Jn 18:28 - Ikan feg

²⁸ Isusu izimi izimi, mə̀Ju ya niŋ Yeso abə Kayifàs ghò tì məd inga ìtɔʼ Payilèd ne yaʼi gɔbnà. Chəyi itog bəd mə̀Ju ya nyi inga ìtɔʼ ze imbə̀ʼ icheg ne mbi yaya kə̀bə̀ ni ya zḛ icheg ne mə̀nɔ̀ʼɔ̀ chwi imbə̀ʼ jəg Iteri Chègun.

Meta’

²⁸ Ɨtuʼ nyaʼa mɨ chɨg i chɨg ɨ, bə̂d mbe nɨ nyaʼə tekɨ ɨnû ɨŋga əbeŋ mɨ̀Jû nyaʼa nɨŋ ə Yeso rɨ əkwɨ Kaifàs wò mbɨ məd ə tɔʼ gɔmnà. Chəi mbɨ nyaʼa nyɨ ɨŋga tɔʼ ze, ɨmbə̀ʼ ɨghəm nɨ mbɨ nyaʼa kəb chub ɨzeŋɨ zeŋɨ ɨmbə̀ʼ jɨg Əchwɨ̂ ə Che-ɨgun.

Jn 18:28 ပူးပေါင်းရင်းမြစ်များ

Matìyò 27:27

Mə̀sogyì ìmbi Payilèd ne ya yaʼi gɔbnà ya niŋ Yeso nyi inga ìtɔʼ gɔbnà. Mbɔb ya pè fèti mə̀sogyì məjìm mbi təmbi chè kad aməd.

Mk 15:16

Mə̀sogyì ya niŋ Yeso nyi ghò inga ìtɔʼ gɔbnà. Mbi ya pè kàrì mbin tì mə̀sogyì məjìm, mbi fete.

Lk 22:66

Anyumə̀ ne ituʼ ya chəghi, itog bəd məjìm ya fete: bəd mbe ne saʼa aben tì itog bəd mbàn Ŋwiye fɔrɔ mə̀chwitì mə̀nɔ̀ʼɔ̀ ya fete, ghì mbi niŋ Yeso yèʼe inɔb imbìghè.

Jn 11:55

Anyumə̀ ne Iteri Chègun mə̀Ju ya se tìnde, bəd nɔʼ nɔʼ ya nɔ̀ʼ inga isiŋi ijìm mbe ne yaʼi iban iban, kòʼ ghò a Jèrusalèm ni sò nyɔd icheg ne mə̀nɔ̀ʼɔ̀ Muse chwi.

Jn 18:13

Mbi ya bì niŋ aməd ghò abə Anàs. Anàs ya yaʼ ichi ìwi Kayifàs we ne ya yaʼ atog wə̀d igun bəd mbàn Ŋwiye inga fituʼ fe.

Jn 18:15

Sayimùn Pità tì àmə̀nənùg ndəŋ ya beni abɔ̀ʼ Yeso. Àmə̀nənùg we ya beni abɔ̀ʼ Yeso, nyi ghò inga ikam abə atog wə̀d igun bəd mbàn Ŋwiye. Wì ya nyi ghò imbə̀ʼ icheg ne atog wə̀d igun bəd mbàn Ŋwiye we ya kyeri aməd.

Jn 18:33

Payilèd ya bə̀ndi nyi ghò inga ìtɔʼ si ghì mbi niŋ Yeso yèʼe, wì bìri ibo gha, “Àghò kə ifɔn mə̀Ju?”

Jn 18:39

Si ya gha, à ya ìwən nɔ̀ʼɔ̀ aben ni gha, mə̀ chiye wə̀d inug tibɔ̀ŋ ifibì inga nəb ndəŋ sàŋì anyumə̀ ne mbə̰ ghò jəg ìwən Iteri Chègun. Mbə kɔ̀ŋ gha mə chiye ‹Ifɔn mə̀Ju› sàŋì?”

Jn 19:11

Yeso ya ywìtì gha, “Chəyi tì àghò ghi aghi mɔ̀ʼɔ inum ane chəyi Ŋwiye kə̀ nàʼi ika ine. Ane, wə̀d we ne nàʼi amə ine fə ghì anug tibɔ̀ŋ ne bə̀ chè.”

Jn 19:14

À ya yaʼ icheg ane àngɔŋ tisi, ane aneg ze ne mə̀Ju mbe chùʼrə nyɔd ni jəg Iteri Chègun. Ane, Payilèd ya niŋ Yeso ghò abə itog bəd mə̀Ju pè ghà inɔb gha, “Mbə nḛ, aŋa ya ìwən ifɔn gho̰”

Jn 19:9

Wì ya ywìrì nyi ghò inga ìtɔʼ, bìri abə Yeso gha, “Àghò kə nɔ̀ʼi aya?” Si ya gha, chəyi Yeso ya ywìtì anug mɔ̀ʼɔ.

Ɨ̀fàʼì 10:28

Wì ya ghà inɔb gha, “Mbə̰ taŋ kyèri àzən aghi gha chəyi ìmba mə̀nɔ̀ʼɔ̀ chwi gha Ju jəgri kə̀ bì mùg tì wə̀d ne kayi Ju. Si ya gha, Ŋwiye fə chwi inum gha imbə̀ʼ mə kara amə wə̀d mɔ̀ʼɔ gha chəyi wì zḛ, kə̀ gha à ya wə̀d ne chəyi bəd beri ni jəgri tì məd.

Ɨ̀fàʼì 10:32

Ane, tɔm bəd a Jopà gha mbe gho kə̀b Sayimùn we ne mbe kàrà ane Pità. Məd ya chùghə inga achan Sayimùn we ne tànga gɔb fḛ, ne nəb məd yaʼi iban igyi tìbà.›

Ɨ̀fàʼì 11:3

Mbi ya ghà ibo gha, “Àghò ghò inga nəb abə bəd ne kayi mə̀Ju, pè chughi aseg jəg tì inɔb.”

Ɨ̀fàʼì 3:13

Wə̀d ne ghi wə̀d gho̰ nɔ̀ʼ se yḛ̀ ya Ŋwiye we ne Abràham tì Jàkɔb tì Azìg fɔrɔ ìmba mə̀mbaʼ aneg yaya ghùmnə. À ya məd nàʼi ighumni abə wə̀d àfàʼì məd Yeso Kristo. Mbə̰ ya ton awən məd kwàʼ imbìghè abə Payilèd. Mbə̰ ya kə̀b àzən gha mbe zweti aməd ne Payilèd ya kə̀bi ni sàŋì aməd.

Ɨ̀fàʼì 4:27

Tesiʼ ya gha, à ya kwàʼ inga ikye aben aŋa ne Erɔ̀d tì Pɔntiyos Payilèd ya bɔ̀mbì tì bəd ne kayi mə̀Ju fɔrɔ mə̀Izre ni taŋ mənaŋ igun Yeso, ìwe wə̀d àfàʼì ìzḛzḛ we ne àghò ya fə zɔʼi.