Jn 15:21 - Ikan feg

²¹ Mbi biri ghì inug mbo̰ inən anìŋ, məyi imbə̀ʼ amə. Aton ya gha, chəyi mbi kyeri Wə̀d we ne cha amə.

Meta’

²¹ Bə̂d rɨŋga ɨsɨg bɨrɨ ghɨ ɨnû mbɔ̂ jìm ənɨ ə nən ɨmbə̀ʼ ɨghəm nɨ mbə̀ yeʼ mbɨ bə̂d, ɨmbə̀ʼ ɨghəm nɨ chəi mbɨ kyerɨ məd we nɨ nyaʼa tom əmɨ.

Jn 15:21 ပူးပေါင်းရင်းမြစ်များ

Matìyò 10:18

Mbi biri sùŋì awən ghò imbìghè abə mə̀gɔbnà fɔrɔ imbìghè abə məfɔn imbə̀ʼ amə. Àze biri ghì gha mbə̀ bere apan ni ghà ikən chɔm inɔb bə̀ fɔrɔ abə bəd mbe ne kayi mə̀Ju.

Matìyò 10:22

Bəd məjìm biri pàb awən imbə̀ʼ amə, si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Matìyò 10:39

Wə̀d ne kə̀bi ni nɔ̀ŋì ìwi ìtḛ̀ biri sam ìtḛ̀ we. Wə̀d ne sami ìwi ìtḛ̀ imbə̀ʼ amə, tengàŋ biri jəg ìtḛ̀ we.”

Matìyò 24:9

Nyùmə̀ we mə̀ kòʼ, bəd ìpàb biri ya chɔ̀ʼɔ ìmbən ibɔʼì ighog, gwìtè awən nàʼà mbi zwete. Bəd inga iben ijìm biri pàb awən imbə̀ʼ amə.

Matìyò 5:11

Ŋwiye zì àbɔrɔ̀bɔd igun inən, anyumə̀ ne bəd mbe chàpà awən, chɔ̀ʼɔ ìmbən ibɔʼì ighog, bə̀ ghà tiku inug izəg ijìm ne ya inug ako igun inən imbə̀ʼ amə.

Mk 13:13

Bəd məjìm biri bàn awən imbə̀ʼ amə, si ya gha, wə̀d we ne nyìʼi ghò pè ane ìnwḭ, Ŋwiye biri chì aməd inga ngəʼ.”

Lk 21:12

Si ya gha, bɔŋ inug mbo̰ ijìm se dùwə̀, mbi biri gwìtì awən bə̀ chə awən. Mbi biri bə sìmì awən ghò inga məchamì Ŋwiye, bə̀ zì awən inga nəb ndəŋ . Mbi biri bə niŋ awən ghò abə məfɔn tì abə bəd ne sàʼa aben. Inug mbo̰ ijìm ya məyi imbə̀ʼ ìmə ikum.

Lk 21:17

Wə̀d ijìm biri bà̰ awən məyi imbə̀ʼ amə.

Lk 6:22

Ŋwiye zì àbɔrɔ̀bɔd igun inən, mbə̰ mbe ne bəd mbe bà̰ awən, to̰ awən, chàpà ìtən tikum bə̀ gha mbə̰ ya bəd ne ghìyə̀ inug tibɔ̀ŋ imbə̀ʼ icheg ne mbə̀ bḛ Ŋwan Wə̀d.

Jn 15:24

Icheg ne mə ghi inug ne chəyi wə̀d mɔ̀ʼɔ kə kweʼì ghì inɔb, mbi biri nyimi awɔb ane ìmbɔb inug tibɔ̀ŋ. À ya ane imbə̀ʼ icheg ne, mbɔb bàd iyeti inug mbe bə̀ kiri pab amə, bə̀ pàb ìmə Mbaʼ.

Jn 16:3

Bəd biri ghì inən ane imbə̀ʼ icheg ne chəyi mbi kyeri ìmə Mbaʼ, kə̀ bə̀ kyèri amə.

Jn 17:25

Ìmə Mbaʼ ne təmi kòʼ, ka chəyi bəd igun isəg kyeri awe, mo kyèri awe. Ane, mbɔb kyèri gha, à ya àghò cha amə.

Jn 8:19

Anyumə̀ ne wi ya gha ane, mbi ya biri ibo gha, “Ìwe Mbaʼ kə aya?” Yeso ya ywìtì gha, “Chəyi mbə̀ kyeri amə. Chəyi mbə̀ bə kyeri ìmə Mbaʼ. Àkə aghi ne mbə̀ kə kyèri amə, nji mbə biri bə kyeri ìmə Mbaʼ.”

Jn 8:54

Yeso ya ywìtì gha, “Mo mə̀ ya ghùmnə yaʼ ìmə nyɔd, ighumni ya ati ako. Ìmə Mbaʼ ne mbə̰ mbe ghà gha à ya ìwən Ŋwiye, à ya məd we ghìyə̀ gha bəd ghumni amə.

Jn 8:55

Ka chəyi mbə̀ kyeri aməd, mo kyèri aməd. Mo mə̀ gha chəyi mə̀ kyeri aməd, ze biri chwi gha mə ya ghàmà inug ako icheg inən. Mə kyèri aməd. Mə we bə̀ zùgrə ìngam məd.

Ɨ̀fàʼì 17:23

Icheg ne mə̀ kə̀ ŋa yḛ̀ inga àzən aben, mə bàd isiŋi mbe ne mbə̰ mbe ghùmnə mə̀ŋwiye. Mə bə̀ bàd ati ŋwiye mɔ̀ʼɔ ne mbi ŋwaʼri angu gha, ‹Abə Ŋwiye we ne chəyi tì kyeri.› Ane, Ŋwiye we ne mbə̰ mbe ghùmnə ne chəyi mbə̀ kyeri, à ya ìwiwən ne mə yeʼe ni ghà inug imbə̀ʼ aməd inən.

Ɨ̀fàʼì 26:9

Mo inum ya kɔndi gha mə we tì mə ghì inug nɔʼ nɔʼ ni chìkì anug Yeso we a Nazarèd.

Ɨ̀fàʼì 3:17

Ane, ìmbum məfi fɔrɔ ìtum njàbi, mə kyèri gha, anug ze ne mbə̰ tì ìmbən itog bəd ya ghi igun Yeso ya mbə̀ ya ghi kwàʼ abəŋ.

Ɨ̀fàʼì 4:17

Chəyi anug ndəŋ ni ghì chèyi ni ghì gha imbə̀ʼ bəd ndan ndàn si nɔ̀ʼ zug. Tè pati awɔb gha imbə̀ʼ mbi ywiri ghama awɔb inug imbə̀ʼ ikum we abə bəd.”

Ɨ̀fàʼì 5:41

Bədtɔm mbe ya nɔ̀ʼ abɔ̀ʼ bəd mbe ne sàʼa aben se yḛ̀ nè gha, Ŋwiye fə niŋ awɔb ane bəd ne koʼi ni zən ngəʼ bə̀ bèrì tìnìrètog imbə̀ʼ Yeso.

Ɨ̀fàʼì 9:14

Itog bəd mbàn Ŋwiye fə nàʼ ika ibo gha wì gwite bəd mbe ne ghùmnə awe. À ya aton ne wì yèʼe aŋa aze.”

Ɨ̀fàʼì 9:16

Mə biri chwi icheg ne məd biri zə̰ ngəʼ imbə̀ʼ amə ibo.”

Rm 1:28

Icheg ne chəyi mbɔb ya kɔndi gha ze bɔ̀ŋ ni kyeri Ŋwiye, Ŋwiye ya sàŋì awɔb gha mbe bere tikɔndi tibɔ̀ŋ imbə̀ʼ se ghìyə̀ inug ne chəyi mbɔb beri ni ghì.

1 Kɔrèn 15:34

Mbə̀ ywiri taŋ kɔndi icheg chɔm, waʼ inug tibɔ̀ŋ. Chəyi bəd mɔ̀ʼɔ abɔ̀ʼ inən kyeri Ŋwiye. Mə ya ghàmà anìŋ ni nàʼ tìnìrètog inən.

1 Kɔrèn 2:8

Chəyi wə̀d mɔ̀ʼɔ abɔ̀ʼ itog bəd mbe ne tùmbə̀ bəd inga nyùmə̀ isəg gho̰ ya kyeri anug azo̰. Àkə aghi ne mbi ya kyeri, nji chəyi mbɔb ya niŋi Anɔŋisəg ne bəd mbe ghùmnə ghò kɔ̀mbì igun azed abaʼri.

2 Tès 1:8

Wì biri ghum yeʼe ni zì ngəʼ igun bəd mbe ne to̰ awɔb Ŋwiye bə̀ to̰ awɔb ni zugri ikən chɔm we ne ìwa Anɔŋisəg Yeso ya yeʼe tì ìwiwən.

1 Jɔn 3:1

Mbə nḛ ikuchèg ne ìwa Mbaʼ taŋ kɔ̀ŋi awa! Wì taŋ kɔ̀ŋ awa ghì mbi se kàrà awa ane bɔn Ŋwiye. Tesiʼ ya gha, mba ya bə̀ kwàʼ bɔn Ŋwiye. À ya aton ne chəyi bəd inga isəg gho̰ mbe kyère awa. Chəyi mbe kyère awa imbə̀ʼ icheg ne chəyi mbi ya bə kyèri Ŋwiye.

3 Jɔn 1:7

Mbɔb ya yḛ̀ ane ikuchèg ne Anɔŋisəg cha awɔb. Chəyi mbɔb mbe nìŋə àwètì mɔ̀ʼɔ abə bəd mbe ne chəyi mbi bḛ Yeso Kristo.

Ɨnû 2:3

Mə bə̀ kyèri gha chəyi àghò kiri bɔri ni nyìʼ inug bə̀ zə̰ ngəʼ ka ka imbə̀ʼ amə.