Jn 15:10 - Ikan feg

¹⁰ Mbə̰ mə̀ ya zùgrə anug ne mə̀ ghà, mə biri chè imbìghè ni ya kɔ̀ŋɔ̀ awən. À ya icheg ne mo inum bə̀ chè imbìghè ni ya zùgrə ìmə Mbaʼ. Ane, məd bə̀ chè imbìghè ni ya kɔ̀ŋɔ̀ amə.

Meta’

¹⁰ Mbə mɨ nùŋ tum rɨkə, mə bɨrɨ ghaʼ əwən, ɨchî nɨ mə̀ fə bə nùŋ tɨkə tɨ mɨ Mbǎʼ, əne məd ə bə̀ ghaʼ əmɨ.

Jn 15:10 ပူးပေါင်းရင်းမြစ်များ

Jn 10:18

Chəyi tì wə̀d mɔ̀ʼɔ niŋ ìmə ìtḛ̀ ka. À ya mo kɔ̀ŋi ni ku. Mo bèrì ika ni ku bə̀ bèrì ika ni ywiri yaʼ izɔm. Aŋa ya àfàʼì ne ìmə Mbaʼ fə zì inga ìtum tikye ibo.”

Jn 12:49

Chəyi mə̀ ghàmà ane ìmə ighəm. Inug ijìm mbe ne mə ghà, à ya ìmə Mbaʼ we ne cha amə, gha inum gha mə gha. À ya məd bə chwìti icheg ni ghà angu inum.

Jn 14:15

Yeso ya chè imbìghè ni gha, “Mbə̰ mə̀ kɔ̀ŋ amə, mbə̰ biri zugri ìtum tikə.

Jn 14:21

Wə̀d ne zùghə ìtum tikə bə̀ nɔ̀ŋɔ̀, à ya wə̀d ne kɔ̀ŋi amə. Ìmə Mbaʼ biri kɔ̀ŋ wə̀d ne kɔŋi amə. Mo inum biri bə̀ kɔ̀ŋ tengàŋ bə̀ chwi ìmə nyɔd ibo.”

Jn 14:23

Yeso ya ywìtì gha, “Wə̀d mə kɔ̀ŋi amə, wi biri zugri ìtum tikə. Ìmə Mbaʼ biri kɔ̀ŋ aməd. Ìmə Mbaʼ tì inum, tì biri yeʼe chùghi tì məd.

Jn 14:31

Si ya gha, bəd igun isəg beri ni kyeri gha mə kɔ̀ŋ ìmə Mbaʼ, bə̀ kyèri gha mə̀ ya fàʼà məyi anug ze ne wì gha mə fàʼa. Mbə̀ yeʼe tì ko ghò awa.”

Jn 17:4

Mə fə ghì bəd ghumni awe igun isəg anjìm icheg ne mə mani àfàʼì ze ne àghò ya nàʼi inum gha mə faʼa.

Jn 4:34

Yeso ya ghà inɔb gha, “Ìtum tijəg ya ni fàʼ anug ze ne wə̀d we ne cha amə kə̀bi bə̀ màni àfàʼì ze ne wì zi inga ìtum tikye abo.

Jn 8:29

Wə̀d we ne ya cha amə we yi tì inum. Chəyi wì sàŋi mə tèzìʼì imbə̀ʼ icheg ne mə̀ ya ka fàʼà yaʼ anug ze ne bɔŋi ibo.”

Jn 8:55

Ka chəyi mbə̀ kyeri aməd, mo kyèri aməd. Mo mə̀ gha chəyi mə̀ kyeri aməd, ze biri chwi gha mə ya ghàmà inug ako icheg inən. Mə kyèri aməd. Mə we bə̀ zùgrə ìngam məd.

1 Kɔrèn 7:19

Kə̀ mbe ŋwed wə̀d kə̀ chəyi, àze kayi anug mɔ̀ʼɔ. Anug ne koʼi ya gha wə̀d ijìm ya nɔ̀ŋɔ̀ tikə Ŋwiye.

1 Tèsàlonikà 4:1

Ìmba məfi fɔrɔ ìta njàbi, ni ghò imbìghè, tì ya chwi ikuchèg inən ne mbə̀ koʼi ni chughi, ne ghìyə̀ Ŋwiye gyènde. À ya tesiʼ gha mbə̰ mbe bə̀ chùghə ane ikuchèg we. Amad anìŋ, tì ya bòʼo ibo inən ane ikum Anɔŋisəg Yeso gha mbə̀ che imbìghè ni taŋ chughi ane ikuchèg we chè icheg ne mbə̰ mbe kə̀ bè chùghə.

Mə̀Hibrù 7:26

Yeso gho̰ ya atog wə̀d igun bəd mbàn Ŋwiye ne nàʼà ighi ijìm ina. Məd ya wə̀d ne zḛ. Chəyi wì gùghi anug. Chəyi məd abɔ̀ʼ bəd inug tibɔ̀ŋ. Ŋwiye fə bə̀ nɔ̀ aməd nàʼ ati ighumni ibo ne chè iti ijìm ikaŋ àbɔ̀ŋɔ.

2 Pità 2:21

Ze ya bì bɔ̀ŋ gha nji chəyi mbɔb ya bì kyèri icheg ne wə̀d beri ni təm kòʼ, sɔ̀m ni kyeri ywìrì ton ni nɔ̀ŋì mə̀nɔ̀ʼɔ̀ ìzḛzḛ mbe ne mbi ya nàʼi inɔb.

1 Jɔn 2:3

Tì mə ya zùgrə tikə Ŋwiye, nji ze biri chwi gha tè kyèri aməd.

1 Jɔn 2:5

Wə̀d ne zùgrə Ìngam Ŋwiye ya wə̀d ne kɔ̀ŋi Ŋwiye mànì. Anìŋ ya icheg ne tè kyère gha tì we ane ifɔti tì Ŋwiye.

1 Jɔn 2:6

Wə̀d mɔ̀ʼɔ mə̀ gha zìye we ane anug amɔʼ tì Ŋwiye, məd bèrì ni yèn igun ibɔʼì ighog ìmbi Yeso Kristo.

1 Jɔn 5:3

Ni kɔ̀ŋ Ŋwiye ya ni nɔ̀ŋì tikə məd. Chəyi tikə məd ka ina ni nɔ̀ŋì.

Ɨnû 22:14

Ŋwiye zì àbɔrɔ̀bɔd igun bəd mbe ne fə so ìtɔb ndwi ti zen. Ane, mbɔb fə kòʼ ni chè inuʼ ikam nyi inga ikye aben we, jəg titam ane azed ze ne nàʼà ìtḛ̀.