Jn 18:32 - Ikan feg

³² Anug azo̰ ya dù anìŋ imbə̀ʼ ìngam we ne Yeso ya ghàmi, mə̀tì iku iwu ne wì biri ku, wi duwə ane tesiʼ.

Meta’

³² Ənû zɔ̂ ə nyaʼa ghɨ̀ ɨmbə̀ʼ ənû ze nɨ Yeso nyaʼa ghǎ de ɨchî nɨ wɨ̀ berɨ chè bɔŋ kwɨ ə jwɨ ənɨ rəsìʼ.

Jn 18:32 ပူးပေါင်းရင်းမြစ်များ

Matìyò 20:19

Mbi biri ghì ane, nàʼ aməd abə bəd ne kayi mə̀Ju gha mbe chapa aməd, ywìri aməd ane fìngwàn, bə̀ kɔ̀mbì aməd igun azed abaʼri. Si ya gha, ineg mə̀ pè ane itad, Ŋwiye zwemni aməd.”

Matìyò 26:2

“Mbə̰ kyèri àzən aghi gha à si bùʼ ineg ibe ni jəg Iteri Chègun. Inga ineg iteri mbo̰, mbi biri gwì Ŋwan Wə̀d nàʼ gha mbe kɔmbɔ igun azed abaʼri.”

Mk 10:33

Wì ya ghà inɔb gha, “Mbə̀ Nḛ, tì ya anìŋ kɔ̀ʼɔ ghò a Jèrusalèm. Tì mə pè angu, mbi biri nyimi Ŋwan Wə̀d nàʼ abə itog bəd mbàn Ŋwiye tì mə̀chwitì mə̀nɔ̀ʼɔ̀. Bəd mbo̰ biri sɔb isaʼi gha mbe zweti aməd. Mbi biri ghì ane, si nàʼ aməd abə bəd mbe ne kayi mə̀Ju.

Jn 10:31

Mə̀Ju ya ywìrì gwe ateg ni tumbi məd.

Jn 10:33

Mə̀Ju mbe ya ywìtì ibo gha, “Kayi imbə̀ʼ ayeti inug mɔ̀ʼɔ ne àghò ghi ne te kə̀bə̀ ni tumbi awe. Tì ya kə̀bə̀ ni tumbi awe gha àghò we zɔ̀mbɔ̀ Ŋwiye. Kwàʼ wə̀d-aku icheg ine, àghò we gha, àghò ya Ŋwiye.”

Jn 13:18

Yeso ya tòʼrì inɔb gha, “Chəyi mə̀ gha inug mbo̰ anìŋ, imbə̀ʼ awən mbə̰ məjìm. Mə kyèri bəd mbe ne mə fə chɔʼi. Si ya gha, anug ze ne yaʼi inga Àŋwàʼrì Ŋwiye biri dù ane tesiʼ. Anug ze ya gha, ‹Wə̀d we ne jə̀ghə tì inum fə bə̀ŋə̀ ane ìmə wə̀d pab.›

Jn 18:31

Payilèd ya ywìtì inɔb gha, “Àmə yaʼ ane, mbə̀ niŋ aməd ghò saʼ mbə̰ mbə̰ icheg ne ìmbən mə̀nɔ̀ʼɔ̀ chwi.” Mə̀Ju ya ywìtì gha, “Chəyi gomèn məRom nàʼ ika ina ni niŋ isɔbi anug gha mbe zweti wə̀d.”

Jn 21:19

Yeso ya ghàm ane ni chwi iku iwu ne Pità biri ku ni nàʼ ighumni abə Ŋwiye. Wì ya ghàm ane, si ghà ibo gha, “Bene abɔ̀ʼ inum!”

Jn 3:14

Icheg ne Muse ya zi jo ze ne wì ya tangi ane brons igun fized si nɔ̀ ikaŋ inga ibad zɔbi, à ya bə̀ icheg ne mbi biri nɔ̀ Ŋwan Wə̀d ikaŋ.

Jn 8:28

Yeso ya si ghà inɔb gha, “Anyumə̀ ne mbə biri nɔ̀ Ŋwan Wə̀d ikaŋ azed abaʼri, mbə biri si kyèri gha mo ya wə̀d we ne mə̀ ya gha inən gha mo ya ìwiwən. Mbə biri bə si kyèri gha, chəyi mə fàʼà anug mɔ̀ʼɔ ane ìmə ighəm. Mə ya ghà məyi inug mbe ne ìmə Mbaʼ we ghà inum gha mə̀ gha.

Ɨ̀fàʼì 7:59

Anyumə̀ ne mbi yaya tùmbə məd, wì ya chàʼra Ŋwiye gha, “Anɔŋisəg Yeso, niŋ àmə azwighi.”

Gàlesìyà 3:13

Kristo ya zeri awa abə ndɔ̀n ze ne mə̀nɔ̀ʼɔ̀ ya zi igun ina. Wì ya ghì ane icheg ne məd ya bèʼi ìza ndɔ̀n igun àzi atog kwàʼ zìye zìye. A ze inga Àŋwàʼrì Ŋwiye gha, “Ndɔ̀n Ŋwiye ze igun wə̀d ne mbi swḛ aməd, wì ku ikaŋ azed abaʼri.”