Jn 15:11 - Ikan feg

¹¹ Mə fə ghà inug mbo̰ inən, ni ghì gha mbə̀ ya gyende kwàʼ icheg ne mə bə̀ gyènde. À ya ni ghì gha mbə̀ ya taŋ gyènde.

Meta’

¹¹ Mə fə gha ɨnû mbɔ̂ ɨ nən ɨmbə̀ʼ ɨghaʼi we nɨ yeʼ ɨŋga mɨ fîŋ bə̀ yeʼ ɨŋga tən fɔrɨ ni ɨghaʼi swi ɨŋga tə fîŋ.

Jn 15:11 ပူးပေါင်းရင်းမြစ်များ

Lk 15:23

Wì ya bə̀ gha, mbe niŋ azaʼ pɔ̀ŋ ze ne taŋ faŋ yèʼe zwèti mbe ghiyə iteri gyèndi.

Lk 15:32

Aton ne tì beri ni jəg gyèndi ya gha, ìwe ifi gho̰ ya ku, we ywìrì zwème. Wì ya nim, tè ywìrì bàd aməd.›”

Lk 15:5

Anyumə̀ ne wì bàri, wì biri se taŋ gyènde. Wì biri ba njə̀g ze ibo kàmbə̀ʼ ghò inuʼ nəb.

Lk 15:9

Anyumə̀ ne wì bàri, wì biri kàrì mə̀sə̀ʼ məd tì bəd iban achan mbi fete aseg. Wì biri ghà inɔb gha, ‹Mbə̀ gyendi tì inum imbə̀ʼ icheg ne mə bàd ìmə ikab we ne kə nìmi.›

Jn 16:24

Pè tèchɔ̀ŋ, chəyi mbə̀ kiri biri anug mɔ̀ʼɔ abə ìmə Mbaʼ inga ìmə ikum. Mbə̰ mə̀ bìri, wì biri fàʼ inən imbə̀ʼ igyendi sweghe inən inga fìŋ.”

Jn 16:33

Mə fə ghà inug mbo̰ inən anìŋ ni ghì gha mbə̀ chughi ane àbɔrɔ̀bɔd icheg ne mbə̀ yaʼi ane anug amɔʼ tì inum. Mbə̰ biri zə̰ ngəʼ inga isəg gho̰. Si ya gha, mbə̀ nyimbi fìŋ imbə̀ʼ icheg ne, mə fə màʼ ibid chè isəg gho̰.”

Jn 17:13

Wì ya ywìrì gha, “Amad anìŋ, mə̀ ya anìŋ se yèʼe amə abɔ̀ʼ ine. Ane, mə̀ ya ghà inug mbo̰ ne mə̀ kiri yaʼi inga isəg, ni ghì gha mbɔb ya taŋ gyènde icheg inum.

Jn 3:29

Mbaʼ igən ya wə̀d ne beri àyi igən. Àsi ìsə̀ʼ mbaʼ igən ya gyènde icheg ne wì chùghi iban se zùghə icheg ne mbaʼ igən we ghàmà. À ya icheg ne mo we bə̀ se gyènde.

Rm 15:13

Mə we chàʼrà Ŋwiye gha, Ŋwiye we ne ghìyə̀ mbə nɔ̀ŋɔ̀ ikɔndi ni ghɔ̀m inug mbe ne wì ya kàʼi, wì ghiyə mbə̀ chughi ane igyendi bə̀ chùghi ane àbɔrɔ̀bɔd icheg ne mbə̀ nɔŋi ibḛfiŋ igun məd. Wì ghiyə gha Azwighi Ŋwiye naʼa ika inən mbə chè imbìghè ni nɔ̀ŋì ikɔndi ghɔ̀m inug mbe ne Ŋwiye ya kàʼi.

2 Kɔrèn 1:24

Chəyi azo̰ chwi gha, tì ya nyə̀ŋə̀ awən gha mbə̰ mənyìʼ bḛ inug mɔ̀ʼɔ. Tì ya kə̀bə̀ ni fɔti fàʼ tì inən ni gha ìwən ibḛfiŋ təm kà. Tì mə ghì ane, mbə̰ biri ya taŋ gyènde.

Efesùs 5:18

Imbə̀ʼ mbə̰ si no awən be imbə̀ʼ icheg ne mbə̰ mə̀ no mənoʼ be, mbə biri nyi inga anug ni nɔ̀kì mə̀yi kə̀ mbaŋà abu abu. Mbə̀ saŋa yaʼ Azwighi Ŋwiye ze sweg inga inən.

Fìlipì 1:25

Mə kyèri kwàʼ tesiʼ gha, ze bɔ̀ŋ inum ni chughi izɔm imbə̀ʼ chè imbìghè ni wètì awən mbə̰ məjìm ni ghì gha ìwən ibḛfiŋ chè imbìghè ni kweg, mbə̀ bə chè imbìghè ni ya gyènde icheg ne mbə̀ bḛ Kristo.

1 Tèsàlonikà 5:16

Mbə̀ chughi ane igyendi mà nyumə̀ ijìm.

1 Pità 1:8

Mbə̰ mbe kɔ̀ŋɔ̀ aməd ka chəyi mbə̀ kiri bari aməd. Ka chəyi mbə̰ mbe bàrà aməd; mbə̰ nɔ̀ŋì ibḛfiŋ igun məd, bə̀ se taŋ gyènde ane ikuchèg ne chəyi tì wə̀d gha.

1 Jɔn 1:4

Tì ya ŋwàʼrà inug mbo̰ anìŋ ni ghì gha mba məjìm se taŋ gyènde.

2 Jɔn 1:12

Mə bèrì inug nɔʼ nɔʼ ni ghà inən, si ya gha, chəyi mə̀ kə̀bi ni zì inga àŋwàʼrì. Anug ne mə̀ kəbi ya ni yeʼe abɔ̀ʼ inən imbə̀ʼ tì ya mùghə̀ nḛ̀ tìfe. Àze biri ghì tì se taŋ gyènde.