Jn 15:12 - Ikan feg

¹² Ikə ne mə nàʼà inən ya gha: Mbə̀ ya kɔ̀ŋɔ̀ wə̀d imɔʼ imɔʼ kwàʼ icheg ne mə bə̀ kɔ̀ŋɔ̀ awən.

Meta’

¹² “Mɨ ɨkə we nɨ mə̀ naʼ ɨ nən yɨ ni, mbə ghaʼ mbə bɔŋgɔb ɨchî nɨ mə bə̀ ghaʼ əwən.

Jn 15:12 ပူးပေါင်းရင်းမြစ်များ

Jn 13:34

Mə ya anìŋ nàʼà ikə feg inən gha, “Mbə̀ kɔŋɔ wə̀d imɔʼ imɔʼ. Icheg ne mə̀ kɔ̀ŋ awən, mbə̀ bə̀ kɔ̀ŋ mə̀mbin.

Jn 15:17

Ikə ne mə nàʼà inən ya gha: Mbə̀ ya kɔ̀ŋɔ̀ wə̀d imɔʼ imɔʼ.”

Rm 12:10

Wə̀d ijìm ya kɔ̀ŋɔ̀ ìmbi məfi fɔrɔ ìti njàbi kwàʼ icheg ne wì kɔ̀ŋi ìzi nyàmnyɔd. Wə̀d ijìm ya ghùmnə ìmbi məfi fɔrɔ ìti njàbi chè icheg ne we ghùmnə ìwi nyɔd.

Efesùs 5:2

Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

1 Tèsàlonikà 3:12

Anɔŋisəg Yeso ghiyə àkɔ̀ŋì ze ne mbə̰ mbe chwiye abə ìmbən məfi bə̀ fɔrɔ abə bəd məjìm ze sweg gwètè icheg ne àza àkɔ̀ŋì inən bə̀ sweg gwètè.

1 Tèsàlonikà 4:9

Amad anìŋ, chəyi tì ywirì bèrì ni ghàm inən imbə̀ʼ icheg ne mbə̀ beri ni ya kɔ̀ŋɔ̀ ìmbən məfi fɔrɔ ìtən njàbi. Ŋwiye zìye fə chwiti inən gha mbə̀ ya kɔ̀ŋɔ̀ ìmbən məfi fɔrɔ ìtən njàbi.

2 Tès 1:3

Ìmba məfi fɔrɔ ìta njàbi, tì bèrì ni ya nàʼà məyakà abə Ŋwiye aghəm ajìm imbə̀ʼ awən. Ze bɔ̀ŋ gha tì ghiyə ane imbə̀ʼ icheg ne ìwən ibḛfiŋ igun Ŋwiye we kwèghe ghò imbìghè bə̀ fɔrɔ imbə̀ʼ icheg ne mbə̰ mbe chè imbìghè ni ya taŋ kɔ̀ŋɔ̀ mə̀mbin.

1 Pità 1:22

Mbə̰ fə ghì ìtən fìŋ zen icheg ne mbə̰ mbe ghìyə̀ inug mbe ne yaʼi mbe tesiʼ. Mbə̀ taŋ kɔ̀ŋ ìmbən məfi fɔrɔ ìtən njàbi kwàʼ icheg chɔm. Mbə̀ ya kɔ̀ŋɔ̀ wə̀d imɔʼ imɔʼ kwàʼ inga ìtən fìŋ.

1 Pità 3:8

Ni nwḭ̀yḛ̀, mbə̀ məjìm chughi ane anug amɔʼ. Mbə̀ ya bèrè àsɔ̀mnəfiŋ igun mə̀mbin. Mbə̀ ya kɔ̀ŋɔ̀ ìwən nyɔd icheg məfi. Mbə̀ ya swìye nyɔd aseg bə̀ bèrè fìŋ chɔm igun mə̀mbin.

1 Pità 4:8

Anug kyen ne chè inug ijìm ya gha, mbə̀ ya taŋ kɔ̀ŋɔ̀ wə̀d imɔʼ imɔʼ. Àkɔ̀ŋì ya kùbrə inug tibɔ̀ŋ nɔʼ nɔʼ.

1 Jɔn 3:23

Ikə ne məd nàʼi ina ya gha: Tì ziye ibḛfiŋ inga Ŋwan məd, Yeso Kristo, bə̀ ya kɔ̀ŋɔ̀ mə̀mbin icheg ne məd gha.

1 Jɔn 4:21

Ikə ne Kristo nàʼi ina ya gha, “Wə̀d ne kɔ̀ŋi Ŋwiye, wì mənyìʼ kɔ̀ŋ ìwi ifi”.

2 Jɔn 1:5

Amad anìŋ, mə ya ŋwàʼrà anìŋ ine, àghò àyi kyen ne mə̀ taŋ kɔ̀ŋ. Kayi ikə feg ne mə ŋwàʼrà. À ya ikə ne mbi ya nàʼi ina kwàʼ ane nyùmə̀ ne tì ya bḛ Yeso Kristo. Ikə gho̰ ya gha, tì ya kɔ̀ŋɔ̀ wə̀d imɔʼ imɔʼ ne yaʼi abɔ̀ʼ ina.