ ya beri igun ina.

Ɨnû 7:14

Mə ya ywìtì ibo gha, “Masà, Chəyi mə̀ kyeri. À ya àghò kyèri.” Wì ya ghà inum gha, “Aŋa ya bəd mbe ne fə che inga ngəʼ ze ne chè abo, si ya gha, chəyi mbi ku. Mbi fə sò ìtɔb ndwi maʼi inga anəm ze Ŋwan njə̀g ti se fùyə.