Jn 15:5 - Ikan feg

⁵ Mo ya azed vayìn. Mbə̰ ya tìtab. Mbə̰ mə̀ chùghi ane anug amɔʼ tì inum icheg ne mə bə yaʼ ane anug amɔʼ tì inən, mbə biri ya ko titam kwàʼ ti ndan ndàn. Àmə chəyi mo, chəyi aghi mɔ̀ʼɔ ne tì mbə̰ ghì.

Meta’

⁵ “Mɔ̌ yɨ əzed ə vaìn. Mbə yɨ rɨtəb vaìn. Wə̀d we nɨ chub ənɨ ənû ə mɔʼ mbɨ num, mə bɨrɨ bɨ chub ənɨ ənû ə mɔʼ mbɨ məd, əne məd bɨrɨ kɔ rɨtam nɔnɔʼ. Chəi ənɨ tɨ̀ mbə ghɨ̀ ənû ə mɔʼɔ ənɨ ə ɨghəm nɨ chəi əmɨ əŋgu.

Jn 15:5 ပူးပေါင်းရင်းမြစ်များ

Matìyò 13:21

Si ya gha, icheg ne chəyi ighaŋ fitam fe ya taŋ nyi aseg, fi ya kweg məyi ane iki nyumə̀. Anyumə̀ ne bəd ko ni chɔʼ ìmbɔb ibɔʼì ighog imbə̀ʼ ìngam we, mbɔb ya wàʼa ìwɔb ibḛfiŋ kwàʼ amad amad.

Jn 12:24

Mə gha tesiʼ inən gha, “Fitam kyì mə chəyi fi nyi aseg ku, fi biri tḛ yi kwàʼ tèzìʼì. Fi mə̀ ku, fi ya gwère, kweg, ko titam nɔʼ nɔʼ.

Jn 15:16

À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.

Jn 5:19

Yeso ya ywìtì inɔb gha, “Mə gha tesiʼ inən gha, chəyi tì Ŋwan Ŋwiye fàʼ aghi mɔ̀ʼɔ ane ìwi ighəm, wì ya fàʼà məyi aghi ne Mbaʼ məd we fàʼà. Aghi ne Mbaʼ we fàʼà, à ya àzewən ne Ŋwan məd we bə̀ fàʼà.

Jn 9:33

Àkə aghi ne chəyi wə̀d gho̰ nɔ̀ʼi abə Ŋwiye, nji chəyi tì wì fàʼ anug icheg azo̰.”

Ɨ̀fàʼì 4:12

Chəyi wə̀d mɔ̀ʼɔ ndəŋ ne tì wì pùmni bəd imbə̀ʼ icheg ne chəyi ikum ndəŋ ywìrè igun isəg ne Ŋwiye nàʼi abə bəd ne tì tì karì wì pùmni awa.”

Rm 12:5

Icheg ne tì yaʼi ane ifɔti tì Kristo, ka tì jiʼi nɔʼ, mba məjìm ya isiŋi nyɔd ane nyàmnyɔd imɔʼ. Wə̀d imɔʼ imɔʼ fɔ̀tɔ tì mə̀mbin kwàʼ icheg ne isiŋi nyɔd bə fɔ̀tɔ.

Rm 6:22

Si ya gha, amad anìŋ ne Ŋwiye fə pumni awən chì abə ika inug tibɔ̀ŋ, mbə̰ ya si icheg məfeg abə Ŋwiye. Chùd ya gha Ŋwiye fə sò awən mbə zen se fàʼà məyi ibo, wì bə̀ nàʼ ìtḛ̀ ighə̀m imɔʼ inən.

Rm 7:4

Ìmbum məfi fɔrɔ ìtum njàbi, à ya bə̀ ane ne chəyi mə̀nɔ̀ʼɔ̀ ywirì bèrì ika igun inən imbə̀ʼ icheg ne mbə̰ ya fə se ane anug amɔʼ tì Kristo. Amad anìŋ, mbə̰ ya bəd Anɔŋisəg we ne Ŋwiye ya zwemni aməd ane iwu ni ghì gha tì bere apan ni yaʼ bəd ne fàʼà abə Ŋwiye icheg chɔm.

1 Kɔrèn 10:16

Toʼ ze ne te no inga anyumə̀ ne te jə̀ghə itari, ne te bə̀ nàʼà məyakà abə Ŋwiye bɔŋ no inga toʼ ze, à ya anəm Kristo ne te no. Ngə̀ŋ ze ne te bə̀ʼrə bə̀ jə̀ghə ya nyàmnyɔd Kristo ne te bə̀ kùrə.

1 Kɔrèn 12:12

Nyàmnyɔd wə̀d bèrì isiŋi nyɔd nɔʼ nɔʼ. Ka isiŋi nyɔd jiʼì nɔ̀ʼ, à ya məyi nyàmnyɔd imɔʼ. À ya icheg ne ze bə yaʼ tì nyàmnyɔd Kristo.

1 Kɔrèn 12:27

Ane, mbə̰ məjìm ya nyàmnyɔd Kristo. Wə̀d imɔʼ imɔʼ bèrì àze asiŋi inga nyàmnyɔd Kristo.

2 Kɔrèn 13:8

Chəyi tì tì ghì anug mɔ̀ʼɔ ni nyə̀m tesiʼ. Tì ya tə̀mə məyi igun tesiʼ.

2 Kɔrèn 9:10

À ya Ŋwiye we nàʼà ngwèd abə wə̀d mben bə̀ nàʼà tijəg abə bəd. À ya ane ne wì biri bə yètì izən ngwèd, bə̀ yètì ighi mbe ne mbə̀ beri ni ghì gha mbə biri se nàʼà ighi nɔʼ nɔʼ abə bəd ne chəyi àzɔb.

Gàlesìyà 5:22

Àsi inug mbe ne Azwighi Ŋwiye ze kə̀bə̀ ya: àkɔ̀ŋì, igyendi, àbɔrɔ̀bɔd, inyimbifiŋ, anug ni ghì inug chɔm, anug ni bèrì fìŋ chɔm, anug ni bḛ anug fàʼ,

Efesùs 5:9

Aton ya gha, ìzḛzḛ we ya ghìyə̀ wə̀d bere fìŋ chɔm tì ikuchèg ne təmi kòʼ bə̀ kyère tesiʼ.

Fìlipì 1:11

Mə we bə̀ chàʼrà Ŋwiye inən gha Yeso Kristo ghiyə mbə̀ beri ikuchèg we ne təmi kòʼ ni ghì gha bəd taŋ ghùmnə Ŋwiye.

Fìlipì 4:13

Tesiʼ ya gha, mə we tì mə fàʼ inug ijìm anjìm Kristo ne nàʼà ika inum.

Fìlipì 4:17

Kayi mə kə̀bə̀ gha mbə̀ naʼa ighi inum. Mə kə̀b yaʼ gha Ŋwiye yeti chùd inən anjìm àfàʼì ze ne mbə̰ mbe fàʼà inum.

Kòlosè 1:10

Tì ya chàʼrà Ŋwiye anìŋ ni gha, ane mənɔnjì ijìm, mbə̀ chughi ane ikuchèg ne Anɔŋisəg kə̀bi bə̀ ya ghìyə̀ inug ni biri ghì fìŋ məd bɔ̀ŋ. Ane, ìwən ikuchèg biri ghì gha mbə̀ se ghìyə̀ inug chɔm bə̀ se chè imbìghè ni taŋ kyeri Ŋwiye.

Kòlosè 1:6

Ikən chɔm gho̰ we kwèghe isiŋi ijìm bə̀ ghìyə̀ gha bəd se ghìyə̀ inug mbe ne Ŋwiye kə̀bi kwàʼ icheg mbə̰ mbe bə̀ ghìyə̀. Nɔ̀ʼ ane aneg mbègtog ne mbə̀ ya zughi bə̀ kyèri tesiʼ imbə̀ʼ ìchɔ̀mì Ŋwiye, mbə̰ ya ko ni se ghìyə̀ inug icheg ne Ŋwiye kə̀bi.

Jems 1:17

Tineʼi chɔm ne bɔŋi mànì ya nɔ̀ʼɔ̀ abə Ŋwiye. Ti ya nɔ̀ʼɔ̀ abə Ŋwiye we ne tangi ighi mbe ne zùʼə ikaŋ àbɔ̀ŋɔ. Chəyi məd we kɔ̀pɔ kə̀ ghàbra nyɔd icheg achwi ni ghì gha isiŋi fin.

1 Pità 2:4

Mbə̀ yèʼe abɔ̀ʼ məd, məd we ne yaʼi iteg we ne yaʼi izɔm. Bəd ya to̰ awɔb məd, si ya gha, Ŋwiye ya chɔʼ aməd. À ya iteg ne taŋ bɔ̀ŋ imbìghè abə Ŋwiye.

2 Pità 3:18

Mbə̀ che imbìghè kweg inga ìchɔ̀mì fɔrɔ inga anug ni kyeri ìwa Anɔŋisəg Yeso Kristo ne pùmnə bəd. Bəd məjìm ghùmnə aməd ni ko amad anìŋ se ghò imbìghè ane ighə̀m imɔʼ! À ya ane.