Jn 15:15 - Ikan feg

¹⁵ Chəyi mə̀ ywìrè kàrà awən ane bəd àfàʼì imbə̀ʼ icheg ne, chəyi bəd àfàʼì kyeri inug ìmbi ìwɔb mbaʼ àfàʼì. Mə ya se kàrà awən yaʼ ane ìmbum mə̀sə̀ʼ imbə̀ʼ icheg ne, inug mbe ne ìmə Mbaʼ gha inum, mə fə ghì mbə̰ kyeri kwàʼ ijìm.

Meta’

¹⁵ Chəi mɨə wɨrɨə tɔŋ əwən ənɨ bə̂d ə̀fàʼì, ɨmbə̀ʼ ɨghəm nɨ chəi wə̀d ə̀fàʼì kyerɨ əghɨ ze nɨ mbǎʼ ə̀fàʼì məd ə ghɨ̀ə̀. Àyɨə mə wɨə tɔŋ əwən ənɨ mɨ̀sə̀ʼ, ɨmbə̀ʼ ɨghəm nɨ ɨnû jìm mbe nɨ mə zu rɨ əmbɨ mɨ Mbǎʼ, mə fə ghà ɨ nən.

Jn 15:15 ပူးပေါင်းရင်းမြစ်များ

Matìyò 13:11

Wì ya ywìtì gha, “Aton ya gha, Ŋwiye fə nàʼ iwe inən ni kyeri inug ne yaʼi inə̀mbi imbə̀ʼ anug ìfɔ̀n ikaŋ. Àsi abə mbin tì bəd, chəyi wi nàʼi iwe we inɔb.

Lk 10:23

Yeso ya si ghàbri ghà abə mə̀mə̀nənùg anjìm anjìm gha, “Ŋwiye zì àbɔrɔ̀bɔd igun inən gha mbə̀ bara ighi mbo̰ ne mbə̰ mbe bàrà anìŋ.

Jn 12:26

Wə̀d mɔ̀ʼɔ mə̀ kə̀b ni fàʼ inum, wì bèrì ni beni abɔ̀ʼ inum. Asiŋi ne mə̀ yaʼi angu, à ya angu ne ìmbum bəd àfàʼì biri bə yaʼ. Ìmə Mbaʼ biri ghumni wə̀d ne fàʼà inum.”

Jn 13:16

Mə gha tesiʼ inən gha, chəyi ŋwan àfàʼì we kweʼè chè mbaʼ àfàʼì məd. Chəyi wə̀d ne mbi tɔmi aməd we bə̀ kweʼè chè wə̀d ne tɔmi aməd.

Jn 15:20

Mbə̀ wendi ìngam we ne mə̀ ya ghàmi inən gha, ‹Chəyi wə̀d àfàʼì mɔ̀ʼɔ ne che mbaʼ àfàʼì məd.› Icheg ne bəd mɔ̀ʼɔ inga isəg yaya chɔ̀ʼɔ ìmbum ibɔʼì ighog, à ya ane ne, mbi biri bə chɔʼ ìmbən tì ibɔʼì ighog. Icheg ne mbi mɔ̀ʼɔ tì bəd yaya zùgrə ìmə ìngam, à ya ane ne, mbi mɔ̀ʼɔ tì bəd biri bə zugri ìwən ìngam.

Jn 16:12

Mə bèrì inug nɔʼ nɔʼ ni ghà inən. Si ya gha, inug mbe nɔʼ chè icheg ne tì mbə̰ zug ijìm bə̀ nyìmi inga atog amad anìŋ.

Jn 17:26

Mə fə ghì mbi kyeri awe. Mə biri chè imbìghè ni ghì gha mbe taŋ kyèri awe. Ane, àghò biri kɔ̀ŋ awɔb kwàʼ icheg ne àghò bə kɔ̀ŋ amə, mə bə̀ yaʼ ane anug amɔʼ tì inɔb.”

Jn 20:17

Yeso ya ghà ibo gha, “Imbə̀ʼ àghò bete awe awum imbə̀ʼ icheg ne chəyi mə̀ kiri bəndi ghò abə ìmə Mbaʼ. Ane, ndò ghò ghà abə ìmbum məfi gha, ‹Mə we bə̀ndə̀ ghò abə ìmə Mbaʼ ne ya bə̀ ìwən Mbaʼ. Məd ya ìmə Ŋwiye, bə̀ yaʼ ìwən Ŋwiye.›”

Jn 4:19

Àyi we ya gha, “Masà, mə bàd gha àghò ya wə̀dkə̀n Ŋwiye.

Jn 8:26

Mə bèrì inug nɔʼ nɔʼ ni ghà imbə̀ʼ awən. Mə bə̀ bèrì inug nɔʼ nɔʼ ni zì isaʼi igun inən. Wə̀d we ne ya cha amə we gha tesiʼ. Ane, inug mbe ne mə zughi ibo, à ya mbiwən ne mə ghà abə bəd igun isəg.”

Ɨ̀fàʼì 20:27

À ya ane imbə̀ʼ icheg ne chəyi mə̀ ya to̰ ni mə̀tì inug ijìm mbe ne Ŋwiye kàʼi ni fàʼ inən.

Rm 7:15

Chəyi mə̀ kyeri aghi ne mə ghìyə̀ imbə̀ʼ icheg ne mə we ghìyə̀ inug ne chəyi mə̀ kɔŋi ni ghì. Àsi inug mbe ne mə̀ kɔŋi ni ghì, chəyi mə ghìyə̀.

1 Kɔrèn 2:16

A ze inga Àŋwàʼrì Ŋwiye gha, “Wə̀d ne kyeri anug ne Anɔŋisəg we kɔ̀ndɔ ne tì wì nàʼ ikə ibo àkə we?” Àsi mba, tè kyèri inug ne Yeso Kristo we kɔ̀ndɔ.

Gàlesìyà 4:6

Icheg ne tì si yaʼ bɔn Ŋwiye, wì fə chà Azwighi Ŋwan məd inga ìta fìŋ. À ya Azwighi ze ze nàʼà ika abə wə̀d ni kàrì Ŋwiye gha, “Ìmə Mbaʼ, Ìmə Mbaʼ!”

Efesùs 1:9

Ane, Ŋwiye ya fàʼ icheg ne wì ya fə chuʼri nɔ̀ŋì. Wì ya ghì tì kyèri inug mbe ne ya yaʼi inə̀mbi ne wì ya fə nɔ̀ŋì ni fàʼ anjìm Kristo.

Efesùs 3:5

Inga ineg mbe aneg, chəyi Ŋwiye ya ghi gha bəd kyeri anug azo̰. Àsi amad anìŋ, Ŋwiye fə chè anjìm Azwighi məd chwi inug mbo̰ abə ìmbi bədtɔm ìzḛzḛ bə̀ chwi abə ìmbi bədkə̀n.

Kòlosè 1:26

Ŋwiye ya fə nə̀m ìngam gho̰ abə bəd inga tikəri bəd tijìm te ne ya fə che. Àsi amad anìŋ, Ŋwiye fə gwàʼ ikən chɔm gho̰ asaŋ abə bəd Ŋwiye.

Filemɔ̀n 1:16

Ane, chəyi àghò biri ywiri niŋ aməd icheg ifeg. Àghò biri si niŋ aməd icheg wə̀d ne beri ati chè ifeg. Məd ya ìwa ifi chɔm inga Kristo. Məd bèrì àfàʼì ne tì wì wete amə. Si ya gha, mə kyèri gha məd biri bèrì àfàʼì ne tì wì wete awe chè icheg ne məd we wètè amə. Məd biri yaʼ ine icheg wə̀d àfàʼì fɔrɔ icheg ifi ne tì yaʼi ane ifɔti tì Anɔŋisəg.

Jems 1:1

À ya mo Jem, wə̀d àfàʼì Ŋwiye fɔrɔ wə̀d àfàʼì Anɔŋisəg Yeso Kristo ŋwàʼri àŋwàʼrì azo̰. Mə ŋwàʼrì anìŋ abə tinəbi te ìghum chɔ̀b ibe ne saka isiŋi ijìm, inga iben mbe ne kayi iben mə̀Ju. Mə chàʼrì awən.

Jems 2:23

Anug ne Àŋwàʼrì Ŋwiye ya gha imbə̀ʼ Abràham ya dù ane tesiʼ. Anug ze ya gha, “Abràham ya bḛ Ŋwiye, ane Ŋwiye niŋ aməd ane wə̀d ne təmi kòʼ.” Àze ya ghì Ŋwiye kàrì aməd ane ìwi ìsə̀ʼ.

1 Pità 1:11

Mbi ya bə̀ taŋ nwèndi inug mbe ne Azwighi Kristo ne ya yaʼi inga inɔb ya gha imbə̀ʼ Yeso Kristo. Azwighi Kristo ya ghà inug imbə̀ʼ icheg ne Kristo beri ni zən ngəʼ si bèrì ighumni kyen anjìm. Mbi ya bə̀ taŋ nwèndi wə̀d we ne Azwighi Ŋwiye yaya ghà inug mbo̰ imbə̀ʼ aməd fɔrɔ nyùmə̀ we ne inug mbo̰ biri dù.

2 Pità 1:1

À ya mo Sayimùn Pità, ne yaʼi wə̀d àfàʼì bə̀ yaʼ wə̀dtɔm Kristo ìwi Kristo ŋwàʼri àŋwàʼrì azo̰. Mə ya ŋwàʼrà anìŋ inən mbə̰ mbe ne ìwa Yeso Kristo ne yaʼi ìwa Ŋwiye bə̀ yaʼ Wə̀d ne pùmnə awa fə ghi mbə bèrì ibḛfiŋ chɔm kwàʼ icheg mba bə bèrì. Məd we ghìyə̀ inug ne koʼi.

Jûd 1:1

À ya mo Jud ne yaʼi wə̀d àfàʼì Yeso Kristo ne bə̀ yaʼ ifi Jem ŋwàʼri àŋwàʼrì azo̰. Mə ŋwàʼrì anìŋ abə bəd mbe ne Ŋwiye ne yaʼi Mbaʼ kɔ̀ŋi awɔb bə̀ kàri awɔb ghì mbi yaʼ bəd məd. Ŋwiye bə̀ nɔ̀ŋì awɔb ni ghɔ̀m nyùmə̀ we ne Yeso Kristo biri ywiri yeʼe.

Ɨnû 1:1

Aŋa ya inug mbe ne biri zàmbì dù ne Ŋwiye ya gha abə Yeso Kristo gha wì chwi abə ìmbi bəd àfàʼì. Yeso Kristo ya tɔm ìwi angirə̀ abə ìwi wə̀d àfàʼì ne ikum məd ya Jɔn gha wì ghiyə bəd kyeri inug mbo̰.