Jn 19:30 - Ikan feg

³⁰ Anyumə̀ ne Yeso ya sɔri mənoʼ ŋwàŋi mbe, wì ya gha, “Ze fə mèg.” Wì ya gha ane, si gùndi atog aseg, Ŋwiye niŋ azwighi məd.

Meta’

³⁰ Ənɨ Yeso nyaʼa sɔɔrɨ mɨnoʼ mbe, wɨ̀ nyaʼa ghà ni, “Zɨə fə mì i!” Wɨ̀ nyaʼa ghà əne, tuŋ ətu ə si, Ŋwìə̀ nɨŋ əzwî əməd.

Jn 19:30 ပူးပေါင်းရင်းမြစ်များ

Matìyò 20:28

Chəyi Ŋwan Wə̀d ya yeʼe gha bəd faʼa ibo. Wì ya yeʼe ni fàʼ abə bəd. Wì ya bə̀ yèʼe ni ku si nàʼ ìwi ìtḛ̀ ni zeri bəd nɔʼ nɔʼ.”

Matìyò 27:50

Yeso ya kyen ane gì ka ka si ku yi.

Matìyò 3:15

Yeso ya ywìtì ibo gha, “Si ze yaʼ ane amad anìŋ imbə̀ʼ icheg ne ze kòʼ gha tì ghiyə inug ijìm icheg ne Ŋwiye kə̀bi.” Anyumə̀ ne wì ya gha ane, Jɔn ya zug bḛ, si nàʼ mənib ibo.

Mk 15:37

Yeso ya kyen ane gì ka ka si ku yi.

Lk 22:37

A ze inga Àŋwàʼrì Ŋwiye gha, ‹Mbi ya niŋ aməd icheg wə̀d inug tibɔ̀ŋ.› Mə ya anìŋ ghà inən gha anug azo̰ mənyìʼ dù igun inum. E! À ya ane. Anug ze ne mbi ya ŋwàʼrì imbə̀ʼ amə ya anìŋ se dùwə̀.”

Lk 23:46

Yeso ya chàʼrà Ŋwiye ane gì ka ka gha, “Ìmə Mbaʼ, Mə zì àmə azwighi inga ìte tikye abo.” Wì ya ghàm anìŋ, si ku.

Jn 10:11

Yeso ya chè imbìghè ghà inɔb gha, “Mo ya àjənjə̀g chɔm. Àjənjə̀g chɔm ya bḛ ni ku imbə̀ʼ ìti njə̀g.

Jn 10:18

Chəyi tì wə̀d mɔ̀ʼɔ niŋ ìmə ìtḛ̀ ka. À ya mo kɔ̀ŋi ni ku. Mo bèrì ika ni ku bə̀ bèrì ika ni ywiri yaʼ izɔm. Aŋa ya àfàʼì ne ìmə Mbaʼ fə zì inga ìtum tikye ibo.”

Jn 17:4

Mə fə ghì bəd ghumni awe igun isəg anjìm icheg ne mə mani àfàʼì ze ne àghò ya nàʼi inum gha mə faʼa.

Jn 19:28

Yeso ya kyeri àzi aghi gha, inug ijìm fə mèg yi. Ane, ni bə ghì gha, anug ze ne mbi ya ŋwàʼri inga Àŋwàʼrì Ŋwiye ze duwə ane tesiʼ, wì ya gha, “Adɔʼ mənib ze ko amə.”

Jn 4:34

Yeso ya ghà inɔb gha, “Ìtum tijəg ya ni fàʼ anug ze ne wə̀d we ne cha amə kə̀bi bə̀ màni àfàʼì ze ne wì zi inga ìtum tikye abo.

Rm 10:4

Mə̀nɔ̀ʼɔ̀ Muse fə nwḭ̀yḛ̀ igun Kristo, ni ghì gha wə̀d ijìm ne beri ibḛfiŋ igun Kristo, wì fə təm kòʼ imbìghè abə Ŋwiye.

Rm 3:25

Ŋwiye ya chà aməd icheg aghi àfàtì ina atog ni ghì gha anəm məd so ìmba inug tibɔ̀ŋ. Ane ya anjìm icheg ne tì nɔŋi ìwa ibḛfiŋ igun Yeso. Ŋwiye ya chwi anjìm inyimbifiŋ gha zìye we ghìyə̀ inug ne koʼi imbə̀ʼ icheg ne anyumə̀ ne chəyi wì ya kiri naʼi mə̀nɔ̀ʼɔ̀, chəyi wì ya chə bəd mbe ne yaya bə̀ ghìyə̀ inug tibɔ̀ŋ.

1 Kɔrèn 5:7

Ikuchèg tibɔ̀ŋ we ya àfòrì anun. Mbə̀ chìye kwàʼ ajìm. Àze biri ghì gha mbə̀ zen mànì. Tesiʼ ya gha, mbə̰ ya bəd ne zḛ mànì icheg aburi ngə̀ŋ feg ne chəyi àfòrì inga. Mbə̰ ya bəd ne zḛ mànì imbə̀ʼ icheg ne Ŋwiye ya nàʼ Kristo ane aghi àfàtì imbə̀ʼ ìmba inug tibɔ̀ŋ. Kristo ya icheg ŋwan njə̀g we ne mə̀Ju mbe kyème ane Iteri Chègun.

Fìlipì 2:8

Məd we ne ya niŋi nyàmnyɔd si yaʼ wə̀d-aku, wì ya swi ìwi nyɔd aseg, zùgrə Ŋwiye ghò pè ane wì ya bḛ ni ku. Wì ya ku ane yaʼi igun azed abaʼri.

Mə̀Hibrù 12:2

Tì ya nḛ̀ məyi igun Yeso we ne ìwa ibḛfiŋ ko igun məd bə̀ nwḭ̀yḛ̀ məyi igun məd. À ya məd ne chəyi wì bɔ tìnìrètog we ni ku igun azed abaʼri imbə̀ʼ igyendi we ne ya yaʼi ibo imbìghè. Məd fə chughi ikaŋ àbɔ̀ŋɔ aba abo jəghi abə Ŋwiye.

Mə̀Hibrù 9:22

Kwàʼ tesiʼ, mə̀nɔ̀ʼɔ̀ chwi gha mbi ya mənyìʼ tùtì anəm nyam ni sò inug tibɔ̀ŋ ijìm. À ya ane imbə̀ʼ icheg ne chəyi tì Ŋwiye waʼ inug tibɔ̀ŋ bəd ne chəyi mbi tuti anəm aseg.