Jn 15:2 - Ikan feg

² Wì ya sɔ̀pɔ̀ tìtab te ne igun inum, ne chəyi te ko titam. Àsi tìtab te ne ko titam, wì ya sèpè ni ghì gha te taŋ ko.

Meta’

² Məd wɨə sopə rɨtəb jìm te nɨ yeʼ ənɨ ə num, nɨ yeʼ te nɨ chəi tɨə kɔ rɨtam. Məd wɨə bə̀ kwə̀ŋgɨ̀ rɨtəb jìm te nɨə kɔ rɨtam ɨmbə̀ʼ tɨ kɔ nɔʼrɨ.

Jn 15:2 ပူးပေါင်းရင်းမြစ်များ

Matìyò 13:12

Ane, mbi biri nàʼ ighi ne taŋ nɔ̀ʼ abə wə̀d ne fə bi bèrì ighi mɔ̀ʼɔ, wì si ywìrì taŋ bèrì ighi ndan ndàn. Wə̀d ne chəyi wì beri ighi, ka bèyi iki piʼì we ne wì bèri, mbi biri niŋ ibo.

Matìyò 13:33

Yeso ya bə̀ ywìrì ghàm ìngam məgri ndəŋ abə mə̀mə̀nənùg məd gha, “Anug ìfɔ̀n ikaŋ ya icheg àfòrì ne àyi mɔ̀ʼɔ ya niŋi zì inga aburi ngə̀ŋ inga akaŋ kyen, si tad anene ze nyàmbà ghì ngə̀ŋ ze ijìm kɔʼ.”

Matìyò 15:13

Wì ya ywìtì inɔb gha, “Mbi biri chɔʼri ighi ijìm mbe ne kayi ìmə Mbaʼ ikaŋ kòndi.

Matìyò 21:19

Wì ya pè asiŋi mɔ̀ʼɔ bàd azed fig iban inɔnjì, ghò nèn ikaŋ, si ya gha, chəyi wì ya bàri fitam azed ikaŋ angu. Wì ya bàd məyi tifuʼ awən. Ane, wì ya ghà abə azed ze gha, “Chəyi àghò biri ywìri nɔʼ ko!” Kwàʼ ati ati, azed ze ya zɔm.

Matìyò 25:29

Mbə̀ niŋ imbə̀ʼ icheg ne wə̀d ne beri ighi, mbi biri nàʼ ighi ndəŋ ibo, wì si bèrì ighi ne taŋ nɔʼ. Àsi wə̀d ne chəyi wì beri ighi, ka bèyi iki ighi we ne wì bèri, mbi biri niŋ ibo.

Matìyò 3:10

Ka bèyi amad anìŋ, Ŋwiye fə nɔ̀ŋì jam iban ighaŋ ized. Ane, wì biri wàd ized ijìm mbe ne chəyi mbe ko titam chɔm màʼ inga iywid.

Matìyò 3:12

Aso ìtweg-ikwè fə si ibo ikye abo ni kyàŋì ijɔri chì inga kyì ikye mben. Wì mə kyàŋì, wì biri feti ìti kyì chà inga ngən si tɔ̀n ijɔri inga iywid nɔʼ mèg.”

Matìyò 7:19

Mbi biri sɔb ized ijìm mbe ne chəyi mbe ko titam chɔm màʼ inga iywid.

Mk 4:20

Bəd mɔ̀ʼɔ ya icheg ighi ngwèd mbe ne mbi ya nwìyḭ igun ìseg chɔm. Mbɔb ya zùghə Ìngam Ŋwiye, bḛ. Ane, mbi ya ko titam. Mbi mɔ̀ʼɔ ya ko titam achug ìghum itad, mbi mɔ̀ʼɔ ko achug ìghum tìfughə, mbi mɔ̀ʼɔ ko achug iki ifibì.”

Lk 8:13

Titam te ne ya fendi igun igho ya chwìye bəd mbe ne mə̀ zug Ìngam Ŋwiye, mbi niŋ ati ati ane igyendi. Si ya gha, chəyi Ìngam Ŋwiye taŋ nyi inɔb inga fìŋ. Mbɔb ya bèrè ibḛfiŋ məyi ane nyùmə̀ kwa kwa. Àkwàʼrì mə̀ yeʼe, mbi waʼ ìwɔb ibḛfiŋ.

Jn 15:1

Yeso ya ghà abə ìmbi mə̀mə̀nənùg gha, “Mo ya azed vayìn ne ko, ne tì wə̀d nɔŋì fìŋ igun. Ìmə Mbaʼ ya wə̀d ne fàʼà inga mben vayìn.

Jn 15:16

À ya mo chɔʼi awən, kayi mbə̰ ya chɔʼi amə. À ya mo bə tɔm awən gha mbə̀ gho ko titam ne biri yaʼ ane ighə̀m imɔʼ. Mbə̰ mə̀ fàʼ ane, nji ìmə Mbaʼ biri nàʼ ighi ijìm mbe ne mbə nɔ̰ ibo ane ìmə ikum.

Jn 15:3

Ìngam we ne mə ghàmi inən fə ghì mbə zen.

Jn 15:6

Wə̀d ne chəyi wì chughi ane anug amɔʼ tì inum, tengàŋ ya icheg fìtab fə ne mbi sɔbi waʼ, fi zɔm. Iku tìtab te ya mbe gwe, màʼà inga iywid, ìto̰.

Jn 15:8

Mbə mə̀ ya ko titam ndan ndàn ne chwìye gha mbə̰ ya ìmbum mə̀mə̀nənùg, ìmə Mbaʼ ya nìŋə ighumni.

Jn 17:12

Anyumə̀ ne mə̀ ya yaʼi tì inɔb, mə yaya kyèʼrè awɔb bə̀ kə̀ndə awɔb ane ika we ne yaʼi ane ikum, ikum we ne àghò nàʼi inum. Chəyi wə̀d mɔ̀ʼɔ imɔʼ abɔ̀ʼ inɔb ne nimi. À ya məyi wə̀d we ne ze ya fə chwi gha wì biri nim, ni ghì ghà anug ne yaʼi inga Àŋwàʼrì Ŋwiye ze duwə ane tesiʼ.”

Rm 11:17

Àmə yaʼ aghi ne mbi ya sɔbi fìtab mɔ̀ʼɔ ane azed olìf tibɔ̀ŋ ghò nàndì ane ibəm azed olìf chɔm, nji mbə̰ mbe ne kayi mə̀Ju ya icheg azed olìf tibɔ̀ŋ ze ne mbi ya nàndì ane àze chɔm. Mbə̰ mbe se bə̀ bèrè àbɔrɔ̀bɔd ze ne mə̀Ju mbe bèrè amad anìŋ.

Rm 11:22

Mbə bàd icheg ne Ŋwiye we ghìyə̀ inug chɔm bə̀ bàd icheg ne wì ya tɔ. Ŋwiye ya tɔ abə bəd mbe ne ghìyə̀ tìzughə̀, bə̀ chè imbìghè ni ghì inug chɔm abə bəd mbe ne bḛ anug chɔm ze ne Ŋwiye ghi. Ane, mbə̀ chughi məyi inga ìchɔ̀mì məd, nji wì biri bə̀ sɔb awən waʼ.

Rm 8:28

Tè kyèri gha, inga inug ijìm, Ŋwiye we fàʼà gha bəd mbe ne kɔ̀ŋɔ̀ aməd, mbe bere ìchɔ̀mì. À ya bəd mbe ne wì ya chɔʼi icheg ne wì ya fə chuʼri nɔ̀ŋì.

1 Kɔrèn 13:1

Ka mə kyèri ni ghàm tìngam bəd inga iben ijìm igun isəg, bə̀ kyèri ni ghàm tìngam mbè angirə̀, àmə chəyi mə kɔ̀ŋɔ̀ bəd, mo ya kwàʼ icheg aba apan kə̀ kwàʼ icheg fìngɔ̀ŋì.

Tayitùs 2:14

Wì ya nàʼ àze atog imbə̀ʼ awa ni zeri awa chì ane ìmba inug tibɔ̀ŋ ni ghì gha tì si yaʼ bəd ìzḛzḛ ne yaʼi kwàʼ ìmbi məd ne se kɔ̀ŋɔ̀ ni ghì məyi inug chɔm.

Mə̀Hibrù 12:15

Mbə̀ bə kìrə ika ni gha imbə̀ʼ wə̀d mɔ̀ʼɔ nɔ̀ʼ sam ìchɔ̀mì Ŋwiye. Imbə̀ʼ mbə̰ saŋa awən gha ngwèd tibɔ̀ŋ kweg inən inga fìŋ si ko inug tibɔ̀ŋ.

1 Jɔn 2:19

Bəd ìpàb mbo̰ ya yaʼ abɔ̀ʼ ina. Si ya gha, chəyi mbɔb ya yaʼi ane ifɔti tì Kristo icheg ina. Àkə aghi ne mbɔb ya yaʼi ane ifɔti tì Kristo icheg ina, nji chəyi mbɔb ya du. Icheg ne mbɔb du, ze chwi gha chəyi mbɔb ya yaʼi ìmba bəd.

Ɨnû 3:19

Mə ya ghàmà kyḛ abə bəd mbe ne mə̀ kɔŋi. Mə ya bə̀ chə bəd mbe ne mə̀ kɔŋi. Ane, nḛ gha àghò zì atog ni ya nɔ̀mɔ̀, bə̀ nḛ gha àghò bə̀ŋì ìze fìŋ chì ane inug tibɔ̀ŋ.