Jn 17:25 - Ikan feg

²⁵ Ìmə Mbaʼ ne təmi kòʼ, ka chəyi bəd igun isəg kyeri awe, mo kyèri awe. Ane, mbɔb kyèri gha, à ya àghò cha amə.

Meta’

²⁵ Mbǎʼ nɨə ghɨ̀ ɨnû ɨchî nɨ kuʼnɨ, chəi ɨsɨg kyerɨ əwe, àyɨə mə kyerɨ əwe. Bə̂d mbɔ̂ nɨ à nyaʼa naʼ ɨ num kyerɨ ni à yɨ àwɔ̀ nyaʼa tom əmɨ.

Jn 17:25 ပူးပေါင်းရင်းမြစ်များ

Matìyò 11:27

Ìmə Mbaʼ fə nàʼ ighi ijìm inum. Chəyi wə̀d ne kyeri Ŋwan chèyi ane Mbaʼ. Chəyi wə̀d ne bə kyèri Mbaʼ chèyi ane Ŋwan fɔrɔ bəd mbe ne Ŋwan chɔʼi awɔb ghì gha mbe kyeri Mbaʼ.”

Matìyò 16:16

Sayimùn Pità ya ywìtì gha, “Àghò ya Wə̀d we ne Ŋwiye zɔ̀ʼi, Ŋwan ìwi Ŋwiye we ne yaʼi izɔm.”

Lk 10:22

Ìmə Mbaʼ fə nàʼ ighi ijìm inum. Chəyi wə̀d ne taŋ kyèri Ŋwan chèyi ane Mbaʼ. Chəyi wə̀d ne bə taŋ kyèri Mbaʼ chèyi ane Ŋwan fɔrɔ bəd mbe ne Ŋwan kɔ̀ŋi ni ghì gha mbe kyeri Mbaʼ.”

Jn 1:18

Chəyi wə̀d mɔ̀ʼɔ ne kweʼì bàd Ŋwiye. À ya məyi Ŋwan we imɔʼ ne yaʼi iban Mbaʼ ne ghi gha bəd kyeri wə̀d ne Ŋwiye yaʼi ìwiwən.

Jn 10:15

Mə kyèri ìmə Mbaʼ, kwàʼ icheg ne wì bə kyèri amə. Mə fə bḛ ni ku imbə̀ʼ ìtum njə̀g.

Jn 15:21

Mbi biri ghì inug mbo̰ inən anìŋ, məyi imbə̀ʼ amə. Aton ya gha, chəyi mbi kyeri Wə̀d we ne cha amə.

Jn 16:27

Ìmə Mbaʼ, məd ini kɔ̀ŋ awən imbə̀ʼ icheg ne mbə̀ kɔ̀ŋ aməd, bə̀ bḛ gha à ya məd cha amə.

Jn 16:3

Bəd biri ghì inən ane imbə̀ʼ icheg ne chəyi mbi kyeri ìmə Mbaʼ, kə̀ bə̀ kyèri amə.

Jn 16:30

Tè kə bàd amad anìŋ gha, àghò kyeri inug ijìm. Ane, chəyi bə̀ aton mɔ̀ʼɔ ne tì wə̀d mɔ̀ʼɔ biri anug ine. Anug azo̰ ghì tì bḛ gha kwàʼ tesiʼ, à ya Ŋwiye cha awe igun isəg.”

Jn 17:11

Chəyi mə̀ biri ywiri chughi igun isəg tì inɔb. Mə ya anìŋ se yèʼe amə abɔ̀ʼ ine. Ane, mbɔb biri kiri yaʼ igun isəg. Ìmə Mbaʼ zḛ zḛ, àghò kyeʼre awɔb ane ika we ne yaʼi ane ìwe ikum, ne ya ikum we ne àghò ya nàʼi inum. Ghìyə ane imbə̀ʼ mbi yaʼi ane anug amɔʼ icheg ne mo tì ine bə yaʼ ane anug amɔʼ.

Jn 17:18

Mə fə chà awɔb inga isəg icheg ne àghò ya bə chà amə inga isəg.

Jn 17:21

Mə ya dèghè gha mbɔb məjìm yaʼ ane anug amɔʼ, kwàʼ icheg ne àghò ìmə Mbaʼ, àghò yaʼi inga inum, mo inum bə̀ yaʼ inga ine. Mbɔb inɔb bə̀ yaʼ inga ina imbə̀ʼ bəd igun isəg bḛ gha, à ya àghò cha amə.

Jn 17:23

Mə yaʼ ane anug amɔʼ tì inɔb kwàʼ icheg ne àghò yaʼi ane anug amɔʼ tì inum. Àghò ghiyə gha mbɔb yaʼ ane anug imɔʼ ane inug ijìm, imbə̀ʼ isəg kyeri gha, à ya àghò cha amə, bə̀ kyèri gha àghò kɔ̀ŋ awɔb kwàʼ icheg ne àghò bə kɔ̀ŋ amə.

Jn 17:3

Ane, ni jəg ìtḛ̀ ighə̀m imɔʼ ya ni kyeri awe, bə̀ kyèri gha à ya məyi àghò imɔʼ yaʼi Ŋwiye tesiʼ. Ni jəg ìtḛ̀ ighə̀m imɔʼ ya ni bə kyeri Yeso Kristo we ne àghò cha igun isəg.

Jn 17:8

Mbɔb fə bḛ ìngam we ne àghò ya nàʼi inum gha mə gha inɔb. Mbɔb fə bə̀ bḛ gha, à ya àghò cha amə.

Jn 3:17

Chəyi Ŋwiye ya chà ìwi Ŋwan igun isəg gho̰ gha wì yeʼe saʼ bəd imbə̀ʼ inug tibɔ̀ŋ. Ŋwan məd ya yèʼe ni ghì gha bəd pum.

Jn 6:19

Anyumə̀ ne mbi ya fə tḭ abaŋ ze ghò inga atəŋ se ghò kwàʼ icheg mə̀kilometà məta̰ kə̀ tìfughə, mbi ŋa zə̰, mbi bàra Yeso ne we yḛ̀ igun igyi yèʼe abɔ̀ʼ inɔb. Mbɔb ya bɔ.

Jn 7:29

À ya mo kyeri aməd imbə̀ʼ icheg ne mə nɔ̀ʼ abɔ̀ʼ məd. À ya məd bə chà amə.”

Jn 8:19

Anyumə̀ ne wi ya gha ane, mbi ya biri ibo gha, “Ìwe Mbaʼ kə aya?” Yeso ya ywìtì gha, “Chəyi mbə̀ kyeri amə. Chəyi mbə̀ bə kyeri ìmə Mbaʼ. Àkə aghi ne mbə̀ kə kyèri amə, nji mbə biri bə kyeri ìmə Mbaʼ.”

Jn 8:55

Ka chəyi mbə̀ kyeri aməd, mo kyèri aməd. Mo mə̀ gha chəyi mə̀ kyeri aməd, ze biri chwi gha mə ya ghàmà inug ako icheg inən. Mə kyèri aməd. Mə we bə̀ zùgrə ìngam məd.

Ɨ̀fàʼì 17:23

Icheg ne mə̀ kə̀ ŋa yḛ̀ inga àzən aben, mə bàd isiŋi mbe ne mbə̰ mbe ghùmnə mə̀ŋwiye. Mə bə̀ bàd ati ŋwiye mɔ̀ʼɔ ne mbi ŋwaʼri angu gha, ‹Abə Ŋwiye we ne chəyi tì kyeri.› Ane, Ŋwiye we ne mbə̰ mbe ghùmnə ne chəyi mbə̀ kyeri, à ya ìwiwən ne mə yeʼe ni ghà inug imbə̀ʼ aməd inən.

Ɨ̀fàʼì 26:18

Àghò biri ghò fìʼì àzɔb aghə ni gha mbe duwə inga isəg afub nyi inga ìzḛzḛ, bə̀ dù ane Sàtàn ghò abə Ŋwiye. Mbi mə̀ ghì ane, Ŋwiye biri waʼ ìmbɔb inug tibɔ̀ŋ bə̀ nɔ̀ŋì awɔb abɔ̀ʼ bəd mbe ne wì fə zeni imbə̀ʼ icheg ne mbi nɔŋi ìtɔb fìŋ igun inum.›

Rm 1:28

Icheg ne chəyi mbɔb ya kɔndi gha ze bɔ̀ŋ ni kyeri Ŋwiye, Ŋwiye ya sàŋì awɔb gha mbe bere tikɔndi tibɔ̀ŋ imbə̀ʼ se ghìyə̀ inug ne chəyi mbɔb beri ni ghì.

Rm 3:11

Chəyi wə̀d mɔ̀ʼɔ ne kyeri anug ne koʼi imbə̀ʼ Ŋwiye. Chəyi wə̀d mɔ̀ʼɔ ne kə̀bə̀ ni kyeri Ŋwiye.

Rm 3:26

Wì ya ghì ane ni chwi ina amad anìŋ gha zìye Ŋwiye, zìye we ghìyə̀ inug ne koʼi. Zìye we ghìyə̀ gha bəd mbe ne nɔŋi ibḛfiŋ igun Yeso Kristo mbe təm kòʼ.

1 Kɔrèn 1:21

Ŋwiye fə ghì ane ìwi iwe gha, imbə̀ʼ bəd kyeri awɔb məd ane ìwɔb tì iwe. Ŋwiye we pùmnə bəd mbe ne bḛ ikən we ne bəd mɔ̀ʼɔ mbe nìŋə ane anug anen.

1 Kɔrèn 15:34

Mbə̀ ywiri taŋ kɔndi icheg chɔm, waʼ inug tibɔ̀ŋ. Chəyi bəd mɔ̀ʼɔ abɔ̀ʼ inən kyeri Ŋwiye. Mə ya ghàmà anìŋ ni nàʼ tìnìrètog inən.

2 Kɔrèn 4:4

À ya Sàtàn we ne sàʼa isəg gho̰ fə ghùpì fìŋ abə bəd mbe ne chəyi mbi bḛ Kristo. Wì fə ghùpì ìtɔb fìŋ ni ghì gha imbə̀ʼ mbi nɔ̀ʼ bàd ìzḛzḛ we ne yaʼi inga ikən chɔm imbə̀ʼ Kristo. Kristo ya kwàʼ icheg Ŋwiye.

2 Tès 1:8

Wì biri ghum yeʼe ni zì ngəʼ igun bəd mbe ne to̰ awɔb Ŋwiye bə̀ to̰ awɔb ni zugri ikən chɔm we ne ìwa Anɔŋisəg Yeso ya yeʼe tì ìwiwən.

Mə̀Hibrù 8:11

Chəyi wə̀d mɔ̀ʼɔ ne biri ya ywìrè chwìte inug abə mə̀sə̀ʼ məd kə̀ abə məfi məd gha, ‹Àghò kyeri Anɔŋisəg!› Ze biri yaʼ ane imbə̀ʼ icheg ne bəd məjìm biri kyeri amə, ni ko ane bɔn kwa ghò pè ane bəd kyen.

1 Jɔn 1:9

Tì mə bḛ ìmba inug tibɔ̀ŋ, Ŋwiye biri waʼ ìmba inug tibɔ̀ŋ bə̀ sò awa chì ane ìmba inug tibɔ̀ŋ ijìm. Məd ya Ŋwiye ne fàʼà anug ne wì kàʼi bə̀ ghìyə̀ inug ne koʼi.

Ɨnû 13:8

Bəd ne yaʼi igun isəg məjìm biri ghumni nyam kyen ze, chèyi ane bəd mbe ne Ŋwan njə̀g we ne mbi ya zweti ya fə ŋwàʼri ìtɔb tikum inga àŋwàʼrì ze ne wì ŋwàʼri tikum bəd mbe ne biri jəg ìtḛ̀. Wì ya fə ghum ŋwàʼri ane bɔŋ se tànga isəg.

Ɨnû 16:5

Mə ya zug angirə̀ we ne ya beri ika igun mənib wì gha, “Àghò Wə̀d Ìzḛzḛ, àghò we ne yaʼi amad anìŋ, ne ya bi yaʼ, icheg ne àghò we sàʼa bəd we taŋ kòʼ.